Morgunblaðið - 01.09.1985, Síða 45

MORGUNBLAÐIÐ, SUNNUDAGUR 1. SEPTEMBER 1985
B 45"
VELVAKANDI
SVARAR i SÍMA
10100 KL. 14—15
FRÁ MÁNUDEGI
TIL FÖSTUDAGS

uhj-mr
Ósköp hlýtur þetta að
vera vammlaust fólk
Heill og sæll Velvakandi góður.
Mikill grátur og gnístran tanna
heyrist nú síðustu dagana, frá íbú-
um Teigahverfis, hér i borg, vegna
þeirra áforma félagsins Verndar
að koma á fót einhverskonar gisti-
heimili fyrir fyrrverandi fanga í
hverfinu.
Það skal játað, að máli þessu
hef ég veitt litla athygli þangað
til í morgun, þriðjudaginn 27.
ágúst. Þá kom frétt í útvarpinu,
meðan ég var að drekka morgun-
kaffið mitt, kl. 7, þess efnis, að
fjölmennur fundur hefði verið
haldinn um málið kvöldið áður og
þar hefði sjálfur borgarstjórinn
verið mættur. Tilgangur þessara
fundarhalda hefði verið sá, að
mótmæla þessari fyrirætlun
Verndarmanna.
Helstu rökin gegn tilkomu þess-
arar stofnunar í hverfinu virtust
vera þau, að íbúum stæði einhver
ógn af þeim mönnum, sem þarna
ættu eftir að dvelja, og síðast en
ekki síst óttuðust fundarboðendur
það, að verið gæti að verðgildi
fasteigna í hverfi þessu gæti lækk-
að við tilkomu þessarar stofnunar.
Davíð höfðu þeir víst boðið til
fundarins í þeim tilgangi að geta
horft framan í hann, meðan þeir
bæðu þess, að hann tæki þennan
hroðalega kaleik frá þeim. Það var
ekki að sökum að spyrja, Davíð
brást þeim ekki, tók vel í þá bón
þeirra að koma þessum beiska
kaleik yfir til einhvers verðminna
hverfis f borginni. Kannski í Breið-
holtið?
Það skal játað, að mér fannst
fréttin um þessi fundarhöld og
málatilbúnað allan hálf hláleg, þar
sem ég sat með kaffibollann í
höndunum, en hláturinn fór snar-
lega úr huga mér þegar ég heyrði
morgunbænina sem kom i beinu
framhaldi af fréttunum. Hvort
sem það hefur verið tilviljun eða
ekki, þá lagði presturinn, sem
bænina flutti, út af sögu þeirri í
biblíunni, sem segir frá hinum
miskunnsama Samverja, sem bæði
var tilbúinn til þess að eyða tíma
sinum og fé í þágu hins ólánsama
og vildi ekkert til spara. Mér flaug
í hug hversu mjög siðgæðisvitund
og hjálpsemi mannsins, sem þarna
var á ferð, fyrir 2 til 3 þúsund árum
tekur fram því sem við í dag auð-
syndum náungum okkar.
Það væri synd að segja, að íbúar
Teigahverfisins, sem til fundarins
boðuðu, hafi tekið sér miskunn-
sama Samverjann til fyrirmyndar
og skelfingar ósköp hlýtur þetta
að vera vammlaust fólk, sem þorir
að auglýsa sig á þennan hátt.
Mér flýgur í hug, að þarna sé
kominn sá syndlausi sem meistari
Kristur bað að henda fyrsta stein-
inum. Þekkja íbúar Teigahverfis
kannski ekki þá sögu? Eg held
satt að segja, að þetta ágæta fólk
ætti nú alvarlega að huga að þeim
stóra bjálka, sem greinilega er i
augum þess, og hætta að leita að
flísinni í auga náungans, það væri
greinilega hollt fyrir það að íhuga
vandlega gamla málsháttinn, sem
segir: „Maður líttu þér nær.“ Það
skyldi nú aldrei vera, að innan um
þá ólánsmenn, sem þarna var
huguð vist, væri einhver, sem ætti
uppruna sinn í Teigahverfinu?
Kannski er þetta ágæta fólk
bara að dansa kringum gullkálfinn
eins og ísraelsmenn forðum, með-
an Móses gamli dvaldist á fjallinu
og ólíkt hefði stjarna Davíðs risið
hærra, ef hann hefði brugðist svip-
að við og Móses forðum.
Skúli Helgason, prentari.
Litid inn á
málverkasýningu
J.E. skrifar:
Heiðraöi Velvakandi.
Fyrir skömmu rakst ég inn á
málverkasýningu ungrar stúlku og
þar sem þetta virðist vera byrjandi
í faginu, þá bjóst ég ekki við miklu,
en áhugi m inn á myndlist (helst
ekki abstrakt) fékk mig til að kíkja
á framleiðsluna.
