Morgunblaðið - 26.05.1985, Blaðsíða 17

MORGUNBLAÐIÐ, SUNNUDAGUR 26. MAÍ 1985
17
Davíð Oddsson heilsar Peres forsætisráðherra tsraels.
öryggisvörslu en raun bar vitni þó
auðvitað sæi maður hermenn með
alvæpni á götunum. Víxlara sá
maður að störfum við helgidóm-
ana rétt eins og forðum tið. Skýr-
ingin er sú að efnahagslífið hefur
verið með eindæmum. Verðbólgan
fjögur hundruð prósent. Því er
skömmtun á gjaldeyri og manni er
á götunum boðið í síbylju tuttugu
til þrjátíu prósent hærra verð
fyrir dollara en bankinn gefur við
skipti. Peningarnir rýrna svo ört
og menn reyna að tryggja fé sitt á
þennan hátt.
Frá því fyrsta að stigið er á land
í Israel fær maður nýja tilfinn-
ingu fyrir sögum Biblíunnar og
hafi maður verið í minnsta vafa
um sannleiksgildi einstakra at-
burða og lýsinga þá hverfur hann
alveg meðan staldrað er við þarna.
Reyndar töluðu gyðingar líka
þannig, ekki bara um Krist heldur
einnig um atburði Gamla testa-
mentisins.
Fólk er þarna gjarnan klætt til
vitnis um trú sína að einhverju
leyti, bæði gyðingar og arabar.
Meira að segja unglingar sem
mönnum hér er tamast aða tala
um sem óstýriláta Maður fær allt
aðra mynd af gyðingum en af öðr-
um þjóðum, eftir að hafa talað við
þá í töluverðan tima áttar maður
sig á að þetta er meira en „þjóð“,
þetta er með nokkrum hætti söfn-
uður og það þjappar fólkinu sam-
an. Hingaö til fslands getur flutt
Bandaríkjamaður og eftir nokkur
ár er hann íslendingur en sértu
gyðingur þarf meira að koma til
en slík búseta. Það er viss aðskiln-
aður milli gyðinga og araba. Þeir
giftast að vísu innbyrðis en það er
tiltölulega sjaldgæft og því geta
fylgt erfiðleikar
Enn ríkir umsát-
ursástand
Það býr óskaplegur kraftur í
gyðingum, áhrif þeirra í heimin-
um eru langt umfram það sem
ætla má af fjölda þeirra, þeir eru
um 12 til 15 milljónir og dreifðir
víða. Gyðingar lifa við umsáturs-
ástand og það er til þess fallið að
þjappa þjóðinni saman. Ég held að
nánast allir gyðingar séu þeirrar
skoðunar að ef þeir slaki hið
minnsta á í árvekni þá geti hafist
kafli i sögu þeirra sem yrði þeim
jafnvel enn erfiðari en það sem á
undan er gengið. Ég hef ekki
kynnst nokkurri þjóð sem vísar
jafn mikið í fortíðina þegar hún
ræðir framtíðina.
Þetta er viðfelldið fólk en maður
finnur allan tímann að því er í
mun að sannfæra gesti um mál-
stað fsraels. Því er ijóst að eins og
þrengt er að ísrael stenst þetta
land ekki eitt sér. f því sambandi
líta þeir helst til Bandaríkjanna
og í öðru lagi til Vestur-Evrópu.
Fólkið virðist afslappað miðað við
hvernig fréttir lýsa lífinu þarna
en innri spenna er þó örugglega
fyrir hendi. Menn eru enn að berj-
ast fyrir hverjum fermetra þessa
fyrirheitna lands og þeim er
óskiljanlegt það sjónarmið
margra manna aö sumt af þessu
landi kunni aö vera illa fengið og
ætti að tilheyra öðrum. Ginstaka
maður byggði rök sín á þeirri
sektarkennd sem þeir ganga út frá
sem vísu að sé í brjóstum alls
þorra fólks á Vesturlöndum, bæði
vegna framferðis nasista og ekki
síður að þegar þessar hörmungar
voru að dynja yfir létu margir
undir höfuð leggjast að rétta
hjálparhönd sem það hefðu getað.
Ólík sjónarmið
Ég var staddur í Jerúsalem þeg-
ar Reagan heimsótti kirkjugarð-
inn í Bitburg i Þýskalandi og ég
fann hvað fólk þarna tók þetta
óskaplega nærri sér. Ég man að
einn vina minna varð hvumsa þeg-
ar ég sagði að ég skildi vel tilfinn-
ingar þessa fólks sem setið hafði á
„færibandinu" hársbreidd frá
endalokunum en kannski gætu
þeir aldrei litið sömu augum á að-
gerðir Reagans og við þar sem
fyrirgefningin hefði ekki sama
inntak í trú þeirra og okkar.
