Morgunblaðið - 30.03.1984, Blaðsíða 23

MORGUNBLAÐIÐ, FOSTUDAGUR 30. MARZ 1984
71
VELVAKANDI
SVARAfl í SÍMA
10100 KL 11—12
FRÁ MÁNUDEGI
^ TIL FÖSTUDAGS
ll i'lf iufrhi A lf
Eykur aðeins vandann að leyfa bjórinn
Til Velvakanda.
R.K. skrifar:
„Mikið er rætt og ritað um
bjórinn um þessar mundir og
leggja margir orð í belg. Hefur
Jón óttar, sem tekið hefur upp
hanskann fyrir bjórmenn og þá
er girnast hin léttu vín, verið
harðlega gagnrýndur — kallaður
brennivíns-prestur og trúboði og
mörgum illum nöfnum. Ekki
ætla ég að hafa nein fúkyrði um
þennan mæta mann eða aðra,
sem vilja koma á bjórþambi hér.
Að hinu verðum við þó að hyggja
að ef við flytjum inn bjórþambið
flytjum við einnig inn ýmis
vandamál, sem aðrar þjóðir hafa
lengi glímt við. Við innleiðum
með öðrum orðum nýja tegund
af sídrykkju, sem mörgu heimili
myndi verða örlagarík.
Eitt þykir mér á skorta í rök-
semdafærslum bjórpredikar-
anna, en það er hvaða vandamál
á bjórdrykkjan hér að leysa. Ég
sé það alveg fyrir mér þegar
menn fara að drekka úr einni
bjórkollunni eftir aðra fyrir
framan sjónvarpið. Heldur því
einhver fram að bjór — eða
léttvínsneysla dragi úr neyslu
sterkra vína? Ég held að hún
leiði til neyslu sterkra vína ef
eitthvað er. Eða hefur einhver
fært rök fyrir öðru?
Við höfum komist vel af án
bjórsins hingað til og bætum að-
eins við vandamálum með því að
leyfa hann.“
Æ'
Oréttmæt skattheimta
Henrik Jóhannesson skrifar:
„Velvakandi góður.
Ég er hreint agndofa yfir því
hve íslensk stjórnvöld ganga langt
í að skattpína verkamanninn með
alls konar aukasköttum. Óar
manni við slíkri skattpfningu. Á
sama tíma og verið er að hækka
lægstu laun upp í 15 þúsund krón-
ur á mánuði, hikar skattstjóri
Reykjanesumdæmis ekki við að
bæta aukasköttum á okkur Suður-
nesjamenn, sem vinnum hjá varn-
arliðinu á Keflavíkurflugvelli, en
ég er einn þeirra.
Áður fyrr var það rúta frá varn-
arliðinu sem keyrði okkur ti! og
frá vinnu, en síðan var hætt við
þann lúxus. Við neyðumst þá flest-
ir til að fá okkur bíl svo við gætum
stundað vinnuna og auðvitað kost-
ar peninga að komast yfir slíkt
farartæki. Nú eru 32 km frá Sand-
gerði, þar sem ég bý, til Keflavík-
urflugvallar og til baka. Þegar
þetta er skrifað kostar bensínlítr-
inn 22,30 kr. sem svarar 120 krón-
um í beinsínkostnað á dag fyrir
mig. Varnarliðið greiðir 65 krónur
í ferðastyrk á dag, en mismuninn,
55 krónur, verð ég að greiða sjálf-
ur. Ég er vanur að gefa þessar
krónur upp sem tekjur en síðan
aftur sem frádrátt — vegna þess
að þetta er útlagður kostnaður. En
fyrir þetta bætir skattstjórinn
7.926 krónum ofan á skatta okkar
hjóna og finnst mér það ganga
glæpi næst. Þó okkur Suðurnesja-
mönnum sé með þessum hætti
refsað fyrir að vinna hjá varnar-
liðinu gildir það ekki um íbúa
Reykjavíkursvæðisins. Þeir fá
sína rútupeninga dregna frá skatti
þrátt fyrir að þeir vinni í okkar
sveitarfélögum.
Nú skora ég á þingmenn okkar í
Reykjaneskjördæmi að þeir beiti
sér fyrir að afnema þessi ólög hið
snarasta og koma í veg fyrir þetta
hneikslanlega óréttlæti sem við
Suðurnesjamenn erum beittir með
slíkri skattheimtu."
Nú skal
rétta
bogna
bakið
Hagyrðingur sendi okkur þetta
vísukorn og fer varla á milli mála
hvaðan innblásturinn er fenginn, ef
menn hafa fylgst með umræðunum
um „fjárlagagatið“ í sjónvarpinu
fyrir skömmu.
Þeir sem hafa bakið breiða
bráðum minni skatta greiða
þorskinn meira þarf að veiða
þá mun batna mannlífið.
Nú vill einhver loksins leiða
litla manninn sér við hlið.
Eðlið rétta upp skal vakið
ástand mála sýnum nakið
látum aðeins linast takið
litlum mönnum verum góð.
Nú skal rétta bogna bakið.
Bæta um hjá landi og þjóð.
H.A.
eigenda þegar fjáreigendur beita á
jarðir þeirra eða hvert þeir geti
snúið sér með kærur. Ég á land,
sem nær hér upp í Vaðlaheiðina og
sumarbústað þar. Þarna er nýbýli
skammt frá og ganga kindurnar í
landið hjá mér nær hvern dag. Öll
skógrækt hefur farið út um þúfur
því féð bítur toppana af trjáhrísl-
unum og eyðileggur þær. Við höf-
um fært þetta í tal við fjáreigand-
ann, en hann vill ekki við neitt
kannast og segir að þetta geti allt
eins verið fé af öðrum bæjum.
Við höfum reynt að treysta girð-
inguna umhverfis landið, en það
virðist vera þannig að kindur sem
á annað borð hafa vanist á að
ganga um tún eru furðu naskar að
komast leiðar sinnar þar sem girð-
ingar eru ekki því hærri og vand-
aðri. Við leggjum varla í að girða
landið upp á nýtt enda væri það
mjög kostnaðarsamt. Langar mig
því til að koma þeirri fyrirspurn á
framfæri hvað við getum eiginlega
tekið til bragðs til að verja landið
okkar.
Árshátíð þingmanna
- hvers vegna ritskoðun?
2142-0638 hringdi: - Hef ég
skilið það rétt að einstakir þing-
menn (þingkonur) hafi verið
fengnir til að ritskoða skemmti-
efni árshátíðar þingmanna og það
með stuttum fyrirvara. Er það al-
gengt að þingmenn séu fengnir til
þessa verkefnis hjá öðrum
skemmtikröftum? Og hvert er
markmið þessarar ritskoðunar?
Er það til að vernda viðkvæmar
sálir áhorfenda? Að öðru leyti
finnst mér rétt hjá þingkonunni
að þingmenn geti sjálfir borið
kostnað af sinni árshátíð. Við
borgum þeim nóg kaup. Ég, hús-
móðir í Breiðholti, varð að neita
mér um að fara á árshátíð vegna
peningaleysis.