Morgunblaðið - 09.12.1980, Blaðsíða 2

2
MORGUNBLAÐIÐ, ÞRIÐJUDAGUR 9. DESEMBER 1980
Barentshafið:
Selurinn miklu afkasta-
meiri en norskir sjómenn
ÞAÐ ER víðar en á íslandi. sem
selurinn veldur sjómönnum
áhyggjum, en sem kunnugt var
lagt til á nýafstöðnu Fiskiþingi,
að selveiðar verði auknar. Norsk-
ir sjómenn hafa fylgst með því
undanfarin ár hversu mjög sel
hefur fjölgað í Barentshafi og
Hvítahafi.
Nú er talið að á þessum slóðum
séu 800 þúsund selir og þeim fjölgi
um 5% á ári. Talið er að selurinn
éti um eina milljón tonna af fiski
á ári, en til samanburðar má
nefna, að norskir sjómenn hafa
leyfi til að veiða 217 þúsund tonn
af þorski og ýsu í Barentshafi á
næsta ári.
Leyft hefur verið að veiða 50
þúsund seli þarna árlega, en nú
leggja vísindamenn til að veiðarn-
ar verði auknar. Óttast þeir að
hinn mikli vöxtur selastofnsins
kunni að raska lífkeðjunni.
Heybruni að Balaskarði
SNEMMA á sunnudagsmorgun-
inn varð þess vart að eldur var
laus í hlöðu að bænum Balaskarði
í Vindhælishreppi í Húnavatns-
sýslu.
Vindátt var hagstæð svo að
tókst að verja áfast fjárhús og
bjarga fé og hestum sem inni voru.
Hins vegar brann hlaðan og allt
hey sem í henni var, um 900
hestburðir, er ónýtt talið. Fólk
dreif að frá næstu bæjum og var
heyinu mokað út úr hlöðunni í gær
og í fyrradag.
Að Baiaskarði býr ekkjan Signý
Benediktsdóttir ásamt tveimur
dætrum sínum. Var mest allt hey
búsins í hlöðunni sem brann. Það
var vátryggt. Mun ætlunin að
kaupa hey hið fyrsta og flytja það
heim að Balaskarði því vegir
þangað kunna að teppast hvað úr
hverju. Veggir hlöðunnar standa
uppi og mun ætlunin að koma á
hana þaki hið fyrsta svo geyma
megi hey þar í vetur.
14. þing Landssambands vörubifreiðastjóra:
Þinginu frestað, - ekki
tókst að kjósa stjórn
14. ÞING Landssambands vöru-
bifreiðastjóra var haldið um helg-
ina. A þinginu voru rædd ýmis
málefni, sem stétt vörubifreiða-
stjóra varða. Meginumræðan á
þinginu var um þá miklu at-
vinnuskerðingu, sem vöruhif-
reiðastjórar telja sig verða fyrir
vegna vaxandi ítaka verktaka.
Á þinginu átti að venju að kjósa
nýja stjórn, en Einar Ögmunds-
son, sem gegnt hefur formanns-
störfum í Landssambandinu um
25 ára skeið, hafði tilkynnt fyrir
þingið að hann gæfi ekki kost á
sér til endurkjörs, svo og a.m.k. 3
aðrir stjórnarmenn. Ekki tókst að
kjósa stjórn og var þingi frestað
þar til í marz næstkomandi.
TVEIR menn, 36 og 42ja ára
gamlir voru um helgina úrskurð-
aðir í gæzluvarðhald til 2. janúar
vegna gruns um ávísanamis/erli.
Mennirnir, sem oft hafa komið
við sögu lögreglunnar áður, hittu
mann nokkurn á Hótel Borg í
síðustu viku og fóru þeir heim með
manninum. Leikur grunur á því að
þeir hafi stolið ávísanahefti frá
manninum og falsað allmargar
ávísanir. Þær eru ekki allar komn-
ar fram en talið er að heildarupp-
æðin skipti a.m.k. hundruðum
þúsunda króna.
Síbrotamaður
í gæzluvarðhald
27 ÁRA gamall síbrotamaður var
um helgina handtckinn og úr-
skurðaður i gæzluvarðhald til 16.
janúar nk.
Maður þessi sat í fangelsi frá 17.
marz til 19. nóvember sl. og afplán-
aði dóm. Strax 22. nóvember byrj-
aði hann afbrotaiðjuna á nýjan leik
og um helgina, þegar hann var
handtekinn, var hann grunaður um
fjögur innbrot og fjórar innbrots-
tilraunir.
Ársæll ásamt konu sinni Björk Georgsdóttur og syninum Stefáni
Má. Ljósnt. Mbl. Kmilfa.
