Morgunblaðið - 02.08.1995, Blaðsíða 13

MORGUNBLAÐIÐ
VIÐSKIPTI
MIÐVIKUDAGUR 2. ÁGÚST 1995 13
Mikil uppsveifla í rekstri Hampiðjunnar hf.
Stefnir í 100 milljóna
króna hagnað á árinu
MIKIL uppsveifla varð hjá Hamp-
iðjunni hf. á fyrri helmingi ársins
og fóru bæði tekjur og hagnaður
langt fram úr áætlunum. Þannig
nam hagnaðurinn um 80 milljón-
um samanborið við 51 milljón á
sama tíma í fyrra og gerir endur-
skoðuð rekstraráætlun ráð fyrir
að hreinn hagnaður leiki á bilinu
100-110 milljóna hagnað á árinu
í heild.
Rekstrartekjur Hampiðjunnar
námu alls 706 milljónum sem er
um 43% aukning frá sama tíma í
fyrra. í ávarpi sínu í fréttabréfí
hluthafa segir Gunnar Svavarsson,
forstjóri, að gert hafi verið ráð
fyrir nokkurri söluaukningu á fyrri
helmingi ársins en samdrætti á
þeim síðari og á árinu í heild. Sú
varfærna spá eigi ekki lengur við.
Gera megi ráð fyrir að heildarvelt-
an í ár geti numið 1.150- 1.200
milljónum sem yrði 15-20% aukn-
ing frá árinu áður.
Söluaukninguna má nær alla
rekja til aukins útflutnings á full-
búnum veiðarfærum, aðallega
stórum flottrollum. Er þar um að
ræða sölu til erlendra útgerða sem
veiða úthafskarfa á Reykjanes-
hrygg, útgerða í eigu íslendinga
sem stunda veiðar utan landhelgi
og skráðar eru erlendis.
Sala á fjarlægum mörkuðum
hefur einnig farið vaxandi. Veiðar-
færin hafa hlotið góðar viðtökur
á vesturströnd Bandaríkjanna,
sunnanverðri Afríku, Suður-
Ameríku og á Nýja Sjálandi. Hlut-
fall útflutning var 45% fyrstu sex
mánuðina en 24% á sama tíma sl.
ár.
Gunnar sagði í samtali við
Morgunblaðið að unnið væri að
því að styrkja stöðu fyrirtækisins
á fjarlægari mörkuðum. Þar væri
um að ræða sölu á viðameiri og
flóknari veiðarfærum sem hefðu
verið þróuð hér á landi. Þetta
væri byijað að skila sér. Fyrirtæk-
ið þyrfti að treysta sig í sessi á
fjarlægari mörkuðum vegna þess
að hætta væri á mjög miklum
sveiflum á flottrollamarkaðnum
kringum ísland.
Sterkarí samkeppnisstaða
Sala Hampiðjunnar á garni og
köðlum hefur aukist nokkuð en
sala neta staðið í stað. Verð á
netum og köðlum hefur ekki
hækkað frá því í júlí 1993 þrátt
fyrir 100% hækkun á verði helstu
hráefna í fyrra. Þess í stað hefur
svigrúmið sem aukin velta gefur
verið notað til að bæta samkeppn-
isstöðu fyrirtækisins. Hefur verð
á trollneti og tógi frá Hampiðjunni
þannig lækkað hiutfallslega til
útgerða hér á landi undanfarin
misseri.