Ég veit ekki til að þessi ungi
listamaður hafi áður sýnt hér í
Reykjavík. Hafi svo verið, þá hefur
það farið fram hjá mér.
En satt best að segja, þá varð ég
verulega undrandi. Þetta voru
eingöngu „figurativar" myndir af
allskonar „motivum", landslag,
ándlitsmyndir, úr höfuðborginni,
af landsbyggðinni o.s.frv.
Það sem undraði mig mest var,
hvílíkum tökum listamaðurinn
hafði náð á vatnslitum (sem eru
ekki barna meðfæri), mér datt í
hug Ásgrímur, þar hefði hann
fengið nemanda sem hann hefði
getað gert að einhverju sérstöku.
Ekki sinn líka, en eitthvað í áttina.
Olíumyndirnar voru líka athyglis-
verðar, þó ekki á sama hátt og
vatnslitamyndirnar.
Ég vil hvetja alla þá sem unna
myndlist til að sjá þessa sýningu
hins unga listamanns, en henni
lýkur 1. september næstkomandi.
Sýning þessi er í Ásmundarsal,
Freyjugötu 41, og er opin daglega
frá kl. 4 til 9 og frá kl. 2 til 10 um
helgar.
5173—9302 vill fá aö geU keypt vin i Mrnm milli 3 og 6 i daginn.
Þessir hringdu . . .
Frelsisskerðing aö mega
ekki drekka milli 3 og 6
5173-9302 hringdi:
Mér finnst ófært að hér á ís-
landi skuli gilda þær reglur að
bannað er að afgreiða vín á bör-
um milli þrjú og sex á daginn.
Fyrir þá sem eru stundum í skapi
til þess að sitja að drykkju dag-
langt kemur þetta sér afar illa.
í öllum siðuðum löndum er
hægt að fá keyptan bjór og vín
á næstum hvaða tíma sólar-
hringsins sem er. Mér er nú sama
um allan bjór, bannaðan eða ekki
bannaðan. En að geta hvergi
drukkið nema í heimahúsi milli
þrjú og sex á daginn er hrein og
bein frelsisskerðing.
Hver kann braginn
um Kobba Jónsson?
Hafnfírðingur skrifar:
í Velvakanda hafa að undan-
förnu birst þulubrot og annar
kveðskapur, sem ef til vill hefur
aldrei verið festur á bók og því
hætt við að verði gleymskunni
að bráð. Hafa bréfritarar beðið
lesendur um að bæta um betur
og hafa undirtektirnar verið góð-
ar. Þannig tekst kannski að varð-
veita ýmsar útgáfur af þulum og
vísum sem annars er hætt við
að lentu í glatkistunni.
Þessvegna langar mig að birta
hér lítið brot úr brag sem ég hef
heyrt en kann nú aðeins fáeinar
hendingar úr. Þetta er gaman-
bragur sem líklega hefur verið
farið með til skemmtunar um
áramót. Hann fjallar um Kobba,
Jakob Jónsson, sem fyrr á árum
var með verslun á Seyðisfirði og
skipti þá mikið við Skota. Gerði
hann sér meðal annars ferð til
Skotlands til að afla sér umboðs
fyrir tóbak, en hafði víst ekki
erindi sem erfiði í því efni. Er
vikið að þessu í kvæðisbrotinu,
sem er svona:
Kobbi Jónsson sigla vildi
sér til gagns og skemmtunar,
kvaðst hann aftur koma skyldi
og kenna mönnum reykingar.
Mér þætti gaman ef einhver
kynni að prjóna það við, sem á
vantar.
Býsna góður þáttur
Kona skrifar:
Þáttur fyrir unglinga sem nefn-
ist „Sviti og tár“ þykir mér býsna
góður og hefir alltaf einhvern
boðskap fram að færa.
Unglingar vinna með stjórn-
anda af lífi og sál og velja lögin
sem leikin eru.
Innilegar þakkir sendi ég þeim sem glöddu mig á 70 ára
afmœli mínu 29. ágúst sl. með blómum, skeytum, gjöfum
og heimsóknum.
Guð blessi ykkur öli
Magnús Magnússon,
Bræðraborg.
Til sölu Thiocol
snjóbíll árg. 1963
Allur endurbyggður. Díselvél og breið belti. Upp-
lýsingar í síma 12045, kl. 9.00—18.00 virka daga.
Hjálparsveit skáta, Reykjavík
MARMARI
Kynningarverð
á marmara
Höfum fengiö söluumboö fyrir vestur-þýskan
gæöamarmara. JURA JURA.
Seljum næstu vikur á kynningarverði.
Harðviðarval hf.
Krókhálsi 4, Rvík. Sími: 67 10 10.