Morgunblaðið - 17.06.1982, Síða 14

46
MORGUNBLAÐIÐ, FIMMTUDAGUR 17. JÚNÍ 1982
Dýrleif Þorkels-
dóttir — Áttræð
í dag verður áttatíu ára frú
Dýrleif Þorkelsdóttir, Ásvallagötu
58, Reykjavík, fyrrum húsfreyja
að Laugabrekku 18, Húsavík.
Dýrleif er fædd í Neðri-Sandvík
í Grímsey 17. júní 1902, næstelst
barna hjónanna Þorkels Árnason-
ar útvegsbónda í Neðri-Sandvík og
konu hans Hómfríðar Ólafíu Guð-
mundsdóttur. Foreldrar Dýrleifar
bjuggu allan sinn búskap í Gríms-
ey, lengstum í Neðri-Sandvík.
Föðurafi Dýrleifar var merkis-
bóndinn Árni Þorkelsson, sem
ættaður var frá Núpum í Aðaldal.
„Hann var í mörg ár talinn hinn
fremsti maður í skákeyjunni
Grímsey, og mætti hann á Þing-
vallafundi árið 1885, sem fulltrúi
eyjabúa, var hann hvarvetna virt-
ur og vel metinn þar sem hann
kom. Árni var einn af hinum fáu
efnamönnum meðal eyjaskeggja
og hafði reist hið eina timburhús,
sem þá var í eynni auk presthúss-
ins. Allir aðrir bæir þar voru úr
torfi og steini eins og meiri hluti
íbúðarhúsa var á íslandi um alda-
mótin." Árni var kunnur af rit-
störfum, samdi m.a. skáldsöguna
Hraunabræður, sem margir af
eldri kynslóðinni á Norðurlandi
kannast við. I tilefni af gjöf Will-
ard Fiske til Grímseyinga orti
Árni þakkarkvæði til Fiske og er
hluti úr því birtur í skákritinu „I
uppnámi" árið 1901.
Móðurætt Dýrleifar er frá
Svarfaðardal og Siglufirði. Móðir
hennar var fædd á Staðarhóli við
Siglufjörð, dóttir Guðmundar Ás-
grímssonar bónda þar og systir
Ásgríms skipstjóra, sem þekktur
var á sinni tíð og getið er í Skútu-
öldinni eftir Gils Guðmundsson.
Systkini Dýrleifar eru: Krist-
jana, f. 1900, gift Sigurði Krist-
inssyni frá Flautafelli í Þistilfirði,
Selma, f. 1906, d. 1968, Árni, f.
1907, d. 1949, Guðvarður, f. 1910, d.
1982, kvæntur Halldóru Ingi-
mundardóttur frá Ólafsfirði,
Björn, f. 1914, d. 1981, kvæntur
Kristjönu Þórhallsdóttur frá
Litlu-Brekku í Skagafirði, og Fri-
mann, f. 1917, kvæntur Ósk systur
Kristjönu, konu Björns.
Eins og að líkum lætur þurftu
Dýrleif og systkini hennar
snemma að sjá fyrir sér sjálf. Þeg-
ar Dýrleif var 11 ára réðst hún í
matvinnugsvist til Kristjáns Sig-
tryggssonar bókbindara og konu
hans Kristjönu Guðnadóttur frá
Grænavatni, sem þá bjuggu í
Hliðaskjálf á Húsavík. Hjá þeim
vann hún í tvö sumur en gekk í
barnaskóla í Grímsey á veturna.
Um fermingaraldurinn vann Dýr-
leif sem vinnukona hjá Jóni Gunn-
arssyni og Sigurhönnu Sörens-
dóttur, Móbergi, Húsavík, og síðar
hjá Einari Sörenssyni og Guðnýju
Árnadóttur í Dvergasteini á
Húsavík.
Þegar Dýrleif var 15 ára veiktist
hún af botnlangabólgu og var
skorin upp af Birni Jósefssyni hér-
aðslækni á Húsavík. Er hún ein af
mörgum botnlangabólgusjúkling-
um sem Björn bjargaði frá dauða
á þeim árum þegar greining og
meðferð botnlangabólgu taldist til
erfiðustu vandamála, sem héraðs-
læknar glímdu við og líf sjúklings-
ins valt oft á þvi að læknirinn gæti
greint sjúkdóminn nógu snemma
og framkvæmt hina vandasömu
skurðaðgerð, sem botnlangataka
var á þessum árum.
Hjá Birni lækni og Lovísu Sig-
urðardóttur, konu hans, var Dýr-
leif í vist í tvö ár og fékk þá laun
greidd í peningum, eftir því hvað
húsbændur hennar töldu við hæfi.
Nítján ára að aldri fór Dýrieif til
Færeyja og vann þar í tvö ár í
Vestmannahöfn á Straumey, á
vegum Jóhannesar Olsen skip-
stjóra, sem var kunnugur föður
hennar. Nokkru eftir heimkomuna
til Islands veiktist Dýrleif af
brjótshimnubólgu og var talin
berklaveik. Vistaðist af þeim sök-
um á Vífilsstaðahæli í 10 mánuði.
Eftir dvölina á Vífilsstöðum
réðast Dýrleif í vist austur á land
að Brekku í Fljótsdal. Þar vann
hún í nokkur ár hjá læknunum
Ólafi Lárussyni og Bjarna Guð-
mundssyni. Á Brekku kynntist
hún Sigurði Sigurbjörnssyni frá
Búðareyri á Seyðifirði og gengu
þau í borgaralegt hjónaband í okt.
