Morgunblaðið - 11.10.1989, Page 26
Tveir Akureyringar
unnu að útgáfii á
merku heimspekiriti
MORGUNBLAÐIÐ MIÐVIKUDAGUR 11. OKTOBER 1989
Einingaverksmiðja Sæplasts:
Nóg að gera í minni verkefhum
en lítið í þeim stærri
„SUMARIÐ var ekki eins Iíflegt og við áttum von á, en það er held-
ur að lifna yfir og nóg að gera þessa stundina,“ sagði Jónas Vigfús-
son byggingaverkfræðingur hjá einingaverksmiðju Sæplasts hf. á
Akureyri.
Jónas sagði að reksturinn væri
nokkuð þungur, lítið hefði verið
byggt í sumar, sérstaklega af at-
vinnuhúsnæði. „Við höfum gert
mikið af kostnaðaráætlunum, til-
boðUm og veitt upplýsingar, en
menn halda mjög að sér höndum
varðandi íjárfestingar."
Nóg hefur hins vegar verið að
gera hjá verksmiðjunni í gerð frysti-
klefa og milliveggja í sumar, en
minna um stærri verk eins og heil
hús. „Þetta er aðeins að lifna við
með haustinu og nóg að gera núna,
en það er m.a. kostur við okkar
framleiðslu að það er fljótlegt að
reisa húsin fyrir þá sem eru að falla
á tíma,“ sagði Jónas.
Jónas sagði að þó nokkuð minna
hefði verið að gera en menn hefðu
vonast til. „Ég held að það endur-
spegli ástandið í þjóðfélaginu, menn
þora ekki að leggja út í stórar fjár-
festingar." Jónas sagði að verið
væri að skoða ýmsa möguleiká í
sambandi við einhvers konar við-
bótarstarfsemi, sem fyllt gæti upp
í dauðustu tímana, en of snemmt
væri að segja til um hvað kæmi þar
til greina.
Einingaverksmiðja Sæplasts er í
húsnæði sem leigt er til þriggja ára
og um áramót er eitt ár liðið frá
því það var tekið á leigu. Jónas
sagði að fyrstu hugmyndir manna
hefðu verið að flytja starfsemina
til Dalvíkur, en fyrirsjáanlegt væri
að starfsemin rúmaðist ekki í húsa-
kynnum Sæplasts á Dalvík. „Það
er óráðið hvað gert verður í þessum
málum í framtíðinni," sagði Jónas.
Áskell Þórisson blaðafúlltrúi Kaupfélags Eyfírðinga og Stefán Bald-
ursson forstöðumaður Strætisvagna Akureyrar skoða fyrsta auglýs-
ingaborðann.
KEA auglýsir á vögnum SVA
STJÓRN Strætisvagna Akur-
eyrar hefur heimilað fyrirtækj-
um að auglýsa á vögnunum, en
slíkt hefúr ekki verið leyft áður.
Kaupfélag Eyfirðinga hefur gert
samning við SVA um auglýsingar
á vögnunum út þetta ár og allt það
næsta. Fyrstu auglýsingaborðarnir
voru settir upp um síðustu helgi og
eru þeir helgaðir „íslenskum dögum
hjá KEA“, sem hefjast fimmtudag-
inn 12. október og standa út næstu
viku. Þegar umræddum dögum er
lokið verða nýir borðar settir á
strætisvagnana. og skipt verður
reglulega um auglýsingar út samn-
ingstímabilið.
Stjórn SVA hefur samþykkt
gjaldtöku fyrir auglýsingar og er
leigugjald fyrir auglýsingar á fjór-
um vögnum 60 þúsund krónur fyrir
hvern mánuð.
Morgunblaðið/Benjamín Baldursson
Eyfirskir bændur notfærðu sér rúllubaggavélar við heyskapinn i sumar og er talið að þessi nýja
tækni hafi forðuð því í rysjóttu tíðarfari haustmánaðanna að hey hafi hrakist.
