Morgunblaðið - 20.03.1993, Side 1

64 SIÐUR B/LESBOK
66. tbl. 81.árg.
LAUGARDAGUR 20. MARZ 1993
Prentsmiðja Morgunblaðsins
Bandaríkj amenn
slá refsiaðgerðum
gegn EB á frest
Washington. Reuter.
BANDARÍKJASTJÓRN ákvað í gær að fresta refsiaðgerðum gegn
ríkjum Evrópubandalagsins (EB) vegna deilna um opinber útboð
fram yfir fund háttsettra fulitrúa beggja aðila í Brussel í lok mánað-
arins, að því er sagði í sameiginlegri yfirlýsingu Mickey Kantors,
viðskiptaráðherra Bandaríkjanna,
kvæmdastjórnar EB.
í gær var um tíma búist við til-
kynningu um refsiaðgerðir af hálfu
Bandaríkjamanna og viðskiptastríði
við EB. Boðaðar aðgerðir voru í því
fólgnar að banna evrópskum fyrir-
tækjum að bjóða í opinberar fram-
kvæmdir á vegum Bandaríkja-
stjórnar. Með því vildu Bandaríkja-
menn mótmæla samskonar vernd-
arstefnu EB á sviði opinberra fram-
kvæmda.
Reynt var að leysa þessa deilu
Frakkland
Dúfnaher-
inn skor-
inn niður
París. The Daily Telegraph.
í TILLÖGUM um niðurskurð út-
gjalda til varnarmála, sem liggja
fyrir franska þinginu, er ráðgert
að fækka frönskum herdúfum
allverulega.
og Jacques Delors, forseta fram-
og annan ágreining í milliríkjavið-
skiptum á fundi Bills Clintons for-
seta og Delors í fyrradag, en án
árangurs. Stjórnarerindrekar sögðu
ástæðuna ósveigjanleika af hálfu
beggja aðila. Clinton þyrfti að sýna
fram á það í verki heima fyrir að
hann tæki viðskiptamálin fastari
tökum en forveri hans, George
Bush. Leiðtoga EB greindi á um
hvernig brugðist skyldi við við-
skiptahótunum Bandaríkjamanna
og leystist sá ágreiningur tæpast
fyrr en eftir frönsku þingkosning-
arnar. Fyrri umferð þeirra fer fram
á morgun, sunnudag, og sú seinni
viku síðar.
Delors sagði í gær að það væri
eindreginn vilji EB að komast að
málamiðlun en ákveðið hefur verið
að þeir Kantor fundi í því skyni í
Brussel 29.-30. mars.
Leon Brittan, sem fer með við-
skiptamál í framkvæmdastjórn EB,
spáði því í gær að samningum um
tollfrjáls milliríkjaviðskipti yrði lok-
ið í haust. Jacques Chirac, leiðtogi
frönsku stjórnarandstöðunnar,
spáði í gær talsverðum átökum við
Bandaríkjamenn áður en GATT
yrði í höfn.
Vígreifur
UNGUR Líbani hefur verið færður í feluföt sem hermaður væri og
fengin vélbyssa sem hann veifar á loft. Móðir hans stendur glaðbeitt
að baki í skósíðum svörtum kufli að hætti strangtrúaðra múslima.
Myndin var tekin á útifundi í Beirút í gær.
Fimmlifðu
af flug’slys
í Noregi
Ósló. Rcuter.
FIMM manns sluppu með lítils-
háttar meiðsl er flugvél með 10
innanborðs fórst í Mið-Noregi í
gær, að sögn fréttastofunnar
NTB.
Að sögn NTB var flugvélin á leið
frá Bergen til skíðabæjarins Geilo
er hún fórst í nágrenni Dagali.
Veður var slæmt á slysstaðnum,
snjókoma og hvassviðri.
Tveir þeirra sem voru um borð
slösuðust lífshættulega og þriggja
var enn saknað. Leituðu björgunar-
sveitir þeirra með hjálp leitarhunda.
Flugvélina hafði norska fyrirtækið
Kværner Engineering tekið á leigu
fyrir nokkra starfsmenn sem hugð-
ust renna sér á skíðum í Geilo um
helgina.
♦ ♦ ♦----
Bjarga nýrun
bankaláninu?
Varsjá. Reuter.
PÓLSKUR maður í fjárþröng
auglýsti annað nýrað til sölu í
blaði í gær svo hann gæti borgað
bankalán.
