Morgunblaðið - 26.10.1993, Blaðsíða 46
46
MORGUNBLAÐIÐ ÞRIÐJUDAGUR 26. OKTÓBER 1993
Islandsmeistaratitill í bílaíþróttum í flokki óbreyttra bíla
Ævintýralegiir signr
ÓSKAR Ólafsson og Jóhannes Jóhannesson á Mazda 323 fjórhjóla-
drifsbíl nældu í íslandsmeistaratitilinn í flokki óbreyttra bíla á
síðasta rallmóti ársins á sunnudaginn, Tudor Sönnak-rallmóti Bif-
reiðaíþróttaklúbbs Reykjavíkur. Unnu þeir keppnina og tryggðu
sér þar með titilinn eftir keppni við Ævar Sigdórsson og Ægi
Ármannsson á Lancia Delta, sem leiddu rallið á tímabili. I öðru
sæti urðu Stefán Asgeirsson og Anna K. Sveinsdóttir á Ford Esc-
ort, aðeins rúmum 20 sekúndum á eftir fyrsta sætinu.
Tveimur dögum fyrir keppni var staðan svona, bíllinn úti í hrauni
og undirvagninn stórskemmdur. Meistararnir höfðu hraðar hendur
og lagfærðu bílinn á mettíma.
Það að hala inn titilinn gekk
ekki átakalaust hjá Óskari og Jó-
hannesi. Tveim dögum fyrir keppni
endaði bíllinn úti í hrauni, þegar
þeir voru að prófa hann og undír-
vagninn stórskemmdist, skila átti
bílnum í skoðun síðdegis daginn
eftir. „Þetta var- áfall sem kostaði
mikla vinnu alla nóttina. Við feng-
um hálfan bíi í varahluti frá Jóni
Ragnarssyni, sem átti samskonar
Mazda-bíl og við ökum. Við kom-
umst með allt í lagi í skoðun, höfð-
um klukkutíma áður verið með
bflinn í réttingabekk, en þurftum
svo að vinna nóttina fyrir keppni
til að fullklára hann. Þetta kostaði
mikið svitabað, en við náðum að
leggja af stað, þótt ótrúlegt sé.
Þegar ég sá bílinn úti í hrauni var
titillinn næstum fokinn. En keppn-
isskapið hjálpaði okkur og aðstoð-
armönnum okkar að beija bílinn
í rétt horf,“ sagði meistarinn Ósk-
ar Ólafsson í samtali við Morg-
unblaðið.
„Sjálf keppnin var hörð. Minn
helsti keppinautur, Ævar Sigdórs-
son, náði forystu á tímabili, en
missti síðan bílinn útaf og tapaði
miklum tíma. Ég gerði sjálfur
nokkur mistök í akstri, var ör-
þreyttur en það slapp, þrátt fyrir
mikla keppni. Færið var mjög erf-
itt, drulla lá yfir klakabundnum
vegunum og því mikil hálka. Jón
Ragnarsson missti sinn bíl út í
kant eftir að vera kominn í mikinn
ham á Djúpavatnsleið. Afturhjóla-
búnaður bilaði, skiptigaffall bogn-
aði síðan og hann varð að hætta
eftir góða frammistöðu. Ég hafði
sjálfur verið heppinn á einni leið-
inni þegar afturdekk sprakk. Leið-
in var styttri en upphaflega var
áætlað og það var eins og himna-
sending, því ég hafði þegar ekið
5-6 kílómetra á sprungnu og tapað
einhverjum tíma, það fór sæmilega
um mann þegar sprakk, en ég
ætlaði ekki að gefa mig fyrr en í
fulla hnefana. Birgir og Gunnar
Vagnssynir voru á meðal toppbíl-
anna en urðu að hætta eftir að
afturhjól flaug undan á miðri leið.
