Morgunblaðið - 09.12.1982, Side 17
MORGUNBLAÐIÐ, FIMMTUDAGUR 9. DESEMBER 1982
17
Einleikarar á jólatónleikum Kammersveitarinnar í Kirkju Óháða safnaðar-
ins 12. des. nk. ásamt stjórn Kammersveitarinnar. Frá vinstri: Hörður Ás-
kelsson orgelleikari, Auður Ingvadóttir, Rut Ingólfsdóttir, Gunnar Kvaran
cellóleikari og Sesselja Halldórsdóttir.
Jólatónleikar Kamm-
ersveitar Reykjavík-
ur 12. desember
— fjölbreytt dagskrá 9. starfsárs ad hefjast
KAMMERSVEIT Reykjavíkur er nú
að hefja 9. starfsár sitt og verða
fyrstu tónleikarnir sérstakir jólatón-
leikar 12. desember kl. 17.00 í
Kirkju Óháða safnaðarins. Á blaða-
mannafundi hjá Kammersveitinni í
gær sagði Rut Ingólfsdóttir aö venj-
an hefði verið sú að halda tvenna
tónleika fyrir jól, en vegna anna
tónlistarfóíksins í sveitinni hefði
ekki getað orðið af því nú. Flestir
hljóðfæraleikararnir leika meö Sin-
fóníuhljómsveit fslands og starf
þeirra með Kammersveitinni er
endurgjaldslaust. Kammersveit
Reykjavíkur var stofnuð fyrir 8 ár-
um af nokkrum tónlistarmönnum,
sem tóku sig til og hófu að spila
reglulega tónlist á þessu sviði, en þá
var tiltölulega lítið framboð af tón-
leikum miðað við það sem nú er,
sagði Rut.
Eftirfarandi tónleikar eru á
dagskrá hjá Kammersveit Reykja-
víkur:
Jólatónleikar, 12. desember, kl.
17.00, í Kirkju Oðháða safnaöarins.
T. Albinoni: Adagio í G-moll fyrir
strengi og orgel.
G.F. Hándel: Orgelkonsert í F-dúr
oj). 4, nr. 4. Einleikari: Hörður
Áskelsson.
F. Couperin: Piéces en Concert.
Einleikari: Gunnar Kvaran
G. Torelli: Jólakonsert.
2. tónleikar, 9. janúar kl. 17.00, í
Camla bíói.
Stjórnandi Paul Zukofsky.
A. Schönberg: Kammersymphonie
op. 9 fyrir 15 hljóðfæri.
W. Lutoslawski: Dance Preludes
fyrir 9 hljóðfæri.
D. Milhaud: La Création du Monde
fyrir 17 hljóðfæri.
3. tónleikar, 13. febrúar kl. 17.00, í
Bústaðakirkju.
W.A. Mozart: Adagio fyrir 2 bass-
ethorn og fagott.
L. Mozart: Frosch-Parthis fyrir
fiðlu, celló og kontrabassa.
K.D. von Dittersdorf: Cassation
fyrir 4 flautur.
W.A. Mozart: Adagio fyrir 2 bass-
ethorn, enskt horn og fagott.
A. Salieri: Piccola Serenata fyrir 2
óbó, 2 horn og fagott.
W.A. Mozart: Kvintett í Es-dúr,
K. V. 407 fyrir horn og strengi.
4. tónjeikar, 13. mars kl. 17.00, í
Bústaöakirkju.
F. Poulenc: Sónata fyrir trompett,
horn og básúnu.
