Morgunblaðið - 19.09.1981, Qupperneq 16

1 0 MORGUNBLAÐIÐ, LAUGARDAGUR 19. SEPTEMBER 1981
„Hlakka til að taka á móti
Yíkingunum i Bordeaux“
Rætt við Jacques Valade, fyrsta borgarstjóra í Bordeaux,
sem hér var staddur vegna Evrópubikarleiks Víkings og Bordeaux
Jacques Valade, öldungadeildarþingmaður og fyrsti borgarstjóri i Bordeaux. Honum til hægri handar
er Albert GuAmundsson en til vinstri er sendiherra Frakka hér á landi, Desbans.
„Borgaryfirvöld í Bordeaux
eru ákaflega stolt af velgengni
Bordeaux-liósins og þátttöku
þess í Evrópuhikarkeppninni.
Viö reynum lika að styðja það
og styrkja á ýmsa vegu eins og
aðra iþróttastarfsemi í borg-
inni. enda er hér um að ræða
fulltrúa borgarinnar, sem geta
borið hn')ður hennar víða þegar
vel gengur.“
Þannig fórust Jacques Alade
orð, fyrsta borgarstjóra í Borde-
aux og öldungadeildarþing-
manni, þegar blm. Mbl. tók hann
taii stutta stund á heimili Al-
berts Guðmundssonar, aðalræð-
ismanns Krakka hér á landi.
Jacques Alade og kona hans
komu hingað til lands í fylgd
með franska knattspyrnuliðinu
Bordeaux, sem í fyrradag keppti
við knattspyrnufélagið Víking í
Evrópubikarkeppninni.
„Ég er fyrsti borgarstjóri í
Bordeaux, hægri hönd yfirborg-
arstjórans Jacques Chaban-
Delmas, þess kunna manns, og
staðgengill hans þegar hann
hefur öðrum störfum að gegna.
Annars var ég háskólakennari,
prófessor í efnafræði við háskól-
ann í Bordeaux, þegar Chaban-
Delmas fór þess á leit við mig
árið 1970, að ég gegndi borgar-
stjórastörfum í fjarveru hans en
hann fór þá með embætti for-
sætisráðherra. Það var í raun
upphafið á mínum pólitíska ferli
og eftir það var ég kosinn á þing
sem öldungadeildarþingmaður
fyrir Gaullistaflokkinn."
Hvernig er háttað samskipt-
um borgaryfirvalda í Bordeaux
og íþróttafélaganna þar í borg?
„Þau eru bæði mikil og náin,
jafnt þar sem annars staðar í
Frakklandi, enda er almennt
mikill áhugi á íþróttum. Það er
líka svo, að engin önnur samtök
hafa upp á jafn mikið æskulýðs-
starf að bjóða og íþróttafélögin
og borgaryfirvöldum ber því í
raun skylda til að styðja þau
eftir megni. Það gerum við líka
og lítum svo á, að þeim fjármun-
um sé vel varið, sem til íþrótta-
starfseminnar fara. Auk al-
mennrar heilsuræktar eru af-
reksmenn og afrekslið í íþróttum
góð kynning fyrir landið og
viðkomandi borg og geta t.d.
stuðlað að auknum ferðamanna-
straumi, svo eitthvað sé nefnt."
Svo að vikið sé að öðru.
Hvernig líst þér á þau umskipti
sem orðið hafa í frönskum
stjórnmálum og fyrirætlanir
ríkisstjórnar Mitterands?
„Mína pólitísku afstöðu má
náttúrulega nokkuð marka af
því að ég er þingmaður fyrir
gaullista og því í stjórnarand-
stöðu, en auðvitað hef ég ýmis-
legt um þessi mál að segja.