Að sögn PAP-fréttastofunnar
bauð maðurinn nýrað fyrir 400 millj-
ónir zlotí, jafnvirði 150 þúsunda
króna. Hann er járnsmiður og hefur
verið atvinnulaus frá í júlí í fyrra-
sumar. Hefur hann fyrir fimm
manna fjölskyldu að sjá og getur
ekki lengur borgað af láni sem hann
tók til að koma þaki yfir höfuðið.
Hingað til hefur verið skylda að
skrá allar franskar keppnisdúfur
annaðhvort hjá varnarmálaráðu-
neytinu eða innanríkisráðuneytinu.
Ákveðið var í fyrra að ekki bæri
að líta lengur á allar slíkar dúfur
sem „tiltæka útsendara" eða „starf-
andi herdúfur".
Nú er ráðgert að starfrækja að-
eins eina dúfnastöð, í Mont-Valeri-
an í Suresnes, skammt frá París.
Þar eru 100 dúfur, sem hafa fengið
sérstaka háþróaða ratþjálfun. Þær
geta flogið um 900 km á dag, á
um 90 km hraða á klukkustund.
Dúfur hafa gegnt mikilvægu
hlutverki fyrir franska herinn, sem
notaði þær í fyrri heimsstyijöídinni
og stríðinu í Alsír, auk þess sem
franska andspyrnuhreyfingin tók
þær í þjónustu sína í heimsstyijöld-
inni síðari.
Georgíumenn skjóta niður rússneska herflugvél yfir Abkhazíu-héraði
Ráðamenu vara Rússa við
nýrri Afganistan-styriöld
Tbilisi, Moskvu. Reuter, The Daily Telegraph.
GEORGÍUMENN skutu í gær niður rússneska herþotu á eftirlits-
flugi yfir héraðinu Abkhazíu við Svartahaf þar sem aðskilnaðarsinn-
ar beijast gegn yfirráðum Georgíumanna. Uppreisnarmenn njóta
stuðnings Rússa að sögn Georgíumanna. Edúard Shevardnadze,
leiðtogi Georgíu, hvetur rússnesk stjórnvöld til að hætta afskiptum
af innri málefnum Georgíu, en rússneskir hermenn eru enn í stöðv-
um Sovéthersins gamla í Abkhazíu. Þing Georgíu vill að Sameinuðu
þjóðirnar stöðvi „óyfirlýst stríð Rússa“ gegn landinu.
„Þessu verður að linna áður en
það verður um seinan," sagði Shev-
ardnadze, er eitt sinn var utanríkis-
ráðherra Sovétríkjanna. „Það má
ekki endurtaka mistökin í Afganist-
an og Tékkóslóvakíu." Sovétherinn
réðst inn í Afganistan 1979 og
Tékkóslóvakíu 1968.
GEORGIUMENN
FORDÆMA RUSSA
Georgíumenn skutu niður rússneska
herflugvél yfir Abkhazíu í gær og vöruðu
Rússa við afskiptum af átökunum
í héraðinu.

*
Ovenjuleg
mettilraun
MANFRED Klauda, þýskur fornbílasafn-
ari, ekur hér um götur Miinchen á 50 ára
gömlum fótstignum barnabíl. Lagði hann
í gær af stað í 600 kílómetra ferðalag til
borgarinnar Dresden en komist hann á
leiðarenda setur hann heimsmet í þessum
flokki ökutækja. Álíka farskjóta var ekið
frá Lundúnum til Parísar 1991 en sú vega-
lengd er 383 km.
Tugir manna í helstu borg Abkh-
azíu, Súkhúmí, hafa undanfarna
daga farist í loftárásum sem
Georgíumenn segja rússneskar flug-
vélar hafa gert; borgin er í höndum
stjómarhers Georgíu. Pavel
Gratjsev, varnarmálaráðherra Rúss-
lands, segir að Georgíustjórn heyi
stríð gegn eigin þegnum. Ráðamenn
hafí látið mála nokkrar af eigin Súk-
hoj-þotum með litum rússneska flug-
hersins og þær séu notaðar til árása
á þéttbýl svæði til að sverta ímynd
Rússa hjá almenningi. Shevardnadze
vísar þessu harkalega á bug, segir
að þetta sé firra sem eigi rætur að
rekja til lyga rússneskra leyniþjón-
ustumanna. Hann telur að Borís
Jeltsín Rússlandsforseti eigi ekki sök
á afskiptum Rússa af uppreisninni,
þar sé fremur við herforingja á
staðnum að sakast.