Morgunblaðið - 12.09.1980, Blaðsíða 18

18
MORGUNBLAÐIÐ, FÖSTUDAGUR 12. SEPTEMBER 1980
Loðnuaflinn um
11 þúsund tonn
ÁGÆT loðnuveiði var á þriðju-
dan <»v? aðfaranótt miðvikudags
og hofðu 16 skip fengið afla
siðdejfis í Ba-r frá upphafi loðnu-
vertíðar, alls um 11.000 lestir.
Flest skipin hafa farið til SíkIu-
fjarðar ob Raufarhafnar, en
einnijf til Krossaness og Bolung-
arvíkur. Á þessum stöðum er að
verða fullt, þanniff að líklevft er
að í vikunni verði einniff landað á
Seyðisfirði o)f óðrum Austfjarða-
höfnum. Ágætt veður hefur verið
á miðunum 80 — 90 milur úti af
Scoresbysundi. en þangað er um
sólarhrinKssifflinK frá Raufar-
höfn.
Stöðug löndun hefur verið á
Siglufirði og samkvæmt upplýs-
ingum fréttaritara Mbl. þar var
fituinnihald loðnunnar, sem Sæ-
björg landaði á Siglufirði og
ísafold á Neskaupstað, 18—19%.
Verksmiðjan á Siglufirði hóf
vinnslu á miðvikudagsmorgun og
afkastar yfir þúsund tonnum á
sólarhring þegar bezt gengur. Að-
faranótt miðvikudags höfðu menn
spurnir af loðnulóðningum við
Kolbeinsey, en loðnan mun hafa
verið dreifð á stóru svæði.
Eftirtalin skip tilkynntu Loðnu-
nefnd afla á miðvikudag og síð-
degis á miðvikudag, en hins vegar
hafði ekkert skip tilkynnt afla í
gær þegar Mbl. hafði síðast spurn-
ir af.
Þriðjudagur: Gísli Árni 640,
Náttfari 500, Hilmir II 550, Jón
Finnsson 600. Samtals tilkynntu 6
skip 3400 tonn á þriðjudag.
Miðvikudagur: Hákon 800,
Harpa 620, Helga Guðmundsdóttir
750, Fífill 580, Kap II 630, Svanur
600, Keflvíkingur 520, Grindvík-
ingur 1150, Albert 600, Gígja 730,
Skírnir 430. Alls 11 skip með um
7.410 lestir.
Flugfreyjur og flug-
menn í hlutastörf til
að fækka uppsögnum?
EINN AF þeim möguleikum, sem
til umræðu er hjá Flugleiðum
þessa dagana, er að bj<)ða flug-
mönnum og flugfreyjum breytt-
an vinnutíma í vetur. Hugmynd-
in er sú að hver einstakur vinni
helmingi til þriðjungi minna
þann tíma, sem minnst er fð gera
hjá fyrirtækinu. en næsta vor
yrði síðan um ráðningu í fullt
starf að ræða.
Varðandi flugfreyjur yrði með
þessu móti hægt að ráða 90
flugfreyjur í vetur, en ekki um 60
eins og rætt hefur verið um.
Varðandi flugmenn er ekki reikn-
að með eins miklum samdrætti í
störfum, en það fer þó eftir þeim
verkefnum, sem Flugleiðir fá í
vetur.
Morgunblaðið bar þetta undir
Svein Sæmundsson, blaðafulltrúa
Flugleiða, og sagði hann, að
ákveðnar hugmyndir væru til um-
ræðu og þetta væri ein af þeim.
Sveinn vildi ekki ræða frekar um
þetta mál.
Verkamannafélagið Eining, Akureyri:
Misrétti í lífeyr-
ismálum laun-
þega verði eytt
VERKALÝÐSFÉLAGIÐ Eining
á Akureyri hefur sent frá sér
ályktun. þar sem allt launafólk
innan ASÍ er hvatt til þess að
standa saman og sameinast í
baráttunni um að afnumið verði
það misrétti, sem er í lífeyrismál-
um og nú virðist eiga að viðhalda
og auka. Ályktun Einingar er
svohljóðandi:
„Almennur félagsfundur Verka-
lýðsfélagsins Einingar haldinn 7.
september 1980 telur að það eigi
að vera ófrávíkjanleg krafa launa-
fólks innan ASÍ að til samninga
verði nú þegar gengið án tafar, til
jafns við það sem gert hefur verið
við launafólk innan BSRB og þar á
að gilda jafnt um kaup sem
félagsleg réttindi.
Verkalýðsfélagið Eining heitir
því á allt launafólk innan ASÍ að
standa saman og sameinast í
baráttunni til að nú verði afnumið
það misrétti sem átt hefur sér
stað og nú virðist eiga að viðhalda
og auka.