„Peningarnir fara
beint í íbúðina44
- segir nýi methafinn í Getraunun-
um, sem hlaut 8,8 milljónir króna
„ÉG ER nýbyrjaður að taka þátt í Getraununum aftur eftir
fjögurra ára hlé,“ sagði Ársæll Friðriksson, þritugur tækjastjóri
hjá Aðalbraut hf.. sem í gær hlaut hæsta vinninginn i Getraunum
til þessa, tæpar 8,8 milljónir króna. Ársæll var sá eini sem hafði
11 leiki rétta og kom vinningurinn á átta raða seðil. 31 hafði 10
leiki rétta og fær hver um sig 121.600 krónur.
„Spennan er búin að vera því fengi ég einn stóra vinning-
hrikaleg í allan dag,“ sagði inn. Mér létti óskaplega mikið.
Ársæll þegar Mbl. sló á þráðinn
til hans í gær. „Loks klukkan
rúmlega sjö var hringt í mig frá
Getraunum og mér tilkynnt að
ég væri sá eini með 11 rétta og
Peningarnir koma sér mjög vel.
Við keyptum nýlega íbúð sem
þarf að standsetja og peningarn-
ir fara beint í það,“ sagði Ársæll
að lokum.
I varðhald grun-
aðir um ávísanafals
Hermann Pálsson
útnefndur doktor
IIINN 29. nóvember sl. var Her-
mann Pálsson prófessor útnefnd-
ur doktor við Iláskólann í Edin-
borg í Skotlandi fyrir rannsóknir
á islenzkri sögu og bókmenntum
til forna. Ilann er prófessor við
þann sama skóla.
Dr. Hermann Pálsson er 59 ára
gamall. Hann hefur unnið geysi-
mikið við rannsóknir á íslenzkri
sögu og fornritunum og samið
nokkrar bækur um þetta efni. Þá
hefur hann þýtt mörg fornrit á
ensku. Kona hans er Guðrún
Þorvarðardóttir og eiga þau eina
dóttur.
Guðmundur H. Garðarsson
Fulltrúaráð sjálfstæðisfélaganna í Reykjavik:
Guðmundur H. Garðarsson
kjörinn formaður einróma
GUÐMUNDUR II. Garðarsson
var einróma kjörinn formaður
Fulltrúaráðs sjálfstæðisfélag-
anna í Reykjavík á geysifjöl-
mennum aðalfundi á Hótel Sögu í
gærkvöldi. Tekur Guðmundur við
formennsku af Ellert B. Schram,
sem ekki gaf kost á sér til
endurkjörs.
Eftirtaldir hlutu kosningu í
stjórn með Guðmundi: Sigurður
Hafstein 324 atkvæði, Vilhjálmur
Þ. Vilhjálmsson 318, Ingibjörg
Rafnar 293, Gunnlaugur B. Daní-
elsson 260, Gísli Baldvinsson 232
og Jóna Gróa Sigurðardóttir 230
atkvæði. Fyrir eru í stjórn for-
menn sjálfstæðisfélaganna í
Reykjavík, 12 að tölu. Aðrir sem
hlutu atkvæði við stjórnarkjörið í
gærkvöldi voru Sveinn Björnsson
skókaupmaður 190 atkvæði, Guðni
Jónsson 174 og Kristján B. Kjart-
ansson 147.
Loks var 21 maður kjörinn í
flokksráð. Stungið var upp á 35 og
var talningu ekki lokið þegar Mbl.
hafði síðast fregnir af fundinum.
Verkfall banka-
manna kom ekki
í veg fyrir geng-
isfall krónunnar
VERKFALL bankamanna
kom ekki í veg fyrir gengis-
fall krónunnar, því að gagn-
vart dollar féll hún í gær.
Hækkun dollars gagnvart
krónu varð þá rúmur þriðj-
ungur úr prósenti og er gild-
istími þessarar gengis-
skráningar Seðlabankans á
Bandaríkjadollar frá lokun
bankanna síðastliðinn föstu-
dag. Hækkun á verði dollars
varð 2 krónur, sölugengi var í
gær skráð 590,60 krónur, en
kaupgéngi var 589 krónur.
Skráning annarra mynta hef-
ur verið felld niður á meðan
verkfall stendur.
