Morgunblaðið - 13.07.1994, Page 14

14 MIÐVIKUDAGUR 13. JÚLÍ 1994
ERLENT
MORGUNBLAÐIÐ
Fleiri
myrtir í
Alsír
FJÓRIR menn biðu bana í
skotbardaga milli lögreglu og
múslimskra öfgamanna við
innganginn að sendiráði Ítalíu
í Algeirsborg í gær. Daginn
áður höfðu alsírskir byssu-
menn drepið ellefu manns, þar
af sjö útlendinga og tvo hátt-
setta embættismenn. Ofbeldið
í landinu jókst til muna eftir
að stjórnvöld höfnuðu viðræð-
um við íslömsku hjálpræðis-
fylkinguna (FIS).
Sprengjuárás-
ir á Rhódos
FIMM ferðamenn - Svíi, tveir
Danir og tveir Grikkir - særð-
ust lítillega þegar sprengja
sprakk á Grand-hótelinu í Rhó-
dos-borg í gær. Daginn áður
hafði grískur ferðamaður særst
alvarlega og ítali lítilsháttar í
sprengjutilræði í bænum Lin-
dos á Rhódos. Virðast tilræðin
liður í skipulagðri tilraun til að
skaða grísku ferðaþjónustuna.
Hvalavinir
kveðja Noreg
ÁHÖFN skips Grænfriðunga,
Sirius, bjó sig í gær undir að
fara frá Noregi eftir að hafa
fengið brottfararleyfí þótt þrír
skipveijar hefðu verið ákærðir
fyrir að skera lausan hval sem
norskt hvalveiðiskip hafði
veitt. Dómstóll á eftir að úr-
skurða hvort það hafi verið
lögmæt aðgerð.
Rætt um
meintar mútur
FORSETI neðri deildar breska
þingsins, Betty Boothroyd,
hefur ákveðið að efnt verði til
bráðafundar til að fjalla um
örlög tveggja þingmanna sem
uppvísir urðu að því að þiggja
fé fyrir að bera upp ákveðnar
fyrirspurnir. Forsetinn vill að
ákveðið verði nánar hvar sið-
gæðismörkin séu og hvenær
hægt sé að fullyrða að þing-
menn séu að þiggja mútur.
27. lelkvika , 9-10. júli 1994
Nr. Leikur: Röóin:
1. Forward - Jonsered - X -
2. GAIS - Oddevold - X -
3. Gunnilse - Elfsborg 1 - -
4. Kaimar - Stenungsund 1 - -
5. Kariskrona - HSsslehol - - 2
6. Ljungskile - Sleipner 1 - -
7. I.und - Örgryte - - 2
8. Sparta Prag - Halmstad - X -
9. Dinamo Dresden - Sion - X -
10. Adm. YVacker - Brondby 1 - -
11. Trelleborg - Duisburg 1 - -
12. Grashopper - Alborg 1 - -
13. Aus. Wien - Norrköping - X -
Ileildarvinningsupphæðin:
51 milljón krónur |
13 réttir: 1 284.690 J kr.
12 réttír: | 7.260 ^ kr.
11 réttlr: | 690 | kr.
10 réttir: | 0 |kr.
Rcuter.
Alkominn
til Gaza
Gaza, Kaíró. Reuter.
YASSER Arafat, leiðtogi Frelsis-
samtaka Palestínu (PLO), kom al-
kominn til sjálfsstjórnarsvæðis
Palestínumanna á Gazasvæðinu í
gær, eftir aldarfjórðung í útlegð.
Hann var í fylgd konu sinnar og
30 aðstoðarmanna, og sagðist
myndu snúa sér að endurreisn
samfélags Palestinumanna á Gaza
og í Jeríkó. Eftir komuna til Gaza
hélt Arafat til fundar með sjálfs-
stjórninni sem hann veitir for-
sæti. Palestínskir heimildamenn
sögðu að síðar myndi hann vænt-
anlega eiga viðræður við fulltrúa
Hamas, islömsku andspyrnuhreyf-
ingarinnar, sem er andvíg friðar-
samningum við Israela.
