Morgunblaðið - 28.01.1983, Blaðsíða 28

28
MORGUNBLAÐIÐ, FÖSTUDAGUR 28. JANÚAR 1983
Launadeila kafara og Landhelgisgæzlunnar:
Köfum ekki fyrr en sam-
komulag hefur tekist
— segir Þorvaldur Axelsson, einn þeirra
sem hafa skilað búningi sínum
„Við scm stundum köfun fvrir Landhclgisgæzluna í hjávcrkum, skiluðum
köfunarbúningum okkar fjrir rúmum mánuði vegna dcilu um þóknun fyrir
köfun. Og við munurn ekki kafa fyrr en samkomulag hefur tekist," sagði
Þorvaldur Axelsson, stýrimaður, í samtali við Mbl.
„Aðdragandi málsins er sá, að
við rituðum bréf til fjármála-
stjóra Landhelgisgæzlunnar í
byrjun október og óskuðum eftir
viðræðum um kjör okkar. Gáfum
10 daga frest til að svara hvenær
þeim hentaði að tala við okkur.
Við vorum ekki virtir svars, svo
þann 15. október skrifuðum við
bréf og sögðum upp því samkomu-
lagi sem í gildi var. Við sögðum
upp aukastarfi okkar sem kafarar
með mánaðarfyrirvara eins og
heimilt var.
Þau eru mörg konungseyrun,
eins og sagt er, því sama dag og
bréfið var póstlagt hafði forstjóri
Gæzlunnar, Gunnar Bergsteins-
son, samband við mig og óskaði
eftir viðræðum um þetta mál. Síð-
an komum við tveir kafarar til
samningaviðræðna við forstjóra
og mann frá launamáladeild fjár-
málaráðuneytisins — frá fjár-
málastjóra heyrðist hvorki hósti
né stuna, þó hann hafi verið við-
semjandi okkar um áratuga skeið.
Það voru haldnir fjórir samninga-
fundir og þann 10. nóvember var
skipst á tilboðum. Þau tilboð voru
rædd og við féllumst á þann grunn
sem þeir buðu við köfun innan
hafnar, sem þó er helmingi lægri
en hjá köfurum almennt. Eftir að
búið var að samþykkja köfun inn-
an hafnar var þóknun fyrir köfun
utan hafnar það eina sem á milli
bar, en hún er margfalt erfiðari og
hættulegri. Við vildum alfarið að
tveir kafarar væru þá að störfum.
Þeir voru þessu sammála — þegar
því væri viðkomið. Það hefur kom-
ið fyrir í neyðartilfellum að einn
hafi kafað. Það verður að viður-
kennast þó það sé brot á reglum.
En í slíkum tilfellum viljum við
ekki lækka heildarlaunin, heldur
fengi sá er kafaði laun tveggja
manna. En forstjórinn sagðist
ekki vilja borga nema hluta af
launum tveggja þegar einn kafaði.
Því töldum við að það yrði hvetj-
andi fyrir Gæzluna að hafa einn
og gátum því ekki fallist á þetta.
Við héldum að samningar væru
á lokastigi en það reyndist aldeilis
ekki rétt. Boðað var til fundar
mánudaginn eftir, en ekkert varð
af honum og var fundum marg-
frestað. Loks föstudaginn 10. des-
ember bað forstjórinn mig að
ræða við sig. Þá tilkynnti hann að
tilboðið, sem lagt hafði verið fram
'/2 mánuði áður hefði verið loka-
tilboð og að við værum skyldugir
að kafa áfram samkvæmt gamla
samkomulaginu og svo lengi sem
ekki væri samið. Ég mótmælti
þessu, enda hafði tilboðið aldrei
verið lagt fram sem lokatilboð —
farið væri framhjá öllum siðvenj-
um og reglum.
Skipherrar fela köfurum — og
ég undirstrika það, fela köfurum
að kafa og köfun fer fram með
samþykki viðkomandi kafara í
hverju tilviki. Þetta er alfarið
aukastarf — ekki aðalstarf og
menn hafa engin laun þegið nema
fyrir hvert einstakt verk. Því er
ekki hægt að neyða okkur til þess
að kafa.
Nokkrum dögum síðar afhenti
Gunnar Bergsteinsson mér per-
sónulega bréf sem ég kynnti fyrir
köfurum Gæzlunnar. Þar var til-
kynnt að um lokatilboð hefði verið
að ræða og á það hefðum við ekki
faliist. Jafnframt að við værutn
skyldugir til að halda áfram köfun
samkvæmt gamla samkomulag-
inu, þangað til um annað semdist.
