Morgunblaðið - 11.10.1989, Qupperneq 14
14
MORGUNBLAÐIÐ MIÐVIKUDAGUR 11. OKTÓBER 1989
Morgunblaðið/Sigurgeir Jónasson
2000. fundur bæjaráðs Vestmannaeyja var haldjnn fyrlr skömmu. F.v. Páll Einarsson, bæjarritari, Arn-
aldur Bjarnason, bæjarstjóri, Guðmundur Þ.B. Ólafsson, formaður bæjarráðs, Sig'urður Jónsson, Andrés
Sigmundsson og Ragnar Óskarsson.
Vestmannaeyjar:
2000. fundur bæjarráðs
Vestmaiinaeyjum.
BÆJARRÁÐ Vestmannaeyja hélt sinn 2000. fund fyrir skömmu. I
tilefhi þessa tímamótafundar var samþykkt tillaga um styrki til náms-
manna fi-á Eyjum.
BæjaiTáð hélt sinn fyrsta fund
1. mars 1954. í því eiga sæti 3
fulltrúar, kjörnir af bæjarstjórn, en
auk þess eiga seturétt í ráðinu
áheyrnarfulltrúar þeirra flokka sem
ekki eiga kjörna fulltrúa í ráðinu.
Bæjarráð fer með framkvæmda-
og fjármálastjórn bæjarins ásamt
bæjarstjóra. Það gerir drög að fjár-
hagsáætlun og gerir tillögur til
bæjarstjórnar. Ráðið heldur reglu-
lega fundi einu sinni í viku og af-
greiðir þá hin ýmsu mál sem fyrir
liggía.
I bæjarráði Vestmannaeyja sitja
nú Guðmundur Þ.B. Ólafsson, for-
maður, Andrés Sigmundsson, Sig-
urður Jónsson og Ragnar Óskars-
son.
í samþykktinni sem bæjarráð
gerði vegna 2000. fundarins er
gert ráð fyrir að bæjarsjóður veiti
styrki til námsmanna sem stunda
nám utan Vestmannaeyja. Skilyrði
er að ekki sé hægt að stunda námið
í Eyjum og verða styrkirnir auglýst-
ir lausir til umsóknar fyrir náms-
menn. Grímur
Líf okkar er vafið í þykk-
ari, dýrari og fánýtari
umbúðir í naftii fi’amfara
- segir Hörður Bergmann, höfundur
bókarinnar „Umbúðaþjóðfélagið“
MENNINGARSJÓÐUR hefur gef-
ið út bókina „Umbúðaþjóðfélagið.
Uppgjör og afhjúpun. Nýr fram-
faraskilningur" eftir Hörð Berg-
mann. I bókinni er gagnrýnin
greining á því sem höfúndur neín-
ir ríkjandi vaxtar- og sældar-
hyggju er birtist meðal annars í
tæknidýrkun, hagvaxtarkapp-
hlaupi, rísandi séríræðingaveldi
og andvaraleysi gagnvart sér-
hagsmunastreði og sóun sem eigi
sér stað innan skója- og heilbrigði-
skerfisins, segir í fréttatilkynn-
ingu frá Menniugarsjóði.
Höfundur segir gagnrýni sína
miða að því að auðvelda lesandanum
að móta með sér nýja mælikvarða á
hvað telja megi gott og gilt i fram-
vindu þjóðmála og jafnvel í eigin lífi.
í inngangi segist höfundur ætla að ■
skrifa hugvekju fremur en fræðirit.
Þar segir að heiti bókarinnar sé
„...ætlað að segja sitt um ákveðið
sjónhorn sem hér er notað við að
greina áhrifarík einkenni efnahags-,
atvinnu- og lífshátta í samfélagi okk-
ar. Vísa til athugunar á því hvernig
líf okkar er vafið í sífellt þykkari,
dýrari og fánýtari umbúðir í nafni
framfara."
Ennfremur segist höfundur vona
„...að það sem hér er leitast við að
afhjúpa og skýra eigi eftir að koma
uppvaxandi kynslóð að góðu gagni
við að átta sig á þeim varasama arfi
sem hún fær í hendur frá hagváXtar-
kynslóðinni" og efli vilja hennar „...til
að búa í þjóðfélagi þar sem tekið er
mið af framtíðinni fremur en stund-
arhag, heildarsýn fremur en skamm-
sýni og sérhyggju, hóflegri auðlinda-
Morgunblaðið/Þorkell
Hörður Bergmann.
nýtingu í stað rányrkju. Þjóðfélagi
þar sem képpt er að jöfnuði og virku
lýðræði."
Hörður Bergmann lauk BA-prófi
frá Háskóla íslands í sögu, dönsku
og uppeldisfræði árið 1956. Hann
hefur starfað sem kennari, náms-
stjóri og fræðslufulltrúi og verið for-
maður Hagþenkis, félags höfunda
fræðirita og kennslugagna, frá stofn-
un þess. Hörður hefur samið fjölda
kennslubóka og birt greinar um þró-
un þjóðfélagsmáia í blöðum og tíma-
ritum. Niðurstaða af þjóðfélagsrýni
Harðar birtist í Umbúðaþjóðfélaginu.
„Umbúðaþjóðfélagið" skiptist í sjö
kafla. Við upphaf hvers kafla er birt
teikning sem vísar til efnsisins.
Teikningarnar gerði Búi Kristjánsson
og hannaði hann einnig kápu.