Samningamenn PLO og ísraela
hittust í Kaíró í gær og héldu
áfram viðræðum um frekari
sjálfsstjórn Palestínumanna. Með-
al þess sem þeir ræddu voru mál-
efni nokkurra þúsunda palestín-
skra fanga sem enn sitja í ísraelsk-
um fangelsum, og er Ahmed Yass-
in, stofnandi Hamas, þeirra á
meðal.
Tengjast
ekki
Moskvu
Kíev. Reuter.
NÝKJÖRNIR leiðtogar Úkra-
ínu og Hvíta Rússlands eru
vinsamlegri í garð Rússlands
en fyrirrennarar þeirra, en
hafa gert lýðum ljóst að löndin
munu fara eigin leiðir í stjórn-
sýslu.
Eftir að sigur var unninn
höfnuðu báðir leiðtogamir öll-
um hugmyndum um að stefn-
an yrði tekin til aukinna
tengsla við stjórnina í Moskvu.
„Hvers vegna einungis við
Rússa?“ sagði Leoníd Kuchma,
forseti Úkraínu, þegar hann
var spurður hvort kosninga-
sigur hans myndi þýða meiri
tengsl við Rússland. „Því ekki
við Þýskaland? Bandaríkin?
Eða jafnvel Taiwan?“
Lukashenko, sigurvegari í
kosningunum í Hvíta-Rúss-
landi, var enn beinskeyttari.
„Við skulum hætta að leika
rússneska leikinn. Rússar hafa
sinna eigin hagsmuna að
gæta, Hvíta-Rússland sinna
eigin,“ sagði hann við frétta-
menn á kosningadaginn.
Rússneskir stjórnmálamenn
voru ánægðir, þó stundum
dálítið ráðvilltir, yfír úrslitum
kosninganna í nágrannaríkj-
unum tveim.
Clinton Bandaríkjaforseti við Brandenborgarhliðið
Berlín tákn óstöðvandi
framsóknar lýðræðisins
Berlín. Reuter.
BILL Clinton Bandaríkjaforseti ávarpaði í gær mannfjölda við Branden-
borgarhliðið í Berlín og. sagði að Bandaríkjamenn myndu ávallt styðja
borgarbúa. Clinton hefur í Þýskalandsferð sinni fagnað sameiningu þýsku
ríkjanna og hvatt til þess að Þjóðveijar verði atkvæðameiri í alþjóðamálum
í samræmi við efnahagslegt vægi þeirra og stöðu meðal Evrópuþjóða.
Reuter
Kantaðar kartöflur
Matreiðslumaðurinn Roger OLoughlin sýnir kantaða kartöflu á ráð-
stefnu kartöfluræktenda í Ástraliu. Sagt er að Ástralir hafi þróað
kantaðar kartöflur sérstaklega til framleiðslu á kartöfluflögum.
Bandaríkjastjórn um brottvísun eftirlitsmanna frá Haítí
Rétt að íhuga innrás
Sameinuðu þjóðunum, Berlín. Reuter.
Herforíngjastjórnin á Haítí ákvað
í fyrradag að vísa úr landi 88 alþjóð-
legum eftirlitsmönnum, sem áttu
að rannsaka stöðu mannréttinda-
mála þar. Stjórnvöld í Bandaríkjun-
um og fleiri löndum brugðust hart
við brottvísuninni og Bill Clinton
Bandaríkjaforseti sagði í gær að
hún réttlætti þá ákvörðun hans að
íhuga innrás í Haítí.
Clinton kvaðst vona að brottvís-
unin yrði til þess að Sameinuðu
þjóðimar hertu refsiaðgerðirnar
gegn Haítí. „Við verðum að binda
enda á þetta,“ sagði forsetinn, sem
lét svo um mælt í vikunni sem leið
að það myndi ráðast að miklu leyti
af aðgerðum herforingjastjórnar-
innar hvort hann féllist á valdbeit-
ingu til að koma þjóðkjörnum for-
seta Haíti, Jean-Bertrand Aristide,
aftur til valda.
Madeleine Albright,. sendiherra
Bandaríkjanna hjá Sameinuðu þjóð-
unum, las í fyrrakvöld harðorða
yfirlýsingu frá Bandaríkjunum,
Frakklandi, Kanada, Argentínu og
Venezuela.