Það var vissulega kærkomið að
vinna titilinn í flokki óbreyttra
bíla í lokakeppninni. íslandsmeist-
ararnir yfir heildina, Ásgeir Sig-
urðsson og Bragi Guðmundsson á
Metro, kepptu ekki á lokamótinu,
en fylgdust með rallinu með
myndavélar á Iofti. Það hefðu fleiri
óbreyttir bílar mátt vera með í
Islandsmótinu til að fá meiri
spennu. Okkur langar að prófa
eina keppni erlendis og erum að
skoða það að fara á Norðurlanda-
mótið í febrúar í Svíþjóð, þar eru
aðstæður allt aðrar en við þekkj-
um, snjór og ísing. Við myndum
fá nýja vídd með því að fara þang-
að. Svo getur verið að við seljum
bílinn fyrir næsta ár. Annars hefur
Mazdan reynst okkur vel. Spenn-
andi væri að kaupa nýja Ford
Escort Cosworth-bílinn, en hann
er alltof dýr. Mazdan og Ræsir
hafa reynst okkur vel, þannig að
kannski kaupum við annan slíkan,
eða notum sama bíl. Þetta verður
allt skoðað í vetur,“ sagði Óskar.
- GR
Gamli skólinn í Viðey tekinn
í notkun eftir endurbyggingu
VEGNA mistaka í sunnudags-
blaðinu, er eftirfarandi frásögn
endurbirt:
Endurbyggingu Viðeyjarskóla er
nú lokið og var hann formlega tek-
in í notkun í hófi í eynni 21 október.
Skólinn á sér langa sögu, en
kennsla hófst þar í heimahúsum
og var þarna útibú frá Mýrarhúsa-
skóla haustið 1912. Húsið sem nú
hefur verið endurbyggt var hins
vegar tekið í notkun í nóvember
1928 og var kennt þar til vorsins
1941. Þá lagðist skólinn af, enda
fólk þá að mestu horfíð úr eynni.
Húsið hefur verið að grotna niður
um árabil, var lengi skjólshús hesta
í eynni. En árið 1989, lét staðar-
haldari stinga allt að 60 sentimetra
þykka skán út úr húsinu. Var þá
formlega snúið til annars vegár
með húsakynnin. Síðan hefur húsið
verið endurbyggt í áföngum og
verkinu nú lokið. Upprunalega
kostaði húsið 220 nýkrónur, en
endurbygging þess kostaði nú 17,2
milljónir, þar af var kostnaður við
lokaáfangann 12,1 milljón.
í upprunalegri mynd
Markús Öm Antonsson borgar-
stjóri sagði í erindi við opnun húss-
ins að við endurgerð þess hefði
verið leitast við að halda húsinu í
sem upprunalegastri mynd, þannig
væri allt tréverk smíðað nákvæm-
lega eftir sýnishornum úr húsinu
og grunnplan hússins væri óbreytt,
nema að klefi fyrir steypiböð væri
nú tæknirými og upprunalegi
kyndiklefínn rúmaði nú snyrtiher-
bergi fyrir fatlaða. Markús kom
einnig inn á það í máli sínu, að
fýrrum hafí húsakynnin þótt hin
ágætustu, þannig að öfundar hafi
gætt. Það hafí komið fyrir að for-
eldrar á Seltjamamesi, en Viðey
tilheyrði áður því bæjarfélagi, hafí
neitað að senda börn sín í Mýrar-
húsaskóla meðan þar voru útik-
amrar.
Borgarstjóri afhenti að lokum
staðarhaldara húsið til notkunar.
Séra Þórir Stephensen flutti þá
erindi um skólahald í Viðey allt frá
tímum skólans í klaustrinu, sem
stofnað var 1225 til loka skóla-
halds á Sundbakka í Viðey 1941.
Draugagangur
Þórir Stephensen sagði ennfrem-
ur að er skólahald var liðið undir
lok hefði Steinn Steinarr þráð mjög
að eignast híbýlin og fengið aðstoð
vinar síns og útgefanda, Ragnars
í Smára, við að reiða fram fyrstu
útborgun. En þegar til kom varð
Steini ekki svefnsamt í húsinu
vegna draugagangs og var þá kall-
aður til vinur hans annar sem
kunni tökin á þess háttar vanda.
Flæmdi sá alla drauga út í ákveð-
ið hom í húsinu, dró krítarstrik
fyrir homið og tilkynnti hinum
framliðnu að þeim væri ekki heim-
ilt að fara yfír strikið. Eftir það
hafði Steinn svefnfrið. Hann hélt
vinum sínum eftirminnilegar veisl-
ur í skólanum, en fluttist síðan
þaðan og náði aftur útborgun
sinni,“.
