Morgunblaðið - 27.02.1982, Blaðsíða 16

Morgunblaðið - 27.02.1982, Blaðsíða 16
16 MORGUNBLAÐIÐ, LAUGAJDAQyR 27. FEBRÚAR 1982 7Z líT .HLAÐVARPINN . HVAÐ ER VERIÐ AÐ GERA? „Það er enginn vandi að skrifa eitthvað sem enginn skilur“ Gísli I»ór Gunnarsson sendi á liðnu hausti frá sér fyrstu skáld- sögu sína, „Kærleiksblómið“ og kom hún út hjá Almenna bókafé- laginu. Kg mætti Gísla á förnum vegi eins og fleiri, þ.e. í Aðalstræt- inu. Kg var á leiðinni að kaupa kók ásamt kollega mínum, „ai“, en Gísli hafði verið að kaupa sér not- aða hljómplötu með Neil Diamond. Við spjölluðum nokkra stund saman úti í veðurblíðunni sem ríkti þessa stundina eins og fyrir misskilning og mér hugkvæmdist að nýta spjallið í Hlaðvarpa vik- unnar. Við settumst í fyrstu inn á bókasafn Morgunblaðsins sem hefur aðsetur í sama húsi og HV en þegar hungrið fór að sverfa að gengum við yfir í matsöluna á horni Aðalstrætis og Túngötu, annari hæð, og héldum talinu áfram yfir borðum. — Hvað er verið að gera? „Ég var að ljúka við nýja skáldsögu um daginn. Ég var upp í Munaðarnesi að skrifa hana núna síðast. Hún heitir „Ljótu andarungarnir", en ég vil ekkert vera að tala um hana núna. Nei ég skal segja þér annað. Ég er á leið til ísrael í mars. Ég er forvit- inn að vita hvernig útkoman er hjá þjóð, sem hefur fengið jafn hroðalega útreið og þeir. Ég hef sterka samkennd með gyðing- um.“ — Hvers vegna skrifarðu? „Það sem ég hef raunverulega verið að gera með þessu er að hreinsa hugann. Markmiðið er að koma sjálfum mér í það jafn- vægi, að ég geti speglað hvaða reynslu sem er, án allrar blygð- unarsemi og tilfinningasemi. Ég lít á sjálfan mig líkt og brunn, sem hefur ekki verið notaður mjög lengi, vegna þess að auðvit- að eru komnar vatnslagnir inn í öll hús. Sumir leika sér að því að kasta steinum niður í brunninn og örfáir fá sér vatn að drekka úr honum. Þar sem vatnið er tært og hreint er stundum hægt að sjá til botns. Þeir sem horfa niður í brunn- inn, sjá þar spegilmynd sína. Ég er ekki kominn til með að segja til um það hvernig hlutirnir eiga að vera, eða hvernig þeir voru, heldur hvernig þeir eru. En þú mátt ekki kalla mig rithöfund í viðtalinu. Það myndi alveg eyði- leggja mína ímynd. Ég vil ekki ímynda mér að boðskapur minn sé það mikils verður að aðrir þurfi að sjá fyrir mér. Það er meðal annars þess vegna sem ég vil ferðast út í heim og gjarnan suður eftir, því þar er mun ódýr- ara að lifa, en hér. Ég vil reyna, í því sem ég skrifa og í þeim lögum sem ég bý til, að vera fullkomlega einlægur. Þegar ég skrifa eyði ég mestum tíma í að finna einföldustu orðin og einföldustu orðasamböndin, sem fólk á best með að skilja. Það er enginn vandi að skrifa eitthvað sem enginn skilur. En það er vandi að skrifa eitthvað sem er svo einfalt, að allir halda að þeir skilji það, þótt þeir skilji það í raun og veru ekki.“ — Áttu þér einhverjar fyrir- myndir meðal rithöfunda? „Ja, ég finn til andlegs skyld- leika við ýmsa. Til dæmis John Steinbeck, Leonard Cohen og sömuleiðis Guðrúnu Lárusdótt- ur.“ — Fyrir hverja skrifarðu? „Ég skrifa handa fólki sem lít- ur á lífið sem leik, fólki sem er að leita sér að lífsleið til að fleyta því í gegnum boðaföll tilverunn- ar. Annrs er það svo um flest sem ég skrifa að þar eru rifjaðar upp mjög heitar tilfinningar í kyrrþey. Ég, sem persóna, er af- leiðing þeirra atburða sem gerast í sögunum mínum." — Hefurðu skrifað mikið fyrir utan „Kærleiksblómið"? „Ég skrifaði einu sinni leyni- lögreglusögu fyrir börn. Hún hét „Leynihellirinn" og birtist sem framhaldssaga í Æskunni árið 1979. Svo bjó ég til sögu handa fimm ára systur minni og ég hef lesið hana fyrir hana svona fimm hundruð sinnum. Hún er þakk- látasti áheyrandi sem mér hefur hlotnast. Svo kom Kærleiksblómið í fyrra. Þar er ástin í ýmsum myndum megin þemað. Afleið- ingar þess er ást milli foreldra og barns breytist í afskiptaleysi og um ást milli karls og konu. Niðurstaða bókarinnar er eigin- lega að það sé einhvers konar víðtækari kærleikur, alheims- kærleikur, sem sé nauðsynlegast- ur til vaxtar og viðgengis mann- inum. Það er að vísu ekki í tísku núna að vera heilagur