Morgunblaðið - 18.08.1983, Síða 32

32
MORGUNBLAÐIÐ, FIMMTUDAGUR 18. ÁGÚST 1983
Ljómaralliö hefst í dag
Davíð Oddson ræs-
ir keppendur af stað
DAVÍÐ Oddsson mun gefa keppnis-
bílum í I.jómarallinu rásleyfi er
keppni hefst kl. 09.00 í dag. Leggja
bflarnir upp frá Vogaskólanum, þar
sem upplýsingamiðstöð rallsins verð-
ur dagana þrjá, sem keppni stendur.
Fyrstir af stað verða Hafsteinn
Hauksson og Birgir V. Halldórsson
á Escort RS, sem þykja mjög sig-
urstranglegir í rallinu. Ómar og
Jón Ragnarssynir koma næstir á
Renault 5, en þeir hafa forystu í
íslandsmeistarakeppninni. Skot-
arnir Tom Davies og Philip Walker
leggja upp í kjölfar bræðranna á
Toyota Ceilca, gætu þeir komið
öðrum keppendum í opna skjöldu
þar sem enginn veit getu þeirra.
Halldór Úlfarsson og Tryggvi Að-
alsteinsson aka Toyota Corolla í
rallinu en þeir berjast um ís-
landsmeistaratitilinn. „Það má bú-
ast við því að við högum akstrinum
eftir því hvar Omar og Jón
standa," sagði Halldór i samtali
við Morgunblaðið. „Ef annar hægir
á sér þá gerir hinn það líklega
einnig, en það verður samt líklega
ekkert slegið af. Það er spurning
hvað á að bjóða bílnum á grófari
leiðunum, þetta verður 25% heppni
held ég,“ sagði Halldór. Alls leggja
18 keppendur af stað og margir
þeirra eiga góða möguleika á að ná
verðlaunasæti. Ásgeir Sigurðsson
og Júlíus Ólafsson á Escort 2000
eru réttu mennirnir í svona lang-
rall, Ásgeir er einstaklega laginn
ökumaður. Jón S. Halldórsson á
BMW 2002 þykir skæður, en spurn-
ingin er hvort hann heldur út rall-
ið. Eiríkur Friðriksson og Matthí-
as Sverrisson á Escort 2000 eiga
vel saman, Eiríkur getur ekið vel
en hefur vantað aðstoðarökumann
með reynslu, sem Matti á nóg af.
Minnsti og kraftlausasti blll
Ljómarallsins verður Suzuki Úlf-
ars Hinrikssonar og Sigurðar Sig-
urðssonar og verður gaman að sjá
hvort þeim tekst að ljúka rúmlega
1.790 km löngu rallinu.
Rásröð keppenda
í Ljómarallinu
1. MafsU mn liauksHon / Birgir V. Malldorsson Eseort RS
2. Ómar Ragnarsson / Jón R. Ragnarsson RenauR 5 Alpine
3. Thomas Mavies / Rbilip Walker Toyota (’elica 2000
4. Halldór l lfarsson /Tryflfvi AóalsU*mss»»n Toyota (’or. 1600
5. Kvar Sigdórsson / /f,’gir Armannsson Suharu 1600
6. í'lfar Hinriksson / Siguróur Sigurósson Suzuki Alto
7. Jón Sigjxir.sson / Halldór (iisla.son Lancer 1400
8. Jón S. Halldórsson J Bragi (iuðmundssonBMW 2002
9. Ævar Hjartarson / Arni O. Kriðriksson Lada 1600
10. Áaj;eir SigurðsMon / Július Óiaf.sson Eacort 2000
11. Steingrímur Ingason / Auðunn l'orsteins. Datsun 1800
12. Eiríkur Friðriksson / Matthias SverrisHonKscort 2000
13. ----
14. Ólafur Ólafsson / Auðunn Ólafsson Datsun 140 J
15. Ríkharður Kri.sttnsson / Atli Vilhjálmss. Lada 1600
16. Helga Jóhannsdottir Jómna Ómarsdóttir Subaru 1800 4WrD
17. Kristinn Bernburg / Ágúst Guðmundsson Escort 1600
18. Ari Arnórsson / (iunnar Óskarsson Lada 1500
19. óunnar Vagnsson / Karl ísleifsson (ortina 1600
Leiðarlýsing
á rallinu
Fimmtudagur 18. ágúst. Ræsing Vogaskóla 09.00, Hvassahraun
I 9.51, Hvassahraun II 10.01, Motocrossbraut 10.27, Stapi 10.34,
Reykjanes 11.07, ísólfsskálavegur 11.55, gömlu Kambar 13.28,
Kolviðarhóll 13.49, Esjuleið 14.42 (ath ), endamark fyrsta dags
Vogaskóla 15.28.
