Morgunblaðið - 11.08.1982, Blaðsíða 2

2
MORGUNBLAÐIÐ, MIÐVIKUDAGUR 11. ÁGÚST 1982
BKESKUR löndunarmaður bjarg-
aði íslenskum sjómanni úr höfn-
inni í Hull, eftir að sjómaðurinn
hafði fallið í sjóinn milli skips og
bryggju, samkvæmt blaðaúrklippu
úr bresku blaði sem Morgunblað-
inu hefur borist.
Atburðurinn átti sér stað um
þrjúleytið um nóttina og sá lönd-
unarmaðurinn, Peter Davis, sem
er tveggja barna faðir hátt á fer-
tugsaldri, þegar sjómaðurinn,
sem var að koma til skips, féll í
höfnina, en hann var ásamt öðr-
um að vinna að löndun úr ís-
lenska skipinu. Sjómaðurinn
hlýtur að hafa slegið höfðinu ein-
hvers staðar við í fallinu, því að
hann var meðvitundariaus þegar
að honum var komið, en var svo
heppinn að lenda á timburfleka,
sem maraði í hálfu kafi milli
skips og bryggju. Davis fór þegar
á eftir honum, niður reipi sem
þarna var og fetaði sig yfir hálan
flekann til meðvitundarlauss
mannsins. Mest hætta stafaði
þeim frá hreyfingum skipsins, að
kremjast vegna þeirra milli
skipsins og bryggjunnar og sam-
kvæmt frásögn sjónarvotts,
munaði hvað eftir annað senti-
metrum að svo færi.
Meðan þessu fór fram, voru
löndunarmennirnir um borð ekki
aðgerðarlausir. Þeim tókst að
koma stuðpúða milli skips og
bryggju, þannig að skipið færðist
aðeins utar og hreyfingar þess
minnkuðu. Síðan létu þeir síga
reipi niður niður til mannanna
tveggja. Peter Davis kom því
utan um meðvitundarlausan
manninn, sem var dreginn upp í
því. Stigi var síðan látinn síga
niður til Davis, sem hann kom
upp eftir.
Farið var með sjómanninn á
spítala. Reyndust meiðsli hans
ekki alvarleg og var honum leyft
að yfirgefa spítalann að rann-
sókn lokinni. Davis, sem breska
blaðið segir að sé lýst sem hóg-
værum manni, hélt áfram vinnu
sinni.
íslenzkar kartöflur á markaðinn:
Góð uppskera á úti-
ræktuðu grænmeti
NÝJAR íslenzkar kartöflur koma
til Grænmetisverzlunar landbún-
aðarins i dag. Að sögn Gunnlaugs
Bjömssonar forstjóra verður verð
á þeim ákveðið mjög fljótlega, en
það fer eftir því m.a., hversu mikl-
ar niðurgreiðslur verða.
Hjá Sölufélagi garðyrkju-
manna sagði Þorvaldur Þor-
steinsson, að núna væri útirækt-
að grænmeti sem óðast að koma
á markaðinn. Gott útlit væri
með uppskeru og þetta yrði
sennilega gott uppskeruár. Ekk-
ert næturfrost hefði enn komið,
en það spillti ævinlega fyrir.
Verð á blómkáli er 35 kr. á
hvert kg, á hvítkáli kr. 15 og
gulrófum kr. 11. Þorvaldur sagði,
að almennt væri grænmetis-
neyzla að aukast og grænmetis-
almanakið næði orðið allan árs-
ins hring, þar sem vaxandi inn-
flutningur tæki við þegar inn-
lenda framleiðslan væri þrotin.
Einkum hefði paprikan unnið á,
sem var svo til óþekkt hér
heimaræktuð fyrir ekki mjög
mörgum árum.
