Morgunblaðið - 29.09.1992, Qupperneq 21

MIÐAVERÐ AÐEINS KR. 600 DREGIÐ VERÐUR 9. 0KT0BER
G FORVARNIR í ÞÍNA ÞÁGU
ÁRATUGA RANNSÓKNIR
MORGUNBLAÐIÐ ÞRIÐJUDAGUR 29. SEPTEMBER 1992
Hver á að éta hvað?
eftir Magnús
Skarphéðinsson
Nýlega var haldin ágætlega vel
heppnuð áróðursráðstefna hjá hval-
og seldrápsliðinu hér á landi með
svipuðum erindrekum frá hinum
ýmsu öðrum löndum einnig. Að
vanda sá Islenska stjórnarráðið með
sjávarútvegsráðuneytið í broddi
fylkinga um veg ráðstefnunnar hér
á landi. Þar hélt m.a. Erlingur nokk-
ur Hauksson stórt erindi um hvað
selirnir ætu mikinn fisk frá blessaða
mannfólkinu hér uppi á þurrlendinu.
Einnig voru stórar tilfinningar hafð-
ar uppi við um eftirsjá í mataræði
hvalsins hér við strendur. Mér sýnist
öll þessi umræða byggð á algerum
misskilningi. Fiskar eru fæða sela
og ljósáta er fæða vala og aldin jarð-
argróðurs eru fæða prímata, þar
með taldra okkar mannanna. Svindl
á þessari fæðureglu tegundanna
skilar engu nema krabbameini og
annarri óáran í meltingarvegi hverr-
ar tegundar fyrir sig, eins og sést á
bróðurparti vesturlandabúa í dag.
Frekja mannsins yfirgengileg
líka í sjávardjúpunum
Heimsvaldastefna Homo Sapiens
er orðin svo útþanin á hnettinum
nú að öll helsta hugsun vísindaflóru
mannsins í sjávarvísindum er að
koma í veg fyrir að helst nokkur
skepna á sjó eða landi (eða lofti líka)
fái að éta fæðu sína óáreitt. Og fræð-
ingar miklir eru dregnir fram sem
halda tilfinningaþrungnar ræður um
hvað hver tegund fyrir sig éti mikið.
Hvað selirnir éta mikið frá okur, og
hvað hvalirnir éta nú mikið frá okk-
ur líka o.s.frv. Allir sitja og reikna
hvað hinir og þessir sjávarbúar éti
nú mikið í heild frá vesalings Mann-
inum sem enga björg geti sér veitt
aðra en helst þá að útrýma öllum
keppinautum sínum um hinn litla
Magnús Skarphéðinsson
„En nú er svo komið að
saklaus almenningur hér
á landi heldur í blákaldri
alvöru og einlægni sinni
að stórfækka þurfi hvaln-
um hér við land og helst
að útrýma honum ef efna-
hagsvandamál íslenska
þjóðarbúsins eigi ekki að
kollsiglast af minnkandi
fiskafla vegna ágangs
hvalsins.“
mat sem hann hefur aðgang að
...Blöðruselurinn étur svo mikið“...
og „vöðuselurinn étur svona mikið“.
„Búrhvalurinn étur svona mikið og
hrefnan étur svona mikið“... Og allir
eru að éta allt of mikið nema við.
Það eru því augljóslega allir í Atl-
antshafinu að gera það gott nema
við.
Lítið fyrir vísindaheiðri
Haf rannsóknastof nunar
Ofan á þetta vílar íslenska Haf-
rannsóknastofnunin ekki fyrir sér
að skrökva því að þjóðinni margsinn-
is með dyggri aðstoð ríkisfjölmiðl-
anna, að hvalirnir séu að éta okkur
mannfólkið og veiðiútgerðirnar út á
gaddinn með áti sínu á fiskinum.
En það er óumdeilt meðal allra al-
vöru vísindamanna að hvalir éta alls
ekki fisk. Rétt í algjörum undantekn-
ingartilfellum í örstuttan tíma ársins
á slíkt sér stað af fáum tegundum
hvala og það þá í mjög takmörkuðu
mæli. Eg minni líká á það að nær
allar hvalategundir dvelja hér við
land aðeins í fáa mánuði á ári hveiju
yfir sumartímann svo að ekki fær
þessi matarofátskenning hvala held-
ur staðist með tilliti til þess.
En nú er svo komið að saklaus
almenningur hér á landi heldur í
blákaldri alvöru og einlægni sinni
að stórfækka þurfi hvalnum hér við
land og helst að útrýma honum ef
efnahagsvandamál íslenska þjóðar-
búsins eigi ekki að kollsiglast af
minnkandi fiskafla vegna ágangs
hvalsins.
„Vann maðurinn starfið sitt í
happdrætti?“
Það er ekki hægt að taka eitt ein-
asta orð alvarlega frá svona stofnun
og hennar vísindamönnum á meðan
vinnubrögð og málflutningur þessu
líkur er viðhafður þar á bæ. Það var
líka kannski ekki að undra að rit-
stjóri eins af stærri blöðum Þýska-
lands spurði í blaði sínu nýlega, í
tengslum við umræður þar ytra, um
hinar svokölluðu vísindaveiðar okkar
íslendinga hér um árið, hvort Jóhann
Siguijónsson hvalasérfræðingur
Hafrannsóknastofnunarinnar hafi
unnið starf sitt og titil í happdrætti?
Höfundur er talsmaður
Hvalavinafélags Islands.
NYJUNG
FRÁ
EL MARINO
gjörið svo vel...
Skútuvogi 10a - sími 686700
Blaðid sem þú vaknar við!
15 SKATTFRJÁLSIR VINNINGAR AÐ VERÐMÆTI KR. 9.000.000
2. VINNINGUR:
Mitsubishi Lancer með aldrif árg. 1993
Verð kr. 1.400.000
3. VINNINGUR:
Mitsubishi Colt 1600 árg. 1993
Verð kr. 1.100.00
HJARTAVERND
SÍMI813755
HEKIA
TRAUST FYRIRTÆKI
HAPPDRÆTTI
HJARTAVERNDAR1992
1. VINNINGUR: Til íbúðarkaupa kr. 1.500.000