maður, þ.e. stríðsmaður sem berst fyrir há- leitum hugsjónum og markmið- um, með orðum og hugarorku, fremur en vopnum. Að ýmsu leyti lít ég á mig sem slíkan mann. Ég samdi lag og ljóð á ensku um slíkan mann. Það heit- ir: „Hergöngulag þeirra sem neita að berjast." Mér dettur í hug í sambandi við það sem ég var að segja áðan um ást milli foreldra og barns, ein samlíking sem ég var að hugsa um í sambandi við uppeldi barna. Við erum eins og garðyrkju- menn sem látum áburð og stein- efni hjá plöntunum, en það er samt ekki nóg. Þær þurfa líka að fá vatn og njóta sólarljóss. Það verður að vera þannig samtvinn- að í uppeldinu, samband barns- ins við ást foreldra og kærleika guðs.“ Hótelstjórinn í Hótel Húsavfk, Auður Gunnarsdóttir. LjÓHm. Hlitvarpaiu: Árni Johntven. AF LANDSBYGGÐINNI: Hótelstjóraspjall Þau tíðindi urðu fyrir skömmu norður í Þingeyjarsýslu að Auður Gunnarsdóttir var ráðinn hótelstjóri Hótels Húsavíkur. Þar sem rit- stjórn Hlaðvarpans hefur löngum þótt hafa stórt hjarta þegar dreifbýl- iskjarnarnir eru annars vegar var einum tíðindamanninum gert að slá á þráðinn norður á Húsavík til Auðar og rekja úr henni garnirnar. Var nú fyrst spurð hvernig henni litist á að vera tekin til við stjórn hótelsins. — Mér líst ágætlega á það — það er hins vegar ekki á áætlun hjá mér að vera í þessu nema til skamms tíma, ég brúa svona bilið þar til góður maður finnst. Telurðu þig þá ekki góðan mann? — Ha, nei, það var ekki það sem ég meinti — ég ætlaði mér bara ekki að fara í þetta starf, ég var bara fengin til þess. Ég er búin að starfa hér í 5 ár og komin á það sjötta þannig að þetta er ekkert nýtt fyrir mig. Er ekki alltaf fullt af fólki hjá ykkur? — Það er það nú ekki að vetrinum en yfir sumarmánuð- ina þrjá er hótelið yfirleitt full- nýtt. Svo koma líka margir og gista hér til að fara á skíði — það er ekki nema fimm mínúna gangur frá hótelinu að lyftunni. Það er ljómandi góð aðstaða orðin hér í skíðalöndunum — fjórar lyftur eru í fjallinu, upp- lýstar brekkur og nýtísku snjótroðari alltaf til taks að halda öllu í góðu lagi. Það er búið að vera mjög gott skíða- færi undanfarið og synd að ekki hafi fleiri notað sér snjóinn. Hvað kostar að fara í heim- sókn til ykkar norður? — Við erum með sérstaka pakka í gangi í samvinnu við Flugleiðir — helgarpakka og miðvikupakka. í miðvikupakk- anum felst flug fram og til baka og þriggja nótta gisting og kostar hann kr. 986. Helgar- pakkarnir eru dýrari. Og svo er hægt að gera fleira hér en renna sér á skíðum. Nú er Leik- félag Húsavíkur t.d. að sýna leikritið Konurnar í Niskavuori og ber mönnum saman um að það sé ásjálegt. bó. Steinunn Þórarinsdóttir sýnir á Kjarvalsstöðum STKINIJNN Þórarinsdóttir mynd- listarmaóur opnar í dag sýningu í vesturforsal Kjarvalsstaóa. Sýnir hún skúlptúra sem flestir eru unnir í leir, en einnig úr öórum efnum svo sem gleri gibsi, járni o.fl. Segir hún verk sín vera hugleióingu um mann- inn, sem einstakling og hópveru. Þetta er önnur einkasýning Steinunnar, en áður hefur hún einnig tekið þátt í samsýningum hérlendis og erlendis. Hún hóf listnám sitt árið 1974 í Ports- mouth College of Art and Design og lauk síðan BA-prófi frá lista- deild Portsmouth Polytechnic 1979. Árið eftir var hún gestastúd- ent við listaakademíuna í Bologna á Ítalíu. Verk Steinunnar Þór- arinsdóttur á sýningunni eru flest unnin sl. hálft ár og eru þau öll til sölu. Sýningin er opin daglega kl. 14 til 22 og lýkur 14. mars. Steinunn Þórarinsdóttir er hér við eitt verka sinna á sýningunni í vest- urforsal Kjarvalsstaða. Ljó.sm.: KÖK Hnefaleikarinn í BANDRÍSKA kvikmyndin „Hnefaleikarinn“ er sýnd í Kegnboganum um þessar mundir. Hún fjallar um hnefa- leikara, sem tekst að komast á toppinn en kemst að raun um ad það er ekki eins auðvelt að fóta sig þar og hann hélt, því ýmis Ijón eru á veginum. Með aðalhlutverk í kvik- myndinni fara Leon Isaac Kennedy, Jayne Kennedy og Muhammad Ali, hinn frægi heimsmeistari í hnefa- leikum, sem leikur sjálfan sig. Leikstjóri er George Bowers. Regnboganum Hér má sjá Leon Isuo Kennedy í hlutverki hnefaleikarans.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.