Morgunblaðið - 02.07.1994, Side 44

MORGUNBLAÐIÐ, KRINGLAN 1 103 REYKJAVÍK
SÍMI 691100, SÍMBRÉF 691181, PÓSTHÓLF 3040 / AKUREYRI: HAFNARSTRÆTI 85
LAUGARDAGUR 2. JÚLÍ 1994
VERÐ í LAUSASÖLU 125 KR. MEÐ VSK
Að landi með full-
fermi af grálúðu
Mesta afla-
, verðmæti
línubáts
iHH
'Sman.
SAUDI
ARABfA
Gönftj
ndenjlui
DJIBOUnv^
&v\^, .
EÞÍÓPÍA SÓMALÍA/
J 0 300 ton
LÍNUBÁTURINN Tjaldur SH 270
er væntanlegur að landi á Rifi um
hádegisbil í dag með fullfermi, um
130 tonn, af lausfrystri grálúðu. Afla-
verðmæti nemur um 30 milljónum
króna að sögn Guðmundar Kristjáns-
sonar, framkvæmdastjóra útgerðar-
fyrirtækisins Kristjáns Guðmunds-
sonar hf., sem gerir Ijald út. Guð-
mundur telur það næsta öruggt að
enginn línubátur hafi siglt í land með
meiri verðmæti bundið í afla. Hann
segir að allur afli muni fara úr landi
á markað í Taiwan eða Japan.
——> Aflaverðmæti er að mati Guð-
mundar jafn mikið og raun ber vitni
vegna þess að aflinn samanstendur
af eintómri stórlúðu. Hann staðfest-
ir að nærri liggi að hásetahlutur
nemi um hálfri milljón króna.
Veiðanleg á línu á ný
„Við höfum eytt mikilli orku og
fjármunum í leit að grálúðu sem er
veiðanleg á línu,“ sagði Guðmundur
í samtali við Morgunblaðið. „Við
höfum verið að reyna við hana í
. mánuði en ekki haft erindi sem
- -^erfiði fyrr en nú. Við náðum henni
á línu djúpt vestur af landinu á miklu
dýpi. Eg bendi á að grálúða var
mikið veidd á línu fyrir um 15-20
árum. Þær veiðar lögðust síðan af
og togararnir tóku við. Það er þar
af leiðandi sérstakt ánægjuefni fyrir
bátafiotann að línubátar geti á ný
veitt grálúðu á þessum slóðum,"
sagði hann.
Eftir helgina er að sögn Guð-
mundar von á Tjaldi II, öðrum línu-
báti fyrirtækisins, með álíka mikinn
gráiúðuafla en hann gerir þó ekki
ráð fyrir að aflaverðmæti í þeim túr
verði jafn mikið.
Rauði krossinn
Islendingur
til Jemen
BJÖRG Páls-
dóttir hjúkr-
unarfræðing-
ur og ljósmóð-
ir er stödd í
Jemen við
hjálparstörf á
vegum RKÍ.
Hélt Björg
Björg Pálsdóttir utan síðastljð.
inn þriðjudag á leið tii
Ti’azz að sögn Sigríðar Guð-
mundsdóttur, skrifstofu-
stjóra Alþjóðaskrifstofu
Rauða krossins. Segir Sigríður
að Björg fari til tveggja mán-
aða en það ráðist af ástandinu
hvert framhaldið verði.
„Björg verður í Ti’azz og
vonandi hefur hún komist inn
til Saana á fimmtudag en hún
fór út með sólarhrings fyrir-
vara til að taka þátt í hjálpar-
starfi á vegum Rauða kross-
ins,“ sagði Sigríður. Segir hún
einnig að Björg komi til með
að starfa á skurðspítala sem
settur verði upp í borginni.
Um sé að ræða færanlega
aðstöðu sem send er frá Finn-
landi.
Björg hefur unnið við
hjálparstörf í Eþíópíu, Tæ-
landi, Afganistan og Kenýa.
Skipasmíðastöð Þorgeirs og Ellerts á Akranesi
Samningar um 500 millj.
nýsmíði í burðarliðnum
SKIPASMÍÐASTÖÐ Þorgeirs og
Ellerts á Akranesi hefur átt í við-
ræðum við útgerðaraðila í Grinda-
vík um smíði á 1.300 rúmlesta
loðnuskipi að verðmæti rúmlega
500 milljónir króna. Að sögn Har-
aldar L. Haraldssonar, fram-
kvæmdastjóra fyrirtækisins, eru
samningar um smíðina vel á veg
komnir, en til þess að þetta geti
orðið að veruleika væri ljóst að fyr-
irgreiðslu þyrfti frá stjórnvöldum
og yrði fundur með þeim eftir helg-
ina.
Eins og greint var frá í Morgun-
blaðinu í gær hefur öllum starfs-
mönnum skipasmíðastöðvar Þor-
geirs og Ellerts verið sagt upp störf-
uin og veltur leið sem fundin hefur
verið til að treysta framtíðarrekstur
fyrirtækisins á viðbrögðum Lands-
bankans sem er stærsti veðhafinn
og viðskiptabanki fyrirtækisins.
Haraldur sagði í samtali við
Morgunblaðið að afstaða bankans
yrði væntanlega ljós fljótlega eftir
helgina. Hann sagði að tækjust
samningar um smíði loðnuskipsins
myndi það gjörbreyta allri aðstöðu
hjá fyrirtækinu, en þetta héngi að
sjálfsögðu saman við að framtíðar-
rekstur þess yrði tryggður.
