Morgunblaðið - 01.09.1985, Side 2

2 B
MORGUNBLAÐIÐ, SUNNUDAGUR 1. SEPTEMBER 1985
Pétur Ostlund sem kemur frá Stokkbólmi þar sem hann leikur með hljómsveitinni Emphasis on Jazz. Hann
hefur ekki komið heim í sjö ár.
Mikið um dýrðir
vegna afmælis Jazzvakningar
Danski bassaleikarinn Niels Henning 0rsted Pedersen, sem hefur komið
hingað oftast eriendra jazzleikara.
„ÞAÐ HEFUR lengi staðið til að halda upp á tíu ára afmæli Jazzvakningar með pompi og prakt og okkur þótti
við hæfi að leita fyrst til þess erlenda jazzleikara sem mest og best hefur stutt okkur í gegnum tíðina, en þaö er
Daninn Niels Henning 0rsted Pedersen." Svo mæitist Vernharði Linnet, formanni Jazzvakningar, er hann var
spurður um aödraganda og undirbúning tíu ára afmælishátíðar hennar er haldin verður 12.—15. september
næstkomandi. Hann sagði að Niels Henning 0rsted Pedersen hefði fyrst komið til íslands árið 1977 og þá á
vegum Norræna hússins. „Það má eiginlega segja að það hafi verið kveikjan að því að farið var að flytja
reglulega inn erlenda listamenn í jazzinum," sagði Vernharður um leið og hann ítrekaði hve mikið yrði um
dýrðir fyrir jazzáhugamenn þá fjóra daga sem hátíðin stendur.
Frá Danmörku kemur einnig
danski píanóleikarinn Ole Kock
Hansen, en hann leikur með tríói
Niels Henning Orsted Pedersen
um þessar mundir ásamt Lenn-
art Grusted. Lennart Grusted
kemur ekki með tríóinu til ís-
lands, en í hans stað mun Pétur
Östlund, sem búsettur er í Sví-
þjóð, leika með þeim á trommur.
Þetta tríó er nýbúið að gefa út
hljómpiötu sem að sögn Vern-
harðs hefur hlotið gífurlega góð-
ar viðtökur í Danmörku: „Á
þessari plötu er að finna ýmis
dönsk þjóðlög og barnagælur og
munu þeir án efa leika eitthvað
af þessum lögum á tónleikunum
sem haldnir verða á föstu-
dagskvöldið. Við vorum hins
vegar spenntir fyrir því að fá þá
til að hafa eitthvað íslenskt á
efnisskránm og valdi Gunnar
Reynir Sveinsson íslensk þjóðlög
sem Ole Kock Hansen útsetti
síðan fyrir tríó og strengjakvart-
ett, en það er Þórhallur Birgis-
son, sem veitir kvartettinum for-
stöðu. Meðal þessara laga eru
þjóðlögin Veröld fláa og Kindur
jarma í kofunum." Þessir tón-
leikar verða í Háskólabíói föstu-
daginn 13. september klukkan
19.
Fyrstu tónleikarnir verða hins
vegar í Háskólabíói 12. septem-
ber klukkan 21. Þá leika Tete
Montoliu og Niels Henning
0rsted Pedersen saman á píanó
og bassa fyrir hlé, en síðan syng-
ur Etta Cameron með hljómsveit
Ole Kock Hansen. „Tete Mont-
oliu og Niels Henning 0rsted
Pedersen hafa leikið saman inn
á hljómplötu. Það var mikið
happ að fá Tete hingað, hann er
blindur og ferðast ekki mikið.
Það er hins vegar eins með hann
og aðra sem koma eriendis frá,
þeir koma allir hingað vegna
persónulegra sambanda við ein-
staklinga hér á landi. Tete er
Katalóníumaður og það var fyrir
milligöngu ágæts Katalóniu-
manns sem búsettur er hér á
landi, listmálarans Baltasar,
sem hann fékkst til að koma
hingað,“ segir Vernharður.
Etta Cameron fæddist á Ba-
hama-eyjum, en fluttist ung til
Bandaríkjanna. Hún hefur búið í
Danmörku mörg undanfarin ár
þar sem hún er gift Dana. „Hún
er mjög góð jazzsöngkona og
syngur einnig alltaf dálitið af
„soul“-lögum eins og þessir þel-
dökku listamenn gera best,“ seg-
ir Vernharður og bætir við: „Það
verður enginn svikinn af Ettu
eins og þeir vita er sáu hana í
danska sjónvarpsþættinum, sem
sýndur var laugardaginn 24. ág-
úst síðastliðinn."
Í vor kom fram sú hugmynd að
hljómsveitin Mezzoforte kæmi
fram á þessum afmælistónleik-
um Jazzvakningar. „Við hófumst
þá handa við að leita að saxó-
fónleikara til að leika með þeim.
