Morgunblaðið - 18.08.1996, Blaðsíða 14

14 B SUNNUDAGUR 18. ÁGÚST 1996
MORGUNBLAÐIÐ
Eólk
MBreska kvikmyndafyr-
irtækið Polygram hefur
hug á að kvikmynda
nokkrar myndir á næst-
unni sem þótt geta athygl-
isverðar. Ein er um gull-
aldarlið Manchester Un-
ited frá því á sjötta ára-
tugnum en hún kemur til
með að heita „The Busby
Babes“. Önnur er mynd
um Elísabetu I Englands-
drottningu og mynd með
Rowan Atkinson eða
Herra Bean. Hún kemur
til með að heita Dr. Bean.
MBreski leikhúsmaðurinn
Kenneth Branagh hefur
hug á að leika í tryllinum
„Provocation“ um spill-
ingu í kvikmyndaheimin-
um. Svo gæti farið að
hann leikstýrði myndinni
einnig.
MLeikstjóri dýrustu
myndar seinni tíma bíó-
myndasögu, Vatnaver-
aldar, heitir Kevin Reyn-
olds og hefur fengið nýtt
verkefni. Hann ætlar að
stjórna mynd sem heitir
„187“ og Qallar um kenn-
ara sem leiðist út í að
fremja morð eftir að götu-
klíka hefur ráðist á hann
í kennarastofunni.
MBreski leikstjórinn
Stephen Frears mun á
næstunni leikstýra amer-
ískum vestra fyrir Martin
Scorsese. Hann mun
heita „The High-Lo Co-
untry".
KVIKMYNDIR
Er aldrei of seint ab gera framhaldsmynd?
IBIO
ÞEIR Coenbræður Jo-
el og Ethan gera
frumlegustu bíómyndir í
Bandaríkjunum. Þær
liggja einhvers staðar á
mörkum listrænna
mynda og hefðbundinna
sölumynda en hefur ekki
vegnað sérlega vel í
miðasölunni á íslandi
fremur en annars staðar.
Það er eins og kald-
hæðnisleg en einkar
mannleg gamansemi
þeirra bræða nái ekki til
hins breiða hóps kvik-
myndahúsagesta auk
þess sem þeir hafa ekki
lagt sig eftir endurtekn-
ingum. „Raising Ariz-
ona“ er líklega vinsæl-
asta myndin þeirra.
Með nýjustu mynd-
inni, „Fargo“, er eins og
þeir hafí náð betur til
íslenskra áhorfenda en
oft áður. Alls hafa nú
um 5.000 manns séð
hana, sem hlýtur að telj-
ast gott á Coenmynd og
er henni spáð 7.000
áhorfendum. Ein skýr-
ingin á vinsældum henn-
ar gæti legið í hinu
glimrandi fína skandín-
avíska andrúmi sem þeir
skreyta myndina með og
er ómótstæðilegt.
Aftur til
framtíðar
EINHVER mesta og besta draslmynd síðustu áratuga er
framtíðartryllirinn Flóttinn frá New York eftir John Carpent-
er. Hún er frá árinu 1981 og núna, um síðustu helgi, fimmt-
án árum seinna, var framhaldsmyndin frumsýnd í Bandaríkj-
unum og heitir Flóttinn frá Los Angeles. Kurt Russell er
sem fyrr í aðalhlutverkinu og leikstjóri er John Carpenter
en hann var á hátindi ferils síns þegar fyrri myndin var
frumsýnd. Síðan hefur honum mjög farið aftur og spurning-
in er hvort honum tekst að rífa sig upp með því að hverfa
aftur til framtíðar. Myndin byijaði ágætlega í miðasölunni
og lenti í þriðja sæti, tók inn 9,2 milljónir dollara.
FLÓTTANN frá New York
skyldi enginn vanmeta;
hún er ein af þessum myndum
sem maður getur séð aftur
og aftur og ætti helst að taka-
^mm^mmmmm leigutaki
einu sinni á
ári. Bent
hefur verið
á að hún sé
fyrirrennari
mynda á
borð við
„Blade
Runner" og
Tortímandans og margt er til
í því. Framtíðarsýnin er ómót-
stæðilega myrk og öfgakennd
og drungaleg og einskonar
heimsendabragur yfir borg-
arlífinu; stjórnleysi og kaos
ræður ríkjum með tilheyrandi
eftir Arnald
Indriðoson
ofbeldi og klíkubardögum.
Myndin gerist árið 1997, þ.e.
eftir eitt ár, og New York er
eitt stórt fangelsi hvar
dreggjar samfélagsins búa en
þúsundir illmenna eru lokaðar
innan borgarveggjanna.
Flugvél forsetans hrapar oní
það helvíti á jörðu og ráða-
góður krimmi í líki Kurt Russ-
ells er fenginn til að bjarga
honum úr klóm skrílsins.
Harry Dean Stanton og Lee
Van Cleef voru á meðal þeirra
sem léku í myndinni og Don-
ald Pleacence, er lék forset-
ann.
I nýju myndinni eru auka-
hlutverkin komin í hendur
Bruce Dern og Steve Busc-
emi ásamt Valeria Golino,
Peter Fonda og Stacy Keach.
ENN á flótta; Russell í Flóttanum frá Los Angeles.
Hún gerist árið 2013 þegar
jarðskjálfti hefur riðið yfir
Los Angeles og gert borgina
að eyju í Kyrrahafi en Russ-
ell og Carpenter skrifa hand-
ritið saman og eru greinilega
ekki hræddir við að láta
ímyndunaraflið hlaupa með
sig í gönur. Dóttir forsetans
gerist einskonar Patty
Hearst og gengur í lið með
s-amerískum skæruliðum en
Russell gamli, eða Snake
Plissken, er fenginn til að
bjarga málum eina ferðina
enn. Þeir Russell og Carpent-
er ræddu það strax árið 1985
að efna til framhaldsmyndar
en handrit eftir óþekktan
höfund var meira drasl en
söguþráðurinn hér að ofan.