Nýr og betri veislusalur
Meiriháttar mótstaður
Afmœlisveislur
Árshátíðir
Blaðamannafundir.
Brúðkaupsveislur
Dansleikir
Danssýningar
Erfidrykkjur
Fermingarveislur
Fundir
Grimudansleikir
Jólaböll
Matarboð
Ráðstefnur
Skákmót
Sumarfagnaðir
Vetrarfagnaðir
Þorrablót
Ættarmót
Eða bara stutt og laggott: Allt frá A — Ö
Fullkomið hljóðkerfi sem hentar bœði
hljómsveitum, diskóteki sem ráðstefnum.
EITT SÍMTAL - VEISLAN í HOFN.
MANNÞING,
símar 686880 og 678967.
Guðmundur J. Guðmundsson:
Erum með sprengitil-
lögur í sjávarútvegi
GUÐMUNDUR J. Guðmundsson, formaður Verkamannasambands ís-
lands, segir að fyrir VMSI-þinginu, sem haldið verður 12.-14. október,
liggi miklar sprengitillögur á sviði sjávarútvegs og fiskvinnslu. „Þetta
eru sprengitillögur, sem skapa munú miklu fleiri atvinnutækifæri þótt
afli minnki. Þetta eru geysilega umfangsmiklar framúrstefnutillögur,
sem hafa það að markmiði að skapa íslendingum atvinnu og verðmæti."
Guðmundur staðfesti í samtali
við Morgunblaðið að tillögurnar
gerðu m.a. ráð fyrir því að sigling-
ar íslenskra fiskiskipa á erlenda
fiskmarkaði yrðu lagðar af og þess
í stað yrði fiskmörkuðum komið upp
um land allt. Það væru til fleiri leið-
ir til að stöðva siglingar en að banna
þær með lögum. Hægt væri til
dæmis að taka upp annað kerfi, sem
gerðu siglingar minna eftirsókna-
verðar. „Sjálfsagt verður 'einhver
landshorna- og hrepparígur uppi í
þessum efnum. Einnig á ég von á
því að forsvarsmenn staðnaðra og
staðlaðra sjávarútvegsfyrirtækja
telji tillögurnar bull og erum við
tilbúnir að ræða við þá. Við eriim
orðnir leiðir á sultardropasjónar-
miðum talsmanna sjávarútvegsins.
Þeir skulu fara að hyggja að eigin
atvinnurekstri, en ekki syngja í
sífellu bara um kaup. Hins vegar
viljum við samstarf við þá um tillög-
umar og skorum á þá að vinna með
okkur. Við ætlum ekki að mæta
atvinnuleysi, hvorki upp á 3% eða
5%, og viljum gera allar hugsanleg-
ar ráðstafanir til að afstýra því,“
sagði Guðmundur.
Á þingi VMSÍ verða einnig lagð-
ar fram tillögur um stuðning við
stóriðju. Hvatt verður til stækkunar
álversins í Straumsvík, náist samn-
ingar um það. Aukin hraði verði
við framkvæmdir Blönduvirkjunar
og strax að vori eða seinnihluta
vetrar verði hafist handa við virkj-
unarframkvæmdir við Búrfell. Við
Búrfellsvirkjunina eina myndu
skapast atvinnutækifæri fyrir 250
til 400 manns, að sögn Guðmund-
ar. Hann sagði jafnframt að iðnað-
arráðherra hefði sagt á fundi með
forsvarsmönnum VMSÍ fyrir
skömmu að góðar vonir væru á að
samningar tækjust um stækkun
álversins í Straumsvík seinnihluta
þessa mánaðar.
Ymsir sérfræðingar hafa verið
ráðnir tfmabundið til starfa fyrir
VMSÍ vegna þingsins. Jóhann Ant-
onsson, framkvæmdastjóri . á
Dalvík, hefur t.d. unnið tillögugerð
um sjávarútvegsmál fyrir þingið og
Birgir Árnson, aðstoðarmaður iðn-
aðarráðherra, hefur unnið að gerð
tillagna um stóriðjumál.
Ráðstefiia um
málefiii aldraðra
ÖLDRUNARRAð íslands gengst
fyrir ráðstefiiu föstudaginn 13.
október 1989 kl. 13.00 í Borgar-
túni 6. Fjallað verður um ný lög
um málefni aldraðra. Framsögu-
menn verða frá Heilbrigðis- og
tryggingamálaráðuneytinu og
Pétur Sigurðsson, forstjóri.
Einnig verðúr fjallað um um efn-
ið: Að deyja með reisn. Vandamál
sem tengjast virkri læknisþjónustu
þegar ekki verður séð að hún beri
árangur.
Framsögumenn: Dr. Pálmi Jóns-
son, læknir, og sr. Ólafur Oddur
Jónsson. Námsstefnustjóri: Gunn-
hildur Sigurðardóttir, hjúkrunarfor-
stjóri.
Öllum þeim, sem glöddu mig og heiðruðu meö
blómum og nœrveru sinni á „ málverkasýningu “
minni í Hátúni 10B, 9. hœð, dagana 15.-29.
september 1989, þakka ég af alhug.
Sérstakar þakkir til Þóreyjar B. Magnúsdóttur
handmenntaþjálfa, og Birgit Skov, iöjuþjálfa,
sem gerðu það ómögulega mögulegt!
Guö blessi ykkur öll.
Kristjón ísaksson, prentari.