Morgunblaðið - 11.10.1989, Blaðsíða 35

MÓrÍgiIjÍ'ÍbÍÁðÍÐ Mlí)VlKUDAÓUR 11. ÖKTÖBER 1989'
35
gerði, reisti þar garðyrkjustöð,
kvæntist Klöru Þórðardóttur frá
Bjarnastöðum í Ölfusi og eignuðust
þau fimm efnisbörn. Samband okk-
ar slitnaði þó ekki. Við skiptumst
á bréfum og heimsóttum hvor ann-
an er tóm gafst til.
Garðyrkjustöð sína rak Kalli í
allmörg ár, þar til hann fór að kenna
krankleika í baki. Seldi hann þá
garðyrkjustöðina, flutti til Hafnar-
ijarðar og stundaði þar ýmis störf.
En lasleikinn ágerðist og að því kom
að hann gekkst undir uppskurð. Sú
aðgerð virtist í fyrstu hafa heppn-
ast vel og varð hann vinnufær á
ný. Batinn reyndist þó aðeins stund
milli stríða. Bakveikin tók sig upp
á ný og gekkst hann þá öðru sinni
undir uppskurð. Arangur aðgerðar-
innar var fyrirfram tvísýnn, enda
fór það svo, að hann fékk ekki stað-
ið í fæturna á ný og það, sem_eftir
lifði ævinnar, varð hann að hafast
við í hjólastól. Framanaf var hann
sannfærður um að hann næði heilsu
á ný en við vinir hans vissum að
hinn óbilandi viljastyrkur hrykki hér
ekki til.
Af sjúkrahúsinu fór Kalli á
Reykjalund, þar sem hann dvaldi í
mörg ár og vann hug hvers manns.
Þar kvæntist hann öðru sinni, Björk
Sveinsdóttur, hjúkrunarfræðingi.
Reyndist hún honum ómetanlegur
förunautur. Fluttu þau þá í Hátún
í Reykjavík, þar sem þau Björk
bjuggu um sinn. Henni bauðst síðan
starf við Héraðssjúkrahúsið á Sauð-
árkrólki. Tók hún því og þau Kalli
fluttust til Sauðárkróks. Áður en
langt um leið tókst þeim að festa
kaup á húsnæði þar sem þau bjuggu
þangað til heilsu Kalla hrakaði
skyndilega fyrir rúmu ári. Varð
hann þá fara í sjúkrahús þar sem
hann svo andaðist þann 26. ágúst sl.
Kalli var þeirrar gerðar, að hann
gat aldrei verið athafnalaus. A
meðan hann dvaldi á Reykjalundi
sá hann þar um símaborðið. Hann
fékk einnig aðstöðu til þess að hafa
sitthvað með höndum eftir að hann
flutti í Hátún. Hann vænti þess að
svo yrði einnig á Sauðárkróki. Sú
von brást. Þá sneri hann sér að
félagsmálunum þótt á þrengra sviði
yrði að vera en á meðan hann var
heill heilsu. Hann hafði alla stund
mikinn áhuga á dulrænum málum
og var sjálfur gæddur ótvíræðum
dularhæfileikum. Hann gekk í Sál-
arrannsóknafélag Skagfirðinga og
var varaformaður þess um skeið.
Þá var hann og formaður Sjálfs-
bjargarsamtakanna í Skagafirði.
Mun liðsmönnum hvorratveggju
þessara samtaka nú þykja skarð
fyrir skildi þegar hans nýtur ekki
lengur við. Hann lærði ungur að
aka bíl og eftir að hann lamaðist
eignaðist hann bíl, sem hann gat
ekið þrátt fyrir fötlunina. Á honum
ferðaðist hann vítt og breitt um
landið, stundum aleinn og fór þá
ekki alltaf alfaraleiðir. Var okkur
vinum hans ekki alltaf rótt er við
vissum hann einan í slíkum leið-
öngrum. Sjálfur var hann sann-
færður um að sér múndi ekki
hlekkjast á og honum varð líka að
þeirri vissu.
Það má vera mikil þolraun manni
á miðjum aldri, ólgandi af athafna-
þrá, að vera skyndilega dæmdur til
ævilangrar dvalar í hjólastól. En
ekkert var honum ijær skapi en
sjálfsvorkunn. Þvert á móti sóttu
margir til hans líkamlegan og and-
legan styrk, sem heilli voru heilsu
en hann. Allir fóru glaðari og bjart-
sýnni af fundi hans en þeir komu.
Kalli var athyglisverður maður
og einstakur um margt. Hann var
meira en meðalmaður á vöxt og
svaraði sér vel. Bjartur á yfirbragð
og sviphreinn. Mjög listfengur. Góð-
ur söng- og íþróttamaður. Vinfastur
og hjálpsamur með afbrigðum.
Hugþekkt samband af alvöru- og
gleðimanni. Gegnheill drengskapar-
maður.
