Morgunblaðið - 19.12.1979, Blaðsíða 21
MORGUNBLAÐIÐ, MIÐVIKUDAGUR 19. DESEMBER 1979
21
Pólýfónkórinn i Háskólabiói.
Hátíðatónleikar Polýfónkórsins
og hljómsveitar í Háskólabíói
Pólýfónkórinn og kammer-
hljómsveit flytja verk eftir J.S.
Bach, Corelli og G.F. Hándel á
hátiöartónleikum i Háskólabiói,
29. og 30. desember n.k. Stjórn-
andi er Ingólfur Guðbrandsson
en konsertmeistari er Rut Ing-
ólfsdóttir. Einsöngvarar með
kórnum eru Sigrún Gestsdóttir,
Elisabet Erlingsdóttir, Eiíza-
beth Stokes, Jón Þorsteinsson og
Hjálmar Kjartansson.
A blaðamannafundi sem stjórn
og stjórnandi Pólýfónkórsins
héldu kom það fram að margir
íslenskir hljóðfæraleikarar sem
annaðhvort eru við nám eða
búsettir erlendis koma til lands-
ins fyrir tilstilli kórsins og taka
þátt í tónleikunum. Kvað Ingólf-
ur það vera uggvænlega þróun að
margt okkar besta tónlistarfólk
flyttist til annarra landa vegna
þess að ekki væri nógu vel búið að
því hér á landi. Sagði hann það
vera gleðiefni fyrir sig að geta
stuðlað að meiri tengslum þess
við ísland.
Kostnaður við tónleikana er
um 7—8 milljónir og stór hluti
hans er ferðakostnaður og laun
einsöngvara og hljóðfæraleikara.
Einn erlendur einsöngvari tekur
þátt í hátíðartónleikunum,
breska söngkonan Elizabeth
Stokes. Hún er aðeins 27 ára og
er ein af fremstu söngkonum
Breta og hefur sungið með
stærstu kórum og hljómsveitum
heims og unnið til fjölda verð-
launa.
Þess má geta að eitt af verkun-
um sem kórinn flytur á hátíðar-
tónleikunum, Magnificat eftir
Bach, er til á hljómplötu í
flutningi kórsins. Þá hefur kór-
inn einnig sungið Messías eftir
Hándel inn á hljómplötur en
kórinn flytur hluta úr því verki á
tónleikunum.
Hér fer á eftir fréttatilkynning
frá Pólýfónkórnum um tónleik-
ana.
„Mörgum finnst nóg um glingr-
ið og auglýsingaflóðið kringum
jólahátíðina. Það er því ánægju-
efni að bera eitthvað á borð, sem
órjúfanlega er tengt jólunum,
helgi þeirra og hefð.
Hljómleikar Pólýfónkórsins
eru í vitund margra orðinn fastur
og ómissandi þáttur helgihalds-
ins á stórhátíðum. Og ekki lætur
kórinn sitt eftir liggja um þessi
jól, því að i undirbúningi eru
stórglæsilegir tónleikar með há-
tíðatónlist í flutningi Pólýfón-
Stjórn og stjórnandi Pólýfónkórsins. Talið frá vinstri: Guðmundur Guðbrandsson gjaldkeri, Friðrik
Eiriksson formaður, Kolfinna Sigurvinsdóttir, Bjarni Bragi Jónsson, Ingólfur Guðbrandsson stjórnandi og
Ásbjörg ívarsdóttir ritari. Ljósm. Kristinn.
kórsins, 35 manna hljómsveitar
og fjögurra einsöngvara undir
stjórn Ingólfs Guðbrandssonar,
sem haldnir verða í Háskólabíói
29. og 30. desember.
Pólýfónkórinn starfar nú aftur
af fullum krafti og hefur að
undanförnu æft eina af perlum
tónbókmenntanna, Magnificat
J.S.Bachs og þætti úr . Messíasi"
Hándels. Auk söngstj. : ans hafa
söngkonurnar Sigrún : íestsdótt-
ir, Elísabét Erlingsdói og Guð-
rún S. Friðbjarnardótt unnið að
þjálfun kórsins frá þ í haust.
