Morgunblaðið - 12.12.1993, Síða 18

18 B
MORGUNBLAÐIÐ SUNNUDAGUR 12. DESEMBER 1993
4
Áhersla lögð á
fj ölskyldustarf
FRÍKIRKJAN í HAFNARFIRÐI FAGNAR 80ÁRA AFMÆLI
eftir Guðne Einarsson
ÞRÁTT FYRIR 80 ár að baki
er Fríkirkjusöfnuðurinn í
Hafnarfirði einn sá yngsti á
landinu, ef miðað er við meðal-
aldur safnaðarfólks. Mikið er
um ungar barnafjölskyldur í
söfnuðinum og fjölgar þeim ört.
Á hverjum sunnudegi eru haldn-
ar fjölsóttar barnaguðsþjón-
ustur og sækir fullorðið fólk
þær ekki síður en börnin.
Fríkirkjusöfnuðurinn í Hafnar-
firði var stofnaður á sumar-
daginn fyrsta 1913. Þann 14. des-
ember það sama ár var kirkja safn-
aðarins við Austurgötu í Hafnar-
firði vígð. Söfnuðurinn minnist
þessara tímamóta í dag.
„Sunnudagaskólinn er þunga-
miðja safnaðarstarfsins, þetta er
fjölskyldustarf," segir séra Einar
Eyjólfsson safnaðarprestur. Auk
sunnudagaskólans eru haldnir
fundir fyrir ólíka aldurshópa barna
tvisvar í viku, barnakór starfar og
tvisvar á vetri er farið með ferm-
ingarböm í námsferðir. Til að sinna
sívaxandi barna- og unglingastarfi
hefur verið ráðinn kennari í starf
á vegum kirkjunnar.
Hefðbundnar messur eru annan
hvem sunnudag og fræðslufundir
og opin hús fyrir fullorðna öðra
hveiju yfir vetrartímann. Þá era
starfandi kirkjukór og kvenfélag
og boðið upp á opið hús fyrir eldri
borgara í safnaðarheimilinu við
Austurgötu 24 tvisvar í mánuði.
Ör fjölgun í söfnuðinum
Fríkirkjan í Hafnarfirði er í
örum vexti. Á fáum árum hefur
fjölgað um meira en 600 og telur
söfnuðurinn nú yfír 2.400 manns.
Um árabil fækkaði safnaðarfólki
jafnt og þétt og var þar mikið um
að kenna reglugerðarákvæði sem
var söfnuðinum andsnúið. Ef fólk
flutti út fyrir landfræðileg mörk
Hafnarfjarðar féll það sjálfkrafa
af safnaðarskrá Fríkirkjunnar og
var skráð í þeirri sókn sem það
flutti í. Ef þetta fólk flutti svo til
baka, þá fór það ekki aftur á safn-
aðarskrá Fríkirkjunnar heldur var
það áfram í safnaðarbókum þjóð-
kirkjunnar. Séra Einar barðist fyr-
ir því að fá þessu breytt þannig
að sóknarmörk væra upphafin,
þegar um Fríkirkjuna er að ræða,
líkt og gildir um önnur frjáls trúfé-
lög. „Það þurfti þriggja ára bar-
áttu við kerfíð til að þessu órétt-
láta fyrirkomulagi væri aflétt,"
segir séra Einar. Fjöldi fólks, jafn-
vel burðarásar í starfí Fríkirkjunn-
ar, reyndust ekki vera á safnaðar-
skrá þegar að var gáð. Gerð hefur
verið gangskör að því að leiðrétta
safnaðarskrána. Einnig er mikið
um að fólk, sem fer að sækja Frí-
kirkjuna og þá gjaman barna- og
unglingastarfíð, óskar eftir að
ganga til liðs við söfnuðinn.
Vöxturinn hefur styrkt starfið,
því Fríkirkjan hefur ekki aðrar
tekjur en sóknargjöld safnaðar-
fólksins. Þær tekjur verða að
hrökkva fyrir öllum útgjöldum,
jafnt launum prests og annars
starfsfólks og daglegum rekstri.