1926. Þeim var ekki barna auðið og
slitu samvistum eftir 12 ára
hjónaband. Frá Brekku fluttu þau
Sigurður að Skriðuklaustri til Sig-
mars Þormar, sem þar bjó næst á
undan skáldinu Gunnari Gunnars-
syni og síðar í Mjóanes til Stefáns
bónda Eyjólfssonar, sem ættaður
var frá Brú á Jökuldal.
Árið 1934 fluttu þau Dýrleif og
Sigurður norður til Húsavíkur.
Um það leiti urðu örlagarikir at-
burðir í lífi Dýrleifar. Hún tók að
sér um nokkra mánaða tíma að
vera bústýra hjá Jóni Aðalgeir
Jónssyni, vélstjóra, í Stapa á
Húsavík. Kona Jóns, Guðrún Egg-
ertsdóttir frá Skógargerði á Húsa-
vík var heilsulaus og andaðist 1936
af afleiðingum mænuveiki. Þau
Jón áttu fjögur börn og var hið
yngsta þeirra Unnur á öðru ári,
þegar Dýrleif tók að sér heimil-
isstörfin í Stapa. Unnur var mjög
hænd að Dýleifu og fór svo að
Dýrleif tók Unni í fóstur þegar
hún fór sjálf að búa í Hvammi á
Húsavík. Eftir stuttan búskap í
Hvammi flutti Dýrleif aftur í
Stapa til Jóns og Guðrúnar og hef-
ir síðan helgað þeirri fjölskyldu
alla sína krafta. Eftir lát Guðrúnr
tók Dýrleif að sér uppeldi barn-
anna og tókst henni að skapa þeim
kærleiksríkt og bjart heimili, sem
kunnugir vita að hefir verið til
mikillar fyrirmyndar.
Jón og Dýrleif fluttu í nýtt hús
1947, sem Jón lét byggja og nú er
Laugarbrekka 18. Þar var heimili
þeirra, þar til þau fluttu til Kópa-
vogs 1972. Jón lést 1977. Síðan
1973 hefir Dýrleif búið að Ásvalla-
götu 58 hjá Unni, fósturdóttur
sinni. Fjölskyldu Dýrleifar kynnt-
ist ég fyrst 1958, þegar ég varð
tengdasonur Jóns. Þau kynni hafa
orðið mér til mikillar hamingju og
gleði og er það ekki síst að þakka
Dýrleifu, sem hefir reynst mér
skilningsrík tengdamóðir og börn-
um okkar Unnar góður félagi og
kærleiksrík amma. Þökkum við
henni öll liðnar samverustundir
og óskum henni til hamingju með
afmælisdaginn og vonum að hún
fái að vera með okkur um mörg
ókomin ár.
Kristján Jónasson
Birting
afmælis- og
minningar-
greina
ATHYGLI skal vakin á því, að
afmælis- og minningargreinar
verða að berast blaðinu með góð-
um fyrirvara. Þannig verður
grein, sem birtast á í miðviku-
dagsblaði, að berast í síðasta lagi
fyrir hádegi á mánudag og hliðst-
ætt með greinar aðra daga.
Greinar mega ekki vera í sendi-
bréfsformi. l»ess skal einnig get-
ið, af marggefnu tilefni, að frum-
ort Ijóð um hinn látna eru ekki
birt á minningarorðasiðum
Morgunblaðsins. Handrit þurfa
að vera vélrituð og með góðu
línubili.
Allir kostir
vönduóustu einingahúsa
-og sveigjanleiki aö auki
Nú býðst ný lausn fyrir þá sem gera
bæði kröfur um vandað og fallegt
húsnæði á hagkvæmu verði - og vilja
fullnægja óskum og þörfum fjöl-
skyldunnar. Sveigjanleikinn varðar
bæði stærð, efni, innréttingu, liti og
allan búnað og byggist á einingakerfi
hönnuðu af arkitektunum Torben Rix
og Leif Jensen m.a.a..
Flexplan húsin eru árangur af þró-
unarstarfi og samvinnu danskra og
íslenskra aðila. Hönnun og notkun
byggingarefna er nýstárleg og í fyllsta samræmi við
kröfur nútímans - enda hlaut húsið 1. verðlaun í sam-
keppni tímaritsins ,,Bo Bedre”
Tveir sýnilegir límtrésdreglar bera hallandi loftið sem er
klætt panel. Allir innveggir eru vandlega hljóð-
einangraðir og klæddir með panel
eða öðrum hefðbundnari klæðning-
um. Húsin eru rækilega einangruðog
þrefalt gler er í öllum gluggum. Cólf-
in eru steypt og frjálslegt val um gólf-
efni. Allar innréttingar fylgja og eru
húsin búin fullkomnum tækjum í
baðherbergjum og eldhúsi. Hægt er
að fá húsin tilbúin til notkunar með
gardínum, lýsingu, húsgögnumo.fj.
Aukeinnarhæða einbýlishúsa gefst
kosturá2jahæða húsum, raðhúsum,
parhúsum og bílskúrum.
Skjólbær sf. veitir ráðgjöf innanhúsarkitekta og hvers
konar fyrirgreiðslu, þ.á.m. uppsetningu, undirbygg-
ingu og aðstoð við lóðaútvegun.
Síðast en ekki síst ber að hafa í huga tímasparnaðinn
sem þessi byggingarmáti hefur í för með sér.
flexpkm 'Jj&f SKJÓIBÆR Sf.
I_ r ^■■1 Borgartum 29
-húsin
Borgartúni 29
Sími29393