Kóririr. skipa nú um - manns
og hafa kórnum bæt margar
nýjar raddir á þessu síðasta ári.
Eins og kunnugt er,: ru margir
efnilegustu hljoðfæraleikarar
þjóðarinnar búsettir erlendis,
ýmist við framhaldsnám eða
störf. Fyrir tilstilli Pólýfónkórs-
ins koma þeir nú margir til
landsins til að halda jól á Islandi
og taka þátt í hátíðahljómleikum
kórsins. Hér er því um einstakt
tækifæri að ræða, að heyra frá-
bæra kammerhljómsveit, skipaða
bestu hljóðfæraleikurum, sem við
egium völ á úr röðum yngri
kynslóðarinnar. Á efnisskrá há-
tíðatónleikanna eru tvö fræg
hljómsveitarverk, concerto
grosso fyrir strengjasveit, hinn
svonefndi Jólakonsert" eftir Cor-
elli og 4. hljómsveitarsvítan eftir
J.S.Bach, sem ekki er vitað til að
hafi verið flutt hér áður. Auk
félaga úr Kammersveit Reykja-
víkur og Sinfóníuhljómsveitinni
koma hljóðfæraleikarar frá
Kanada, Bandaríkjunum, Eng-
landi og Þýzkalandi til þátttöku í
hljómleikunum. Einsöngvarar
verða Sigrún Gestsdóttir og
Elisabet Erlingsdóttir, sópran,
Hjálmar Kjartansson, bassi, Jón
Þorsteinsson, tenór, sem kemur
frá Italíu, þar sem hann dvelst nú
við framhaldsnám, en frá Bret-
landi kemur ein frægasta
söngstjarna ungu kynslóðarinn-
ar, Elízabeth Stokes, mezzosópr-
an, sem undanfarið hefur unnið
til fjölda verðlauna og komið
fram í stórverkum með frægustu
hljómsveitum Bretlands.
Pólýfónkórinn berst enn í
bökkum fjárhagslega, og er
hljómleikahaldið einvörðungu á
fjárhagsábyrgð kórsins og stjórn-
anda hans, en vonast er eftir
einhverju fjárframlagi frá vel-
unnurum kórsins eins og oft áður.
Aðgöngumiðaverði er því mjög
í hóf stillt og ekki hærra en á
venjulegum popptónleikum — að-
eins kr. 5.000. Þeir sem kaupa
aðgöngumiða til jólagjafa fá auk
þess gullfallegt jólakort í kaup-
bæti. Sala aðgöngumiða er hafin
hjá Ferðaskrifstofunni Útsýn,
BÓkaverzlun Sigf. Eymundssonar
og Hljóðfærahúsi Reykjavíkur,
og er eftirspurn mikil."
HLJÓMDEILD
) John Williams
Gítarsnillingurinn John Williams er íslendingum aö góöu kunnur
því hann hefur tvisvar leikiö hér á landi. John er meöal bestu
klassísku gítarleikara heims, hvort sem hann leikur verk gömlu
meistaranna, fallegar jazzballööur eöa sannar perlur dægur-
tónlistarinnar.
Á hljómplötunni Bridges koma túlkunarhæfileikar John Williams vel fram þegar hann
leikur jöfnum höndum verk J.S. Bach, Bítlanna, Joni Mitchell og þaö sem hæst ber,
hiö fallega lag Cavantina úr kvikmyndinni „Dear Hunter.“ Cavantina er jafnframt
kynningarlag „Helgistundarinnar" í sjónvarpinu.
Bridges er hugljúf plata sem gefur mjög góöa mynd af John Williams.
KARNABÆR
Laugavegi 66 — Glæsibæ — Austurstræti 22—-
Heildsöludreifing
steÍAor h#
símar 85742 — 85055