Drengurinn, sem ég hitti á hlað-
inu í Eyhildarholti fyrir mörgum
árum hefur nú kvatt. Ég vil við
leiðarlok þakka honum fyrir hveija
þá stund, sem við áttum saman.
Þær voru, sem betur fór, margar
og allar á eina lund. Og aldrei hef
ég fundið það betur en nú hversu
gott var að eiga slíkan mann að
félaga og órofa vmi.
Magnús H: Gíslason
Minninff:
SigmarE.
Fæddur 28. apríl 1953
Dáinn 17. ágúst 1989
Vinur minn, Sigmar Einar Arn-
órsson, lést nýlega fyrir aldur fram,
og ég vil minnast hans nokkrum
orðum. Sigmar fæddist á Siglufirði
28. apríl 1953, þriðji í röð fimm
barna Arnórs Sigurðssonar, sem
nú býr í Reykjavík, og Aðalheiðar
Jóhannesdóttur, sem er látin fyrir
nokkrum árum. Sigmar flutti 11
ára með fjölskyldu sinni frá Siglu-
firði í Borgarnes og nokkrum árum
síðar til Reykjavíkur.
Að skyldunámi loknu stundaði
hann nám í Samvinnuskólanum og
lauk þaðan Samvinnuskólaprófi
1974 og stúdentsprófi 1976. Sama
ár kvæntist Sigmar mikilli ágætis-
konu, Heiðrúnu Aðalsteinsdóttur,
og áttu þau heimili á Kársnesbraut
85 í Kópavogi og eignuðust fjögui'
börn: Daða, Dögg, Jóhannes og
Kjartan. Sigmar starfaði lengst af
við verslunarrekstur en nam félags-
fræði við Háskóla íslands frá árinu
1985 og hafði nær lokið því námi
Amórsson
þegar hann veiktist af þeim sjúk-
dómi sem dró hann til dauða.
Á okkar öld, þegar algengt er
að menn hugsi eitt, segi annað og
geri hið þriðja var Sigmar enginn
venjulegur náungi. Ég hef engum
kynnst sem tók jafnalvarlega nauð-
syn þess að samstilla viðhorf sín
og breytni. Hann hafði mikinn
áhuga & austurlenskri heimspeki
og lagði um árabil stund á jóga
samkvæmt kerfi indverska kenni-
mannsins P.R. Sarkars, sem kennir
að jógaiðkun sé einskis virði ef hún
er ekki samofin baráttu fyrir rétt-
læti handa þeim sem minna mega
sín, og að slík barátta sé glamur
eitt sé hún ekki sprottin af ein-
,, lægri tilraun til að þroska sinn innri
mann. Þetta er ströng kenning og
mörgum sem reyna að fylgja henni
veitist erfitt að tileinka sér þá ögun
sem hún krefst. En Sigmar hafði
til að bera óvenjulegt heillyndi, ein-
urð og ósérhlífni, sem gerði honum
kleift að sameina andlega iðkun,
veraldai’vafstur og hugsjónabar-
áttu. Hann gekk aldrei gegn sann-
færingu sinni þótt afstaða hans
kynni að baka honum óþægindi.
Hann veitti í áratug forstöðu
versluninni Kornmarkaðinum við
Skólavörðustíg og lagði í þeim
rekstri áherslú á sjónarmið sem eru
fátíð í nútímaviðskiptalífi. Honum
var hugsjón að selja holla og góða
vöru og stuðla að bættum matar-
venjum og ef einhver hætta virtist
á að’ verslunin ætlaði að græða
lækkaði hann strax vöruverðið og
hækkaði kaup starfsfólksins. En ef
tap varð á rekstrinum varð fyrsta
ráð þessa óvenjulega framkvæmda-
stjóra jafnan að lækka eigið kaup.
Sigmar var skarpgreindur og
íhugull. Þó hann væri enginn
mælskumaður voru hugsanir hans
og athugasemdir oft þannig að þær
sátu lengi í manni. Ég man eftir
samtali okkar á Valhúsahæð fyrir
nokkrum árum. Við töluðum -um
réttlæti og ranglæti í heiminum og
ég var að rembast við að gera sjálf-
an mig stikkfrí og spurði einhvers
afbrigðis spurningarinnar um
hvernig þjáningar fólks í fjarlægum
heimshlutum kæmu mér við, ég
gæti ekki vænst þess að hjálpa
því. Sigmar svaraði með annarri
spurningu: „Hver á þá að gera
það?“ Eg svaraði aldrei spurning-
unni, og enn Ijarlægist svarið í svo
mörgum skilningi, nú að Sigmari
gengnum.
Sigmar er harmdauði öllum sem
þekktu hann og ég bið Guð að
blessa minningu þessa góða drengs.
Ég sendi fjölskyldu hans og að-
standendum mínar innilegustu sam-
úðarkveðjur.