Séra Þórir Stephensen vék einn-
ig að hugmyndum um framtíðarnot
hússins. Væru þau mál i athugun,
en áætlað væri að nota húsið til
skóla-, ráðstefnu- og sýningahalds.
í skólastarfí væru uppi hugmyndir
um að nýta húsið sem skólasel
fyrir 11 ára börn.
V iðey ingaf élagið
Margir fyrmm nemendur Viðeyj-
arskóla vom meðal gesta. Einn
þeirra, Örlygur Hálfdánarson
bókaútgefandi, formaður Viðeyj-
arfélagsins, sagði að eftirleiðis yrði
21. október sérstakur hátíðisdagur
félagsins. Örlygur sagði enn frem-
ur að saga skólahússins væri
margslungin og skemmtileg. Nem-
endur Viðeyjarskóla væra af ýms-
um toga. Éyjan og skólinn væm
það sem byndi hópinn saman. Það
væru sterk bönd sem ekkert ynni
á. Örlygur afhenti síðan skólanum
að gjöf 2 myndir, aðra af kennar-
hjónunum, sem þar voru lengst,
Ásmundi G. Þórðarsyni og Guð-
laugu Bergþórsdóttur og stóra lit-
mynd af þorpinu á Sundbakka í
Viðey.
Þá afhenti Sigurgeir Sigurðsson,
bæjarstjóri á Seltjarnarnesi
skólanum Seltirningabók að gjöf
og flutti kveðjur af Seltjarnarnesi.
Davíð Ólafsson fyrrverandi
seðlabankastjóri, einn af nemend-
um skólans tók síðastur til máls
og sagði að eðlilegt væri að menn
spyrðu, hvers vegna skóli þessi
hafí verið byggður á þessum tíma,
þ.e. 1928. Hann sagði skýringuna
vera að á áranum þar um kring
hefði verið mikið athafnalíf í Viðey
og voru fastbúandi þar yfir 100
manns og það húsnæði, sem not-
ast hafði verið við til skólahalds
alls ófullnægjandi . Athafnalífið
byggðist á rekstri togara í eigu
Kárafélagsins. Faðir hans Ólafur
Gíslason framkvæmdastjóri Kára-
félagsins, var kosinn í hreppsnefnd
árið 1928, eftir því sem segir í
Seltirningabók. Var honum falið
að útvega teikningu að hæfilegu
skólahúsi og lá sú teikning fyrir
21. júlí og samþykkti hreppsnefnd-
in að byggja skólann. Var Ólafi
ásamt Hallgrími Jónssyni, sem
einnig var úr Viðey, falið að hafa
umsjón með verkinu. Eftir því sem
segir í bókinni var skólinn tilbúinn
til kennslu í október sama ár.
Davíð rifjaði síðan upp nokkuð
um athafnalífið á þessum tíma. Á
tímabilinu 1925-32 vora lengst af
3 togarara gerðir út frá Viðey og
lögðu upp afla sinn á eyjunni. Var
það allt saltfiskur og var fiskurinn
þveginn og þurrkaður til útflutn-
ings. Fór þurrkurinn aðallega fram
úti á stómm malarreitum, en seinni
árin einnig í þurrkhúsi, sem notaði
rafmagn til að drífa blástursvél-
arnar og framleiða hitann. Mun
það hafa verið eitt af fyrstu húsum
sinnar tegundar á landinu.
Loks afhentu dætur Sigurðar
Jónssonar frá Stöpum skólastjóra
Mýrarhúsaskóla mynd af föður sín-
um, en hann var skólastjóri Viðeyj-
arskóla allan tímann sem kennt
var í húsinu.
Hverfafundir borgarstjóra
1993
Þin skoðun skiptir máli
Komdu hugmyndum þínum á framfæri við Markús Örn Antonsson,
borgarstjóra, milliliðalaust.
Á fundinum verða til sýnis líkön og skipulagsuppdráttur.
Nes- og Melahverfi, Vestur- og Miðbæjarhverfi, Austurbær - Norðurmýri, Hlíða- og Holtahverfi.
Þriðjudagur 26. október á Hótel Borg kl. 20.30.
Fundarstjóri: Gunnlaugur S. Gunnlaugsson.
Fundarritari: Áslaug Ottesen.
REYKJAVÍK
öflug borg í öruggum höndum.