Morgunblaðið - 16.09.1995, Qupperneq 18

18 LAUGARDAGUR 16. SEPTEMBER 1995
MORGUNBLAÐIÐ
NEYTENDUR
Endurgreiðsla líftrygginga
Samningurinn um Evrópskt efnahagssvæði
hefur opnað erlendum tryggingafélögum
markað hér á landi. Gunnar Hersveinn
kynnti sér tryggingar Allianz og Friends
Provident. Líftryggingar með fullri endur-
greiðslu o g ávöxtun eru nýjung hér á landi.
SJÁLFSTÆÐIR verktakar og at-
vinnurekendur eru helstu við-
skiptavinir tryggingafyrirtækisins
Allianz hér á landi og Friends
Provident, sem selja líftryggingar
sem eru endurgreiddar með ávöxt-
un þegar samningi lýkur.
Gildistaka samningsins um Evr-
ópska efnahagssvæði opnaði er-
lendum tryggingafélögum mögu-
leikann á sölu trygginga hér á
landi. Þýska tryggingafyrirtækið
Allianz hefur nýtt sér það og er
íslenska fyrirtækið Alíans umboðs-
aðili þeirra. Um er að ræða sölu á
söfnunartryggingum sem flokkast
annars vegar í líftryggingar og
hins vegar eftirlaunatryggingar.
Árni Reynisson, vátryggingamiðl-
ari, er með samnlng við breska
tryggingafyrirtækið Friends
Provident.
Skattfrjálsar eingreiðslur
Þýska fyrirtækið Allianz er
stærsta tryggingafyrirtækið í Evr-
ópu. Að sögn Guðjóns Ó. Krist-
bergssonar framkvæmdastjóra Al-
íans hf. sem er samstarfsaðili líf-
tryggingafélags Allianz hér á landi
er fé tryggingataka ávaxtað með
öruggum þýskum verðbréfum og
veðskuldabréfum samkvæmt mjög
ströngum ákvæðum þýskra laga
um slík viðskipti.
Nýjungin fyrir íslendinga felst
í því að líftryggingin er endur-
greidd í lok samnings. Geri 30 ára
einstaklingur samning til 35 ára
eða til 65 ára aldurs og greiðir 10
þúsund krónur mánaðarlega er
hann líftryggður fyrir 5,9 milljónir
frá fyrsta degi.
Líftryggingin stighækkar með
hverri innborgun og getur trygg-
ingataki reiknað með að fá 13.4
milljónir króna í einni greiðslu við
lok samnings.
Alíans hf. selur einnig eftirla-
unatryggingar fyrir Allianz hér á
landi. „Geri 30 ára gamall maður
samning til 35 ára og greiðir 15
þúsund á mánuði, greiðir hann
samtals 6,3 milljónir,“ segir Guð-
jón framkvæmdastjóri „og á þá von
á rúmum 23 milljónum króna í
einni greiðslu við lok samnings.“
Samkvæmt bréfí frá Ríkisskatt-
stjóra til Allíanz kemur þessi ein-
greiðsla ekki til skattlagningar,
hvort sem um er að ræða greiðslu
í lifanda lífi eða við andlát, ef hún
er greidd í einu lagi.
Fé tryggingataka er alfarið
ávaxtað af Allianz í Þýskalandi og
byggja ofangreindar útborgunar-
tölur, að sögn Guðjóns Ó. Krist-
bergssonar, á áralangri reynslu
Allianz í ávöxtun á fé viðskiptavina
sinna.
Meinatryggingar vegna
heilsutjóns
Árni Reynisson löggiltur vá-
tryggingamiðlari segir að miðlari
sé óháður einstökum félögum og
hlutverk hans sé að leita uppi hag-
stæðustu kjörin fyrir viðskiptavini
sína. Hann selur tvennskonar líf-
tryggingar frá breska fyrirtækinu
Friends Provident, ævitryggingar
og meinatryggingar. Ámi segir
tryggingamar sameini spamað og
vemd. Þetta em persónutrygging-
amar og er markmið þeirra að
vemda menn gagnvart heilsu-
bresti, fjárhagsáföllum og fjöl-
skyldur þeirra gagnvart óvæntum
dauða.