Sigurður Júl. Grétarsson
Halldóra Benedikts
dóttir — Kveðjuorð
Á heimili sameiginlegra góðvina
og frændfólks okkar, Elísabetar
Halldórsdóttur og Eiríks Benj-
amínssonar útvegsbónda frá Hest-
eyri í Jökulfjörðum, hitti ég hina
látnu sæmdarkonu fyrst.
Halldóra Benediktsdóttir var
fóstursystir eins af mínum eftirlæt-
isfrændum, Jóns Stefáns Guðjóns-
sonar loftskeytamanns og símstjóra
á Hesteyri, sem var systkinabarn
við móður mína.
Halldóra vakti athygli mína sér-
staklega vegna þess hve skemmti-
leg hún var í viðræðu, hafði frá
mörgu að segja. Hún var víðsýn og
sanngjörn í skoðunum, félagslynd,
dugleg og hagsýn.
Á Hesteyri í Jökulfjörðum vann
Halldóra aðallífsstarf sitt sem hús-
freyja. Hún var frábærlega merki-
leg og mikilhæf kona, bæði að vits-
munum og að mannkostum öllum.
Halldóra var svo lánsöm, að eignast
hinn ágætasta eiginmann, Gísla
Rósenberg Bjarnason kennara og
bónda frá Vöglum á Þelamörk í
Eyjafirði. Þau bjuggu lengst á
Langavelli á Hesteyri, en um 8 ára
skeið á Hálsi i Öxnadal.
Nutu þau hjón mikilla vinsælda
og virðingar á Hesteyri og víðar, í
raun og veru allra er til þeirra hafa
þekkt. Þau hjón áttu gott barnalán.
Elztur er Kristinn Finnbjörn Gísla-
son gagnfræðaskólakennari,
kvæntur Margréti Jakobsdóttur
Líndal kennara. Hjálmar Benedikt
skrifstofumaður og gamanleikari,
kvæntur Margréti Guðmundsdóttur
úr Þverdal í Aðalvík. Sigurrós hús-
freyja í Kópavogi gift Guðmundi
Björnssyni rafvirkjameistara.
Fjölskylda mín vottar börnum
hennar samúð, og við biðjum henni
blessunar á æðra tilverusviði.
Helgi Vigfússon
Kveðjuorð:
ÓlöfEgilsdóttir
Fædd 7. júlí 1926
Dáin 30. september 1989
Laugardaginn 30. september
kvaddi amma okkar, Ólöf Egils-
dóttir, þennan heim. Hún var ætíð
skapgóð og hlý. Helst er okkur
minnisstætt hvernig hún tók öllum
opnum örmum, bæði okkur og vin-
um okkar. Þá var oft hlegið dátt,
því gamansöm var hún, þrátt fyrir
öll sín veikindi. Vildi hún sem\
minnst um þau tala, og ætlum við
því lítið um þau að segja. Á jólum
dvaldi hún til skiptis hjá börnum
sínum, okkur barnabörnum til mik-
illar gleði. Sat hún þá í stólnum
sínum og sagði okkur til verka.
Snerumst við í kringum hana eins
og skopparakringlur. Þó var hún
ekki ströng eða frek, heldur-ákveð-
in og viljasterk.
Hún bjó í Hátúni 12 í Reykjavík.
í herberginu hennar var allt fullt
af smádóti, sem sýndi hve hún mat
allt mikils sem hún fékk. Var því
viðkvæðið hjá henni, „bara skoða,
ekki snerta“. Snemma lærðum við
að meta það, sama hve handóð við
vorum, t.d. ef við tókum upp hlut
til að skoða þá urðum við að setja
hann á sama stað aftur.
Við dáðumst að því hve dugleg
hún var að ferðast. Fór hún oft á
staði sem var erfitt fyrir hjólastóla-
fólk að fara. Metum við því dugnað
hennar og styrk mikið. Við þökkum
henni fyrir samfylgdina í gegnum
árin. í gegnum hana lærðum við
að meta lífið og það sem við höfum.
Blessuð sé minning hennar.
Barnabörn
Skriistomtækni
T ölvufræðslunnar
Þú stendur betur
að vígi að loknu
hagnýtu námi
Með námi í skrifstofutækni nærð þú góðum tökum á
tölvum og notkun þeirra. Þú kynnist bökfærslu, stjómun
og fleiri viðskiptagreinum, rifjar upp ýmislegt í íslensku
og færð góða innsýn í viðskiptaensku.
Námið tekur 3-4 mánuði og að því loknu útskrifast
þú sem skrifstofutæknir. Þú getur valið um morgun-,
eftirmiðdags- eða kvöldtíma. Við bjóðum upp á afar hagstæð
greiðslukjör. Innritun er þegar hafin.
Hringdu strax í síma 687590
og við sendum þér bækling um hæl.
Tölvufræðslan
Borgartúni 24, sími 687590