Jafnframt að Gæzlan væri fús til
þess að vísa málinu í gerðardóm,
þar sem einn væri skipaður af
okkur, einn af Gæzlunni og odda-
maður, sem gæti verið borgardóm-
ari. Við héldum um þetta fund —
og talaði hver fyrir sig og það skal
ítrekað að við erum ekki félag —
heldur einstaklingar, sem hafa
köfun af aukastarfi. Við sam-
þykktum hver fyrir sig að hafna
gerðardómnum. Við viljum ekki að
menn sem ekki þekkja til starfa
okkar dæmi í máli okkar. Við gæt-
um lent í þeirri aðstöðu, að við
yrðum skyldaðir að taka þau verk-
efni sem Gæzlunni þóknaðist
hverju sinni að úthluta okkar —
án tillits til þess hvert líkamlegt
og andlegt ástand okkar væri
hverju sinni.
Því fórum við, sem í landi vor-
um, sama dag og skiluðum bún-
ingum og tækjum og tilkynntum
um leið viðkomandi yfirmönnum
ákvörðun okkar. Þannig stendur
málið í dag — hvorki rekur né
gengur," sagði Þorvaldur Axels-
son.
Mbl. ræddi við Gunnar Berg-
steinsson og vildi hann ekki tjá sig
um málið. Sagði það viðkvæmt og
ekki rétt að vera með yfirlýsingar
eins og málum væri háttað.
Jóla- og afmælis-
fundur hjá sjálfstæðis-
mönnum í Eyjum
JÓLAFUNDUR Sjálf-
stæðiskvennafélagsins
Eygló sem að þessu sinni
var jafnframt 50 ára af-
mælisfundur Sjálfstæðis-
félags Vestmannaeyja var
haldinn í Samkomuhúsi
Vestmannaeyja um ára-
mótin og var hann mjög
fjölsóttur. Avörp voru
flutt á samkomunni og
skemmtiatriði. Þá flutti
séra Kjartan Örn Sigur-
björnsson jólahugleiðingu
og Lýður Ægisson skip-
stjóri lék jólalög á orgel.
Sjálfstæðisfélagi Vest-
mannaeyja voru færðar
góðar gjafir, en samkom-
an þótti takast hið bezta.
Séra Kjartan
Örn Eyjaklerkur
flutti jólahugleiðingu.
Stefán Runólfsson formaður Sjálfstæðisfélags Vestmannaeyja afhjúpar
ræðupúlt sem Eyjverjar, félag ungra sjálfstæðismanna í Eyjum, gaf
Sjálfstæðisfélaginu, en á púltinu er útskurður eftir Svein Ólafsson
myndskera. Hægra megin við Stefán er Ásmundur Friðriksson formaður
Eyjvcrja og sitjandi er Ingibjörg Á. Johnsen formaður Eyglóar.
Lýður Ægisson skipstjóri lék jólalögin.
Ljósmyndir Mbl. Sigurgeir
Nær 100 manns sóttu jólafundin.
enna-
vinir
Frá Bretlandi skrifar ungfrú, sem
segist vilja komast í bréfasam-
band við ungan Islending. Getur
ekki um aldur:
Ruth Bogue,
67 Andlers Ash Road,
Liss,
Hampshirc,
England GU33 7LR.
Sextán ára piltur í Ghana með
íþróttaáhuga:
Osei Kwame,
c/o Pte. Asumadu,
3rd. Bn. of Inf. HQ,
Lib., Iiarks,
Sunyani,B/A,
Ghana.
Fimmtán ára stúlka í Japan sem
leikur á gítar og les bækur sér til
dægrastyttingar:
Chiharu Matuzaki,
5ku Asahi-cho,
Kamikawa-gun,
Hokkaido,
095-04 Japan.
Sextán ára piltur í Ghana með
margvísleg áhugamál:
James Oduoku,
P.O.Box 823,
Cape Coast,
Ghana.
Tólf ára sænsk stúlka með áhuga
á íþróttum og dýrum. Skrifar á
ensku, eins og reyndar öll sænsk
ungmenni, sem skrifa pennavina-
dálkinum:
Cecilia Svensson,
Herrhagsvágen 145,
791 75 Falun,
Sweden.
Fjórtán ára japönsk stúlka, leikur
á píanó og flautu og hefur íþrótta-
áhuga:
Misao Maseki,
5712-119 Hata-machi,
Higashichikumagun,
Nagano,
390-14 Japan.