Köstudagur 19. ágúst. Ræsing Vogaskóla 06.00, Esjuieið 6.36,
Lyngdalsheiði 7.24, Kaldidalur 9.15, Bær, Borgarfirði 11.40,
Hestháls 12.10, Miklholt 113.58, Miklholt II 14.12, Grímsstaðir
14.30, Svartagil 15.52, Borgarvirki 19.15, Þverárfjall 20.34,
endamark annars dags, Sauðárkrókur, við Hressingarhúsid
21.07.
taugardagur 20. ágúst. Ræsing Hressingarhúsið 06.00, t>ver-
árfjall 6.20, Norður-Kjölur 7.45, Suður-Kjölur 8.46, Stöng
11.54, Sigalda 12.58, Fjallabak 13.39, Meðalland 17.17, Hrífunes
17.47 Keldur 19.52, Hólsá 20.53, Háfur Þykkvabæ 21.15, gömlu
Kambar 22.41, Kolviðarhóll 23.00, EsjuJeið 23.48. Næturstopp
Hafrafelli um 00.10.
Ljómaralli lýkur við Vogaskóla kl. 14.00 er keppendur koma i
lokamark, sunnudaginn 21. ágúst.
„Kemst ekki á frúnni,
fer bara með henni“
Rætt við Ómar og
Jón Ragnarssyni
„VIÐ ÖKUM aðeins eftir einu
tempói, því sem bflinn þolir," sagði
Ómar Ragnarsson er Morgunblaðið
ræddi við hann og Jón bróðir hans
um Ljómarallið. Þeir bræður hafa nú
nauma forystu í íslandsmeistara-
keppninni í rallakstri eftir að hafa
ekið Kenault 5 í þrem röllum á árinu.
Þeir sigruðu Eika Grill rallið, urðu
þriðju í Borgarfirði og sigruðu síðan
Húsavíkurrallið. Halldór Úlfarsson
og Tryggvi AAalsteinsson á Toyota
Corolla koma þeim næstir að stigum
í íslandsmeistarakeppninni.
„Við getum ekkert bætt við
hraðann hjá okkur, við eigum eng-
in 100 hestöfl til vara,“ sagði
Ómar. „Hraðinn í keppninni mun
ráðast á fyrsta degi, þegar maður
sér hvað aðrir eru að gera,“ sagði
Jón. „Ég vona að ég komist f svipað
Staðan
í íslands-
meistara-
keppninni
stig
Omar Ragnarsson 52
Halldór Ulfarsson 50
Jón Sigþórsson 20
Logi Einarsson 15
Þorsteinn Ingason 12
Steingrímur Ingason 12
Ævar Hjartarson 10
Jón S. Halldórsson 10
Ríkhardur Kristinsson 8
Ævar Sigdórsson 8
Ómar og Jón Ragnarssynir fagna
sigri í Ljómarallinu 1981, árið eftir
urðu þeir í öðru sætf.