Gæði rúllubaggaheysins að
meðaltali meiri en þurrheys
Ytri-Tjörnum
EYFIRSKIR bændur hafa ekki
farið varhluta af hinni nýju
rúllubaggavæðingu firekar en
starfsbræður þeirra annars
staðar á landinu. Mjög mikið
var bundið í rúllur í sumar,
sérstaklega notfærðu margir
sér þessa nýju tækni í sambandi
við seinni sláttinn, sem var mik-
ill að vöxtum.
Að sögn Guðmundar Gunnars-
sonar ráðunautar hjá Ræktunar-
félagi Norðurlands voru tekin um
hundrað sýni síðastliðið haust úr
rúlluböggum til greiningar og var
meðaltal þeirra betra en úr þurr-
heyinu. Vegna íysjótts tíðarfars
í ágúst og september hefur þessi
nýja tækni bjargað miklum verð-
mætum, þar sem annars má ætla
að hey hefðu hrakist og þar með
orðið lélegt fóður.
-Benjamín
KOMIN er út í hinum kunna lærdómsritaflokki Hins íslenska bók-
menntafélags bókin Undirstöður reikningslistarinnar eftir Gottlob
Frege. Að útgáfu hennar unnu m.a. tveir Akureyringar, Kristján
Krisíjánsson og Guðmundur Heiðar Frímannsson, er til skamms tíma
kenndu við Menntaskólann á Akureyri, en stunda nú báðir fram-
haldsnám í heimspeki í Bretlandi. Krisfján þýddir bókina úr þýsku,
en Guðmundur-ritar ítarlegan inngang.
Gottlob Ferge, sem oft hefur
verið nefndur faðir nútímarökfræði,
fæddist árið 1848 og lést 1925. I
samtali við Kristján kom fram að
Ferge kenndi lengst af við háskól-
ann í Jena i Þýskalandi og árið
1979 gaf hann út tímamótaverk í
heimspekilegri rökfræði,
Begriffsschrift. Svo fór þó að fáir
Iásu verkið og enginn skildi, enda
var það æði tæknilegt í framsetn-
ingu, að sögn Kristjáns. Ferge afréð
því að rita aðra bók, styttri og að-
gengilegri og er það sú sem nú
kemur fyrir almenningssjónir á
íslensku. Kristján segir hana þó
ekki hafa verið metna að verðleik-
um af þorra heimspekinga fyrr en
löngu eftir að Ferge var allur.
I bókinni veltir Ferge fyrir sér
sjálfu töluhugtakinu og spyr hveiju
sannindi reikningslistarinnar lýsi.
Hann hafnar því m.a. að þau lýsi
eiginleikum efnisheimsins, innvið-
um mannlegrar hugsunar eða regl-
um sem aðeins séu leikur að tómum
táknum. Þvert á móti virðist, að
sögn Kristjáns, mega draga þá
ályktun af bók Ferges að sannindi
reikningslistarinnar hvíli á rök-
fræðlegum grunni og þau skírskoti
til eilífs veruleika sem sé til óháður
mannlegri hugsun. Auk vanga-
veltna um töluhugtakið má finna í
bók Ferges umfjöllun um ýmis efni
rökfræði sem haft hafa djúpstæð
áhrif á viðgang hennar og óbein
áhrif á þróun annarra fræða, svo
sem hvers konar tölvuvísinda. Þá
er hvarvetna andæft þeirri hug-
mynd að hægt sé að skýra rökleg
sannindi með sálfræðilegum að-
ferðum.
Drejgið hjá
SÁA-N
DREGIÐ hefur verið í happdrætti
Norðurlandsdeildar SÁÁ og komu
vinningar á eftirtalin númer: 300
þúsund króna vöruúttekt frá Örk-
inni hans Nóa á miða númer 491.
100 þúsund króna vöruúttekt frá
KEA, ámiðanúmer271, 285,1177,
3967, 5378.
50 þúsund króna vöruúttekt frá
KEA á miða númer 1701, 3777,
5215, 5221.
(Fréttatilkynning, birt án ábyrgðar.)
