Morgunblaðið - 23.03.1993, Qupperneq 50

50
MORGUNBLAÐIÐ ÞRIÐJUDAGUR 23. MARZ 1993

Stærðfræðikeppni framhaldsskólanema
413 nemendur í
22 skólum tóku
þátt í keppninni
STÆRÐFRÆÐIKEPPNI framhaldsskólanema veturinn 1992-1993 var
í tveimur hlutum. Fyrri hluti keppninnar fór fram 20. október 1992.
Hann var í tveimur stigum; neðra stigið, sem ætlað var nemendum á
fyrri tveimur árum framhaldsskólanna, og efra stigið, sem ætlað var
nemendum á seinni tveimur árum framhaldsskólanna. Alls tóku 413
nemendur úr 22 skólum þátt í keppninni, þar af tóku 217 nemendur þátt
í efra stigi og 196 í neðra stigi keppninnar.
Seinni hluti keppninnar var úr-
slitakeppni, haidin laugardaginn 6.
mars 1993 í Háskóla Islands. Þátt-
takendur voru 36. Dómnefnd ákvað
að þrír hæstu keppendur skyldu
hljóta peningaverðlaun. Fyrirtækin
ístak hf. og Steypustöðin hf. bera
allan kostnað af keppninni og veita
verðlaunin, en keppnin hefur notið
rausnar þeirra mörg undanfarin ár.
í tíu efstu sætunum voru: 1. Bjami
V. Halldórsson, Menntaskólanum í
Reykjavík, 2. Daníel F. Guðbjartsson,
Fjölbrautaskóla Suðumesja, 3. Stef-
án Jónsson, Menntaskólanum á Ak-
ureyri, 4. Guðjón I. Guðjónsson,
Menntaskólanum við Sund, 5. Sig-
urður Freyr Marinósson, Mennta-
skólanum í Reykjavík, 6. Ari Eiríks-
son, Menntaskólanum á Akureyri,
7. Bergþór I. Björgvinsson, Mennta-
skólanum á Laugarvatni, 8. Alfreð
Hauksson, Menntaskólanum í
Reykjavík, 9.-10. Davíð Þór Braga-
son, Menntaskólanum á Akureyri,
og 9.-10. Eggert Jón Magnússon,
Fjölbrautaskóla Suðurlands.
Þessum tíu efstu keppendum hefur
verið boðið að taka þátt í sjöundu
norrænu stærðfræðikeppninni, sem
verður haldin í skólum keppenda 17.
mars 1993.
(Fréttatilkynning)
UR DAGBOK
LÖGREGLUNNAR í REYKJAVÍK:
19. - 22. mars 1993
Tilkynnt var um 72 umferðar-
óhöpp á tímabilinu. Þar af urðu
meiðsli á fólki í þremur tilvikum.
Tjón varð á 142 ökutækjum, en
líklegt má telja að hátt í þriðja
hundrað ökutæki hafí skemmst
meira og minna í umferðaróhöpp-
um á starfssvæði lögreglunnar í
Reykjavík um helgina. Hér er um
að ræða umtalsverða upphæð í
krónum talið sem ýmist tjónvaldar
eða tryggingafélög þurfa að
greiða á næstunni. Auk þeirra
tjóna sem urðu um helgina var
tilkynnt um 140 umferðaróhöpp
til lögreglunnar í liðinni viku svo
segja má að tjónið á þessu tíma-
bili öllu hafi verið gífurlegt. Lykill-
inn að lausn þess að bæta megi
ástandið hlýtur þó að liggja hjá
sérhveijum ökumanni. Það að tvö
hundruð umferðaróhöpp verði á
viku tímabili á ekki stærra svæði
hlýtur að kalla á ítarlega umhugs-
un og nauðsyn þess að fólk skoði
hug sinn betur, miklu betur, með
tilliti til þátttöku þess í umferðinni.
Innbrot voru 7 talsins í umdæm-
inu. Til samanburðar voru þau 25
talsins þegar verst lét um tíma
fyrir þremur vikum. Nauðsynlegt
er að fólk haldi vöku sinni og til-
kynni allt ef grunsemdir vakna
um_ refsiverða háttsemi.