„Síðasta ögrun herforingja-
stjórnarinnar á Haítí verður aðeins
til þess að efla þann ásetning um-
heimsins að finna endanlega lausn
á vandanum," sagði í yfirlýsing-
unni. „Brottvísunin sýnir að þörf
er á skjótum og afgerandi aðgerð-
um af hálfu Sameinuðu þjóðanna
til að binda enda á Haítí-vandann
þannig að koma megi á lýðræði þar
að nýju.“
Samtök Ameríkuríkja samþykktu
einnig yfirlýsingu þar sem brottvís-
unin er fordæmd en sendiherra
Belize sagði hana „svo meinlausa
að hún skiptir ekki máli“. Banda-
ríkjamenn höfðu lagt til að í yfirlýs-
ingunni yrði hvatt til þess að „öllum
viðeigandi aðferðum“ yrði beitt sem
fyrst til að leysa vandann en því var
hafnað þar sem önnur ríki töldu það
jafngilda samþykki við innrás.
Nokkur aðildarríkja öryggisráðs
Sameinuðu þjóðanna eru treg til
að fallast á innrás í Haítí og síðan
alþjóðlega friðargæslu.
Fyrir rúmum þrem áratugum, er
kalda stríðið stóð sem hæst og Vest-
ur-Berlín var eins og frjáls eyja
umlukin landi kommúnista, flutti
John F. Kennedy Bandaríkjaforseti
fræga ræðu í Berlín og hét íbúunum
stuðningi. Átta af síðustu tíu Banda-
ríkjaforsetum hafa heimsótt borgina
en Clinton er sá fyrsti sem fær tæki-
færi til að flytja ávarp sitt austan
við Brandenborgarhliðið, skammt frá
mörkunum þar sem Berlínarmúrinn
klauf borgina á árunum 1961 til
1989.
Clinton sagði við komuna til borg-
arinnar að tími væri kominn til að
miðla því sem hann nefndi „allsnægt-
ir frelsisins" um allan heim. „Þessi
mikla borg var svo lengi tákn frelsis-
sóknar um allan heim. Núna er hún
tákn mikilvægustu grundvallarsann-
inda nútímans, óstöðvandi framsókn-
ar lýðræðisins".
Clinton hefur lýst eindregnum
stuðningi við einingu Evrópu og sagt
að samstarf Bandaríkjamanna og
Þjóðveija sé „einstakt“. Það sé
grundvöllur að því að treysta frið í
álfunni, efla samvinnu við nýfrjálsu
þjóðirnar austan við Þýskaland og
leysa átök á borð við Bosníustríðið.
Samband Bandaríkjamanna og
Breta hefur löngum verið sagt ein-
stakt í skálaræðum en Bandaríkja-
forseti sagði í fyrradag að tengslin
við Breta væru fyrst og fremst sögu-
leg, samskiptin við Þjóðveija væru
nú líklega mikilvægari. Breskir emb-
ættismenn sögðu í gær að með um-
mælum sínum væri Clinton aðeins
að benda á staðreyndir. Aðrir, þ. á
m. formaður utanríkismálanefndar
þingsins, David Howell, töldu að
Clinton ætti að sýna meiri varkárni
í svo viðkvæmu máli, hann ætti að
ráðfæra sig við fólk sem þekkti sögu
Evrópu og aðstæður allar. Hættulegt
gæti verið að efla metnað Þjóðveija
um of.
Siiddeutsche Zeitungog fleiri þýsk
blöð benda á að þótt Kohl hljóti að
þykja lof Clintons gott verði hann
að gæta þess vel að styggja ekki
bandamenn sína í Evrópu sem sumir
hveijir óttast að Þjóðveijar muni
neyta aflsmunar ef þeir telji þörf á
því. Þess vegna hafi Kohl í svörum
sínum ávallt minnt á mikilvægi evr-
ópskrar einingar sem hann hefur
árum saman fullyrt að sé besta
tryggingin fyrir því að nágrannarnir
þurfi ekki að sameinast enn á ný
gegn Þýskalandi.
I
I

)
>

I
i
i
i
í
i
i