Morgunblaðið - 11.05.1983, Blaðsíða 22

54
MORGUNBLAÐIÐ, MIÐVIKUDAGUR 11. MAÍ 1983
VIÐSKIPTI
VIÐSKIPTI - EFNAHAGSMÁL - ATHAFNALÍF
Umsjón: Sighvatur Blöndahl
Afkoma Seðlabanka íslands
mun betri í fyrra en árið á undan:
Eiginfjárhlutfall
batnaði verulega
Vaxtatekjur umfram vaxtagjöld um 263 milljónir kr.
AFKOMA Seðlabanka ís-
lands var mun betri á árinu
1982, en á árinu áður. Þá
voru gjöld umfram tekjur
233,8 milljónir króna, en í
fyrra varð tekjuafgangur um
106,5 milljónir króna. Þessar
upplýsingar komu fram í
ræðu Halldórs Ásgrímssonar,
formanns bankaráðs Seðla-
banka Islands á ársfundi sl.
mánudag.
Halldór Ásgrímsson sagði
þessa útkomu skýrast að tals-
verðu leyti af lakari stöðu inn-
lánsstofnana gagnvart Seðla-
bankanum á árinu 1982 en á
fyrra ári.
Eigið fé Seðlabankans hefur
þróast þannig sl. þrjú ár, að árið
1980 var það sem hlutfall af
heildarfjármagni um 11,7%. Féll
niður í 9,0% árið 1981 og tók síð-
an stökk upp í 15,1% á síðasta
ári.
Ef litið er á eigið fé bankans
sem hlutfall af þjóðarframleiðslu
kemur í ljós, að það var 2,1% árið
1980. Féll niður í 1,7% á árinu
1981 og tók síðan stökk upp á við
í fyrra og var um 3,3%.
Vaxtatekjur bankans umfram
vaxtagjöld á síðasta ári voru um
263 milljónir króna, en á árinu
1981 voru vaxtagjöld umfram
vaxtatekjur um 158 milljónir
króna.
Rekstrarkostnaður bankans
var um 47,3 milljónir króna á síð-
asta ári og hafði hækkað um 57%
frá árinu á undan. Þá námu gjöld
til opinberra aðila um 9,1 milljón
króna á síðasta ári, borið saman
við 5,5 milljónir króna á árinu
1981, sem er um 65% hækkun.
í efnahagsreikningi fyrir síð-
asta ár kemur m.a. fram, að ef
miðað er við gengi dollara hafa
erlendar eignir í frjálsum gjald-
eyri, að frádregnum erlendum
skuldum til skamms tíma, lækk-
að úr 206 milljónum dollara í 114
milljónir dollara.
Nettóstaða innlánsstofnana
var í árslok 1982 sú, að skuldir
þeirra við Seðlabankann voru
hærri en innistæður um 1.300
milljónir króna, en árið áður var
staða þeirra þannig, að innistæð-
ur voru 504 milljónum króna
hærri en skuldir.
Þá var nettóstaða bankans við
Alþjóðagjaldeyrissjóðinn skuld
að fjárhæð um 36,8 milljónir
SDR í árslok 1982, en var um 9,8
milljóna SDR skuld árið áður.
Mikill uppgangur hjá SAAB-bílaverksmiðjunum sænsku:
Um 18% söluaukning
á fyrsta ársfjóröungi
Hafa ekki undan í framleiðslu, þrátt fyrir stöduga aukningu
SAAB-bíIaverksmiðjurnar sænsku
seldu alls 25.800 bfla fyrstu þrjá
mánuði ársins, borið saman við
21.900 bfla á sama tíma í fyrra. Sölu-
aukningin milli ára er því tæplega
18%. Talsmaður fyrirtækisins sagði
á dögunum, þegar þessar tölur voru
kynntar, að söluaukningin hefði í
raun getað orðið mun meiri, fyrir-
tækið hefði einfaldlega ekki haft
undan í framleiðslu.
Talsmaðurinn sagði að fram-
leiðsla yrði aukin jafnt og þétt á
næstunni, eins og hefur reyndar
verið gert undanfarið. „í ársbyrj-
un 1982 var framleiðsluhraðinn
um 75.000 bílar á ári. 1 júní 1982
var hann kominn upp í um 87.000
bíla og í desember sl. var hann
kominn í liðlega 90.000 bíla. í lok
marzmánaðar var framleiðslu-
hraðinn kominn í 93.000 bíla og
dugði alls ekki til,“ sagði talsmað-
urinn.
Það hefur því verið tekin
ákvörðun um að auka framleiðslu-
hraðann upp í um 95.000 bíla í júní
næstkomandi og að hann verði
kominn yfir 100.000 bíla í október
nk. „Framleiðsluhraðinn mun því
ef að líkum lætur aukast um lið-
lega 33,3% á tímabilinu janúar
1982 til október 1983, eða um
25.000 bíla,“ sagði talsmaðurinn
ennfremur.