Samningur Landsvirkjunar og iðnaðar-
ráðuneytis undirritaður í dag:
Grásleppuvertíðin, sem nýlega er lokið, var sú lélegasta I 20 ir. Þessi grisleppukarl lætur samt ekkert i sig fi og
greiðir úr netum sinum hinn rólegasti. (Ljósm. Mbl. Krútján Einanmoo)
Lélegustu
vertíð í 20
„GRÁSLEPPUVERTÍÐIN hefur aldrei áður verið jafn léleg og nú,“
sagði Guðmundur Lýðsson, framkvæmdastjóri Samtaka grásleppu-
hrognaframleiðenda, í samtali við Morgunblaðið í gær þegar hann var
spurður um það hvernig grásleppuvertíðin hefði gengið í ár, en vertíðinni
lauk 5. ágúst.
grásleppu-
ár nýlokið
Guðmundur sagði einnig; „Eg
held að það þurfi að fara 20 ár
aftur í tímann til að finna jafn
lélega vertíð og nú var. Veiðin
núna hefur verið eitthvað um
6.000 tunnur, en nákvæmar tölur
liggja ekki enn fyrir. Til saman-
burðar má geta þess að meðaltal
áratugarins 1970—1980 var
14.000 tunnur á ári. Þetta er því
algert hrun.
Þetta var verst á Norður- og
Norðausturlandi. Það hefur
bókstaflega ekkert veiðst á sum-
um svæðum og er það ákaflega
slæmt. Það má kalla þetta ör-
deyðu. Sem dæmi má nefna
Skagaströnd, þar veiddu þeir
ekki nokkurn skapaðan hlut og
sömu sögu má segja af Strönd-
um, þeir veiddu mjög lítið þar.
Veiðin hefur verið betri við
Breiðafjörð, þar veiddu þeir vel
sums staðar. Síðan hefur það
verið sæmilegt hér fyrir sunnan,
það hefur verið meðalvertíð hér
við Faxaflóann er ekkert framyf-
ir það, og með því skárra á Akra-
nesi.
— Hverjar eru ástæðurnar
fyrir þessum litla afla?
„í fyrsta lagi voru hrognin seld
á útsöluverði núna eftir áramót-
in, þannig að verðið hrundi. Þeir
sem gátu farið á aðrar veiðar
fóru því auðvitað ekki á grá-
sleppuna, þegar ekkert fékkst
fyrir veiðina.
Á sumum stöðum segja þeir að
það sé bókstaflega enginn fiskur
og hafa verið að koma með ýms-
ar skýringar, eins og þá til dæm-
is, að sjórinn sé of kaldur. En
ákaflega erfitt er að gera sér
Landsvirkjun yfirtekur
virkjanir og byggðalínur
SAMNINGUR l.andsvirkjunar og
iðnaðarráðuneytisins um yfirtöku
l.andsvirkjunar á þremur fyrirhug-
uðum virkjunum og byggðalínum,
verður undirritaður klukkan 17 i
dag, miðvikudag. Skrifað verður
undir samninginn með fyrirvara um
samþykki eignaraðila Landsvirkjun-
ar, ríkisins og Reykjavíkurborgar.
í samtali við Morgunblaðið
sagði Birgir ísl. Gunnarsson al-
þingismaður, en hann á sæti í
stjórn Landsvirkjunar, að sam-
komulagið væri tvíþætt. I því fæl-
ist annarsvegar að Landsvirkjun
yrði virkjunaraðili að, þeim þrem-
ur virkjunum sem lög hafa verið
sett um, þ.e.a.s. Blönduvirkjun,
Fljótsdalsvirkjun og Villinganes-
virkjun, þannig að Landsvirkjun
yfirtekur undirbúning og allar
framkvæmdir frá og með 1. októ-
ber. Hins vegar kvéður samning-
urinn á um að Landsvirkjun yfir-
taki byggðalínur frá og mað næstu
áramótum að telja.
grein fyrir ástæðum, það er eng-
inn fiskifræðingur í þessu fyrir
okkur núna, og höfum við því litl-
ar fræðilegar upplýsingar til að
byggja á. Því má einnig bæta við
að þegar lítið aflast og lágt verð
fæst fyrir aflann eru margir sem
hreinlega róa ekki og ekki fæst
fiskurinn nema róið sé, þannig að
áhrifin margfaldast við þessa
erfiðleika."