A föstudagsmorgun hringdi
fólk mikið í neyðarsímann til þess
að fá staðfestingu á því að það
hvíta sem það sá út um gluggann
þegar það vaknaði væri snjór og
hvort að raunverulega gæti verið
hált og illfært fyrir neyðaraðstoð,
en í upplýsingasímanum 699020
eru veittar upplýsingar hjá lög-
reglu um allt það sem fólk fýsir
að fá að vita.
20 ökumenn, sem lögreglan
hafði afskipti af, eru grunaðir um
að hafa verið undir áhrifum áfeng-
is. Af þeim höfðu þrír lent í um-
ferðaróhöppum áður en til þeirra
náðist.
Snemma á laugardagsmorgun
sást hvar piltur braut rúðu í versl-
un við Brautarholt, en tók til fót-
anna er hann varð mannaferða
var. Lögregiumenn handtóku pilt-
inn á hlaupum þar skammt frá,
en ástæða þótti til að flytja hann
á slysadeild sökum þess hve illa
hann hafði skorið sig við rúðubrot-
ið. Að því búnu fékk hann vistun
í fangageymslu.
Á sunnudagskvöld var bifreið-
um mjög illa lagt við Laugaveg í
nálægð við kvikmyndahús, sem
þar eru. Aðrir ökumenn, sem leið
áttu um, áttu erfitt með að kom-
ast leiðar sinnar. Flytja þurfti
fimm bifreiðir af Laugaveginum
með dráttarbifreið og tvær af
Njálsgötu. Segja má að þar hafi
letin verið mönnum dýrkeypt því
nóg var að löglegum bifreiðastæð-
um þar skammt frá.
Aðfaranótt mánudags varð vart
við mann lokaðan inn í einu fyrir-
tækja borgarinnar. Maðurinn, sem
hafði reynt að vekja á sér at-
hygli, hafði læst sig inni á stiga-
gangi og komst hvorki út né í
síma. Þegar hann hafði verið að
yfirgefa eitt fyrirtækið í húsinu
læsti hann samviskusamlega á
eftir sér, en uppgötvaði þá sér til
mikillar hrellingar að lyklarnir
höfðu orðið eftir inni og þar sem
útidyrnar voru ekki opnanlegar
nema með lykli komst hann ekk-
ert. Þannig varð hann að bíða í
nokkrar klukkustundir þangað til
hans var vitjað. Lögreglumenn
nálguðust lykla hjá samstarfs-
manni mannsins og leystu hann
úr prísundinni.
V erðlaunaafhending
FRÁ afhendingu verðlauna, frá vinstri: Ágúst Valfells, verkfræðingur, fulitrúi Steypustöðvarinnar, Stef-
án Jónsson, MA, Bjarni V. Halldórsson, MR, Daníel F. Guðbjartsson, FS, og Sverrir Örn Þorvaldsson,
stærðfræðingur í dómnefnd.
Sjúkrasamlög ákjós-
anleg heildarlausn?
Margvíslegar hugmyndir viðraðar á sameiginlegum fundi
Félags um heilbrigðislöggjöf og Félags um heilsuhagfræði
RJÚFA þarf tengslin milli þjóðartekna og heilbrigðisþjónustu en það
myndi gerast ef sjúkrasamlögin yrðu tekin upp á ný. Byggðastefna
hefur orðið til þess að Reykvíkingar hafa misst af lestinni varðandi
heilsugæslustöðvar. Aukinn kostnaður er fyrirsjáanlegur í heilbrigð-
iskerfinu vegna þess að hlutfall 65 ára og eldri fer stöðugt vax-
andi. Þessi sjónarmið og mörg fleiri komu fram á sameiginlegum
fundi Félags um heilbrigðislöggjöf og Félags um heilsuhagfræði um
framtiðarstefnuna í heilbrigðismálum laugardaginn 13. mars.
Fundinn sátu um 60 manns og
var fjallað um siðfræðileg og hag-
fræðileg álitamál. Sighvatur
Björgvinsson heilbrigðis- og
tryggingamálaráðherra hóf fund-
inn með framsöguræðu, fjallaði
um bakgrunn núverandi heil-
brigðiskerfis og rakti þróunina á
síðustu áratugum. Hann sagði að
vaxandi hlutfall 65 ára og eldri
hlyti að leiða til aukins kostnaðar
í heilbrigðismálum þó að gætt
væri fyllsta aðhalds og myndi
þetta hlutfall vaxa mjög eftir alda-
mót. Útgjöld til heilbrigðismála
hafa stöðugt farið vaxandi undan-
fama áratugi en Sighvatur benti
á að hlutur einstaklinga hafði ekki
aukist og verið 13% á ámnum
1984-92.