L. Berio: Þjóðlög. Einsöngvari:
Rut Magnússon. Stjórnandi Páll
P. Pálsson.
L. Spohr: Nonett.
„Viðfangsefni níunda starfsárs
Kammersveitar Reykjavíkur,"
sagði Rut, „eru fjölbreytt og vekja
vonandi áhuga tónlistarunnenda,
því þar er að finna hin ólíkustu
verk, sem spanna rúmlega þriggja
alda skeið, þar á meðal er stórverk
sem talið er vera eitt af erfiðustu
kammerverkum sem samin hafa
verið. Þá vill sveitin kynna tón-
verk eftir löngu liðin tónskáld sem
nutu frægðar og hylli á hérvist-
ardögum sínum en gleymdust
fljótt. Sum þessara verka heyrast
ekki oft leikin í tónlistarsölum nú
á tímum.
Enn á ný leitar því Kammer-
sveitin víða fanga í verkefnavali
og nú eins og áður er allt starf
hljómlistarmanna á hennar veg-
um unnið af áhuga á að takast á
við ný og vandasöm verkefni.
Fyrstu tónleikar Kammersveit-
ar Reykjavíkur verða í desember
og eru með hefðbundnu jólatón-
leikasniði; barokktónlist frá síðari
hluta 17. aldar. Þar verða einleik-
arar þeir Hörður Áskelsson
orgelleikari og Gunnar Kvaran
cellóleikari. Af verkum á þeim
tónleikum eru þrjú tónverk sem
aldrei hafa heyrst á tónleikum
hérlendis áður, þar á meðal hið
fræga Adagio eftir Albinoni.
Tæpum mánuði eftir fyrstu
tónleikana ræðst Kammersveitin í
flutning Kammersinfóníu Schön-
bergs, stórvirki á sínu sviði, enn-
fremur La Création du Monde eft-
ir Milhaud og Dance Preludes eft-
ir pólska tónskáldið Lutoslawski.
Nýtur sveitin þar ómetanlegrar
leiðsagnar Paul Zukofskys, sem
svo oft hefur lagt Kammersveit-
inni lið í flutningi 20. aldar kamm-
erverka.
I febrúar verður 18. aldar tón-
list einráð í efnisskránni, verk eft-
ir þá feðgana, Leopold Mozart og
Wolfgang Amadeus og forvitni-
legt verk eftir hinn fræga Antonio
Salieri, lærimeistara Wolfgangs
Amadeus, sem Peter Schaffer hef-
ur gert ódauðlegan í leikriti sínu
„Amadeus", sem sýnt hefur verið í
Þjóðleikhúsinu."
Á seinustu tónleikunum í mars
verður m.a. flutt verkið Folk
Songs eftir Luciano Berio, sem
Rut Magnússon flutti á tónleikum
Kammersveitarinnar í febrúar
1976. Rut mun syngja verkið og
Páll P. Pálsson stjórna eins og áð-
ur.
Rut sagði í samtali við blaða-
mann Mbl. að vinna hjá tónlistar-
mönnum heði aukist jafnt og þétt
undanfarin ár og með tilkomu Is-
lensku óperunnar hefði orðið
virkilega mikil breyting, þannig
að nú væri mun minni tími fyrir
hlóðfæraleikara til þess að sinna
tómstundaverkefnum eins og starf
Kammersveitar Reykjavíkur hef-
ur byggst á. Það væri því ekki
ljóst hve lengi væri hægt að halda
áfram á sömu braut.
„Tel að iðnaðarráðherra
hafi ekki staðið rétt að því að
koma samningaviðræðum á“
— segir Guðitiundur G. Þórarinsson sem í gær sagði sig úr álviðræðunefnd
„Ég segi mig úr álviðræðu-
nefnd vegna ágreinings um
starfsaðferðir. Ég tel að iðnað-
arráðherra hafí ekki staðið rétt
að því að koma þessum samn-
ingaviðræðum á. Hann hefur á
fjórum til fímm fundum í nóv-
ember og desember rætt við
Svisslendingana um hvort þeir
eigi að ræða saman, og fara þeir
því héðan öðru sinni, án þess að
neinar samningaviðræður hæf-
ust,“ sagði Guðmundur G. Þór-
arinsson, alþingismaður og full-
trúi Framsóknarflokksins i
álviðræðunefnd, í samtali við
Mbl.í gærkvöldi, en hann sagði
sig úr nefndinni í gær vegna
ágreinings við iðnaðarráðherra.