— Hverjar eru söluhorfurnar á
grásleppuhrognunum nú?
„Það má segja að þessi litla
framleiðsla sé mestöll seld og
hafa um 4.000 tunnur verið flutt-
ar út nú 'þegar og verðið hefur
frekar stigið. Verðið er nú um
300 dollarar fyrir tunnuna og
virðist markaðurinn vera að
jafna sig. Þau mál líta því nokk-
uð vel út núna.
Ég veit aftur á móti ekki hvað
þessi kreppa í heiminum hefur
mikil áhrif á söluna, hér er um
að ræða vöru sem menn borða
ekki til að seðja hungur sitt,
heldur er þetta munaðarvara. Til
þess að halda hlutunum í jafn-
vægi, sýnist mér að framvegis
verði ekki hægt að veiða meira
en 12.000 tunnur á ári hér hjá
okkur."
Vélbáturinn Ágúst Guðmundsson SF 95:
Staðinn að ólöglegum
veiðum við Ingólfshöfða
VARÐSKIPIÐ Óðinn stóð vélbátinn
Ágúst Guðmundsson SF 95 að ólög-
legum veiðum í fyrrakvöld innan 3ja
mílna lögsögunnar við Ingólfshöfða.
Báturinn er 95 tonn að stærð og
gerður út frá Hornafirði.
Báturinn var færður til Horna-
fjarðar og fóru fram yfirheyrslur í
málinu í gær. Samkvæmt mæling-
um varðskipsmanna var báturinn
mest 1 mílu innan lögsögunnar,
samkvæmt heimildum Morgun-
blaðsins.
í samtali við Morgunblaðið
sagði Klemens Eggertsson, full-
trúi sýslumannsins á Hornafirði,
að yfirheyrslur hefðu farið fram í
gær, og málið síðan sent ríkissak-
sóknara til ákvörðunar. Sagði
Eggert að væntanlega tæki rík-
issaksóknari ákvörðun um áfram-
hald málsins í dag, miðvikudag.
Skákmótið í Noregi:
Jón L. vann, Helgi geröi
jafntefli en Karl tapaði
mótinu, sem lýkur næstkomandi
sunnudag.
FJÓRUM umferðum er nú lokið á
alþjóðlega skákmótinu í Gausdal í
Noregi, en í fjórðu umferð tapaði
Karl Þorsteins fyrir v-þýska skák-
manninum Bletz. Jón L. Árnason
vann hins vegar Ögaard frá Noregi,
Helgi Ólafsson gerði jafntefli við
Defermian frá Bandaríkjunum og
Elvar Guðmundsson er með unna
biðskák gegn Nilsen frá Noregi.
Efstir og jafnir á mótinu eru
nú Cranling frá Svíþjóð, Dlugy
frá Bandaríkjunum og Delange
frá Noregi. Þeir eru allir með 3'/2
vinning.
Helgi og Jón L. eru efstir ís-
lendinganna með 2V4 vinning, en
síðan kemur Karl með 2 vinn-
inga. Ef Elvar vinnur biðskákina,
sem allt bendir til, er hann einn-
ig með 2 vinninga.
Níu umferðir verða tefldar á
Tveir úrskurð-
aðir í gæslu-
varðhald
TVEIR menn um tvítugt voru í gær
úrskurðaðir í gæsluvarðhald til 8.
september að telja, samkvæmt upp-
lýsingum sem Morgunblaðið fékk
hjá Rannsóknarlögreglu ríkisins.
Þeir voru staðnir að verki við
innbrot í Austurbæjarbíó aðfara-
nótt mánudagsins sl., og einnig
brutust þeir inn í læknastofur og
teiknistofur á Laugavegi 44. Þar
stálu þeir ávísanaheftum. Gæslu-
varðhalds var krafist af hálfu
Rannsóknarlögreglu ríkisins.
íslenskum sjó-
manni bjargað úr
höfninni í Hull