Morgunblaðið - 24.06.1995, Blaðsíða 7

MORGUNBLAÐIÐ
LAUGARDAGUR 24. JÚNÍ 1995 7
FRÉTTIR
Nýr skemmtistaður í Austurstræti
Lifandi tónlist á þremur hæðum
VALUR Magnússon hefur tekið
Austurstræti 12a á leigu og
hefur þegar hafið undirbúning
að opnun nýs skemmtistaðar í
húsinu. Húsið er líklega þekkt-
ast fyrir að hafa hýst skemmti-
staðinn Óðal um árabil.
Nafn nýja staðarins hefur
ekki verið valið en stefnt er að
opnun skemmtistaðar á þremur
hæðum í húsinu 6. eða 7. júlí
næstkomandi.
Að sögn Jóhanns Jóhanns-
sonar veitingastjóra hafa fram-
kvæmdir í húsinu staðið í þrjár
vikur. Hann segir gjörsamlega
allt rifið út og staðurinn inn-
réttaður upp á nýtt. Til þess
að náist að opna 6. eða 7. júlí
verður unnið dag og nótt í hús-
inu.
Á neðstu hæðinni verður
píanóbar þar sem fólk getur
setið og spjallað saman undir
þægilegri tónlist. Á miðhæð
verður það sem aðstandendur
kalla salsa-bar og á efstu hæð-
inni verður dans og diskó. Á
öllum hæðum verður möguleiki
til þess að vera með lifandi tón-
list og stefnt er að því að alltaf
verði lifandi tónlist á píanóbarn-
um.
Innréttingarnar verða mis-
munandi á hæðunum þremur. Á
neðstu hæð verða þær í anda
þriðja áratugarins með gamal-
dags veggfóðri og panel á
veggjum. Á miðhæðinni verður
spænskt og suður-amerískt and-
rúmsloft og skrautlegar mýndir
á veggjum. Efsta hæðin fer að
mestu leyti undir dansgólf en
þar verður þó hægt að tylla sér
einnig.
Morgunblaðið/Kristinn
IÐNAÐARMENN vinna nú dag og nótt í Austurstræti 12a þar
sem opnaður verður nýr skemmtistaður í júlí.
SKi-M’
Er roðin komin að þér?

Formaður Sam-
taka móðurmáls-
kennara
Fram fari
athugim
á móður-
máls-
kennslu
MENNTAMÁLARÁÐUNEYTI
þarf að láta fara fram athugun á
því hvernig betur megi standa að
móðurmálskennslu í grunn- og
framhaidsskólum í framhaldi af
niðurstöðu samræmdu prófanna í
íslensku að sögn Sveinbjargar
Sveinbjörnsdóttur formanns Sam-
taka móðurmálskennara.
Sveinbjörg telur ýmsar ástæður
fyrir því hvernig farið hafi, t.d.
hljóti kennaraverkfall að hafa
bitnað á nemendunum. Meðalein-
kunn í íslensku á samræmdu próf-
unum hefur lækkað um rúman
heilan miðað við árið í fyrra.
Sveinbjörg segist ekki telja að
prófið hafi verið erfiðara en áður.
„Hins vegar hefur komið fram að
nemendurnar hafi staðið sig verst
í málfræði og bókmenntum. Þeir
þurfa auðvitað mesta leiðsögn í
þeim hlutum og því er líklegt að
verkfallið hafi haft sitt að segja.
Ekki má heldur gleyma því að
nemendurnir hafa þurft að þola
töluverðan niðurskurð í íslensku í
gegnum árin og íslenskan er í
mikilli samkeppni við enskuna. Ég
hugsa að skýringin á því hvað
nemendurnir hafa staðið sig vel í
ensku sé sú að þeir eru í stöðugri
þjálfun í gegnum tölvur, mynd-
bönd og annað. Á sama tíma fara
ekki mjög mörg íslensk börn að
lesa fríviljug á íslensku,“ sagði hún
og tók fram að hún væri ekki sam-
mála því að það hefði áhrif að
skipt hefði verið um nokkrar
kennslubækur.
Móðurmálskennarar fái
kennsluafslátt
Sveinbjörg sagði að móðurmáls-
kennarar væru stöðugt að leita
leiða til að bæta kennsluna. „ís-
lenskukennarar eru duglegir að
sækja námskeið og kynna sér nýj-
ungar í kennslufræði. Ég marka
því ekki áhugaleysi meðal kenn-
ara,“ sagði Sveinbjörg.
Hins vegar sagði hún eðlilegt
að gerð yrði úttekt á móðurmáls-
kennslu í grunn- og framhalds-
skóla í framhaldi af útkomunni
úr samræmdu prófunum. Að auki
væri brýnt að fjölga kennslustund-
um og veita kennurum kennsluaf-
slátt vegna meiri heimanáms í ís-
lensku en öðru greinum.
SÖLUKERFIÐ LOKAR KL. 20.20
Alltaf á laugardögum!