Morgunblaðið - 09.02.1994, Page 13

MORGUNBLAÐIÐ MIÐVIKUDAGUR 9. FEBRÚAR 1994
13
Lífróður gegn atvinnuleysi
eftir Sigurð T.
Sigurðsson
Undanfarnar vikur hefur varla
liðið sá dagur að fjölmiðlar hafi
ekki birt viðtöl við ráðherra eða
vitnað til ummæla þeirra um brýna
nauðsyn þess að bæta atvinnu- ^
ástandið í landinu og hvað þeir
ætli sér að gera fyrir þá sem verða
að draga fram lífið á atvinnuleysis-
bótum.
Haft er eftir Halldóri Blöndal
landbúnaðarráðherra að stjórnvöld
rói lífróður gegn atvinnuleysinu,
Sighvatur Björgvinsson iðnaðar-
ráðherra talar um nauðsyn ný-
sköpunar í atvinnulífínu og Davíð
Oddsson forsætisráðherra fullviss-
ar íslensku þjóðina um að allt verði
gert til að bæta atvinnuástandið.
Aðrir ráðherrar hafa á lofti keim-
líkar fullyrðingar.
Ekki vantar að stórar fullyrð-
ingar og loforð um aðgerðir gegn
ríkjandi atvinnuleysi hafi komið
frá öllum ráðherrum núverandi
ríkisstjórnar, en lítið hefur orðið
um efndir, þó svo að hérlendis séu
þúsundir atvinnutækifæra ef þeir
vilja nýta þau og hætta að láta
sérhagsmunagróða fámennings-
hópa ráða ferðinni.
Ég ætla hér á eftir að benda
stjórnvöldum á margs konar
möguleika til að útrýma atvinnu-
leysinu úr landinu og létta þeim
þar með þann lífróður gegn at-
vinnuleysi, sem þau auðsjáanlega
hafa ekki burði til að standa í.
Fullvinnsla fisks hér heima
í stað þess að flytja fiskinn
óunninn frá landinu, má auðveld-
lega fullvinna hann hér innanlands
í stórauknum mæli. Fisk veiddan
í íslenskri fiskveiðilandhelgi á að
bjóða til sölu á íslenskum fisk-
mörkuðum og útflutningur ein-
ungis heimilaður á umframhrá-
efni.
Það á skipulagt að fækka frysti-
togurum og minnka þannig veiðar
þeirra á hefðbundnum miðum á
grunnslóð, en leggja þess meiri
áherslu á náttúruvæn veiðarfæri,
s.s. handfæri og línu. Sé rétt á
málum haldið er þarna um að
ræða a.m.k. 3.Ó00-3.500 viðbóta-
störf, þar af 1.800-2.000 á þessu
ári.
Skipasmíði og viðgerðir
í stað þess að láta útlendinga
smíða og gera við skipin okkar er
hægt að sinna þeirri vinnu hér
heima. Fái íslenskur skipasmíða-
iðnaður að sitja við sama borð og
erlend skipasmíði mun hann fljót-
lega verða samkeppnisfær hvað
verð snertir. Um gæðin þarf ekki
að efast. í lok þessarar aldar gæti
fjölgun manna í járniðnaði numið
2-3 þúsund störfum.
Stálbræðsla
í stað þess að flytja brotajárn
óunnið héðan frá landinu til
vinnslu erlendis eins og nú er gert
á að vinna það hér heima. Sam-
kvæmt áliti erlendra sérfræðinga
er stálbræðslan fyrir sunnan Hafn-
arfjörð af haghvæmri stærð og
vandalítið að reka hana með hagn-
aði ef hún er keyrð á fullum af-
köstum.
Það voru því meiri háttar mistök
af hálfu stjórnvalda að beita ekki
áhrifum sínum til að samningar
næðust við ítölsku aðilana sem
voru hér á landi fyrir skömmu, en
þeir vildu kaupa og gangsetja
verksmiðjuna.
Því miður virðist sem stjórnvöld
hafi engan áhuga á rekstri verk-
smiðjunnar og nýtingu á þeirri
miklu umframorku sem til er í
landinu. Þau virðast frekar kjósa
þann kost að verksmiðjan verði
rifin niður og seld í pörtum úr
landi fyrir slikk og láta síðan fólk
á atvinnuleysisbótum greiða fyrir
mistökin. í fullum rekstri myndi
stálbræðslan skapa 40-50 ný at-
vinnutækifæri strax og hún færi í
gang.
Niðursuða
Það vantar mikið á að markaðir
okkar erlendis fyrir niðursoðnar
afurðir séu fullnýttir. Nú þegar
getum við selt mikið meira magn
af rækju en nú er gert.
Með lítilli fyrirhöfn og eðlilegri
fjánnagnsfyrirgreiðslu væri hægt
að gangsetja niðursuðuverk-
smiðju, sem er með þann búnað
og tæki sem til þar. Þetta er nið-
ursuðuverksmiðja við Vesturgötu
15-17 í Hafnarfirði, sem Norður-
stjarnan hf. starfrækti þar árum
saman.