MorgunblaAM/Gunnlaugur R.
form og í Húsavíkurkeppninni,
löngu leiðirnar verða eknar jafnt,
en í svona löngu ralli getur tíma-
munurinn verið svo mikill að það
sé ekki nokkurt vit i því að reyna
að vinna það upp,“ sagði ómar.
„Við verðum liklega að keppa við
3—4 bíta, aðallega þó Halldór Úlf-
arsson, Hafsteinn og Birgir ættu
að vera langt á undan okkur, þeir
hafa yfirburðabíl. Við höfum oft
keppt við Hafstein, í fyrsta Ljóm-
anum duttum við báðir út, það var
sameiginlegt skipbrot. ’81 unnum
við Hafstein, en síðan sigraði hann
í fyrra,“ sagði Ómar.
„Við tökum þessu af meiri létt-
leika en áður og rúllum með
ánægjunnar vegna. I Húsavíkur-
rallinu komst ég í gott stuð og
hafði mjög gaman af því að aka og
vona að það sama gerist núna,“
sagði Ómar. „Það má segja að lok-
um að fyrst ég komst ekki á frúnni,
þá fer ég bara með henni í rallið."
Átti ómar þar við að kona hans,
Helga Jóhannsdóttir, keppir í rall-
inu ásamt dóttur þeirra, Jónínu.
„Keyrum af skynsemi, jafnt og þétt,“ segja þeir Ævar Hjartarsson og
Bergsveinn Ólafsson um þitttöku sína í Ljómarallinu. Hér sjást þeir á
öllu útopnu í krappri beygju. Morgunblaói»/Gunnlauinir.
„Ég ætla að mala
þessa keppni"
Ummæli keppenda
MORGUNBLAÐIÐ fékk ummæli
allra keppenda um hverju þeir
hyggjast stefna að í rallinu og
koma þau hér á eftir i sömu röð
og keppendur eru ræstir.
„ómar og Jón vinna vegna
varahlutaskorts hjá okkur" —
Hafsteinn. „Gerum allt fyrir
akstursgleðina" — ómar. „Ök-
um af gætni í byrjun, en aukum
hraðann undir lokin" — Philip
Walker. „Fyrstu þrjú sætin er
takmarkið" — Halldór. „Keyra
af öryggi, sjá stöðuna fyrir síð-
asta dag“ — Úlfar. „Stefni bara
að því að rúlla í gegn“ — Jón
Sigþórsson. „Ég ætla að mala
þessa keppni. Skotinn skal fara
öfugur heim“ — Jón S. Hall-
dórsson. „Keyrum af skynsemi,
þétt og jafnt“ — Ævar Hjartar-
son. „Því lengra sem ég kemst
því meira gaman hef ég af
þessu“ — Ásgeir. „Keyri eins
hratt og bíllinn býður uppá, veit
hvernig á að forðast veltur" —
Eiríkur. „Vonast til að ná sjötta
sæti“ — Ríkharður. „Stefni að
því að komast í mark“ — Helga.
„Ökum samkvæmt japanska
kerfinu og ætlum ekki að svitna
á sérleiðum" — Kristinn. „Til að
vinna þarftu að klára, segir
kínverskt máltæki, reyna að
halda 99% af eigin hraða og
láta ekki aðra pressa mig upp“
— Ari. „Allt fyrir neðan fyrst
sætið er tap“ — Gunnar og
bróðir hans Birgir.
Omar frystur
fyrir rallið
„BLESSAÐUR vertu, maður verður
bara einhentur. Við tökum með
okkur kælipoka og frystum höndina
á lengri leiðum rallsins," sagði Ómar
Ragnarsson aðspurður um hvort
hann væri tognaður á upphandlegg
hægri handar eins og Morgunblaðið
komst á snoðir um.
