Morgunblaðið - 15.02.1984, Qupperneq 12

60
MORGUNBLAÐIÐ, MIÐVIKUDAGUR 15. FEBRÚAR 1984
Margir fara árlega
utan til skíðaiðkana
Imcnnur áhugi landsmanna á skídaíþróttinni er fyrir löngu orðinn annálaður.
Með aukinni og bættri aðstöðu ár hvert hefur áhugi fólks farið vaxandi jafnt og
þétt og nú er svo komið, að fjöldi manna notar hverja þá frístund sem gefst frá
dagsins önn og amstri til skíðaiðkana.
En það er ekki aðeins að almenningur renni sér á skíðum hér innanlands. Skíðaferðir
til annarra landa hafa færst mjög í aukana undanfarin ár með auknu úrvali og viðráðan-
legra verði. Hundruö manna fara nú árlega utan til skíöaiðkana. Einkum eru það þrjár
ferðaskrifstofur, sem boðið hkfa ferðir til annarra landa, Samvinnuferðir/Landsýn,
Úrval og Útsýn.
Fjölbreytnin í ferðum skrifstofanna er talsverð þótt eðlilega miðist meginhluti þeirra við
Alpana. Engin ferðaskrifstofanna hefur tekið upp fastar ferðir til Aspen í ('olorado, sem
þó er afar vinsæll skíðastaöur. Veldur þar likast til mestu sú staðreynd að skíðaferðalag
til Bandaríkjanna er mun dýrara en til Evrópu. Væntanlega geta þó ferðaskrifstofurnar
skipulagt ferðir þangað, að óskum viðskiptavina.
Hér verður lesendum kynnt hvaða valkostir eru fyrir hendi, stefni hugurinn á erlenda
skíðaparadís. Munum við leitast við að ganga þannig frá hnútunum að fólk viti nokkurn
veginn fyrir víst að hverju það gengur ef af ferð á eftirtalda staði verður.
„Betri en aðrir en
örlítið dýrari“
— segir Örn Steinsen hjá Útsýn um Lech
Lech er einn besti og vinsælasti skíðastaður í Austurríki og Evrópu.
„I»essi staður er betri en aðrir sem boðið er upp á en hann er líka
örlítið dýrari," sagði Örn Steinsen hjá Ferðaskrifstofunni Útsýn, er blm.
Mbl. spjallaði við hann um Lech.
Útsýn hefur boðið upp á ferðir
til Lech í mörg ár og að sögn Arn-
ars er það mikið sama fólkið sem
fer þangað ár eftir ár. Tæplega
200 manns fara til Lech í ár, og er
það heldur meira en í fyrra.
Þess má geta að fararstjórar
Útsýnar eru kennarar í skíðaskól-
anum í Lech sem er mjög þekktur
skóli. Fararstjórarnir eru Jóna
Jónsdóttir og Ulrik Arthurson.
Lech er fjallaþorp — ákaflega
fallegur staður við ána Lech.
Gamaldags byggingar en nýtísku
þægindi einkenna staðinn enda er
alþjóðlegt íþrótta- og skemmtana-
líf í miklum blóma þarna.
Boðið er upp á bæði hótal, hót-
elpension og íbúðir í Lech og hafa
íbúðirnar verið hvað vinsælastar,
a.m.k. hjá fjölskyldufólki.
Útsýn býður einnig upp á 13
daga skíðaferðir til Anzére í Sviss
í samvinnu við Arnarflug. Flogið
er á þriðjudögum um Amsterdam
til Genfar en þaðan er um 2 klst.
ferð til Anzére sem stendur í 1500
m hæð í Walais-ölpunum austur
af Genf. Verð er frá kr. 18.000.
í samvinnu við Flugleiðir býður
Útsýn upp á skíðaferðir til Fink-
enberg og Mayerhofen í Austur-
ríki. Zillertal í Tyrol er eitt þekkt-
asta skíðasvæði Austurríkis, og
þar í dalnum eru bæirnir Mayer-
hofen og Finkenberg. Á milli
þeirra er innan við klukkustundar
gangur og skíðasvæði þeirra eru
samtengd. Verð er frá kr. 18.387.
Vinsæll skíðastaður í Sviss:
f Crans-Montana
bjóðast óþrjót-
andi möguleikar
Ferdaskrifstofa Guðmundar Jónassonar hf. hefur undanfarin 3 ár
skipulagt skíðaferðir til mjög vinsælla síðastaða í Sviss um páskana.
Þar sem páskarnir eru mjög seint í ár verður nú farið 20. marz í 10 daga
ferð.
Flogið verður með Arnarflugi
þriðjudaginn 20. marz kl. 8.00 til
Amsterdam og þaðan áfram með
Swissair til Genf.
Haldið verður rakleiðis til
áfangastaðarins Crans-Montana í
Rhone-dalnum, þar sem dvaliö
verður til 29. marz.
í Crans-Montana bjóðast óþrjót-
andi möguleikar til skíðaiðkana,
brekkur við alira hæfi, um 40
skíðalyftur eru á svæðinu og einnig
góðar göngubrautir. Ekki má
gleyma skíðaskólanum, þar sem
nemendum er skipt niður f flokka,
allt frá byrjendum og upp úr. I lok
hverrar kennsluviku safnast nem-
endur saman í einni af brekkunum
og bragða á rétti Wallis-héraðsins
„raclette", sem er bræddur ostur
ásamt fleiru og borinn fram með
hvítvíni. Einnig bjóða hótelin og
ferðamálaráð vikulega upp á vín
héraðsins á götum úti í Crans-
Montana.
Gist er á Hótel Mirabeau í Mont-
ana. Það er 4 stjörnu hótel og hef-
ur verið mjög vinsælt af farþegum
í fyrri ferðum. Öll herbergi eru
með svölum, baði, sima, sjónvarpi
og minibar. Innifalið er morgun-
verður og kvöldverður á hótelinu,
en nóg er af veitingastöðum í fjöll-
unum, til að fá sér bita á í hádeg-
inu.
Fyrir þá sem eiga eftir orku að
loknum skíðadegi, er nóg um að
vera á kvöldin.
Fimmtudaginn 29. marz er svo
staðurinn kvaddur og ekið til Genf.
Þaðan er flogið með Swissair til
Amsterdam, þar sem tækifæri
gefst á að versla í fríhöfninni, sem
býður upp á mjög mikið vöruúrval.
Flogið er síðan heim með Arnar-
flugi og áætlaður komutími til
Keflavíkurflugvallar er um kl.
20.15.
Verð pr. mann í 2 manna her-
bergi kr. 22.700 (miðað við gengi
13. janúar 1984).
Hótel Mirabeau sem dvalið verður á er hið glæsilegasta.