Morgunblaðið - 30.08.1981, Side 19

MORGUNBLAÐIÐ, SUNNUDAGUR 30. ÁGÚST 1981
67
Hálsnesi norðan vogsins hefði eitt
sinn verði stærsti kaupstaður
landsins? Eða svo telja menn nú,
þar til annað réttara kemur í ljós.
Álitið er, að sigling hafskipa í
Hvalfjörð hafi aukist mjög á
síðari hluta 14. aldar og þar hafi
aðalhöfn landsins verið í lok
hennar. Heimildir greina frá því,
að þar hafi oft verið mörg skip
samtímis og ýmsir kaupsamn-
ingar eru til frá þessum tímum,
sem dagsettir eru í Hvalfirði.
Höfn í Hvalfirði virðist hafa legið
vel við fyrir marga helstu staði
landsins s.s. Þingvelli, Skálholt og
Viðey, en þar var um þær mundir
eitt auðugasta klaustur íslands.
Á þessum tímum voru hafskipin
lítil og grunnskreið svo auðvelt
var að draga þau á land og búa þar
um þau fyrir veturinn.
Fremst á Hálsnesi standa tveir
höfðar við fjörumörk. Milli þeirra
er allhár sjávarkambur er nefnist
Búðasandur. Þar er einnig örnefn-
ið maríuhöfn. Innan við sjávar-
kambinn er grunnt lón og fellur
smá lækur úr því til sjávar. Á flóði
gengur sjór upp í lónið. Innan við
það markar fyrir allmiklum tótt-
um, sem flestir telja öruggt, að
séu rústir fornra búða. Höfnin í
Hvalfirði þótti örugg og góð og
þegar menn íhuga allar stað-
reyndir virðast öll rök hníga í þá
átt, að hinn forni verslunarstaður
hafi einmitt verið höfnin við
Búðasand, sem kennd var við hina
heilögu Maríu.
Litlar rannsóknir hafa enn farið
fram á þessum tóttum eða um-
hverfi þeirra aðrar en þær sem dr.
Björn Þorsteinsson sagnfræðingur
hefur unnið að, en allt bíður síns
tíma. En gangi maður niður á
Buðasand og virðir staðinn fyrir
sér eins og hann lítur út nú koma
jtal spurningar fram í hugann. En
jvör við þeim liggja ekki á lausu.
En fróðlegt verður að vita hvað
kemur í ljós, þegar hafist verður
handa um frekari rannsóknir á
þessu svæði.
Kynna sér
málefni
fatlaðra
á Islandi
bRJÁR grænlenskar kon-
ur, þar af tvær fatlaðar,
dveljast nú hér á landi í
boði ALFA-nefndarinnar,
framkvæmdanefndar al-
þjóðaárs fatlaðra á ís-
landi. Nýlega var stofnað
Bandalag fatlaðra á Græn-
landi og hafa konurnar
heimsótt ýmsar stofnanir
þar sem fatlaðir eru i
meðferð til þess að kynna
sér hvernig þessum málum
er háttað hér, og læra af
reynslu íslendinga á þessu
sviði.
Ólöf Ríkharðsdóttir, sem
á sæti í ALFA-nefndinni
hefur farið með konunum
víða um borgina og þær
hafa skoðað Sjálfsbjargar-
húsið, Grensásdeildina,
Reykjalund og fleira og
farið á kvöldvöku hjá
Heyrnleysingjafélaginu.
Nýlega fóru þær að Gull-
fossi og Geysi. Sögðust þær
hafa haft mikla ánægju og
mikið gagn af komunni
hingað, en þær snúa heim
aftur á þriðjudag.
Séra Jónas Gislason á ferð í Sovétríkjunum:
Kannar rússnesk-
ar heimildir um
dvöl Þorvalds víð-
förla í Garðaríki
SÉRA Jónas Gíslason dósent
og Borgþór Kjærnested
fréttamaður eru um þessar
mundir staddir í Sovétríkjun-
um í boði rússnesku rétttrún-
aðarkirkjunnar og munu þeir
væntanlega heimsækja
Moskvu og Kiev.
Sr. Jónas er að skrifa bók
um Þorvald víðförla, en hann
er jarðsettur í Kænugarði, að
íslenskum heimildum. Mun
Jónas hafa í hyggju að kanna
hverjar þær heimildir eru sem
kennimenn kirkjunnar þar
eystra styðjast við, og hvort
einhverjar þær heimildir
kunni að finnast, sem íslend-
ingum eru ókunnar um starf
Þorvalds í Garðaríki.
För þessi er til komin fyrir
frumkvæði biskups íslands,
herra Sigurbjörns Einarsson-
ar. Biskupinn yfir íslandi rit-
aði snemma þessa árs patrí-
arkanum af Moskvu bréf með
ósk um fyrirgreislu til handa
séra Jónasi.
Borgþór fer sem dagskrár-
gerðarmaður, en hann mun
hafa í hyggju að bjóða ís-
lenska ríkisútvarpinu þætti
um för þeirra Jónasar um það
. I i 1 I II I. I t*t I M 1
sem fyrir augu bar í ferðinni í
fótspor Þorvalds.
Eins og kunnugt er stendur
yfir 1000 ára afmæli kristni-
boðs á Islandi, en það voru
þeir Þorvaldur víðförli og
Friðrik biskup af Saxlandi,
sem fyrstir boðuðu íslending-
um kristna trú árin 981—986.
Fyrir ári voru í heimsókn á
íslandi fulltrúar rétttrúnað-
arkirkjunnar, m.a. þeirrar
rússnesku. Sungu þeir messu
bæði í Skálholti og í Dóm-
kirkjunni að viðstöddum m.a.
biskupi íslands, herra Sigur-
birni Einarssyni.
Því meiri kröfur, sem þú gerir
til utanhúsmálningar
því meiri
ástæöa er til að þú notir
HRAUN, sendna akrýlplastmáln-
ingin hefur allt þaö til að bera, sem
krafist er af góðri utanhússmáln-
ingu:
Mikinn bindikraft, frábæra endingu
— dæmierutilum meiraen 17ár.
Þekur vel — hver umferð jafnast á
við þrjár umferðir af venjulegri
plastmálningu. Hefurfallega áferð
— til bæði fín og gróf, og fæst í fjöl-
breyttu litaúrvali.
HRAUN stenst allan verðsamanburð.
HRAUN litakortið fæst í öllum helstu máln-
ingarvöruverslunum landsins.
málning