Kristján telur að töluverður feng-
ur sé að útkomu þessarar bókar á
íslandi þar sem áhugi á heimspeki
sé sífellt að aukast. Aður hafa kom-
ið út í lærdómsritaflokknum rit
hugsuða á borð við Platón, Hume,
Mill og Fraud. Ritstjórar hans eru
þeir Þorsteinn Gylfason og Þor-
steinn Hilmarsson.
Útgerðarfélag Akureyringa:
Enn hægt að bæta við fólki til starfa
Um 17.700 tonn af fiski upp úr sjó kominn á land
VEL HEFUR gengið að ráða starfsfólk til starfa hjá Útgerðarfélagi
Akureyringa, en fyrirtækið auglýsti eftir starfsfólki í síðasta mánuði
og vantaði þá á milli 50 og 60 manns í fiskvinnsluna til að full-
manna salinn. Það sem af er þessum mánuði hafa Ijórir togararar
félagsins komið með tæplega 500 tonn af fiski til vinnslu í land.
segja fyrir um,“ sagði Gunnar, en
' Gunnar Lórensson yfirverkstjóri
hjá ÚA sagði að vel hefði gengið
að fá fólk tii starfa, en þó væru enn
nóg pláss laus. „Sérstaklega vantar
okkur konur til starfa í salinn eftir
hádegið, það er vinsælla að vinna
fyrir hádegið," sagði Gunnar.
Hátt í tvö hundruð manns vinna
í frystihúsinu fyrri hluta dagsins,
en eftir hádegið eru heldur færri
við störf, eða rétt um hundrað
manns.
Gunnar sagði að nóg væri að
gera þessa dagana. „Við þurfum
ekki að kvarta, það er bullandi
vinna þessa stundina, en hvert
framhaldið verður er ekki gott að
hann spáði því að hægt yrði að
halda frystihúsinu gangandi á full-
um afköstum fram í desember.
í októbermánuði hafa fjórir tog-
arar Útgerðarfélags Akureyringa
komið með alls 473 tonn af fiski
til vinnslu í landi. Kaldbakur land-
aði 84 tonnum þann 2. október, þar
af var þorskur 48 tonn, ufsi um
18 tonn og karfi 10 tonn. Svalbak-
ur iandaði 82 tonnum 5. október
síðastliðinn og var uppistaða aflans
þorskur eða um 76 tonn. Sólbakur
landaði 157 tonnum í fyrradag, þar
af var þorskur um 80 tonn og karfi
67 tonn. í gær var landað úr
Hrímbak, en hann kom með um 150
tonn. Þorskur var um 75 tonn afl-
ans og ufsi um 60 tonn. Frystitogar-
inn Sléttbakur kemur að landi í dag
með um 150 tonn af frystum flökum
og heilfrystum karfa, en karfinn
er um 70 tonn af heildaraflanum.
Harðbakur hefur verið í slipp
síðustu vikur, en hann hélt til veiða
í fyrradag. Harðbakur landaði
síðast fyrir rúmum þremur vikum
um 145 tonnum og var uppistaða
aflans karfi, eða um 110 tonn.
Einar Óskarsson hjá ÚA sagði
að um síðustu mánaðamót hefði
verið búið að landa 17.700 tonn af
fiski upp úr sjó. Heildarkvóti skipa
Útgerðarfélagsins fyrir þetta ár er
um 18.900 tonn. Einar sagði að
inni í þeirri tölu sem búið er að
veiða á þessu ári, 17.700 tonnunum,
væri allur afli sem að landi hafi
borist, einnig þær tegundir sem eru
utan kvóta. Tveir togaranna, Sól-
bakur og Hrímbakur eru á sóknar-
marki og eru þá til að mynda ýsa
og ufsi utan kvóta.
„Skipin eru á svipuðum vegi
stödd varðandi þann kvóta sem eft-
ir er, þau eiga öll h'tið eftir," sagði
Einar. Á þessu ári hefur ÚÁ keypt
rúm 800 tonn af kvóta.
NNTAUiIÁtiíiINS COTTLOD FREGE Undirstöður reikningslistarinnar
■
Hin I$ukzka »OKto£N;rrArtÍÁG