Morgunblaðið - 02.08.1995, Blaðsíða 7

MORGUNBLAÐIÐ
MIÐVIKUDAGUR 2. ÁGÚST 1995 7
FRÉTTIR
Ný reglugerð um þátttöku Tryggingastofnunar í lyfjakostnaði
Sjúklingar greiða
mismiminn
Þátttaka Trygginga- _ stofnunar í lyfjaverði ® sé um samheitalyf að ræða
Engin þátttaka Lífeyrisþegi greiðir lyfið, t.d. magnyl, að fullu. Sjúklingur greiðir lyfið, t.d. magnyl, að fullu.
Stjömu- lyf Þessi lyf voru áður endurgjalds- laus en nú greiðir lífeyrisþegi muninn á verði lyfsins og viðmiðunarverðsins*, sé hið fyrrnefnda hærra. Þessi lyf voru áður endurgjalds- laus en nú greiðir sjúklingur muninn á verði lyfsins og viðmiðunarverðsins, sé hið fyrrnefnda hærra.
B-lyf Lifeyrisþegi greiðir kr. 150 og 5% af verði lyfsins umfram krónurnar150, en þóað hámarki kr. 400. Að auki greiöir hann muninn á verði lyfsins og viðmiðunarverðsins, sé hið fyrrnefnda hærra. Sjúklingur greiðir kr. 500 og 12,5% af verði lyfsins umfram 500 kr., en þó að hámarki kr. 1.500. Að auki greiðir hann muninn á verði lyfsins og viðmiðunarverðsins, sé hið fyrrnefnda hærra.
E-lyf Lífeyrisþegi greiðir kr. 150 og 10% af verði lyfsins umfram krónurnar 150, en þó að hámarki kr. 800. Að auki greiðir hann muninn á verði lyfsins og viðmiðunarverðsins, sé hið fyrrnefnda hærra. Sjúklingur greiðir kr. 500 og 25% af verði lyfsins umfram 500 kr., en þó að hámarki kr. 3.000. Að auki greiðir hann muninn á verði lyfsins og viðmiðunarverðsins, sé hið fyrmefnda hærra.
* Viðmiðunarverð lyfs er lægsta verð samheitalyfs að viðbættum 5% af verði lyfsins.
Ný reglugerð um ávísun
lyfja miðar að því að
lækka lyfjakostnað
ríkisins og gera ein-
staklingum kleift að
gera slíkt hið sama.
María Hrönn Gunn-
arsdóttir kynnti sér
nýju reglurnar og komst
að því að munur á verði
samheitalyfja getur ver-
ið umtalsverður.
NÝ reglugerð um ávísun
lyfja tók gildi í gær og
gefur hún sjúklingum
kost á að spara með því
að velja ódýr samheitalyf. Lylja-
fræðingum er samkvæmt reglu-
gerðinni skylt að kynna sjúklingum
þann möguleika að velja ódýr sam-
heitalyf í stað þess sem læknir hef-
ur ávísað á, sé það fyrir hendi og
ef verðmunur þess sem ávísað er
og ódýrustu samsvarandi pakkn-
ingu af samheitalyfi er meiri en 5%.
Sjúklingurinn á þá völina sjálfur
og ef hann velur dýrara lyfið verður
hann að greiða mismuninn sjálfur.
Samheitalyf eru lyf sem eru al-
gerlega sambærileg. Þau innihalda
sama virka efni, í sama magni,
formi og pakkningu en eru frá mis-
munandi framleiðendum og þar með
mismunandi dýr. Heilbrigðis- og
tryggingamálaráðuneytið mun gefa
út lista yfir samheitalyf á þriggja
mánaða fresti og á honum verða lyf
sem engin áhöld eru um að eru að
öllu leyti eins. í listanum verður
gefið upp svokallað viðmiðunarverð
sem er smásöluverð ódýrasta sam-
heitalyfsins að viðbættum 5%.
Greiðsluhlutfall TR
mismunandi
Tryggingastofnun ríkisins tekur
þátt í að greiða lyf upp að viðmiðun-
arverðinu. Ef lyfið sem sjúklingur-
inn velur er hins vegar dýrara verð-
ur hann að greiða mismuninn á
verði lyfsins og viðmiðunarverðinu
úr eigin vasa en hann getur í sum-
um tilfellum orðið töluverður.
Greiðsluhlutfall Tryggingastofn-
unar er mismunandi eftir því hvaða
lyf á í hlut. Í fyrsta lagi eru lyf sem
sjúklingur greiðir að fullu. Dæmi
um slík lyf eru verkjalyf svo sem
magnyl. I öðru lagi eru lyf sem
sjúklingur fær endurgjaldslaust. í
þriðja lagi eru lyf sem kallast B-
merkt lyf. Sjúklingur greiðir fyrstu
500 kr. af smásöluverðinu, 12,5%
af verði lyfsins umfram 500 krón-
urnar en aldrei meira en 1.500 kr.
Lífeyrisþegar greiða 150 kr. af
smásöluverðinu, 5% af því sem er
umfram það, að hámarki 400 kr.