„í álviðræðunefndinni lagði
ég fram tillögu, sem ég vildi
láta leggja fram sem skriflegt
tilboð til Svisslendinganna
um opnun á viðræðum. Sú til-
laga miðaði við það að Sviss-
lendingarnir hækkuðu orku-
verðið l.febrúar um 20% til
þess að sýna að þeir væru að
semja með góðan vilja um
hækkað orkuverð. Síðan yrðu
hafnir samningar um nýjan
orkusamning þar sem tekið
yrði mið af þeirri orku sem
greidd er til álvera í Evrópu
og Ameríku svo og samkeppn-
isaðstöðu ÍSALs, ásamt fleiri
atriðum, og þessum samn-
ingaviðræðum yrði lokið fyrir
1. apríl.
Einnig var í tillögunni gert
ráð fyrir að við lýstum því
Guðmundur G. Þórarinsson
yfir að við værum út af fyrir
sig tilbúnir að samþykkja
stækkun álversins ef full-
nægjandi samningar um það
næðust. Einnig að Svisslend-
ingar fengju nýja hluthafa
með sér vegna þeirra miklu
framleiðsluörðugleika sem nú
eru í álrekstri, ef það yrði
samþykkt að íslenzka ríkis-
stjórnin gæti gengið inn í ál-
verið með eignaraðild á síðari
tímum.
Jafnframt var lagt til að við
legðum fyrri deilumál í
þriggja lögfræðinga gerð, þar
sem skorið yrði úr um laga-
legan ágreining varðandi
þessi deilumál aftur í tímann.
Þetta er dálítið svipað því sem
Svisslendingarnir lögðu sjálf-
ir til í sínu bréfi, sem vár
mjög jákvætt. Hins vegar
lagði ég áherzlu á, að til þess
að sýna góðan vilja í samning-
unum hækkuðu þeir orkuverð-
ið um 20% áður en við byrjuð-
um.
Það hefur verið ágreiningur
um þetta vegna þess að Hjör-
leifur hefur viljað verulega
byrjunarhækkun mjög áður
en farið yrði að semja um nýj-
an orkusamning. Þegar hann
hins vegar neitaði að kynna
þessar hugmyndir fyrir
Svisslendingunum á loka-
fundunum, þrátt fyrir að stór
hluti nefndarmanna væri inn
á því að taka þannig á málinu,
þá lýsti ég því yfir að ég teldi
ekki grundvöll fyrir þessu
samstarfi lengur og segði mig
úr nefndinni. Lýsti ég allri
ábyrgð á hendur iðnaðarráð-
herra varðandi framhald
þessara viðræðna," sagði Guð-
mundur.
Aðspurður um hvort hann
hefði fylgi forystu Framsókn-
arflokksins við hugmyndir
sínar sagði Guðmundur, að
nokkrir aðilar í Framsóknar-
flokknum hefðu unnið þessar
tillögur. Aðspurður taldi hann
það ólíklegt að þessi afstaða
framsóknarmanna í viðræð-
unum kynni að hafa áhrif á
stjórnarsamstarfið.
Gjörbreytir samningsstöðu
okkar gagnvart Alusuisse
— segir Hjörleifur Guttormsson um úrsögn Guðmundar G. Þórarinssonar
„Ég MUN taka þetta mál upp í
ríkisstjórninni á morgun, og þctta
skipulega upphlaup framsóknar-
manna gjörbreytir að sjálfsögðu
samningsstöðu okkar íslendinga
gagnvart Alusuisse," sagði Hjör-
leifur Guttormsson iðnaðarráð-
herra þegar hann var spurður álits
á úrsögn Guðmundar G. Þórarins-
sonar úr álviðræðunefnd.