Gengi á hlutabréfum í Hampiðj-
unni var 2,35 um mitt árið og
hafði hækkað úr um 1,80 frá ára-
mótum. Það hefur enn hækkað að
undanförnu og í gær fór það í
2,65 þegar viðskipti fóru fram með
bréf að söluvirði 2 milljónir.
mest seldu fólks-
biTategundirnar Brfrá
i jan.- julí 1995 fyrraárí
Fjöldi % %
1. Tovota 882 21,2 -1,1
2. Nissan 599 14,4 +11,8
3. Volkswaqen 480 11,6 +41,6
4. Hvundai 369 8,9 +13,2
5. Opel 220 5,3 +292,8
6. Subaru 203 4,9 +782,6
7. Mitsubishi 193 4,6 -29,8
8. Renault 181 4,4 +44,8
9. Volvo 143 3,4 +25,4
10. Suzuki 134 3,2 +100,0
Aðrar teg. 750 18,1 +15,0
Samtals 4.154 100,0 +22,0
Bifreiðainnflutningur
r m r >■■ ■ / ■/
i januar til juli
1994 og 1995

3.4D5
FÓLKSBÍLAR,
nýir
VORU-,
SENDI- og
HÓPFERÐA-
BÍLAR, nýir
392
327
1995 1994 1995 1994
Mikil söluaukning á Subaru
Nokkuð hægði á söluaukningu nýrra fólksbíla í júlí þar sem salan
jókst aðeins um um rúm 8% í þeim mánuði samanborið við 25%
aukningu fyrstu sex mánuði ársins. Subaru-bílar bera höfuð og
herðar yfir aðrar tegundir fyrstu sjö mánuðina þar sem sala þeirra
hefur tæplega nífaldast frá því í fyrra. Það einkennir síðan þróunina
á þessu tímabili að evrópskar bílategundir hafa aukið hlut sinn
verulega. Þannig er sala Opel nær fjórfalt meiri en í fyrra og sala
Volkswagen og Renault hefur aukist um meira en 40%.
Toyota-umboðið selur svipaðan fjölda bíla en nær þriðjungs
samdráttur er orðinn í sölu Mitsubishi-bíla.
Hverá
hvern?
Eigendur helstu
sjónvarpsstöðva
í Bandaríkjunum
og ár yfirtöku:
ónvarpsstöð TEigandi
Capital Cities/ABC Walt Disney Co. 1995
CBS Westinghouse Beðiö eftir tilboði
NBC General Electric 1986
Fox The News Corp. 1985
(Rupert Murdock)
Disney-samning-
ur vekur uppnám
Los Angeles. Reuter.
FYRIRHUGUÐ sameining Walt
Disney-fyrirtækisins og Capital
Cities/ABC hefur vakið uppnám í
Hollywood, þar sem önnur kvik-
myndaver reyna að átta sig á því
hvaða áhrif sameiningin muni hafa
á starfsemi þeirra.
Samningurinn, sem skýrt var frá
eftir átta daga leyniviðræður, olli
því að hlutabréf í Capital Cities
hækkuðu um rúmlega 17% í verði
á einum sólarhring, þar sem fjár-
festar reyna að hagnast á samein-
ingu vinsælasta sjónvarpskerfís
Bandaríkjanna og eins stærsta
kvikmyndavers Hollywood.
Tíðindin kunna hins vegar að
koma sér illa fyrir önnur kvik-
myndaver, sem höfðu búizt við að
Disney reyndi að komast yfir CBS-
sjónvarpsnetið og urðu þvi furðu
lostin þegar þau heyrðu fréttina.
Forráðamenn Dreamworks —
hins nýja kvikmyndavers Jeffreys
Katzenbergs, sem áður starfaði hjá
Disney, Stevens Spielbergs og
Davids Geffens — reyna að gera
sér grein fyrir hvaða áhrif samvinna
Disneys og Capital Cities muni hafa
á 100 milljóna dollara sjónvarps-
samning við ABC.
„ABC hefur ekki sömu þörf fyrir
okkur og áður,“ sagði Katzenberg
i samtali við Reuter. Samkvæmt
samningnum átti Dreamworks að
útvega verulegan hluta efnis ABC
á laugardögum.
Katzenberg sagði að samstarf
Disneys og ABC kynni fljótlega að
breytast. „Kannski þurfum við ekki
að gegna eins stóru hlutverki,"
sagði hann.
Versnandi afkoma hjá Sfldarvinnslunni hf.