Með fullum afköstum í niðurs-
uðu á rækju og lifur, með loðnu-
frystingu sem aukagetu, myndu
starfa þarna yfir 40 manns.
Ný fyrirtæki
Með skynsamlegri fyrirgreiðslu
lánastofnana og opinberra sjóða
við nýjungar í atvinnulífinu væri
hægt að skapa hundruð nýrra at-
vinnutækifæra.
Þetta er því miður sjaldan gert
á þann hátt sem eðlilegast væri,
því að flokkspólitík er að öðru
jöfnu látin sitjá í fyrirrúmi og þá
er meira farið eftir ættartengslum
og flokkslínum heldur en köldu
mati á staðreyndum. Þess vegna
eru frábærar hugmyndir að nýjum
atvinnutækifærum oft látnar
mæta afgangi eða drepnar í fæð-
ingu, nema að þeir sem koma þeim
á framfæri séu af réttu sauðahúsi.
Það er hægt að benda á fjöl-
mörg ný fyrirtæki sem eiga undir
högg að sækja með fjármagn úr
opinberum sjóðum þó svo að fyrir-
sjáanlegt sé að rekstur þeirra yrði
arðvænlegur og þau myndu skapa
fjölmörg atvinnutækifæri ef þau
kæmust á laggirnar. Því miður
virðist mun auðveldara að fá slíka
fyrirgreiðslu út á flokksskírteini
og ættartengsl en snjallar hug-
myndir.
Iðnlánasjóður
Það er eftirtektarvert miðað við
yfirlýsingar stjórnvalda um „lág-
vaxtastefnu" að Iðnlánasjóður
skuli komast upp með að krefjast
7% vaxta af fjármagni til upp-
byggingar atvinnulífs í landinu. A
sama tíma hótar forsætisráðherra
bankastjórum ríkisbankanna
brottrekstri fyrir sama glæp. Eitt-
hvað hefur þeim fipast áralagið í
lífróðrinum eða kannske þeir rói
aðeins á annað borðið.
Tollalækkanir á hráefni
Með lækkun eða niðurfellingu á
tollum á innfluttu hráefni sem ís-
lenskur iðnaður byggir framleiðslu
sína á yrði hann í fjölmörgum
greinum samkeppnisfær við er-
lenda keppinauta. Þetta myndi
skapa það mörg störf til viðbótar
við þau sem búið er að geta um
að hægt væri að útrýma atvinnu-
leysi frá dyrum launafólks á ís-
landi næstu áratugina.
Loforð og efndir
íslenskt verkafólk er búið að fá
nóg af fögrum loforðum frá núver-
„Ég ætla hér á eftir að
benda stjómvöldum á
margs konar möguleika
til að útrýma atvinnu-
leysinu úr landinu og
létta þeim þar með
þann lífróður gegn at-
vinnuleysi, sem þau
auðsjáanlega hafa ekki
burði til að standa í.“
andi stjórnvöldum og bíður eftir
því að við þau verði staðið.
Visual Basic námskeið
Alþingismenn! Ef þið viljið að
þjóðin taki mark á ykkur þá hætt-
ið þessu orðaskaki. Framkvæmið
heldur eitthvað af fögru loforðun-
um sem þið gáfuð fyrir síðustu
kosningar og sýnið að þið séuð í
raun að róa lífróður gegn atvinnu-
leysi. Að öðrum kosti skulið þið
segja af ykkur og sækja um at-
vinnuleysisbætur, sem eru að með-
altali um 31 þúsund krónur á
mánuði, svo þið kynnist sjáflir
þeim kjörum sem þið ætlið öðrum.
Höfundur erformaður
Verkamannafélagsins Hlifar,
Hafnarfirði.
Sigurður T. Sigurðsson
Tölvu- og verkfræöiþjónustan
Tölvuskóli Halldórs Kristjanssonar
Grensásvegi 16 • ® 68 80 90
mm

ELANTRA
glæsilegur bíll
á góðu verði
'94 árgerðin af Elantra er enn
veglegri og öflugri en áður.
Bíllinn er búinn 1,8 lítra og 126
hestafla vél sem skilar bílnunr góðri
snerpu hvort sem gírkassinn
er beinskiptur eða sjálfskiptur.
Elantra er 4,36 m á lengd og
1,7 m á breidd.
Verðfrá 1.295.000 kr.
vökva og veltistýri
rafdrifnar rúður
samlæsing
rafdrifnir speglar
tölvustýrt útvarp og segulband
4 hátalarar
Þið fáið negld vetrardekk,
og sumardekkin í skottið
- án aukakostnaðar útfebrúar
HYUnDHI
...tíl framtíðar
USMíGr
ÁRMÚLA 13 • SÍMI: 68 12 00 • BEINN SÍMI: 3 12 36