„Ég er meira en lítið undrandi
á framferði fulltrúa Framsókn-
arflokksins í álviðræðunefnd
eins og hún hefur birzt síðustu
daga og mætti þó margt segja
um það sem á undan er gengið.
Mér virðist sem Guðmundur G.
Þórarinsson og Framsóknar-
flokkurinn séu að fara á taugum
í þessu örlagaríka máli og það
skipulega upphlaup sem þjóðin
varð vitni að í sjónvarpinu í
kvöld gjörbreytir að sjálfsögðu
samningsstöðu okkar íslendinga
gagnvart Alusuisse í einu vet-
fangi. Eitt er að gera ágreining
um meðferð máls í þar tilkvödd-
um hópi en annað er að opinbera
hann fyrir gagnaðila sem við
eigum í harðri deilu við, og það á
örlagaríku augnabliki.
Með þessu dæmalausa fram-
ferði fulltrúa Framsóknar-
flokksins í þessu stóra hags-
munamáli þjóðarinnar er víglín-
an færð frá því að vera gagnvart
Alusuisse fyrst og fremst yfir á
innanlandsvöll, og efnt er til
opinna deilna um starfsaðferðir
og efnisatriði með ófyrirsjánleg-
um afleiðingum og stefnt að því
að kljúfa þjóðina í tvær fylk-
ingar í þessu stóra hagsmuna-
Hjörleifur Guttormsson
máli. Það er nú komið á daginn
að Framsóknarflokkurinn virð-
ist í þessu máli taka flokkspóli-
tíska hagsmuni fram yfir þjóð-
arhagsmuni, þó að ég eigi erfitt
með að sjá hvaða ávinning hann
geti haft af þessu dæmalausa
upphlaupi.
Ég vek athygli á því að það er
fulltrúi Framsóknarflokksins,
stærsta stjórnarflokksins, sem
beitir sér fyrir þessum óvina-
fagnaði, en ekki fulltrúar stjórn-
arandstöðunnar, sem geta að
sjálfsögðu skotið sér á bak við
fulltrúa stjórnarflokks í þessu
máli. Ætla ég þó ekki að hafa
uppi neinar kvartanir vegna af-
stöðu þeirra eða atfylgis í mál-
inu til þessa, þó að ég hafi þar
verið ósáttur við mörg atriði,
eins og tillöguflutning sjálfstæð-
ismanna í stjórnarandstöðu inn
á Alþingi í haust. Ég hlýt hins
vegar að gera aðrar kröfur til
samstarfsaðila í ríkisstjórn sem
staðið hefur að skuldbindandi
ákvörðunum um málsmeðferð
með ítrekuðum samþykktum
ríkisstjórnar sem ég hefi unnið
eftir í einu og öllu í þessari erf-
iðu deilu.
Það liggur í hlutarins eðli að
ég mun taka þessi mál upp í rík-
isstjórn á morgun, og þar og
annars staðar kemst ég ekki hjá
því að skýra frá efnisatriðum
máls, sem ella hefðu legið í
þagnargildi, og gera í framhaldi
af því tillögur um viðbrögð af
íslands hálfu í þeirri erfiðu
stöðu sem Framsóknarflokkur-
inn hefur nú stefnt þessu máli í,“
sagði Hjörleifur.
Aðspurður sagði Hjörleifur að
Framsóknarflokkurinn hefði
verið spurður um hvort annar
maður yrði skipaður í nefndina
af hálfu flokksins í stað Guð-
mundar, en engin svör borizt.
Er Hjörleifur var spurður að
því hvort hann væri þeirrar
skoðunar að Guðmundur túlkaði
ekki skoðanir framsóknarmanna
í álviðræðunum sagði hann: „Ég
veit það ekki með vissu en mér
þykir það mjög ólíklegt að hann
stígi jafn afdrifaríkt skref án
þess að hafa tryggt sér stuðning
áhrifamikilla aðila við þessa
hraklegu málafylgju."