Hagnaður nam
um 75milljónum
SILDARVINNSLAN hf. í Nes-
kaupstað skilaði alls um 75 millj-
óna króna hagnaði fyrstu sex mán-
uði ársins. Rekstrarafkoman varð
mun lakari en á sama tíma í fyrra
þegar hagnaðurinn nam 130 millj-
ónum króna.
Skýrist það einkum af versnandi
afkomu í landfrystingu og því tapi
sem hlaust af sjómannaverkfallinu.
Þá rýrði það afkomuna að eitt
skipa félagsins, Beitir NK 123,
hefur ekki verið í rekstri undan-
farna fjóra mánuði vegna endur-
bóta sem fram hafa farið á skipinu
í Póllandi.
Heildarveltan á fyrri helmingi
ársins nam alls um 1.490 milljón-
um sem er um 5% aukning frá
árinu áður. Finnbogi Jónsson,
framkvæmdastjóri Síldarvinnsl-
unnar, segir að veltauaukninguna
megi rekja til aukinna tekna af
rækjuskipinu Blængi, en einnig
hafí velta aukist í loðnuverksmiðju
félagsins.
Lakari afkoma varð í botnfisk-
vinnslunni á fyrri hluta ársins
vegna gengislækkunar dollars, en
stærstur hluti þorskafurða Síldar-
vinnslunar er seldur á Bandaríkja-
markað. Þá varð loðnuvertíðin
óhagstæðari vegna verðlækkunar
á loðnuafurðum. Á móti þessu vó
óvæntur búhnykkur vegna veiða
úr norsk-íslenska síldarstofninum
en hann skilaði sér þó ekki sem
skyldi vegna sjómannaverkfallsins.
Fyrirtækið bauð út nýtt hlutafé
í maí sl. að nafnvirði 56 milljónir
króna og voru bréfin seld miðað
við gengið 2,57 eða fyrir alls um
144 milljónir. Á þeim tíma var
gert ráð fyrir að hagnaður yrði 73
milljónir á þessu ári eða töluvert
minni en á síðasta ári þegar hagn-
aður nam alls 119 milljónum. Að
sögn Finnboga hefur ekki þótt
ástæða til að endurskoða rekstrar-
áætlun fyrirtækisins en samkvæmt
henni verður afkoman í járnum á
síðari helmingi ársins.
Gengi hlutabréfanna hefur farið
hækkandi á markaði í sumar og
voru síðast seld bréf í byijun síð-
ustu viku fyrir 3,5 milljónir miðað
við gengið 3,05. Hafa bréfín því
hækkað um tæplega 19% frá því
í maí.
Bókfært eigið fé var í lok júní
818 milljónir og eiginfjárhlutfall
var 27%.
Þakskrúfur
*s.
Að sögn sérfræðinga verða Disn-
ey og Capital Cities stærsta fyrir-
tæki í skemmtanaiðnaði heimsins
eftir sameininguna og bent er á að
það muni ná algerum yfirburðum í
dreifingu skemmtiefnis.
Að ABC-sjónvarpsnetinu standa
225 stöðvar, sem ná til 99% heim-
ila í Bandaríkjunum. Auðvelt verður
að dreifa kvikmyndum, myndbands-
efni og öðrum afurðum Disneys og
erfiðara verður fyrir önnur kvik-
myndaver að fá aðgang að ABC.
Fyrirtæki eins og Viacom og Time
Warner verða að finna aðra dreif-
ingarmöguleika.
Time Warner og Viacom hafa
reynt að byggja upp eigin kerfi og
nú munu þau eiga í höggi við and-
stæðing, sem styðst við Disney og
hefur fest djúpar rætur.
Sameiningin bætir einnig að-
stöðu CapCities. Disney útvegar
ABC nú þegar ótal vinsæla þætti á
við Home Improvement, Ellen og
Roseanne.
isell Hobbs
Stálsleoini
■ • «£?•
neimms
tæki
Ármúli 17 108 Rvk. S: 533 1234 GRÆNT NÚMER: 800 6123
bbs
Russell Hobbs
Russdl^Hobbs
R
i ;
HUSASMIÐJAN