Fleiri aðilar í hugleiðingum
„Það eru ákveðnir þættir í þessu
sambandi sem þarf að leysa og er-
um við að vinna í því, en gangi það
eftir get ég ekki séð að nein fyrir-
staða sé fyrir því að samningar um
smíðina takist. Þetta er aðeins eitt
af því sem við höfum verið að vinna
að hér í markaðsöflun og öðru slíku,
og ég hef trú á að það séu fleiri
aðilar í hugleiðingum um nýsmíði,"
sagði Haraldur.
Morgunblaðið/Björn Björnsson
Löndunarbann rússneskra togara er að frumkvæði útgerðarmanna
Ræða ekkí sanuiinga meðan
íslensk skip eru í Smugunni
FISKVEIÐIRÁÐ Rússlands styður löndunarbann rússneskra togara á
fiski á íslandi en bannið er ekki tilkomið að frumkvæði ráðsins. Þetta
kom fram á fundi Gunnars Gunnarssonar, sendiherra í Moskvu, með
Alexander Rodin, varaformanni fískveiðiráðsins, í Moskvu í gær. Rod-
in tjáði Gunnari að aðgerðir útgerðarmanna væru til komnar vegna
■^wveiða íslendinga í Smugunni en ekki á Svalbarðasvæðinu. Meðan ís-
lensk skip væru í Smugunni kæmu samningaviðræður ekki til greina
en Rússar væru tilbúnir til óformlegra könnunarviðræðna.
Á fundinum með Rodin bað Gunn-
ar um upplýsingar og skýringar á
málinu. „Rodin sagði að Rússar
hefðu miklar áhyggjur af óheftum
veiðum í Barentshafi. Á fundi með
útgerðarmönnum í Múrmansk hefðu
þeir lýst áhyggjum og krafist að-
gerða yfirvalda vegna veiða Islend-
inga í Barentshafi. Fiskveiðiráðið
starfaði eftir þjóðarrétti en útgerðar-
rynenn hefðu tekið máiið í sínar hend-
ur. Aðgerðir þeirra væru ekki á
ábyrgð ráðsins. Rodin neitaði að
hafa hvatt til þess að útgerðarmenn
stöðvuðu sölu á fiski til íslands. Fisk-
veiðiráðið styddi aðgerðirnar en þær
væru ekki að þeirra frumkvæði.
Rodin sagði jafnframt að málið sner-
ist ekki um Svalbarða heldur Smug-
una,“ sagði Gunnar Gunnarsson.
Tilbúnir til könnunarviðræðna
Gunnar kom síðan á hugsanlegar
samningaviðræður um Smuguna og
önnur fiskveiðimál með vísan i bréf
Davíðs Oddssonar til Viktors
Tsjernomyrdíns, forsætisráðherra
Rússlands, í maímánuðí sl. þar sem
Davíð lýsti vilja íslenskra yfirvalda
til að kanna grundvöll samningavið-
ræðna. „Rodin svaraði því til að ís-
lensk skip væru í Smugunni og á
meðan svo væri yrðu engar samn-
ingaviðræður, það væri afstaða fisk-
veiðiráðsins. Hann lagði til að ís-
lenskir togarar færu úr Smugunni.
Eftir það væru Rússar tilbúnir tii
viðræðna. Eg spurði sérstaklega
hvort hann væri að vísa einungis til
Smugunnar en ekki til Svalbarða-
svæðisins og hann jánkaði því. Ég
benti jafnframt á að það væri munur
á formlegum samningaviðræðum og
óformlegum könnunarviðræðum og
spurði hvort Rússar væru tilbúnir
til óformlegra könnunarviðræðna á
þessu stigi. Hann kvað já við.“
Aðgerðir koma niður á öðrum
Gunnar gerði Rodin grein fyrir
því að íslensk stjómvöld hefðu ekki
hvatt til þess að íslensk skip væru
að veiðum við Svalbarða, að veiðin
þar væri á þeirra ábyrgð og þeim
væri það ljóst. Þær aðgerðir sem um
væri að ræða kæmu hins niður á
öðrum. Hann lýsti auk þess áhyggj-
um af málinu og benti á það mat
íslendinga að það væri ekki í sam-
ræmi við viðurkennda alþjóðlega við-
skiptahætti að tengja saman tvö
óskyld mál með þessum hætti.
Rússarnir
landa
RÚSSNESKI togarinn
Santa, sem gerður er út frá
Múrmansk, landaði 200
tonnum af þorski úr Bar-
entshafi á Sauðárkróki í
gærkvöldi. Magnús Magnús-
son, umboðsmaður rússn-
eska togarans hjá Marbakka
hf., segir að engan bilbug
sé að finna á Rússunum.
Ekkert hafi breyst í viðskipt-
um íslendinga og rússneskra
útgerðarmanna. Eins og
sakir standi sjái hann ekkert
því til fyrirstöðu að þeir
haldi áfram að landa í ís-
lenskum höfnum.
Opinberri heim-
sókn lýkur
OPINBERRI heimsókn Beatrix
Hollandsdrottningar og Claus
prins lauk í gærkvöldi með
móttöku og tónleikum sem
drottningin bauð Vigdísi Finn-
bogadóttur, forseta Islands, og
fleiri gestum til í Borgarleik-
húsinu. Drottningin og eigin-
maður hennar verða í einka-
heimsókn á Norður- og Austur-
landi yfir heigina.
■ Þoka hamiaði/6