Morgunblaðið - 18.07.1980, Blaðsíða 15
MORGUNBLAÐIÐ, FÖSTUDAGUR 18. JÚLÍ1980
15
Veður
Akureyri 11 þokumóóa
Amsterdam 19 skýjaó
Aþena 37 heiðskirt
Barcelona 22 léttskýjað
Berlín 16 skýjað
BrUssel 20 heiðskírt
Chicago 33 heiöskírt
Feneyjar 21 léttskýjað
Frankfurt 17 rigning
Færeyjar 10 alskýjað
Genf 19 heiðskírt
Helsinki 20 skýjað
Jerúsalem 29 heiðskírt
Jóhannesarborg 15 heióskírt Kaupmannahöfn 17 rigning
Las Palmas 23 léttskýjað
Lissabon 26 heiðskfrt
London 20 skýjað
Los Angeles 32 heiðskírt
Madríd 26 heiöskírt
Malaga 25 hélfskýjað
Mallorca 24 hélfskýjað
Miamí 32 rigning
Moskva 22 skýjað
New York 36 heiðskírt
Ósló 19 skýjað
París 20 skýjað
Reykjavík 13 þokumóða
Rio de Janeiro 23 skýjað
Rómaborg 30 skýjað
San Francisco 17 heiðskírt
Stokkhólmur 19 rigning
Tel Aviv 29 heiðskírt
Tókýó 24 skýjaö
Vancouver 20 skýjað
Vínarborg 19 rigning
Mondale í
V-Afríku
Dakar. 17. júlí. AP.
WALTER Mondale, varaforseti
Bandaríkjanna. kom i dag til
Dakar i tveggja daga heimsókn
og mun ræða við Leopold Seng-
hor, forseta Senegal, og aðstoð-
armenn hans.
Senegal er fyrsti viðkomustað-
urinn á vikulöngu ferðalagi Mon-
dales til Vestur-Afríku. Hann
verður fulltrúi Jimmy Carters
forseta í formlegum viðræðum við
ríkisstjórn Nígeríu um samskipti
landanna. Mondale fer einnig til
Níger og Grænhöfðaeyja.
163 fórust með
sovézkri þotu
Moskvu. 17. júlí. AP.
163 TÝNDU lífi þegar TU-154
farþegaþota sovézka flugfélags-
ins Aeroflot fórst nálægt Alma
Ata i Kazakstan 7. júlí sam-
kvæmt vestrænum heimildum i
dag.
Óljósar fréttir bárust af slys-
inu á mánudaginn þegar blaðið
Kazakhstanskaya Pravda, sem
sagði frá því, kom til Moskvu.
Blaðið gat þess ekki hve margir
hefðu farizt eða hverrar teg-
undar flugvélin væri.
Þetta mun vera eitt mesta
ílugslys í sögu Sovétríkjanna, en
ekki er vitað um metið með vissu,
þar sem sovézk yfirvöld staðfesta
sjaldan að flugslys hafi átt sér
stað, hvað þá hve margir fórust.
Það var mjög óvenjulegt að blaðið
í Kazakhstan sagði frá flugslys-
inu.
Flugvélin var á leið frá Alma
Ata, höfuðborg Kazakhstan, til
borgarinnar Simferopol á Krím.
Flugvélin tekur 167 farþega.
Síðasta meiriháttar flugslysið í
Sovétríkjunum varð í ágúst í fyrra
þegar tvær TU-134 farþegaþotur
Aeroflot rákust á yfir Úkraínu og
173 biðu bana að sögn yfirvalda
þá.
Verkfallinu á
norska olíu-
svæðinu lokið
Frá Jan Erik Lauré, fréttaritara
Mbl. í Ósló, 17. júli.
VERKFALLIÐ á norska olíusvæð-
inu í Norðursjó tekur enda á
föstudag, en norska stjórnin hef-
ur lagt bann við áframhaldandi
verkfallsaðgerðum þar. Verka-
menn á vinnslusvæðinu í Stats-
fjord og á Friggsvæðinu hófu
strax vinnu á miðnætti eftir að
tilkynnt hafði verið um bannið,
en oliu- og gasvinnsla þar hefur
legið niðri i tæpar tvær vikur.
Vinnustöðvun verkamanna á
hreyfanlegum borpöllum mun þó
halda áfram enn um sinn.
Verkamenn á Ekofisksvæðinu
ætla ekki að hefja störf á ný fyrr
en á föstudag, þegar bannið tekur
gildi. Deilur þar hafa verið mjög
hatrammar. Verkamenn hafa sak-
að verktakana um að hafa reynt að
flytja að annað vinnuafl, sem
verkfallið nær ekki til, og brjóta
þar með vinnulöggjöf.
Eftir að bannið tekur gildi, verða
verkfallsaðgerðir ólöglegar og
verður verkamönnunum það gert
að greiða tapið, sem verktakar
þeirra yrðu fyrir, ef þeir héldu
áfram í verkfalli.
Tap verktakanna á vinnslusvæð-
unum þremur nemur nú tveim
milljörðum norskra króna og
norska ríkið hefur tapað 1,5 millj-
arði vegna minni skattatekna.
