Morgunblaðið - 22.04.1989, Qupperneq 34

34
MORGUNBLAÐIÐ LAUGARDAGUR,^., A^RÍL 1989
SYNING
um helgina.
Wá
Full búð
af nýjum
húsgögnum
Nýkomið aftur
mikið úrval af:
* Plasthúsgögnum
* Sólstólum
* Bekkjum
* Furusettum
* Reyrhúsgögnum
o.fl.
SEGLAGERÐIN
ÆGIR
EYJASLÓÐ 7, SÍMI 621780
Einnig eru okkar vörur til sölu
FERÐAMARKAÐINUM ÁRTÚNSHÖFÐA
SAMA VERÐ
fclk í
fréttum
Jacqueline de RomiIIy er önnur konan til að hljóta inngöngu í
Frönsku akademíuna. Hér sést hún í þessum hópi helstu vísinda-
og fræðimanna Frakka.
JACQUELINE DE ROMILLY
Vill auðvelda aðgang
að fornum verkum
Hinn virti fræðimaður í grísku,
Jacqueline de Romilly, er vön
að skara framúr í hvívetna. En í
fyrsta skipti á ævi sinni varð hún
ekki fyrst til einhvers. Áður hafði
Marguerite Yourcenar rithöfundur
verið kosin til setu í Frönsku akade-
míunni og varð de Romilly því önn-
ur konan til að hljóta þennan heið-
ur.
Jacqueline de Romilly fæddist í
Chartres árið 1913. Tvítug að aldri
varð hún fyrst stúlkna til að hljóta
skólavist í hinum fræga skóla Ec-
ole Normale Superieure við Rue
d’Ulm í París. Árið 1936 varð hún
einnig fyrst kvenna til að ljúka
Agregation-prófi í hugvísindum.
Hún varð prófessor í Ecole Norm-
ale Superieure og síðar í Sorbonne.
Árið 1973 varð hún svo fyrsti kven-
prófessorinn í College de France.
Tveimur árum síðar varð hún fyrsta
konan og fram til þessa sú eina
sem kosin hefur verið til setu í
Academie des Inscriptions et Belles
Lettres.
Ævistarf de Romilly hefur verið
helgað rannsóknum og þýðingum
á verkum Þúkýdídesar, mesta
sagnaritara fornaldar, sem uppi var
á 5. öld fyrir Krist. Leiðarljós henn-
ar hefur verið að auðvelda almenn-
ingi aðgang að forngrískum textum
og skýra sambandið milli fjarlægr-
ar fortíðar og nútímans.
Nú þegar jafnréttishreyfingin
hefur valdið straumhvörfum í þjóð-
félaginu virðist skjóta skökku við
að de Romilly er hlynnt samkeppni
í skólunum og að úrvalsnemendur
séu hvattir til dáða. Þetta telur hún
áhrifaríka leið til að draga úr
stéttamun og auðvelda verðugum
mönnum að komast til metorða.
Hún berst einnig fyrir því að halda
klassísku tungumálunum grísku og
latínu lifandi í kennslu vegna þess
að grundvallarhugtök menningar
okkar hafí verið mótuð í þann efni-
við.
Sjálf gerir de Romilly lítið úr
afrekum sínum og þakkar þau
breyttum tímum þegar stúlkum
tóku að standa allar dyr opnar.
Þegar Jean Dutourd, félagi i
Frönsku akademíunni, var í vafa
um hvemig ætti að bjóða hana
velkomna í félagsskapinn sagði de
Romilly: „Kallið mig súlu Burens“
og vísaði þannig til orða Dutourds
þegar hann sagði einhveiju sinni:
„Konur í Frönsku akademíunni eru
Ííkar súlum Burens í Hallargarðin-
um.“ Súlur Burens eru nýstárlegt
mannvirki í 17. aldar umhverfí í
hjarta Parísar, sem farið hefur fyr-
ir bijóstið á íhaldssömum Frökkum.
Morgunblaðið/Bjöm Blöndal
Islenskir starfsmenn varnarlidsins á Keflavíkurflugvelli sem voru
viðstaddir verðlaunaafhendingnna, ásamt yfírmanni flotastöðvarinn-
ar Richard E. Golsby og Magnúsi Guðmundssyni forstöðumanni
vinnueftirlits varnarliðsins.
VARNARLIÐIÐ
300 verðlaunaðir
Nýlega fengu rúmlega 300 íslenskir starfsmenn hjá varnarliðinu á
Keflavíkurflugvelli viðurkenningu fyrir árverkni í starfi á síðasta
og undanförnum árum. Bæði einstaklingar og flokkar voru verðlaunaðir
og er þessi athöfn nú að verða árviss viðburður að sögn Magnúsar Guð-
mundsson forstöðumanns vinnueftirlits varnarliðsins.
Richard E. Goolsby yfirmaður flotastöðvarinnar á Keflavíkurflugvelli
afhenti einstaklingum og hópum viðurkenningarskjöl fyrir slysalaus ár.
Nokkrir einstaklingar voru að fá viðurkenningu fyrir tugi ára og 2
bílstjórar hafa unnið hjá Varnarliðinu í 32 ár án þess að verða fyrir
óhappi eða valda tjóni.
BB