Morgunblaðið - 27.07.1979, Page 12

12
MORGUNBLAÐIÐ, FÖSTUDAGUR 27. JÚLÍ 1979
Réttarhöld yfir norskum
hrefnuveiðimönnum á ísafirði
IsafirAi 26. júlf
LAUST íyrir kl. 23 í fyrrakvöld
var haft samband við bæjar-
fógetaembættið á ísafirði og bent
á, að norskur hrefnubátur er
kom til hafnar á ísafirði þá um
kvöldið væri með hrefnukjöt á
dekki. Töldu fróðir menn að kjöt
þetta væri það nýlegt að ólfklegt
væri að hrefnurnar hefðu verið
skotnar utan íslenzkrar land-
helgi. Guðmundur Sigurjónsson
fulltrúi bæjarfógeta fór um borð
ásamt lögreglumönnum og
toljverði.
Á grundvelli viðræðna við skip-
stjórann og könnun aðstæðna um
borð þótti rétt að hefja formlega
rannsókn vegna máls þessa. Fór
hún fram í beinu framhaldi af
þessu og stóðu réttarhöld til kl. 5
næsta morgun. Dómkvaddir voru
tveir menn til að láta í ljós álit sitt
á aldri kjötsins á dekkinu. í
Köflóttar skyrtur Pylotskyrtur
margar geröir og litir. Margir litir.
★★★★★★★★★★★★★★★★★★★★★★★
W*
stuttbuxur/
skyrtur.
Skyrtumarkaður
3.900.
Tilboðsverð kr.
Austurstræti 10
gærmorgun var svo ákveðið að
höfðu samráði við rannsóknarlög-
reglu ríkisins og á grundvelli
rannsóknarinnar að hætta frekari
rannsókn.
Skipstjóri bátsins bar fyrir
rétti, að hrefnur þær, sem á dekki
væru, hefðu verið skotnar fyrir
þremur sólarhringum í hafinu
milli Noregs og íslands. Báturinn
var á leið til Grænlands til
hrefnuveiða en kom við á Isafirði
til að taka skipverja.
Að áliti dómkvöddu mannanna
var kjötið á dekkinu af þremur
hrefnum á dekkinu ekki eldra en
20 tíma gamalt.
Úlfar.
Óvenju mikið
umselí
Breiðafirði
UNDANFARNA daga hafa menn
hér veitt því athygli, að óvenju
mikið er um sel hér úti af Stykkis-
hólmi við eyjar skammt undan
landi. Ef tillit er tekið til þess, að
fiskveiði hefur minnkað hér eru
menn að gera því skóna, að sel fari
nú fjölgandi hér um slóðir og sé nú
ekki vanþörf á að fiskifræðingar
fari að athuga þetta nánar með
það í huga hversu mikið selurinn
étur af fiski sem er að vaxa upp.
Þá er því ekki að leyna að svart-
fugl og annar fugl er mikið í
ungfiskunum og hlýtur þetta að
hafa áhrif á viðkomu fisksins og
miðað við ástand fiskstofnana
eins og þeir eru í dag hlýtur að
vera brýnt mál að réttir aðilar
bregði við og athugi sem fyrst
þessi mál svo komist verði að
réttri niðurstöðu.
Fréttaritari
Miklibær:
Þórsteinn Ragnars-
son kjörinn lög-
mætri kosningu
SUNNUDAGINN 22. júlí sl. fór
fram prestskosning í Miklabæj-
arprestakalli í Skagafjarðarpróf-
astsdæmi. Umsækjandi var einn,
sr. Þórsteinn Ragnarsson, settur
prestur að Miklabæ.
Atkvæði voru í gær talin á
skrifstofu biskups. Voru á
kjörskrá 212, 151 kaus og hlaut
umsækjandinn 146 atkvæði. Auðir
seðlar voru 5 og var kosningin
lögmæt.
Þórsteinn Ragnarsson lauk guð-
fræðiprófi frá Háskóla íslands
haustið 1978 og var í október sama
ár settur prestur að Miklabæ. Er
hann sonur hjónaiina Herdísar
Helgadóttur og sr. Ragnars Fjal-
ars Lárussonar. Kona hans er
Elsa Guðmundsdóttir og eiga þau
tvær dætur.
BG flokkurinn legg-
ur land undir fót
ísafirdi 27. júlf
BC-FLOKKURINN á ísafirði er
að því leyti ólíkur öðrum
flokkum að hann þekkir ekki
gengisfall og semur lög sem
fólkið sækist eftir að fara eftir.
Líklega á flokkurinn gengi sínu
því að þakka að hann leggur
fyrir sig músík en ekki stjórn-
mál. Ástæðan fyrir því að fólkið
vill fara eftir þeirra lögum er
einfaldlega sú, að flokksmennirn-
ir leggja fyrir sig dansmúsík
frekar en hljómleikamúsik og
skammast sín ekkert fyrir það.
Enda ekkert pælt í að reyna
landvinninga í vesturveg eins og
margir frábærir í „bransanum"
að sögn þeirra flokksbræðra.
Stafirnir BG standa ekki fyrir
„framsókn og komma“ eins og fólk
gæti haldið, heldur eru það
upphafsstafir foringjans Baidurs
Geirmundssonar, en hann hefur
verið með danshljómsveitir að
mestu samfleytt í 20 ár ásamt
Karli bróður sínum.
Aðrir í hljómsveitinni nú eru:
Rúnar Vilbergsson trommur,
Samúel Einarsson, bassi, Óíafur
Guðmundsson, gítar og söngur, og
Svanfríður Arnórsdóttir, söngur.
Hljómsveitin ferðast um landið
í sumar, hefur leikið bæði norðan-
lands og vestan. Nú um helgina
verða þau með þrjá dansleiki. í
Stykkishólmi á föstudag, Húna-
veri á laugardag og Hreðavatni á
sunnudag. Um verzlunarmanna-
helgina verða þau í Hnífsdal, þar
sem þau gera ráð fyrir miklum
fjölda ferðamanna á tjaldstæðum
ísfirðinga í Tunguskógi. Eins og
áður sagði þekkja þeir ekki
gengisfall og er svo tíl alltaf fullt
hús þar sem þeir leika. Og það
verða sko enginn bráðabirgðalög
hjá BG-flokknum í sumar.
Úlfar.
Ljósmynd: Jón Páll AnKeirsson.
Norðmenn kanna Rússana
Norsk stjórnvöld láta fylgjast náið ekki síður en íslendingar með
ferðum sovézks fiskiskipaflota á miðunum milli íslands og Jan Mayen,
en þessi mynd sýnir norska gæzluflugvél fljúga yfir varðskipið Tý á
200 mílna mörkunum ANA af Langanesi í siðustu viku. en á þeim
slóðum hafa Rússarnir aðallega haldið sig. Landhelgisgæzlan flaug
ekki yfir veiðisvæðið í gær.