Eftir jarðskjálftana í Los
Angeles árið 1994 fékk
Russell aftur áhuga á fram-
haldinu og ráðist var í tökur.
Carpenter notaði jarð-
skjálftasvæðin í Los Angeles
sem tökustaði myndarinnar
og reisti leikmyndir sem
byggðar voru eftir fyrirmynd
eyðilegginga á jarðskjálfta-
svæðum í Kína og á Indlandi.
Carpenter var á hátindi
ferils síns þegar hann gerði
Flóttann frá New York. Árið
áður, eða 1980, gerði hann
hrollvekjuna Þokuna og árið
eftir kannski einn besta vís-
indatryili samtímans, „The
Thing“. Hann hefur löngum
dýrkað leikstjórann Howard
Hawks og gert myndir í anda
hans. „The Thing“ er endur-
gerð Hawksmyndar og ein
af fyrstu og bestu Carpenter-
myndunum er „Assault on
Precinct 13th“, n.k. endur-
gerð „Rio Bravo“ eftir
Hawks. Carpenter fannst
hann ekki hafa næg yfirráð
yfir myndum sínum þegar
hann vann fýrir stóru kvik-
myndaverin í Hollywood,
sagði skilið við þau og gerðist
óháður kvikmyndagerðar-
maður en það var eins og
hann hefði misst andagiftina.
Fjöldi vondra mynda fylgdi í
kjölfarið með einstaka minn-
isstæðum köflum en nú er lag
að ná aftur fyrri frægð.
Og ef Flóttinn II bregst
vonum manna er alltaf hægt
að snúa sér að annarri löngu
tímabærri framhaldsmynd,
„The Thing II“.
Sigurjón gerir mynd
með David Bowie
SIGURJÓN Sighvatsson er
einn af þremur framleið-
endum nýrrar bandarískrar
bíómyndar sem frumsýnd er
vestra um þessa helgi og heit-
ir „Basquait". Með aðalhlut-
verkin í henni fara David
Bowie, Gary Oldman, Dennis
Hopper og Jeffrey Wright,
sem fer með titilhlutverkið.
„Basquait" er ævisöguleg
mynd um listmálarann Jean
Michel Basquait og listalífið í
New York á níunda áratugn-
um. Leikstjóri er listmálarinn
Julian Schnabel, sem þekkir
vel til söguefnisins, en Basqua-
it lést aðeins 27 ára gamall
eftir að hafa tekið inn of stór-
an skammt af eiturlyfjum.
Bowie fer með hlutverk
Andy Warhol en Oldman mun
leika persónu byggða á
Schnabel sjálfum. Meðal ann-
arra leikara í myndinni má
nefna Courtney Love.
Þeir sem skrifaðir eru
framleiðendur myndarinnar
ásamt Siguijóni eru Jon Kilik
og Randy Ostrow.
LISTALÍFIÐ í New York; Wright, Bowie,
Oldman og Hopper í „Basquait“.
Gaman-
leikur
með Serr-
ault og
Aznavour
TVEIR af fremstu kvik-
myndaleikurum
Frakka af eldri kynslóðinni,
Michel Serrault og Charles
Aznavour, leika saman í
nýrri franskri mynd sem
heitir „Le comédien" eða
Gamanleikarinn. Leikstjóri
er Christian de Chalonge.
Serrault hefur einmitt
vakið sérstaka athygli fyrir
vandaðan leik sinn í nýrri
mynd Claude Saudet (Kalið
hjarta), sem heitir Nelly og
herra Arnaud, þar sem
hann leikur á móti Em-
manuelle Béart, mótleikara
Tom Cruise í Sendiförinni.
Gamanleikarinn hefst á
síðustu sýningu á leikriti,
sem sífellt er vísað í alla
myndina. Röð atburða,
LEIKRIT lífsins; Serrault
í „Le Comédien."
samfundir og skilnaðir er
eiga sér stað baksviðs virð-
ast á einhvem hátt tengjast
leikritinu og að endingu
kemur í ljós að það sem
áhorfandinn
orðið vitni að er
rauninni sjálft leik-
ritið.
Með önnur hlut-
verk fara Christ-
iane
og
Prévost ásamt
Nathalie Ser-
rault en Sac-
ha Guitry
gerir hand-
ritið.
10.000
höfðu séð
Skítseiðin“
ALLS höfðu tæplega 10.000 manns séð
Skítseiði jarðar í Regnboganum eftir
síðustu helgi.
Þá höfðu tæp 10.000 manns séð Apaspil,
4.500 Nú er það svart, 4.000 Á bóla-kaf og
3.300 Sannleikann um hunda og ketti.
Næstu myndir Regnbogans verða m.a.
„Striptease" með Demi Moore, „Courage
Under Fire“ með Denzel Washington og
Meg Ryan og „Chain Reaction“ með Keanu
Reeves og Morgan Freeman. Aðrar
myndir sem Regnboginn sýnir
eru „That Thing You Do“
með og eftir Tom Hanks og
The Great White Hype“
með Samuel L. Jackson.
Kvikmyndahátíð
Reykjavíkur verður hald-
in í Regnboganum að
líkindum dagana 24.
okt. til 3. nóv. og mun
kenna þar margra
grasa.
SÝND á næst-
unni; Washing-
ton í „Courage".