Ríkisstjórnin hefur t.d. á prjón-
unum og hefur raunar þegar
framkvæmt ýmsar félagslegar
breytingar, sem itsjálfu sér væru
góðra gjalda verðar ef jafnframt
væru gerðar nauðsynlegar ráð-
stafanir í fjármálum. Svona
breytingar eru nefnilega fjár-
frekar og enn sem komið er, er
allt í lausu lofti með það hvernig
þær verða kostaðar. Eg óttast að
þessi stjórn, sem nú situr, taki
ekki nógu mikið tillit til þessara
einföldu sanninda. I þessum
málum er betra að fara hægt í
sakirnar ef ekki á að verða verr
farið en heima setið."
En hvað um þjóðnýtingar-
áformin og þær byltingarkenndu
breytingar, sem gerðar hafa
verið á sjálfstæði sveitarfélag-
anna?
„Gaullistar eru ekki í sjálfu
sér á móti þjóðnýtingu, og það
má nefna, að De Gaulle hafði
forystu í þeim efnum á sínum
tíma. Spurningin snýst þó frem-
ur um það hve mikil hún á að
vera og fyrst og fremst um hvað
á að þjóðnýta, hvaða fyrirtæki.
Þegar búið er að þjóðnýta raf-
magnsfyrirtækin, járnbrautirn-
ar, flugfélögin, bankana og öll
helstu stórfyrirtækin, og
kannski dótturfyrirtæki þeirra
líka, er hætt við að einstaklings-
frelsið, frumkvæði einstakl-
inganna í þjóðfélaginu, sé farið
að verða fremur lítið. Þess vegna
finnst okkur vera komið meira
en nóg. Þegar ríkið tekur upp á
sína arma fyrirtæki, sem eiga í
harðri samkeppni á alþjóðlegum
mörkuðum, vill oft fara svo, að
baráttuhugurinn, samkeppnis-
andinn, hverfi, vegna þess að
einstaklingarnir finna ekki til
sömu ábyrgðar gagnvart starfi
sínu og fyrr.
Hvað varðar breytinguna á
stöðu sveitarfélagananna get ég
sagt það, að sem sveitarstjórnar-
maður er ég ekki á jnóti meira
valdi til þeirra, en ég tel þó, að
eðlilegt samræmi verði að vera í
milli starfa sveitarstjórnanna og
aðgerða ríkisvaldsins á hverjum
tíma. Þess vegna er mér eftirsjá
í héraðsstjórunum og ég er
hræddur um að stjórnmála-
mennirnir fái of frjálsar hendur
og verði ekki nógu hlutlausir
gagnvart fólkinu, hinum al-
menna borgara."
Að lokum, Valade, hvernig líst
þér svo á þig hér norður við
heimskaut, í þinni fyrstu ferð
hingað til lands?
„Eg er nú bara nýkominn og á
förum aftur þannig að ég get nú
varla mikið um það sagt. Við
fyrstu sýn hefur þó ýmislegt
komið mér á óvart og margt
öðruvísi en ég hafði gert mér i
hugarlund. Mér hefur t.d. fund-
ist það eftirtektarvert hve við-
mót fólks í garð okkar hjóna,
jafnvel bláokunnugs fólks, hefur
verið einstaklega hlýlegt og
skemmtilegt og þá vil ég heldur
ekki láta þess ógetið, að móttök-
ur Knattspyrnufélagsins Vík-
ings hafa verið í einu orði sagt
frábærar og ég hlakka til að geta
sýnt þeim sömu gestrisni þegar
til Bordeaux kemur."
Spurt & svarað
Geir Hallgrímsson svarar spurningum lesenda um stjórnmálaviðhorfið
Geir Hallgrímsson. formaður Sjálfstæðisflokksins, mun á næstunni
svara spurningum lesenda Morgunblaðsins um stjórnmálaviðhorfið.
Þeir sem óska að bera fram spurningar við Geir Hallgrímsson eru
beðnir um að hringja i sima 10100 kl. 10—11 frá mánudegi til
föstudags og verða þá spurningar teknar niður. Einnig er hægt að
senda þær skriflega til ritstjórnar Morgunhlaðsins. óskað er eftir að
spurningar séu bornar fram undir fullu nafni.
