Morgunblaðið - 18.12.1987, Qupperneq 10

10
MORGUNBLAÐIÐ, FÖSTUDAGUR 18. DESEMBER 1987
Islandssýmng í stærsta
fjallasafni í heimi
Gullið tækifæri, segir Raguar Borg aðalræðismaður Ítalíu
STÆRSTA fjallasafn í heimi
hefur ákveðið að halda íslands-
Morgunblaðið/Brynja Tomer
Aldo Audisio framkvæmdastjóri fjallasafnsins í Tóríno.
Morgunblaðið/Bryiya Tomer
Fjallasafnið er staðsett í einni af hœðunum ofan við borgina og
er útsýnið mjög fagurt þaðan. Þegar vel viðrar sjást Alparnir
sem girða borgina af á þijá vegu.
sýningu í byijun ársins 1989.
Sýningin verður fyrst sett upp
í Tórino, í fjallasafninu Museo
nazionale della montagna og
síðan á öðrum stöðmn á Ítalíu
í nágrenni við Alpana.
„Það hafði lengi staðið til að
setja upp sýningu um ísland, en
af ýmsum ástæðum var ekki tek-
in ákvörðun um það fyrr en nú,“
sagði Aldo Audisio framkvæmda-
stjóri safnsins í samtali við
Morgunblaðið. Hann sagði enn-
fremur að síðastliðið vor hefði
hann haft samband við íslensk
yfirvöld í gegnum íslenska sendi-
ráðið í Kaupmannahöfn, og
utanríkisráðuneytið hefði lýst sig
hlynnt sýningunni fyrir skömmu.
Fjallasafnið í Tóríno var stofn-
að árið 1874 af ítalska alpaklúbb-
num í húsi sem áður var klaustur
Cappuccini-munka. Kirkja er við
hlið safnsins og einnig húsakynni
nokkurra munka. Safnið er hið
stærsta sinnar tegundar í heimin-
um og er staðsett í hæðunum
umhverfis borgina. Sýningin um
ísland verður haldin í níu sölum,
og er ætlunin að hafa þar þjóð-
lega muni og íslensk listaverk til
sýnis, auk ljósmynda, landabréfa
og kynningartexta. Ennfremur
verða sýndar kvikmyndir frá ís-
landi í sérstökum sal, þar sem
myndband verður í gangi á dag-
inn. Aldo Audisio útilokar ekki
þann möguleika að kvikmynda-
menn á vegum safnsins komi til
landsins til að gera sérstaka mynd
um land og þjóð fyrir þessa sýn-
ingu, en safiiið á afar stórt safn
kvikm^mda og ljósmynda sem eru
mikilvægar heimildir.
Vegleg 200 blaðsíðna bók verð-
ur gefin út í tengslum við sýning-
una og verður hún að mestu leyti
skrifuð af íslendingum, sem eru
allir sérfræðingar á sínu sviði. Þar
verður meðal annars skrifað um
jarðfræði íslands, sögu landsins
og menningu, þjóðlega siði, húsa-
kynni, flóru Islands, fjalllendi,
tengsl íslands og Ítalíu í gegnum
aldimar og ýmislegt fleira. Einnig
verða nýjar og gamlar ljósmyndir
í bókinni.
„Þetta er einstakt tækifæri til
að kynna íslenska menningu í einu
ríkasta héraði Ítalíu," sagði Ragn-
ar Borg aðalsræðismaður Ítalíu á
íslandi, er hann var inntur álits á
sýningunni í fjaliasafninu í Tóríno.
„Um leið er þetta einstakt tæki-
færi til að koma hluta af menning-
arsögu íslands yfír á ítalska
tungu, en það hefur ekki verið
gert fyrr.
Prá Piemonte-héraðinu höfum
við í marga áratugi keypt mjög
þekktar vörutegundir, og má þar
meðal annars nefna Fiat-bflana,
Martini-vermút, Olivetti-skrif-
stofuvélar og margs konar önnur
tæki og vélar. Menn frá þessu
héraði koma hingað í auknum
mæli bæði í viðskiptaerindum og
sem ferðamenn. Þama er gullið
tækifæri til þess að vekja athygli
á íslandi sem forvitnilegu ferða-
mannalandi, einkanlega með tilliti
til þess að samgöngur við Norð-
ur-Italíu verða á næsta ári mun
greiðari en verið hefur hingað til,“
sagði Ragnar Borg.