Fólkið í framleiðslustéttunum,
sem öll afkoma þjóðarinnar bygg-
ist á, getur ekki þolað það öllu
lengur að það sé stimplað sem 2.
eða 3. flokks fólk og njóti ekki
sömu mannréttinda og meðlimir
BSRB.
Því skorar Verkalýðsfélagið
Eining á ríkisstjórnina að ganga
nú þegar inn í samningaviðræð-
urnar og hlutast til um að samn-
ingar ASÍ verði ekki lakari en
samningar BSRB.
Einnig minnir VerkaJýðsfélagið
Eining ríkisstjórnina á tillögur
ASI til ríkisvaldsins í skattamál-
um, ef þeim hefði verið svarað
jákvætt hefði það leyst betur
vandamál láglaunafólksins og
komið betur að gagni en varðlaus-
ar krónur sem teknar eru aftur
með gengisfellingu og gengissigi,
eins og gert hefur verið á þessu ári
og magnað hefur verðbólgu meir
en nokkru sinni fyrr.
Við viljum fyrst og fremst
aukinn kaupmátt, en hann kemur
aðeins með minnkandi verðbólgu."
Þá hefur Morgunblaðinu einnig
borizt eftirfarandi tillaga frá Ein-
ingu:
„Almennur félagsfundur Verka-
lýðsfélagsins Einingar haldinn 7.
september 1980 samþykkir að
veita trúnaðarmannaráði félags-
ins heimild til að boða vinnustöðv-
un til að ýta á eftir gerð nýrra
kjarasamninga, enda verði haft
fullt samráð við aðalsamr.inga-
nefnd Alþýðusambands íslands,
um það hvenær vinnustöðvun
verði látin koma til framkvæmda
og til hvaða vinnustöðvana verði
boðað."
Ljósm. Mbl. J.E.
„Blautum busa
er bágt að liía"
„í VATNI fúlu vizka býr — Þá
vitund enginn busi flýr — En
fullum gúl af froðu spýr — Það
fól er heim úr busli snýr.“ Þetta
eru einkunnarorð busavigslu
nemenda Menntaskólans við
Sund. í byrjun hvers skólaárs
eru nýnemar skólans teknir i
tölu hinna eldri með eins konar
skírn, þar sem ýmiss konar
vökvi er fundinn til, svo sem
mysa, sjór og vatn með ýmsu
meðlæti, þara, fiskhræjum og
fleira tilheyrandi og nýnemun-
um dýft i.
Einn viðmælandi blm. Morg-
unblaðsins sagði að ekki væri
með öllu laust við þá hugsun að
þarna séu eldri nemendur að
rifja upp þá tíð er þeir voru
sjálfir busaðir og séu einnig að
fá útrás fyrir þær hvatir sem
eldri bekkingar héldu þá í skefj-
um á sama hátt og þeir gerðu nú.
Að loknu busli var hinum
vígðu gefið heitt kakó með salti.
Um þann lið dagskrárinnar sá
„Rauða kross-deild“ MS. Alls
munu um 250 busar hafa verið
vígðir að þessu sinni.
Slökun
gegn streitu
SUNNUDAGINN 14. þessa
mánaðar kynnir Geir Viðar
Vilhjálmsson, sálfræðingur efn-
ið „Slökun gegn streitu“ með
fyrirlestri og æfingu frá kl. 15
til 18. Kynning þessi er liður í
undirbúning kennslu á haust-
misseri hjá Rannsóknarstofnun
vitundarinnar og fer fram í
Norræna Húsinu. Fjallað verð-
ur um líkamlegar, tilfinninga-
legar og hugarlegar hliðar á
slökun og fólki gefinn kostur á
að kynnast byrjunaræfingum
til slökunar og eflingar lífsork-
unnar. Þátttaka í slíkri kynn-
ingu er forsenda.þess að komast
í námskeið stofnunarinnar um
Ráð gegn streitu, sem haldin
verða í haust.
Slökun hugans fylgir oft djúp
innri kyrrð og friðsæld.
(Fréttatilkynning frá Rann-
sóknarstofnun vitundarinnar)
• •
Okumaður
beðinn að
gefa sig
fram
UM MIÐNÆTTI í fyrrinótt ók
bifreið aftan á reiðhjól á Löngu-
hlíð. Kona var á hjólinu og féll
hún í götuna. Hún taldi sig vera
ómeidda, en síðar kom í ljós að
hún var lítils háttar meidd. Konan
ræddi við bifreiðarstjórann en
láðist að taka niður nafn og númer
bifreiðarinnar og veit það eitt um
bifreiðina að hún var hvít fólks-
bifreið. Bifreiðarstjórinn svo og
vitni eru beðin að gefa sig fram
við slysarannsóknadeild lögregl-
unnar. Vitað var um leigubifreið á
svipuðum slóðum og er bílstjóri
hennar beðinn að hafa samband
við lögregluna.