Morgunblaðið - 18.08.1983, Qupperneq 3
MORGUNBLAÐIÐ, FIMMTUDAGUR 18. ÁGÚST 1983
3
Könnun Verðlagsstofnunar:
Góður árangur af
frjálsri verðmyndun
NÝLEG könnun Verdlagsstofnunar
hefur leitt í Ijós að verðhækkanir á
innlendri iðnaðarframleiðslu, þar
sem álagning á verksmiðjuverði er
frjáls, hafa verið minni en á erlend-
um samkeppnisvörum í allflestum
tilfelium.
Könnunin nær yfir tímabilið frá
síðustu áramótum til 20. júlí sl. en
um áramótin var ákvörðun verk-
smiðjuverðs vöru, í nokkrum
greinum innlendrar iðnaðarfram-
leiðslu, gefin frjáls. Þessar upplýs-
ingar koma fram í síðasta frétta-
bréfi Verzlunarráðs íslands og eru
þar nokkrar vörutegundir teknar
sem dæmi.
Hækkun á niðursoðnum og nið-
urlögðum vörum er 52% á inn-
lendri framleiðslu en 55% á er-
lendri. Innlendar drykkjarvörur,
að öli undanskildu, hafa hækkað
um 53% á móti 60% hækkun þess
erlenda. Einna mestur munurinn
er á hreinlætisvörum, en innlend-
ar hreinlætisvörur hafa hækkað
um 40% á meðan erlendar sam-
keppnisvörur hafa hækkað um
71%. Innlent kex hefur hins vegar
hækkað meira en það erlenda. Svo
virðist sem munurinn sé mestur
þar sem samkeppni er virkust.
7--------
Eru
þeir að
fá 'ann
->
■
S......-
23 punda flugulax úr Þverá
„Það veiddist hérna 23 punda
lax á flugu fyrir nokkrum dögum
og það er stærsti laxinn hjá
okkur í sumar," sagði Hörður
Halldórsson, veiðivörður við
Þverá, í samtali við Morgunblað-
ið í gær. Laxinn veiddi enskur
veiðimaður að nafni Sandy
Savage 12. ágúst á flugu sem ber
hið skrýtna nafn Stinchcher nr.
6. Var fiskurinn hængur að sögn
Harðar, afar rauður og leginn og
mætti því ætla að hann hafi ver-
ið nokkru þyngri er hann gekk í
ána.
Hörður sagði að vel hefði
veiðst allt fram að 15. ágúst, en
þá hefði stóra Þverá gruggast
mjög og gert veiðiskap allan
hinn erfiðasta. Litla Þverá hefði
hins vegar verið hrein og gefið
sæmilega. „Hópurinn sem var í
ánni 12.—15. ágúst fékk 46 laxa
og það merkilega var, að þetta
var nær allt stórlax, helmingur-
inn yfir 12 pund og þó nokkrir
17—19 punda laxar, þannig
veiddist einn 19 punda lúsugur
hængur í Þórunnarhyl á Stoat-
flugu. Enskir veiðimenn voru að
veiðum og notuðu mikið lítt
kunnar flugur svo sem Monroe
Killer, Jenny, Stoat og Stinch-
cer, svo einhverjar séu nefndar."
íslendingar eru að hefja veið-
ar í Þverá um þessar mundir, en
óvíst er hvernig gengur til að
byrja með, því áin hefur verið
mjög skoluð síðustu dagana.
Hörður sagði að 870 laxar væru
komnir á land úr Þverá, en veið-
in hefði verið heldur lakari í
Kjarrá og þar væru líklega
komnir 815—820 laxar á land.
Taldi Hörður góðar horfur á
talsverðum afla á lokasprettin-
um ef áin hreinsaði sig, því mik-
ið væri af laxi í ánni og ennþá
væri að ganga lax.
Selá enn léleg
„Ég var fyrir austan fyrir um
viku síðan og það var ekki mikið
líf að sjá, en síðan veit ég til þess
að komið hafi sæmileg ganga í
ána og heildaraflinn í Selá er
líklega um 200 laxar. Er af sem
áður var og ekki lengra síðan en
1978 að það veiddust í þessari á
milli 1.400 og 1.500 laxar," sagði
Hörður Óskarsson, leigusali
veiðileyfa í Selá í Vopnafirði, í
viðtali í gær.
Hörður sagði að alls væri veitt
á 6 stangir í Selá, 4 frá veiðihús-
inu að Hvammsgerði og tvær í
efri hluta árinnar. Sagði hann
tæpa 150 laxa vera komna á land
úr neðri hlutanum, en rúmlega
50 úr efri hlutanum. „Laxinn er
smærri en áður, mest smálax og
ég veit ekki til þess að stærri lax
en 17 pund hafi komið úr ánni í
sumar. Það bendir til þess að
laxgengdin gæti orðið bærileg
næsta sumar. Besta hollið fékk
30 laxa og 25 vænar bleikjur, það
var snemma í ágúst," bætti
Hörður við. Þess má geta, að þó
veiðin hafi verið afspyrnuléleg í
sumar þegar á heildina er litið,
er hún þegar orðin ívið betri en
allt síðasta veiðitímabil.
