Morgunblaðið - 30.12.1992, Blaðsíða 19

MORGUNBLAÐIÐ MIÐVIKUDAGUR 30. DESEMBER 1992
19
Palestínumennirnir
fái að snúa heim
eftir Svein Rúnar
Hauksson
Nú er meira en vika liðin síðan
ísraelska hernámsliðið ruddist inn
á heimili fólks í borgum, bæjum
og þorpum herteknu svæðanna í
Palestínu og hafði á brott með sér
yfir fjögur hundruð karlmenn;
heimilisfeður, syni, bræður og afa.
Þeir voru fluttir með nauðung úr
landi. Þessir karlmenn voru valdir
úr á grundvelli trúar sinnar og
þjóðernis.
Eins og við var að búast hafa
orðið mikil viðbrögð hjá fjölskyld-
um þessara manna, vinum og ná-
grönnum. Fólk hefur streymt út á
göturnar og lýst sorg sinni og reiði.
Það hefur mótmælt harðlega þess-
um mannránum og nauðung-
arflutningi. Mótmælunum hefur
verið svarað af fullkomnu mis-
kunnarleysi, sem ætti heldur ekki
að koma á óvart, ef litið er til
reynslu Þalestínumanna af ísraels-
stjórn og hernámsliði hennar. Her-
mönnum hefur verið skipað að
skjóta og drepa.
Miskunnarleysi hemámsins
Fyrsti píslavotturinn ■ í þessari
lotu var níu ára gömul stúlka. Um
15 manns hafa verið skotnir til
bana þegar þetta er ritað, þar á
meðal tveir bræður sem áttu heima
á Gaza-svæðinu. Hundruð manna
eru særðir. Síðustu fréttir herma
að fimmtán ára drengur hafi verið
myrtur af hernum.
Hér er um að ræða óhugnanleg
grimmdarverk gagnvart óbreytt-
um borgurum. Fyrst mannrán og
nauðungarflutningar úr landi, síð-
an er reynt að kæfa mótmæli fólks
gegn þessu í blóði. Loks er hjálpar-
starf hindrað og komið í veg fyrir
að alþjóðleg mannúðarsamtök geti
veitt neyðarhjálp. Þetta eru gróf
mannréttindabrot og einnig brot á
alþjóðalögum og samþykktum sem
. banna mismunun á grundvelli kyn-
þáttar, þjóðernis og trúarbragða.
Alvarleg brot jafngilda
stríðsglæp
Önnur hlið þessa máls snýr að
alþjóðalögum og rétti. Nauðungar-
flutningar eru alvarlegt brot á
íjórða Genfarsáttmálanum. Brot
sem skilgreinast jafn alvarleg og
þetta jafngilda stríðglæp. Það er
því ekki að ófyrirsynju að öryggis-
ráð Sameinuðu þjóðanna var kall-
að saman og að það hefur sam-
hljóða fordæmt brot ísraelsstjórn-
ar. Einnig hafa refsiaðgerðir verið
til umræðu hjá öryggisráðinu sem
og hjá Evrópubandalaginu.
Alþjóðlega vernd
Krafan um alþjóðlega vernd til
handa íbúum herteknu svæðanna
hefur aldrei verið brýnni en nú.
Það hlýtur að vera skylda Samein-
uðu þjóðanna að sjá til þess að
Palestínumenn sem búsettir eru á
Vesturbakkanum og á Gaza-svæð-
inu, án tillits til trúarbragða, hljóti
vernd gegn framferði ísraels-
stjórnar og hernámsliðsins. At-
burðir sem þessir og aðrir ámóta
á liðnum árum mega ekki endur-
taka sig án þess að ábyrgir aðilar
reyni að koma í veg fyrir þá.
ísraelsstjórn hefur neitað Al-
þjóða Rauða krossinum um leyfi
til að færa mönnum neyðarhjálp
þar sem þeim er haldið í herkví,
Höfóar til
.fólksíöllum
starfsgreinuni!
2XIox‘£vvvvIitaív vt)
„Hér er um að ræða
óhugnanleg grimmdar-
verk gagnvart óbreytt-
um borgurum. Fyrst
mannrán og nauðung-
arflutningar úr landi,
síðan er reynt að kæfa
mótmæli fólks gegn
þessu í blóði.“
allslausum í kulda og vosbúð, á
svokölluðu einskismannslandi.
Þessi afstaða lýsir einstakri ófyrir-
leitni í garð alþjóðlegra mannúðar-
samtaka og þeirra hugsjóna sem
Rauði krossinn stendur fyrir.
Allir sem einhvers eru megnug-
ir hljóta að taka höndumsaman
um að koma vitinu fyrir ísraels-
stjórn. Ef það tekst ekki fjótlega
verður að grípa til refsiaðgerða.
Rödd íslands þarf að hljóma
Sveinn Rúnar Hauksson
kröftuglega í þessu máli. Utanrík-
isráðherra, fyrir hönd ríkisstjórnar
íslands, hiýtur að gera ríkisstjórn
ísraels grein fyrir afstöðu íslands.
Þá er mikilsvert að biskup íslands
láti málið til sín taka, þannig að
rödd íslensku þjóðkirkjunnar heyr-
ist með öðrum kirkjudeildum sem
lagt hafa sitt af mörkum..
Kröfur dagsins eru:
1. Palestínumennirnir fjögur
hundruð og fimmtán fái að snúa
heim til sín tafarlaust.
2. íbúar herteknu svæðanna
fái alþjóðlega vernd á vegum
Sameinuðu þjóðanna.
Útifundur verður á Lækjartorgi
í dag kl. 17.15 til stuðnings ofan-
greindum kröfum.
Höfundur er hcimilislæknir og
formaður Félagsins
Ísland-Palestína.
300
SKOTA
KAKA

krónur
STJÖRNULJÓS
FYLGJA
HVERRIKÖKU!
SIMI 64 29 00

mmm „
STJORNUKAUP HF.