Það kom ennfremur fram, að á
þessu ári, þ.e. janúar-desember,
mun SAAB væntanlega framleiða
um 95.000 bíla og salan verður í
svipuðum dúr, þar sem birgðir um
áramót voru engar. Talsmaðurinn
sagði það stefnu fyrirtækisins, ">ð
selja a.m.k. liðlega 100.000 bíla á
næsta ári, en miðað við þróun síð-
ustu missera mætti búast við því,
að enn þyrfti að auka framleiðsl-
una.
AXIS, ný húsgagnalína frá Axel Eyjólfssyni hf.:
Stefnum jafnt á útflutn-
ing sem sölu innanlands
— segir Eyjólfur Axelsson, framkvæmdastjóri fyrirtækisins
Húsgagnaframleiðendhafa átt
töluvert undir högg aö sækja undan-
farin ár, sérstaklega vegna síaukins
innflutnings. Þó eru nokkur fyrir-
tæki, sem hafa fyllilega staðið af sér
hina hörðu samkeppni. Eitt þeirra er
Axel Eyjólfsson hf., sem hefur sér-
hæft sig í smíði fataskápa síðustu
misserin. Á dögunum boðuðu for-
svarsmenn fyrirtækisins til blaða-
mannafundar, þar sem þeir sögðu
samkeppnina sífellt fara harðnandi
og til að snúa vörn enn frekar í sókn
í markaðsmálum húsgagna og inn-
réttinga hefði verið tekin um það
ákvörðun á síðasta ári, að hefja
þróun nýrra framleiðsluvara, sem
gætu orðið til útflutnings jafnt sölu
hér innaniands.
„Við leituðum eftir samstarfi
við Pétur B. Lúthersson, hús-
gagnaarkitekt, en hann hefur get-
ið sér gott orð á undanförnum ár-
um fyrir húsgögn, bæði hér á landi
og á alþjóðlegum sýningum. Næg-
ir þar að nefna Tabella-skrifstofu-
húsgögnin og Stacco-stólinn, sem
kynntur var á sýningunni í Kaup-
mannahöfn 1981, og selst nú í þús-
undatali víða um heim,“ sagði
Eyjólfur Axelsson, framkvæmda-
stjóri fyrirtækisins.
Pétur B. Lúthersson og stjórn-
endur Axels Eyjólfssonar hf. hafa
síðan lagt saman víðtæka þekk-
ingu á hönnun húsgagna, neyt-
endakröfum og framleiðslu til að
þróa nýjar húsgagnagerðir í háum
gæðaflokki undir Vörumerkinu
AXIS.
„Við teljum AXIS-húsgögnin
standast hæstu gæðakröfur í hrá-
efnisvali og útlitshönnun. Mikil
áherzla hefur verið lögð á nota-
gildi. Allar hirzlur eru gerðar
þannig, að rýmið nýtist sem bezt,
einingum er raðað saman eftir
þörfum neytandans og eru val-
kostirnir því ótrúlega margir. Við
höfum síðan ákveðið að kynna
MAXIS-hillusamstæðunni má raða upp á ótal vegu.
TAXIS heita nýju svefnherbergishúsgögnin.
AXIS-húsgögnin á Alþjóðlegu
húsgagnasýningunni í Kaup-
mannahöfn 4.-8. maí og láta
reyna á það hvort hægt er að hefja
útflutning," sagði Eyjólfur enn-
fremur.
Það má skipta hinum nýju hús-
gögnum í fjóra flokka, TAXIS,
sem eru svefnherbergishúsgögn,
sem framleidd eru úr ljósum aski.
Þá er það REXIS, sem forsvars-
menn fyrirtækisins kalla „kon-
ung“ klæðaskápanna. Hann er
framleiddur úr dökkum viði og
ljósum aski.
MAXIS er ný hillu- og skápa-
samstæða, sem setja má saman á
ótal vegu og gefur því mikla
möguleika. Einingarnar eru fram-
leiddar úr ljósum aski og dökkum
viði. Loks er það PRAXIS, sem er
borðasamstæða. Borðin eru ein-
göngu úr tré, enginn málmhlutur
kemur þar inn í, þannig að verk-
færi eru óþðrf við samsetningu
þeirra.
Húsgagnaverzlun Axels Eyj-
ólfssonar var stofnuð fyrir 47 ár-
um, en árið 1970 var fyrirtækinu
breytt í hlutafélag. Eftir stækkun
og endurskipulagningu verksmiðj-
unnar 1981 er hún síðan eitt bezt
búna framleiðslufyrirtæki hér á
landi. Vélar og tæki eru með því
fullkomnasta, sem til er í dag.
Eyjólfur Axelsson sagði að með
jafn vel búinni verksmiðju og raun
ber vitni og með síaukinni þekk-
ingu á hráefnum og framleiðslu
hefði fyrirtækinu tekizt að verða
fyllilega samkeppnisfært í verði í
hinni hörðu samkeppni.