Mikill fiskur en smár
Fyrr í sumar var farið að aug-
lýsa veiðileyfi til sölu í Reyðar-
vatni í Borgarfirði, en það vatn
hefur ekki verið opið almenningi
um all langt skeið. Veiðileyfi eru
seld að Þverfelli. Reyðarvatn var
lengi talið eitt besta silungs-
veiðivatn landsins. Var til mjög
vænn silungur þar og bleikjurn-
ar urðu allt að 10 pund þó ekki
væri daglegur viðburður að slík-
ar ófreskjur veiddust.
Mbl. hefur rætt við nokkra
kappa sem farið hafa til veiða í
vatninu á síðustu vikum og hefur
aflinn verið góður. Einn sem
rætt var við fékk milli 40 og 50
bleikjur. En sé veitt of lítið í
bleikjuvötnum kemur það niður
á gæðum stofnsins og þeir sil-
ungar sem viðmælendur blaðsins
hafa veitt, hafa borið þess merki
að vatnið sé ofsetið. Hefur fisk-
urinn upp til hópa verið smár og
fremur horaður. Er það mál
þeirra sem Mbl. hefur rætt við,
að ekki veitti af að grisja silung-
inn í vatninu.
Stórlaxar
Stórlaxinn sem getið er um
hér að framan er þriðji stærsti
lax sumarsins eftir því sem Mbl.
kemst næst. Ef rifjuð er upp tala
stærstu laxanna, þá er sá stærsti
25 punda lax, sem veiddist á
maðk í Ölfusá fyrir landi Hellis
og Fossness. Rúmlega 24 punda
lax veiddi erlendur veiðimaður í
Vatnsdalsá og 24 punda lax
veiddist á maðk í Kerinu í Gljúf-
urá í Borgarfirði. Fiskurinn í
Vatnsdalsá veiddist á flugu.
Gljúfurárlaxinn var sagður 22
pund í Mbl. fyrir nokkru og leið-
réttist það hér með. Því næst
kemur Þverárlaxinn sem rætt er
um hér að framan, 23 pund á
fiugu, en auk þess hafa 22 punda
laxar veiðst svo Mbl. veit til í
Vatnsdalsá, Stóru Laxá. Þverá
og Grímsá. Að minnsta kosti
tveir þeirra veiddust á flugu. 20
og 21 punda fiskar hafa veiðst í
Víðidalsá, Álftá, Laxá í Kjós og
sjálfsagt víðar, þó ekki hafi farið
af því fréttir.
*
Italir heidra Kristján Albertsson
Síðastliðinn sunnudag, hinn 14. ágúst, afhenti Franco Ferretti, ambassador Ítalíu á íslandi, Kristjáni Alberts-
syni, rithöfundi tignarmerki Commendatore, ítölsku orðunnar „Al Merito della Repubblica Italiana“.
Er þetta ein æðsta orða sem Ítalíuforseti veitir. Kristján var sæmdur þessari orðu vegna þess að hann var
aðstoðarmaður Balbos er hann kom hingað fyrir 50 árum með flugsveit sína, og fyrir ævarandi vináttu Kristjáns
við Ítalíu, ítölsk málefni og menningu.
KVÖLDSÝNING
fimmtudaq
Nú breytum við til og höldum bílasýningu
til klukkan 10 í kvöld.
ÝJA BÍLA-
U»rda323
.„,626
pb^mcww
(MAZDA 929 er Þvi
miðui uppseldur)
SÝNUM:
atn'TAÍ
NOrtAÐA Mazda
Glæsilegt ui di með 6
SJSsísfS?-
Gerð ’83 l-600
929 2dyraHTm ^ 27 00o
626 2000 4 dyra sj.sk. ^ 29.000
626 2000 4 dyra 21.000
323 1500 GT 3 dyra ^ 7.0OO
323 1300 3 dyra ,81 30.OOO
929 Station sj.sk. 26.000
323 1300 5 dyra ^ 31>000
323 1300 Saioon ,80 60.000
626 2000 4 dyra 35.OOO
323 1400 SP 3dyra^
BÍLABORGH|
Smiöshölöa 23 s.m. 812 99
Fólksbíll/Stationbíll
Nýr framdrifinn MAZDA 626
5 dyra Hatchback
margfaldur verdlaunabíll.
Vél: 102 hö DIN
Viðbragð: 0-100 km 10 4 sek
Vindstuðull: 0.35
Farangursgeymsla 600 lítrar
m/nidurfelldu aftursæti
Bensíneyðsla 6.3 L/100 km á 90 km hraða