„Ég tognaði fyrir mánuði síðan á
Sumargleðiferðalagi við burð á
dóti, rakst síðan utan í eitthvað og
hef síðan skemmt á fullu með alls-
kyns sviptingum og versnaði, þvi
það má ekkert slá af, maður getur
ekki sparað sig,“ sagði Ómar. „Ég
var að vona að þetta myndi skána
af sjálfu sér, en þetta hefur versn-
að undanfarið, þannig að ég er
hættur að geta svarað í sima og
rakað mig með hægri hendinni.
Þetta er þó skárra en að missa
vinstri hendina, sem maður notar
meira á stýrið," sagði ómar. „Jón
verður bara að skipta í fyrsta og
annan gír, þeir eru svo þungir. En
það verður erfitt að snúa stýrinu
hratt.“ „Ég verð bara að keyra
kailinn áfram, þó hann sé að drep-
ast,“ sagði Jón Ragnarsson, sem
ekur að venju með ómari. „Við för-
um einhvern veginn áfram og kom-
umst í sameiningu í gegn.“
„Einhenti maðurinn," sagði
Ómar hlæjandi. „Maður sveiflar
bílnum ekkert núna á beygjum, en
það verður gaman af þessu. Við
látum ekkert deigan síga, bara
annan handlegginn." GR.
„Væri stórkostlegt að sigra“
— segir skotinn Philip Walker
• ik
„Mesti munurinn á sérleiðum
hérna og í Skotlandi er sá að leiðirn-
ar eru erfiðari og ekki jafn hrað-
keyrðar, einnig er jarðvegurinn fjöl-
breyttari hérna,“ sagði Skotinn Phil-
ip Walker, sem ekur ásamt Tom
Davies i Ljómarallinu á Toyota Cel-
ica 2000, í samtali við Morgunblaðið.
„Ég er búinn að skoða um 1500
km af leiðinni og sé að við höfum
búið bílinn vel fyrir íslenskar að-
stæður, hann er vel vatnsvarinn og
rétt upphækkaður. Ég skrifaði hjá
mér hluta af leiðinni og munum
við því vita af hættulegustu stöð-
unum; það er mikið af skyndilegum
hætturn," sagði Philip. „Þetta er
ekki fullkomin leiðarlýsing sem ég
hef, en ætti að vega eitthvað upp á
móti þekkingu innfæddra öku-
manna. Við ökum af gætni á gróf-
ari leiðunum og reynum að fylgja
toppbílunum eftir á öðrum leiðum.
Hugsanlega munum við setja á
fulla ferð undir lokin, en ef við för-
um varlega í byrjun ætti bíllinn að
vera í góðu ásigkomulagi fyrir
hraðari akstur," sagði Philip.
„Þetta er langt rall og sálfræðin
er mikilvæg í keppni af þessu tagi.
Ég er reiðubúinn að tapa 10—20
sekúndum til forystubílanna á
hverri leið fyrsta daginn, sem er
aðeins smáhluti af allri keppninni.
Ég mun leyfa Tom að finna sig við
stýrið, en hann mun ekki hafa ekið
neitt á íslenskum vegum er rallið
hefst. Ég mun hinsvegar halda
okkur öruggum því ég hef skoðað
leiðina, en Tom er einnig varkár
ökumaður að eðlisfari," sagði Phil-
ip, sem er aðstoðarökumaður
áhafnarinnar, og má sjá að hann
hefur undirbúið sig af kostgæfni
fyrir rallið. „Ég hef mestar
áhyggjur af veðrinu, ef það er
slæmt þá gætum við átt í erfiðleik-
um með að rata yfir árnar á fjall-
vegunum." Philip kvað þá félaga
hafa mikla reynslu í rallakstri og
byrjaði hann sjálfur árið 1967 að
keppa í rallakstri, en Tom hefur
ekið rallbíl undanfarin þrjú ár.
„Það munu væntanlega fáir ljúka
keppninni, alveg eins og undanfar-
in ár. Við komum hingað til að
ljúka keppni, en það væri stór-
kostlegt að sigra," sagði Philip
Walker að lokum.
G.R.