Fyrsta kirkja Hafnarfjarðar
Á ofanverðri 19. öldinni kom upp
evangelísk-lúthersk fríkirkjuhreyf-
ing hér á landi. Fríkirkjurnar höfðu
sama trúargrandvöll og þjóðkirkj-
an en vora frábragðnar hvað varð-
aði safnaðarskipulag og voru óháð-
ar ríkisvaldinu. í kjölfarið fylgdi
umræða um samband ríkis og
kirkju. Óánægja með útkomu
prestskosninga átti oftar en ekki
sinn þátt í að söfnuðir klofnuðu
og hluti safnaðarbarna kaus að
stofna fríkirkju. Sú varð raunin í
Garðaprestakalli árið 1913.
Fram á þessa öld áttu Hafnfirð-
ingar kirkjusókn að Görðum á
Álftanesi, engin kirkja var í
Hafnarfirði. Árið 1913 fór fram
prestskosning til Garða, en mörg
safnaðarbörn undu illa niðurstöð-
unni. Jafnframt þótti mörgum orð-
ið tímabært að reisa kirkju í Hafn-
arfírði og átti þetta tvennt stærst-
an þátt í að Fríkirkjan í Hafnar-
firði var stofnuð á fyrsta sumardag
1913 við guðsþjónustu í „Gúttó“.
Nýja kirkjan var reist á aðeins
þremur mánuðum. Þetta framtak
ýtti við kirkjuyfirvöldum og árið
eftir reis þjóðkirkjan í Hafnarfirði.
Séra Einar segir að kirkjan sé
nú oft setin til þrengsla og stutt sé
í að fjölga verði messum þá daga
sem kirkjusókn er mest. Safnaðar-
heimilið við Austurgötu 24 var
keypt fyrir 5 árum og hefur það
bætt úr brýnni þörf fyrir starfsað-
stöðu. Þrengsli í kringum kirkjuna
og safnaðarheimilið standa þó
starfínu fyrir þrifum og framundan
era viðræður við skipulagsyfirvöld
um fjölgun bflastæða og bætt að-
gengi að kirkjunni.
Fríkirkjufyrirkomulagið
Fríkirkjuprestar eru vígðir til
starfa af biskupi íslands og eru
samskiptin við þjóðkirkjuna öll hin
ágætustu. Séra Einar nefnir að
forveri sinn, séra Bernharður Guð-
mundsson, hafi verið fjölmiðlafull-
trúi biskups um leið og hann
gegndi hálfu prestsstarfi í Fríkirkj-
y. Morgunblaðið/Árni Sæberg
A kirkjutröppunum
SÉRA EINAR Eyjólfsson er prestur Fríkirkjusafnaðarins í Hafnar-
firði. Söfnuðurinn heldur upp á 80 ára afmæli nú um helgina.
unni. Forveri Bernharðs, séra
Magnús Guðjónsson, var jafnframt
prestsembættinu biskupsritari, svo
segja má að Fríkirkjunni í Hafnar-
fírði hafi verið öðram þræði stýrt
úr Biskupsstofu. Þá skal þess get-
ið að eiginkona séra Einars, frú
Edda Möller, er framkvæmdastjóri
Skálholts, útgáfufélags þjóðkirkj-
unnar.
Að sögn séra Einars ríkir mesta
eindrægni og bræðralag milli Frí-
kirkjunnar í Hafnarfírði og íjóð-
kirkjunnar. Biskup boðar fríkirkju-
presta á prestastefnur og hafa
þeir þar málfrelsi og tillögurétt. Á
milli kirknanna í Hafnarfirði er
gott samband, en jafnframt telur
Einar að hófleg samkeppni um
sálimar brýni báða aðila til góðra
verka.
Fríkirly'a hefur sína kosti
Séra Einar vígðist til þjónustu
í Fríkirkjunni í Hafnarfírði og hef-
ur því ekki reynslu af prestsstarfi
í þjóðkirkjunni, þótt hann fari
nærri um hvernig það sé. Að feng-
inni reynslu telur hann að fríkirkju-
fyrirkomulag hafi sína kosti. „Ég
tel það styrk þessa safnaðar að
hann er sjálfstæður. Fólkinu er það
metnaðarmál að vera sjálfstæð
kirkja, engum háð. Þegar ég kom
hér til starfa tók á móti mér traust-
ur hópur fólks, sem var vanur að
sinna safnaðarstarfinu vel. Ég tel
að í safnaðarfyrirkomulagi sem
þessu finni fólk til ríkari ábyrgðar,
það veit að starfíð hvílir á þess
herðum. Ég á sterkan bakhjarl í
söfnuðinum."