Loks eru það algengustu lyfin, svo-
kölluð E-merkt lyf. Sjúklingur
greiðir fyrstu 500 kr., 25% af verði
lyfsins umfram þær og aldrei meira
en 3.000 kr. Lífeyrisþegar greiða
fyrstu 150 kr., 10% af því sem er
umfram en aldrei meira en 800 kr.
Stundum skiptir munurinn
þúsundum
Ef lyfið kostar meira en sem
svarar til viðmiðunarverðs verður
sjúklingurinn að greiða mismuninn
alveg óháð því hvert greiðsluhlut-
fall Tryggingastofnunar er. Ef
sjúklingur hefur t.d. fengið eitt-
hvert lyf endurgjaldslaust, sam-
kvæmt reglugerðinni sem féll úr
gildi í fyrradag, á hann ekki rétt á
því lengur ef verð lyfsins er hærra
en viðmiðunarverðið og verður hann
að greiða mismuninn sjálfur. Ef
verð lyfs er innan viðmiðunarverðs
verður engin breyting á þátttöku
Tryggingastofnunar í lyfjakostnaði
miðað við þær reglur sem voru í
gildi þar til í gær.
Best er að sýna þetta með dæm-
um. Viðmiðunarverð ákveðins
hjartalyfs er 8.169 kr. Dýrasta sam-
heitalyfið kostar 12.020 kr. en það
ódýrasta 7.780 kr. Lyfið er B-merkt
og sjúklingurinn sem fær það er
orðinn 67 ára gamall. Ef hann vel-
ur ódýrara lyfið þarf hann að greiða
400 krónur fyrir 100 töflur. Ef
hann hins vegar vill heldur fá dýr-
ara lyfið þarf hann að greiða 400
kr. auk 3851 kr. sem er mismunur-
inn á dýra samheitalyfinu og viðm-
iðunarverðinu eða samtals 4.251
kr. fyrir jafnmargar töflur.
Ef sjúklingurinn er ekki lífeyris-
þegi þyrfti hann að greiða 1410 kr.
fyrir ódýrara lyfið en 5261 kr. ef
hann kysi það dýrara.
Ef læknir vill ekki að sjúklingur
fái upplýsingar um ódýrara sam-
heitalyf en hann hefur ávísað á rit-
ar hann R með hring utan um fyr-
ir aftan heiti lyfsins á lyfseðlinum.
Ef sjúklingur er með R merktan
lyfseðil sem gefinn var út fyrir 1.
júlí 1995 getur hann óskað eftir
því að lyfjafræðingur hringi í lækn-
inn sem gaf seðilinn út og fengið
leyfi til að breyta honum þannig
að sjúklingurinn eigi kost á að velja
ódýrara lyf en ávísað er á.
Ný lyfjaverðskrá mánaðarlega
Ný lyfjaverðskrá er gefin út af
yfirvöldum lyfjamála um hver mán-
aðamót. Samkvæmt upplýsingum
Einars Magnússonar, lyfjamála-
stjóra í Heilbrigðisráðuneytinu, eru
lækkanir á lyfjaverði teknar inn í
verðskrána mánaðarlega til að þær
taki gildi sem fyrst en hækkanir
ekki nema á þriggja mánaða fresti
enda þurfi þær eðli málsins sam-
kvæmt meiri skoðunar við en verð-
lækkanir. Viðmiðunarskráin verður
einnig gefin út á þriggja mánaða
fresti þannig að þó að ódýrasta
samheitalyfið lækki innan þess tíma
lækkar viðmiðunarverðið ekki.
Ákvörðun lyfjaverðs
Þegar sótt er um skráningu á
nýju lyfi er einnig sótt um leyfi
fyrir verðlagningu þess. Lyfjaeftir-
litið metur umsóknina um verðið
en Lyfjanefnd skoðar skráninga-
rumsóknina. Eftirlitið skoðar verð-
lagningu sama lyfs í hinum nor-
rænu löndunum og mælir með því
við Heilbrigðisráðuneytið að um-
sóknin verði samþykkt ef verðið
þykir hæfilegt en hafnar henni ella.
Umsóknir um verðbreytingar þarf
einnig að senda til eftirlitsins þar
sem rökstuðningur heildsalanna
fyrir brejdingunum er metinn. Hug-
myndir eru um að flytja þetta um-
sagnarhlutverk Lyfjaeftiriitsins til
Tryggingastofnunar og gera eftirlit
með verði lyfja virkara en nú er.
„Eðlilegt þykir að Tryggingastofn-
un hafí meira um verðlagningu lyfja
að segja en nú þar sem hún greiðir
stærstan hluta í verði þeirra,“ segir
Einar.
Þá segir hann að verðlækkanir á
lyfjum erlendis skili sér hægt og
illa hingað til lands. Verðlækkanir
hafi aftur á móti verið knúnar fram
hingað til með samkeppni og nú
einnig með viðmiðunarverði. Fjöldi
lyfja sé hins vegar ekki á viðmiðun-
arverðskránni og með því að auka
eftirlitið megi hugsanleg einnig
hafa áhrif á verðlagningu þeirra og
lækka þannig lyfjakostnað ríkisins.
MEYRARA
.h
vass. ..sna
rk...
nammmmm
ULEGA
Ijúffengt á grillið