Fyrirgefningin er inntakið í bæn-
inni sem Kristur kenndi fylgjend-
um sínum og kannski einn af
burðarásum kristinnar trúar.
Þótt þú farir í kirkjugarð þai
sem einhver liggur sem þú vilt.
minnast þá ertu ekki að gefa öll-
um í garðinum syndakvittun. Þó
fyndist manni að allir sem þar
lægju ættu að eiga þar vísa ró það
sem eftir væri, hvað sem á dagana
hefði drifið ofar moldu.
Þannig þýddi ekki að tala í ísra-
el á þessu viðkvæma augnabliki
Þess vegna undraðist ég hugrekki
borgarstjórans á blaðamanna-
fundi þar sem mikill tilfinninga-
hiti braust fram í hópi þeirra ein-
mitt út af heimsókn Reagans í
kirkjugarðinn. Blaðamenn vildi
vita afstöðu Teddys Kolleks sem
er í raun þjóðhetja í Jsrael, gang--
andi goðsögn. Hann hugsaði sig
um stundarkorn, horfði síðan
beint framan f tugi blaðamanna
og sagðist skilja ólguna sem í hug-
um margra væri út af þessu atvikí
en hann yrði þó að segja þann hug
sinn að honum þætti úr hófi geng-
ið að gera þetta litla atvik að stór-
máli í samskiptum ísraelsmanna
við þjóðir heims, atvik sem væri
smámunir í samanburði við þann
einlæga stuðning sem stjórn
Reagans veitti Israel.
Við ferðuðumst til Galileu-
vatnsins og Gólan-hæða og ég
skynjaði þegar upp á þær var
komið hvernig Sýrlendingar gátu
haldið frjósamasta héraði Isra-
elsmanna í heljargreipum þaðan.
Þó maður leggi að öðru leyti ekki
dóm á rétt ísraels til hernámsins
og hersetu svæðisins getur maður j
ekki horft framhjá rökum þeirra.
Þeir þyrftu ansi góða hernaðar-
lega tryggingu í skiptum fyrir
Gólan-hæðirnar ef þeir létu þær
af hendi á ný.
Leiftur guðspjallanna
Það var ógleymanleg stund þeg-
ar við fórum upp á fjallið þar serr
talið er að Jesús hafi mettað þús-
undir. Við stóðum þarna uppi og
horfðum út á Galileuvatnið. Það
var mjög heitt og skyndilega kom
mikill vindsveipur frá fjallshlíð-
unum ekki fjarri okkur og steypt-
ist yfir vatnið og á svipstundu
breyttist hið lygna vatn í ófæru.
Við fórum að spyrjast fyrir uir
hvort þetta væri algengt og var
sagt að landslag og hiti hefðu
þessi áhrif þarna og fiskimönnum
væri þá eins gott að halda þegar í
var.
Þessi atburður var einn af
mörgum sem slógu leiftri guð-
spjallanna niður í huga manns
það gerðist þarna æ ofan í æ. Þeg
ar við ókum um Israel sáum við
hjarðmenn á ferð. Þá kom upp í
hugann sálmur Davíðs: „Drottinr
er minn hirðir ... leiðið mig að
vötnunum." Hér á landi rekum við
féð en í ísrael gengur hirðirinn
fremstur, féð eltir, rétt eins og
ekkert hafi breyst í þúsundir ára.“
3oikuÝ
Fínar ferðir i þr|ár vikur á eina vinsælustu sfrönd Spánar:
Hvítu ströndina
Beint leiguflug og góð gisting á hótelum (með eða án fæðis)
eða í íbuðagistingu. Islenskir fararstjórar.
Benidorm býður upp á fjölbreytta afþreyingu af öllu tagi: Verðdæmi: Ibúðagisting frá kr. 23.910.-pr. m.
Næturklubba, diskotek, alþjóðleqa veitingastaði, kaffihus, Hjón T íbúö með tvö börn frá kr. 17.932.- pr.
skemmtigarða, tívoli, qolfvelli, sjóskíði, dýragarð ... miðalda-
veislu. Ðtthvað fyrir afla
Brottfarardagar: 29/5, 19/6, 10/7, 31/7, 21/8, 11/9, og 2/10
FERÐAMIÐSTÖÐIN
AÐALSTRÆTI9
SÍM128133