Fyrirvarinn var stuttur, en við
fengum í lið með okkur þá Jakob
Magnússon og Sigurjón Sig-
hvatsson, sem búsettur er í Los
Angeles. Fyrst var stefnan sett á
Mike Brecker, en loksins þegar
við höfðum króað hann af á
jazzhátíðinni í Haag kom í ljós
að hann var upptekinn við plötu-
upptökur. Þá reyndum við að fá
hingað Tom Scott, sem sam-
þykkti að koma, en hringdi síðan
nokkrum dögum síðar og afboð-
aði komu sína. Hann hafði þá
fengið boð um að koma í upptök-
ur og gat hvergi farið. Við erum
því með alla anga úti núna og
höfum verið í sambandi við
Grover Washington jr., Dave
Sanborn, Ernie Watts og Dale
Barlow, en hann lék með Mezzo-
forte á síðustu hljómplötu
þeirra, Rising,“ segir Vernharð-
ur.
Vernharður segir aðspurður
um fjármögnun hátfðarinnar að
Katalóníumaðurinn Tete Mont-
oliu, sem leikur ásamt Niels Henn-
ing 0rsted Pedersen á opnunart-
ónleikum afmælishátíðarinnar.
um gífurlega fjármuni sé að
ræða: „Þetta er tveggja til
þriggja milljóna króna dæmi og
ef það á að ganga upp verðum
við að fylla Háskólabíó á öllum
tónleikunum. Hann segir að
þetta hefði hins vegar aldrei
gengið ef ekki hefði verið fyrir
það að ýmis fyrirtæki hefðu
hlaupið undir bagga, svo sem
Flugleiðir, sem aðstoða okkur
dyggilega.“
En þeir hjá Jazzvakningu láta
ekki staðar numið við framan-
greint tónleikahald. „Við verðum
svo með jazzklúbba i gangi þar
sem mikið verður um dýrðir.
Föstudagskvöldið 13. september
leika Gammar, Kristján Magn-
ússon og félagar svo og Etta
Cameron með Ole Kock Hansen
og nokkrum íslendingum í
Blómasal og Víkingasal Hótels
Loftleiða. Þar leikur t.d. Jón Páll
Bjarnason, gítarleikari, sem
kemur frá Los Angeles. Á laug-
ardeginum spilar sænska hljóm-
sveitin Emphasis on Jazz, sem er
sú hljómsveit sem Pétur Östlund
leikur með í Stokkhólmi. Þessi
jazzklúbbur verður til húsa á
Hótel Sögu. Þar kemur einnig
fram hljómsveitin ófétin með
þeim Eyþóri Gunnarssyni, Frið-
riki Karlssyni og Gunnlaugi
Briem úr Mezzoforte, Tómasi
Einarssyni á bassa og Rúnari
Georgssyni á saxófón," segir
Vernharður og bætir því við að í
tilefni afmælisins komi út plata
með ófétunum sem heitir Þessi
ófétis jazz!, en titillinn er sóttur
í Straumrof, leikrit Halldórs
Laxness.
Sunnudaginn 15. ágúst leikur
hljómsveit Friðriks Theódórs-
sonar ásamt gestum í hádeginu á
Hótel Loftleiðum og um kvöldið
verða lokatónleikar hátíðarinnar
í Átthagasal Hótels Sögu. Þar
leikur sænska hljómsveitin
Emphasis on Jazz auk fjölda ís-
lenskra hljómsveita. Þessum
tónleikum verður útvarpað beint
á rás 2. „Ef þessi hátíð heppnast
jafn vel og við vonumst til höf-
um við hugleitt þann möguleika
að halda svona jazzhátíðir hér á
landi á tveggja ára fresti, þ.e.
það árið sem Listahátíð er ekki,“
segir Vernharður, en að hans
sögn hefur jazzáhugi farið sívax-
andi hér á landi á undanförnum
árum og telur hann að það hafi
breyst mikið meðal annars með
tilkomu jazzkennslunnar í tón-
listarskóla Félags íslenskra
hljómlistarmanna. í sambandi
við kennslu í jazzfræðum verða
þeir Pétur Östlund og Ole Kock
Hansen með fyrirlestra og æf-
ingar (workshop) eftir að hátíð-
inni lýkur. Einnig verður haldið
hér á landi í sambandi við jazz-
hátíðina norrænt jazzþing,
Nordjazz.
Meðan á hátíðinni stendur
verða sýndar teikningar og
ljósmyndir af jazzleikurum eftir
Tryggva Ólafsson og danska
ljósmyndarann Gorm Valentin.
Sýningin verður í Djúpinu. EJ
Hin þeldökka jazzsöngkona Etta Cameron, sem kemur hingað til lands í
tilefni afmælisins og syngur m.a. á opnunarhátíðinni ásamt Ole Kock
Hansen.
Ole Kock Hansen, píanóleikari.
ing 0rsted Pedersen.
Í'' 4 ’l
Hann leikur m.a. með triói Niels Henn-