Böðvar Jónsson
1197 2001:
Mun Sjálfstæðisflokkurinn
heita sér fyrir frjálsum útvarps-
rekstri fyrir nastu kosningar?
SVAR:
Á síðasta landsfundi Sjálfstæð-
isflokksins, árið 1979, var sam-
þykkt sú stefna að útvarpsrekstur
vcrði gefinn frjáls, en að út-
varpsstöðvum verði sett ákveðin
skilyrði fyrir rekstrinum. Þessari
stefnu sinni mun Sjálfstæðis-
flokkurinn hrinda í framkvæmd,
þegar hann fær aðstöðu til þess.
Jafnframt leggur Sjálfstæðis-
flokkurinn áherslu á að tryggja
sjálfstæði Ríkisútvarpsins, fjár-
hagslegan grundvöll þess og
starfsaðstöðu.
Stefán Aðalsteinsson,
Prestbakká 13. Rvík:
llvað telur þú að búi að haki
yfirlýsingum núverandi meiri-
hluta borgarstjórnar Reykjavík-
ur um nauðsyn þess að ráðstafa
til leigu húsna-ði í Reykjavik.
sem er autt og að mati meirihlut-
ans illa nýtt?
SVAFt:
Yfirlýsingar forseta borgar-
stjórnar, Sigurjóns Péturssonar
um mögulegt leigunám íbúðar-
húsnæðis í Reykjavík til lausnar
húsnæðisvandanum eru í sam-
ræmi við úrræði sósíalista er
felast fyrst og síðast í höftum,
skömmtunum og valdboði ofan
frá. Vaxandi húsnæðisskortur í
Reykjavík á rót sína að rekja til
stefnu vinstri flokkanna í borgar-
stjórn og vinstri ríkisstjórna í
landinu síðustu 3 árin.
Horfið er frá þeirri stefnu, sem
Sjálfstæðisflokkurinn hefur
markað, að gera sem flestum,
einstaklingum og fjölskyldum
kleift að reisa sér þak yfir höfuðið,
en þess í stað farið eftir þeirri
vinstri stefnu að gera fjölskyldur
háðar valdhöfunum með því að
þiggja náðarsamlegast íbúðar-
húsnæði úr þeirra hendi.
Landsmönnum er skipt í verð-
uga og óverðuga. Þeir verðugu fá
90% lán, en hinir 16,16% lán
miðað við byggingarkostnað stað-
alíbúðar, en sá böggull fylgir
skammrifi, að hinir verðugu mega
tæpast hafa meðaltekjur verka-
manns, svq að sýndarmennskan
ríður ekki við einteyming.
Núverandi meirihluti borgar-
stjórnar hefur dregið úr úthlutun
lóða og vegna seinagangs og fyrir-
hyggjuleysis í skipulagsmálum er
frekari samdráttur lóðaúthlutana
fyrirsjáanlegur, ef borgarbúar
tLVKKÍa ekki stefnubreytingu í
borgarstjórnarkosningum á vori
komanda.
Núverandi valdhafar í ríki og
borg hafa hækkað fasteignaskatta
og eignaskatta stórlega og ný lög
hafa verið sett um leigu húsnæðis,
en allt þetta veldur minnkandi
framboði á húsnæði og á sinn þátt
í þeirri húsnæðiskreppu, sem höf-
uðborgarbúar eiga nú við að búa.
Fátt er svo með öllu illt, að ekki
boði nokkuð gott. Oddviti Alþýðu-
bandalagsins upplýsir hvað fyrir
þeim sósíalistum vakir, að gera
einstaklinga og fjölskyldur sér
háða og ráðskast með þeirra hag
eins og tíðkast í „sæluríkjum"
þeirra austantjalds.
Samskonar hugmyndir um hús-
næðisskömmtun og leigunám hús-
næðis komu fram hér í Reykjavík
frá Framsóknarflokknum fyrir
um 30 árum, en voru þá skjótlega
kveðnar niður. Borgarbúar og
landsmenn allir munu og sjá til
þess nú að þessi afturganga
kommúnista hljóti sömu örlög.