Sjúkrasamlög á ný?
Ólafur Örn Amarson yfirlækir
á Landakoti fjallaði um kosti þess
að endurvekja sjúkrasamlögin.
Hann benti á að ijúfa yrði tengsl-
in á milli þjóðartekna og heilbrigð-
isþjónustu því heilbrigðisþjónustan
mætti ekki ráðast af því hversu
mikið fiskaðist frá ári til árs.
Ólafur gagnrýndi niðurskurðar-
stefnuna sem verið hefur í heil-
brigðismálum og sagði hana hafa
einkennst af því að þegar skorið
hefði verið niður á einum stað
hefði það orsakað þenslu á öðram.
Sighvatur Björgvinsson mót-
mælti þessu og nefndi dæmi um
niðurskurð sem hefur skilað
árangri.
Ólafur sagði að aukinn spamað-
ur í heilbrigðiskerfinu stafaði ekki
aðeins af niðurskurði heldur hefðu
framfarir í læknisfræði gert það
að verkum að margar aðgerðir
væm nú gerðar með hagkvæmari
og ódýrari hætti en áður.
Hann lauk máli sínu með því
að fjalla um vangaveltur ráðherra
þess efnis að vaxandi hlutfall 65
ára og eldri hlyti að leiða til auk-
ins kostnaðar í heilbrigðiskerfinu.
Ólafur taldi litla ástæðu til að
hafa áhyggjur af þessu því framf-
arir í læknisfræði myndu í framtíð-
inni leysa ýmsan vanda sem nú
veldur miklum kostnaði.
Reykvíkingum refsað
Skúli G. Johnsen borgarlæknir
sagði það staðreynd að heilbrigðis-
málum hér á landi hefði lengi ver-
ið illa stjórnað. Tvö undanfarin ár
hefði fyrst verið farið að gera
nýja hluti og stokka upp. Sem
dæmi um hina slöku stjóm mætti
nefna uppbyggingarpólitíkina á
heilbrigðisstofnunum frá árinu
1973 þegar ríkið hóf að greiða 85%
af stofnkostnaði slíkra stofnana í
stað 60% áður. Byggðastefna hefði
verið í algleymingi og gengið út á
að pumpa sem allra mestum fjár-
munum út á land. Þegar litið væri
á það hversu Reykjavík væri af-
skipt á þessu sviði, bæði er varð-
aði byggingu heilsugæslustöðva
og sjúkrahúsa, annarra en ríkissp-
ítala, á tímabilinu 1974 og allt til
1989-90 þá virtist sem lands-
byggðarþingmönnum hefði fundist
það ágæt byggðastefna að refsa
Reykvíkingum. Afleiðingin væri
sú að nú stæðu menn uppi með
tóm hjúkrunarpláss út um allt land
á meðan hundruð gamalmenna
bíða hér í Reykjavík. Önnur afleið-
ing af þessu væri að læknisþjón-
usta í Reykjavík væri nú mun
dýrari en verið hefði ef heilsu-
gæslustöðvar hefðu verið byggðar.
Sérfræðingarnir væru nefnilega
meira og minna að sinna heimilis-
læknastörfum en gegn miklu
hærra gjaldi en heimilislæknamir
fá.
Sérfræðiþjónusta vönduð og
ódýr
Sverrir Bergmann formaður
Læknafélags íslands sagði að ís-
lenska heilbrigðiskerfíð væri afar
gott en þar mætti þó ýmsu breyta.
Hann nefndi sérstaklega öldrunar-
mál, endurhæfingu og geðlækna-
þjónustu. Hann sagði að frum-
heilsugæsla hefði tekið miklum
framförum og væri til fyrirmynd-
ar. Sverrir sagði að sérfræðingar
utan sjúkrahúsa væru mjög mikil-
vægir í kerfinu og væri sérfræði-
þjónustan hér ódýr en vönduð.
Fjölmargir tóku til máls á fund-
inum og svaraði ráðherra fyrir-
spurnum í lok hans.

n 'i j ^yifyjJiJiio
Einn stærsti innisalur á landinu
Vantar allar gerðir bíla á staðinn. Vanir menn, göð þjónusta.
Opið frá 10-22 alla virka daga. Einnig laugardaga og sunnudaga.
ft B