Ævitrygging er samsett líf- og
lífeyristrygging, sem einnig nýtist
gegn tekjutjóni á miðjum aldri. Fé
tryggingatakans er ávaxtað í verð-
bréfasjóðum félagsins, og hefur
fólk val um ávöxtunarsjóði og
flutning á milli sjóða. „Markmið
ævitryggingarinnar er að eiga fyr-
ir ellinni,“ segir Árni Reynisson.
„En markmið meinatryggingarinn-
ar er að veita vemd um starfsæ-
vina.“
Meinatrygging er líf- og örorku-
trygging og nýtist þegar tekjutjón
verður vegna heilsubrests. Greinist
tryggingataki með einn af þeim
14 sjúkdómum sem eru tilgreindir
í meinatryggingunni, fær hann
fulla bótafjárhæð skattfijálsa. „En
ef ekki reynir á trygginguna," seg-
ir Ámi, „getur tryggingatakinn
eignast innistæðuna við samnings-
lokin."
Heilusfar meinatryggingahafa
er kannað vel áður en til samninga
er gengið. Hér er dæmi um 30 ára
gamlan mann sem reykir ekki: Ið-
gjaldið er 3.600 krónur á mánuði.
Bótafjárhæðin 5 milljónir króna.
Ef samningnum lýkur án bóta-
greiðslu 20 árum síðar, hefur hann
greitt um 870 þúsund krónur og
fær rúmlega þá fjárhæð endur-
greidda miðað við 7,5% ávöxtun.
Meira frelsi í lífeyrismálum?
íslenskir launþegar og atvinnu-
rekendur eru skuldbundnir til að
greiða í lífeyrissjóð stéttafélag-
anna. Þaðan koma svo greiðslur
eftir starfslok. Peningarnir renna
óskattlagðir í lífeyrisstjóðina. Eft-
irlauna- og ævitryggingar All-
ianz og Friends Provident eru
þvi aukafjárfestingar fyrir
hinn almenna launþega
eins og málum er hátt-
að núna.
Enginn er skyldug-
ur til að kaupa líf-
tryggingu. Islensk
tryggingafélög hafa
lengi boðið upp á
hana, en hafa nú
fengið samkeppni frá
erlendum félögum eins
og Allianz og Friends
Provident. Kosturinn er sá
að tryggingar þeirra eru
endurgreiddar með ávöxtun við lok
samnings.
Nefna má að Ábyrgð hf. tók upp
nýtt kerfi í sumar sem felur í sér
endurgreiðslur en það er
Ábyrgðarbónus. Tryggingataki
með fjórar grunntryggingar eins
og heimili, hús, bíl og líftryggingu,
getur fengið 10% iðngjalda endur-
greitt ef hann hefur verið tjónlaus
á árinu og verið á greiðslur.
Ljóst er að fjölbreytnin í trygg-
ingum fyrir Íslendinga er að verða
meiri. Atvinnurekendur hafa meira
val en hinn almenni launþegi sem
er bundnari. íslenskir séreigna-
sjóðir eru líka að auka úrvalið á
tryggingum hjá sér.
Tryggingar Allianz og Friend
Provident eru hentugar fyrir at-
vinnurekendur og sjálfstæða verk-
taka. Gallinn er bara sá að þeir
verða að kaupa sér tryggingar með
peningum sem búið er að skatt-
leggja. Á hinn bóginn njóta þeir
þess að eingreiðslur við lok samn-
ingsins eru ekki skattlagðar.
í samstarfssamningi ríkisstjórn-
arinnar kemur fram að markmiðið
sé að auka frelsi í lífeyrissjóðum
á kjörtímabilinu. Nefnd hefur verið
sett á laggirnar til að vinna að
því. Markmið þeirra sem selja
frjálsar tryggingar er að fá að taka
við lögbundum greiðslum launþega
í lífeyrissjóði.