Verkfallið, sem náði til 2000 verka-
manna, er nú þegar orðið það
dýrasta í sögu Noregs.
Ljóst var, að hefði verkfallið
varað lengur, hefði orðið að senda
1000 verkamenn , sem ekki voru í
verkfalli, í launalaust frí. Einnig
lék vafi á því að fyllsta öryggis
væri gætt á pöllunum meðan á
verkfallinu stóð.
Verkfallsbannið náði ekki til
þeirra 2000 meðlima sjómanna-
sambandsins, sem eru í verkfalli á
hreyfanlegum borpöllum og birgð-
askipum enda eru efnahagslegar
afleiðingar þess ekki svipaðar.
Vegna verkfallsins mun þó hver
borpallur aðeins bora eina
tilraunaholu undan Norður-Nor-
egi, í stað tveggja eins og áætlað
hafði verið.
Viðvörun frá Rússum
— vel tekið í Evrópu
TILNEFNING Ronalds Reagan og Georges Bush fékk misjafnar viðtökur í
Evrópu í Kær. Tilnefningin, sem varð tilefni viðvörunar frá Rússum við
hernaðarlegri ævintýrastefnu, fékk innilegt hrós í franska blaðinu „Le Monde“
og undirt.ektirnar voru allt þar í milli.
Sovézka fréttastofan Tass
sagði að Reagan stæði með vörn
fyrir hagsmuni stórfyrirtækja
heima fyrir og væri fylgjandi
árásargjarnri ævintýrastefnu í
utanríkismálum. Fréttastofan
varaði við því að hvers konar
tilraun til að ná hernaðarlegum
yfirburðum yfir Sovétríkjunum
væri „dæmd til að mistakast."
Kínverska fréttastofan sagði
að Reagan væri kunnur í Kína
sem hægrisinnaður repúblikani
og sagði að hann vildi vernda
„olíuvini" Bandarikjanna á Tai-
wan. Fréttastofan kvað tilnefn-
ingu Reagans lýsa stefnubreyt-
ingu hjá repúblikönum „með
hliðsjón af gífurlegum erfiðleik-
um í efnahagsmálum landsins
og í stefnu landsins út á við.“
Pólska fréttastofan sagði að
með öfgafullri íhaldsstefnu
Reagans væri reynt að ná
bandariskum yfirráðum yfir
heiminum með hervaldi, hvorki
meira né minna. Júgóslavneska
fréttastofan Tanjug sagði að
Reagan vildi færa Bandaríkin 25
ár aftur í tímann til köldustu
ára kalda stríðsins. Fréttastof-
an kvað stuðningsmenn Reag-
ans vilja „algert einstaklings-
frelsi", meðal annars auka leyfi-
legan hámarksakstur, gera fólki
auðvelt að eignast skotvopn,
stórlækka skatta og veita auð-
magni forréttindi.
Reagan fær vinsamlegri við-
tökur á Vesturlöndum. „Le
Monde" sagði að þótt Reagan
væri að nálgast sjötugt yngdi
hann upp flokk repúblikana.
Hann hefði varað sig á því að
lokast aftur í hugmyndafræði
fortíðarinnar eins og Barry
Goldwater. Skoðanir Reagans
og mikils hluta þjóðarinnar
virtust fara saman. Almenning-
ur sé orðinn leiður á vangavelt-
um Henry Kissingers og mistök-
um Jimmy Carters.
Fólk sem rætt var við á Ítalíu
var á móti Bush. Einn sagðist
heldur hafa kosið Kissinger
vegna reynslu hans í utanrík-
ismálum. Annar efaðist um að
Bush gæti tryggt Reagan aukið
fyigi-
En svissneska blaðið Tribuna
kvað það rétta ákvörðun að
hafna kröfum Gerald Fords. Ef
Reagan hefði valið fyrrverandi
forseta hefði hann farið leið sem
aldrei hefði verið farin í sögu
Bandaríkjanna. Aðeins einn
maður gæti verið forseti.
Aldur Reagans og fremur lítil
reynsla var ýmsum áhyggjuefni.
Financial Times sagði að mörg-
um þætti uggvænlegt að harður
hægrimaður flyttist í Hvíta
húsið, einkum þar sem hug-
myndir Reagans virtust ein-
feldningslegar, jafnvel hættu-
lega einfaldar. En „Het Parool"
í Amsterdam kallaði Reagan
eindreginn ættjarðarvin sem
tryði á forystuhlutverk Banda-
ríkjanna í heiminum.
Blað spánskra konungssinna,
„ABC“ ságði að mikilvægasta
spurningin væri sú hvort Reag-
an tilheyrði fortíðinni, eða hvort
hann hefði eitthvað nýtt fram
að færa. Bonn-stjórnin vildi
ekkert láta hafa eftir sér þar
sem slíkt jafngilti afskiptum af
innanríkismálum.
Tvöfaldur Gombi
Nýjung frá Kóróna. Tweedjakki,
flannelsbuxur og vesti sem snúa má viö
(tweed og flannel).
Bankastræti 7 Aöalstræti 4