Samningaviðræður standa nú
yfír milli fjallasafnsins og Amar-
flugs, um væntanlegt samstarf,
en starfsmenn safnsins munu
koma til landsins í janúar til að
ganga frá samstarfi við íslenska
aðila. íslensk kona, Brynja To-
mer, vinnur hjá safninu að
uppsetningu þessarar sýningar,
en hún er búsett í Tóríno.
„Við höldum eina alþjóðlega
sýningu á hverju ári, sem mikið
er lagt í, en að auki em haldnar
Qórar til fímm minni sýningar á
ári.“ segir Aldo Audisio. „Við
reynum að eiga eins mikið sam-
starf við ft)úa viðkomandi landa
og unnt er, til að sýningamar
verði eins vel úr garði gerðar og
kostur er. Einnig er slflct sam-
starf dýrmætt því íbúar landsins
gefa jú réttari mynd af landinu
en þær bækur sem við höfum
aðgang að. Ég er ánægður með
að nú loksins skuli ísland verða
kynnt í safni okkar, og hlakka
mikið til að kynnast þessu for-
vitnilega landi sem á landabréfum
virðist svo eitt og einmana (miéju
Atlantshafínu."
Langholtskirkja:
Jólasöngvar í kvöld
ÁRLEGIR Jólasöngvar Kórs
Langholtskirkju verða í kirkj-
unni í kvöld, 18. desember, og
hefjast kl. 23.00.
Flutt verður jóla- og aðventutón-
list og með kómum syngja einsöng
Ólöf Kolbrún Harðardóttir og Krist-
inn Sigmundsson. Einleikarar verða
Bemhard Wilkinson á flautu og
Monika Abendroth á hörpu. Gústaf
Jóhannesson verður organisti og
Jón Sigurðsson leikur á kontra-
bassa.
Að tónleikunum loknum verður
gestum boðið upp á kakó og pipar-
kökur í safnaðarheimilinu.
í fréttatilkynningu segir að
undrist fólk þessa tímasetningu þá
sé hugmyndin sú að gefa þeim sem
em í síðbúnum verslunarleiðangri
síðasta föstudag fyrir jól og eins
þeim sem vinna fram eftir kost á
að komast í jólaskap.
Jólasöngvunum verður sjónvarp-
að beint á Stöð 2 og útvarpað á
Ljósvakanum.
FASTEIGN ER FRAMTÍt?
Veitingastaður
Til sölu mjög góður veitingastaður í 460 fm eigin hús-
næði á góðum stað. 72 sæti í sal.
Allar nánari upplýsingar á skrifstofunni.
Frá afhendingu gjafa tíl Krabbameinsfélagsins, f.v.: Óskar Kjartansson gullsmiður, Gunnlaugur Snæd-
al formaður Krabbameinsfélags íslands, Davíð Scheving Thorsteinsson forstjóri Sólar hf. og Almar
Grímsson varaformaður Krabbameinsfélagsins.
Krabbameinsfélagið fær gjafir
NÝVERIÐ voru stofnuð samtök
krabbameinssjúklinga sem m.a.
vilja koma á fót endurhæfingu
fyrir krabbameinssjúklinga, þar
sem tillit er tekið til líkamlegra,
andlegra og félagslegra þarfa
sjúklingsins.
Á fundi sem þessi nýju samtök
héldu nýverið í safnaðarheimili
Langholtssóknar gerðu hjúkruna-
rfræðingar Heimahlynningar
Krabbameinsfélagsins könnun, sem
leiddi í ljós mikla þörf fyrir þessar
úrbætur.
Heimahlynning Krabbameins-
félagsins hefur undanfarið unnið
markvisst að því að gera krabba-
meinssjúklingum kleift að vera
heima svo lengi sem unnt er með
aukinni þjónustu inná heimilin.
óskar Kjartansson gullsmiður er
einn af brautriðjendum um stofnun
samtaka krabbameinssjúklinga.
Hann og fjölskylda hans afhenti
Krabbameinsfélaginu kr. 100.000
til stuðnings þessu málefni.
Sól hf. ákvað að fundarlaunin,
kr. 100.000, sem greiða átti fyrir
miiljónustu dósina af Sólgosi, rynnu
til Krabbameinsfélagsins til þessa
máiefnis, þar sem enginn finnandi
gaf sig fram fyrir tilskyldan tíma.
í Orðum Davíðs Scheving Thor-
steinssonar við afhendingu „fundar-
Iaunanna" kom fram að hann
vonaðist til að þetta framlag gæti
orðið fordæmi til frekari stuðnings.