Það myndi hafa mikil áhrif á
tryggingaumhverfið, bæði fyrir ís-
lensk tryggingafélög og lífeyris-
sjóði, og fyrir útlend eins og All-
ianz og Friends Provident.
Sorpa
kynnir
starfsemi
sína
OPIÐ hús verður í Sorpu í dag
og á morgun og munu um 30
fyrirtæki, sem vinna á sviði
sorphirðu og endurvinnslu,
kynna starfsemi sína þar.
Sýning verður á athafna-
svæði fyrirtækisins og verður
sýnt á 10 þúsund fermetra
fleti, bæði innan dyra og utan.
Inni í fyrirtækinu verður sér-
stakur barnakrókur, þar sem
börn geta föndrað úr úrgangs-
efnum, t.d. endurunnið pappír.
Jódís Olafsdóttir, kennari, hef-
ur umsjón með barnakróknum.
í fréttatilkynningu frá Sorpu
kemur m.a. fram að þegar
Sopra hóf starfsemi fyrir nær
fimm árum hafi verið brotið
blað í málefnum sorphirðu og
endurvinnslu á íslandi. „í stað
þess að urða úrgang í fyllingar
upp af Gufunesfjöru hófust
sveitarfélög á höfuðborgar-
svæðinu handa um flokkun
hans með skipulögðum hætti.
Á þessum fáu árum hefur
náðst góður árangur, því nú
er um þriðjungur sorpsins end-
urunninn og allar líkur á að
það hlutfall muni hækka á
næstu árum.“
Sænskir kjúklingar komu í verslanir Bónuss í gær
Söguleg
stund hjá
Jóhannesi
„ÞETTA er söguleg stund,“
sagði Jóhannes Jónsson í Bón-
us, þegar hann fékk afhent hálft
tonn af frosnum, ósoðnum
kjúklingum frá Svíþjóð úr fry-
stigeymslu Samskipa í Holta-
görðum síðdegis í gær. „Ráð-
herra samþykkti innflutninginn
á tíunda tímanum í morgun
(gærmorgun). Ég er búinn að
standa í stöðugu streði í einn
og hálfan mánuð út af þessum
kjúklingum, sem fáir höfðu trú
á að kæmust nokkurn tíma á
borð neytenda."
í Bónus hafa fengist kjúkling-
ar frá Móum á 600-700 kr. kíló-
ið. Aðspurður um verð á sænsku
kjúklingunum sagði Jóhannes
að þeir yrðu seldir á 863 kr.
kílóið. Innkaupsverðið væri 175
kr., flutningskostnaður og
tryggingar 27 kr., GATT- tollur
499 kr., flutningskosnaður að
búð 6 kr. og álagning búðar 50
kr. Samtals geri þetta 757 kr.,
fyrir virðisauka, sem er 14%,
eða 106 kr., og þá væri útsölu-
verð komið í 863 kr. kg.
Ríkið fær 606 krónur
af hverju kg.
„Þetta er nú hagsældin í raun
á fslandi í kjölfar GATT-sam-
komulagsins. Ríkið fær 606 kr.
af hverju kílói í sinn hlut,“ sagði
Jóhannes, sem ætlar að láta eft-
irspurn ráða því hvort hann
tekur inn aðra sendingu af
sænskum kjúklingum eða öðr-
um útlenskum kjötafurðum.
„Framleiðsla sænska slátur-
hússins, sem ég á viðskipti við,
er mjög fjölbreytt, t.d. selja
þeir kjúklingasnitsel, bita og
leggi í alls konar raspi og
kryddi, ég hefði gaman af að
prófa hvort markaður sé fyrir
slíkt hér. Einnig hef ég mikinn
áhuga á að flytja inn kalkúna
og ef til vill fleiri kjöttegundir
síðar,“ sagði Jóhannes.