Morgunblaðið - 06.11.1990, Blaðsíða 13

MORGUNBLAÐIÐ ÞRIÐJUDAGUR 6. NÓVEMBER 1990
13
Vetnisumræða
á villigötum
eftir Pál Kr. Pálsson
Að undanfömu hefur nokkuð
verið rætt um möguleika þess að
hefja framleiðslu á vetni á íslandi
og hugsanleg orkusölu íslendinga
til slíkrar framleiðslu. Svo virðist
sem ýmsir þeir er hafa tjáð sig um
málið telji hér vera á ferðinni væn-
legan kost fyrir okkur íslendinga í
dag.
Undirritaður hefur fylgst með
þróun þessara mála erlendis undan-
farin ár og telur vegna framan-
greindrar umræðu rétt að koma
eftirfarandi á framfæri:
Rannsóknir á hagnýtingarmögu-
leikum vetnis til brennslu á farar-
tækjum eru komnar hvað lengst
meðal nokkurra bifreiðaframleið-
enda. Má þar t.d. nefna Daimler,
BMW, General Motors og Mits-
ubishi.
Stærsta vandamálið sem enn er
óleyst er flutningur vetnisins frá
framleiðslustað til notkunarstaðar,
dreifing og geymsla þess, á birgða-
stöðum og í þeim flutningstækjum
eða verksmiðjum sem ætlað er að
brenna vetni.
í nýlegri samantekt í fréttablaði
þýska verkfræðingafélagsins kom
fram að mat helstu sérfræðinga á
sviði vetnis í ofangreindum fyrir-
tækjum er að enn muni líða allt að
þrír áratugir þar til vetni verður
hagkvæmur valkostur sem orku-
gjafi á flutningstæki. Samdóma nið-
urstaða þeirra er að í millitíðinni
muni koma fram ein tegund
brennsluvéla sem sé samsett úr
V^terkurog
k./ hagkvæmur
auglýsingamiöill!
Niður
með hita-
kostnaðinn
hefðbundinni bensínvél og raf-
magnsmótor, svokallaður „hybrite“
mótor. í þessari samantekt kemur
einnig fram, að þrátt fyrir að olíu-
verð hækki verulega muni það vart
leiða tila þess að vetnisvélin komi
fyrr á markað. Það eina sem getur
leitt til þess, að mati þessara sér-
fræðinga, er aukning á súru regni,
einkum í Evrópu.
Meginástæðan fyrir þeim langa
tíma sem á eftir að líða þar til vetni
verður orðið orkumiðill í flutnings-
tækjum er sú gríðarlega þróunar-
OFNHITASTILLAR
= HÉÐINN =
VELAVERSLUN, SÍMI 624260
SÉRFRÆÐIÞJÓNUSTA-LAGER
Páll Kr. Pálsson
„Er það von undirritaðs
að umræðan um mögu-
leika okkar til þátttöku
í þroun vetnisfram-
leiðslu færist niður á
raunsæisplan, einungis
þannig mun árangur
nást.“
vinna sem enn á eftir að eiga sér
stað.
Hins vegar er ekki útilokað að
hagnýting vetnis heijist fyrr á af-
mörkuðum svæðum og/eða til sér-
tækra nota. í því sambandi má t.d.
nefna notkun vetnis til að knýja
almenningsfarartæki í stórborgum
og hugsanlega notkun vetnis sem
orkugjafa á skip og flugvélar.
Sé litið á þessa hluti í samhengi
og reynt að tengja þá möguleikum
okkar er niðurstaða undirritaðs eft-
irfarandi:
— Mikilvægt er fyrir okkur íslend-
inga að fylgjast vel með þróun-
inni og taka þátt í því alþjóðlega
rannsóknarstarfi sem unnið
verður á næstu árum.
— Við þurfum hins vegar að gera
okkur grein fyrir að vetnisfram-
leiðsla er vart valkostur í upp-
byggingu orkufreks iðnaðar á
íslandi í dag og ólíklegt að svo
verði á næstu árum.
Er það von undirritaðs að um-
ræðan um möguleika okkar til þátt-
töku í þróun vetnisframleiðslu fær-
ist niður á raunsæisplan, einungis
þannig mun árangur nást.
Höfundur er forstjóri
Iðntæknistofnunar.

slík hólf) og þegar þú ferð úr bílnum kippirðu
símanum með þér á augabragði. Þessi nýi sími
er á stærð við þykka bók, þyngdin er aðeins
rúm 2 kíló og Mobira ábyrgist gæðin alla leið í
gegn! Kynntu þér afdráttarlausa yfirburði
Mobira - og reiknaðu önnur dæmi til enda!
It
Hátsknihf.
Ármúla 26,108 Reykjavík, sími 91-31500 og 91-36700
Tækin minnka- tæknin eykst!
HVÍTA HÚSIÐ / SÍA