Samkvæmt upplýsingum
Morgunblaðsins mun ekki
fyrirhugað að hreyfa við geng-
inu aftur í dag a.m.k., en er
Morgunblaðið spurðust fyrir
um það í Seðlabankanum í
gær, hvort í þessari gengisfell-
ingu væri einhver áætlun um
lengd bankamannaverkfalls og
hver hún þá væri, var sagt að
ekkert svar væri til við þeirri
spurningu. í símsvara Seðla-
bankans, þar sem gefnar eru
upplýsingar um gengisskrán-
ingu sagði þetta: „Vegna verk-
falls bankastarfsmanna hefur
verið fellt niður um óákveðinn
tíma opinber skráning á mark-
aðsgengi erlends gjaldeyris,
annars en Bandaríkjadollars
með gildistíma frá lokun bank-
anna föstudaginn 5. desember
1980. Gengi Bandaríkjadollars
gagnvart íslenzkri krónu hefur
jafnframt verið ákveðið kr.
589, kaupgengi, og kr. 590,60,
sölugengi, pr. dollar með gildi
frá sama tíma og þangað til
annað verður ákveðið. Að verk-
falli loknu er stefnt að því að
taka aftur upp skráningu á
gengi annars erlends gjaldeyr-
is miðað við ofangreint gengi
dollars og markaðsgengi er-
lendis."
Stefnt mun að því að hreyfa
ekki meir við gengi dollars á
meðan verkfall stendur, en
hvort það tekst fer eftir lengd
verkfalls.
Islendingur
handtekinn
í Gautaborg
! SÍÐUSTU viku var íslendingur
handtekinn í Gautaborg fyrir
„smygl og fíkniefnabrot“, eins og
sagði í skeyti frá sænsku lögregl-
unni til íslcnzkra yfirvalda. Er
hann nú í haldi lögreglunnar í
Gautaborg.
Maður þessi, sem er 26 ára
gamall, hefur komið við sögu
fyrir fíkniefnabrot hér á landi og
fyrr á þessu ári hlaut hann
þungan dóm fyrir smygl og sölu
á fíkniefnum hér á íslandi.
*
Islenzki hest-
urinn kynntur á
sýningu í París
BÚVÖRUDEILD Sambands ísl.
samvinnuíélaga tekur nú annað
árið í röð þátt í sýningu hesta í
París, sem stendur þar dagana 6.
til 12. desember. Verður islenzki
hesturinn kynntur sérstaklega á
þessari sýningu.
í nýlegum Sambandsfréttum
segir að þrír hestar séu nú farnir
utan og fjórir knapar, en fleiri
hestar hafa verið seldir til Frakk-
lands. Auk kynningar á íslenzka
hestinum verða sýndar ullarvörur
frá Iðnaðardeild SÍS og haldið
uppi almennri landkynningu.
Agnar Tryggvason framkvæmda-
stjóri búvörudeildar segir í Sam-
bandsfréttum að góður árangur
hefði orðið af þátttöku deildarinn-
ar í sýningu þessari fyrir ári,
íslenzki hesturinn hafi vakið at-
hygli og aukist hafi sala hrossa til
Frakklands.
Fannst mik-
ið slasaður
UNGUR maður, 27 ára gamall.
fannst liggjandi illa slasaður á
höfði snemma á sunnudagsmorg-
uninn við slökkvistöðina við
Bíldshöfða.
í fyrstu var talið að maðurinn
hefði orðið fyrir árás en síðar kom
í ljós að hann hafði verið á ferð á
bifreið sinni og velt henni á
Breiðahöfða. Maðurinn var með
mikla áverka á höfði og var hann
lagður inn á gjörgæzludeild Borg-
arspítalans. Grunur leikur á því
að hann hafi verið undir áhrifum
áfengis þegar hann velti bílnum.
Kona slasast
67 ÁRA gömul kona, Rigmor Han-
son danskennari, varð fyrir bifreið
á gangbraut á Miklubraut við
Stakkahlið á áttunda timanum sl.
föstudagskvöld. Hún slasaðist illa,
handleggs- og fótbrotnaði og hlaut
heilahristing. Rigmor var lögð inn
á gjörgæzludeild Borgarspitalans.
Hagkaupamálið
SAMKEPPNISNEFND hélt í gær
langan fund um kæru Hagkaupa
vegna synjunar á bóksöluleyfi.
Að sögn Georgs ólafssonar verð-
lagsstjóra mun nefndin halda
annan fund um málið á morgun,
miðvikudag, og er að vænta
einhverrar niðurstöðu á þeim
fundi.
Upphæðin féll niður
í GREIN eftir Heimi Hannesson í
blaðinu sl. laugardag féll niður
tala í spalta 2 á bls. 13. Þar átti að
standa að 10 þúsund ferðamenn
myndu skapa gjaldeyristekjur að
upphæð 7,6 milljarðar króna. Er
Heimir beðinn velvirðingar á
þessum mistökum.
I

VíV.’-'