Morgunblaðið - 09.01.1997, Qupperneq 16

16 FIMMTUDAGUR 9. JANÚAR 1997
LANDIÐ
MORGUNBLAÐIÐ
Morgunblaðið/Guðlaugur Wíum
KRAKKARNIR á Olafsvík klæða sig upp og ganga í hvert hús
og sníkja í gogginn.
Mývatnssveit
• •
Séra Orn
hættir
á árinu
Mývatnssveit - Hér í Mývatnssveit
var hið fegursta veður um jól og
áramót, kyrrt og bjart en hvít jól.
Messað var í báðum kirkjum og var
kirkjusókn mjög góð. Sóknarprest-
urinn, séra Örn Friðriksson, prófast-
ur á Skútustöðum, tilkynnti að hann
léti af prestskap á árinu 1997.
Hinn árlegi jólafundur Ung-
mennafélagsins Mývetnings var
haldinn í Skjólbrekku milli jóla og
nýárs. Þar var einnig fjölmenn jóla-
trésskemmtun Kvenfélags Mývatns-
sveitar fyrir böm. Á gamlárskvöld
var myndarleg áramótabrenna á
Ytri-Höfða á vegum golfklúbbsins
og sást hún víða um sveitina.
Mikið var um flugeldaskot og blys
í blíðuveðri. Þá var dansleikur í Hót-
el Reynihlíð á nýársnótt. Óskandi er
að hið nýbyijaða ár verði öllum gjöf-
ult og gott bæði til lands og sjávar.
Börnin
„sníkja í
gogginn“
Ólafsvík - Lionsklúbbarnir í Ól-
afsvík hafa nokkur síðustu ár
staðið fyrir þrettándabrennu
ásamt tilheyrandi skrauti á
þrettándanum. Alfadrottning og
álfakóngur koma þar við sögu
ásamt Grýlu og Leppalúða. Farið
er með þessu fríða föruneyti um
bæinn, komið við á elliheimilinu
og sungið fyrir eldri borgara.
Sá siður hefur verið hér í Ól-
afsvík í a.m.k. 20 ár að börnin
klæða sig í alls konar gervi og
ganga í hús, banka upp og
„sníkja í gogginn". Þá gefa hús-
ráðendur krökkunum eitthvert
sælgæti í pokann sem þeir hafa
meðferðis. Það getur verið þó-
nokkuð sem safnast saman þeg-
ar gengið er í hvert hús. Að sögn
kunnugra virðist þessi siður
hvergi vera nema í Ólafsvík og
enginn hefur enn getað gefið
skýringu á af hverju þessi síður
er kominn á.
Mikið fjölmenni á þrettándahátíð á Selfossi
Morgunblaðið/Sig. Jóns.
JÓLASVEINAR báru kyndlana í blysförinni.
Jólasveinar
blysberar
Selfossi - Jólin voru kvödd á
Selfossi með blysför um bæinn,
veglegri þrettándabrennu,
álfasöngvum og tilkomumikilli
flugeldasýningu. Mannfjöldi
tók þátt í hátíðarhöldunum og
kom fólk víða að. Var það mál
manna að á þeim 20 árum sem
þrettándahátíðarhöldin hafa
farið fram með þessu sniði
hefði mannfjöldinn ekki verið
meiri.
í blysförinni um götur bæjar-
ins báru jólasveinar kyndla og
Grýla og Leppalúði sátu í kerru
sem fór fyrir göngunni. í kerr-
unni voru einnig harmónikku-
leikarar sem léku áramótalög.
Á eftir gengu álfakóngur og
drottning en þau stjórnuðu síð-
an kórsöng á íþróttavellinum.
Sigríður Jensdóttir, forseti
bæjarstjórnar, flutti ávarp í til-
efni af því að á þessu ári eru
liðin 50 ár frá því Selfoss varð
sjálfstætt sveitarfélag. Hún
lagði áherslu á það að grunn-
þátturinn í starfsemi bæjarfé-
lagsins væri þjónusta við bæj-
arbúa og nauðsynlegt að þeim
liði vel, þætti vænt um bæinn
sinn og Iétu sig varða það sem
gera þyrfti. Þá hvatti hún unga
fólkið til þess að standa á eigin
fótum og varaði við þeirri
miklu hættu sem ungu fólki
stafar af vímuefnum.
Sigríður gat þess í lokin að
50 ára afmælisins yrði minnst
með margvíslegum hætti á ár-
inu. I lok dagskrárinnar á
íþróttavellinum mynduðu log-
andi blys nafn Selfoss og töluna
50.
Morgunblaðið/Siguijón J. Sigurðsson
BIRGIR Valdimarsson, Halldór Pálmi Bjarkarson og Björn Helga-
son við síðustu holu brautarinnar. Það er Björn sem er að pútta.
Morgunblaðið/Hallgrímur Magnússon
FRÁ golfmótinu I Grundarfirði.
Vetrargolf
á Þingeyri og
í Grundarfirði
ísafirði og Grundarfírði. - Kylf-
ingar í golfklúbbum víða um land
hafa slegið hvíta boltann af kappi
að undanfömu. Jörð hefur verið auð
um stóran hluta landsins og áhuga-
menn um íþróttina gripið tækifærið
himinlifandi. Hjá Vestarr í Gmnd-
arfírði og Glámu á Þingeyri hafa
nú í janúarbyrjun verið haldin golf-
mót, sem fólki sunnar í álfunni
kæmi ekki til hugar í þeim kuldum
sem þar hafa ríkt að undanförnu.
Golf hjá Glámu á Þingeyri
Eitt fyrsta golfmót ársins var hald-
ið á golfvelli Golfklúbbs Glámu á
Þingeyri á laugardag. Um var að
ræða svonefnt Nýársmót og voru
keppendur sautján frá Þingeyri og
Isafirði.
Mjög óvanalegt er að golfarar
geti stundað íþrótt sína á þessum
árstíma enda hefur veðurfar jafnan
verið með öðrum hætti í janúar.
Golfarar eru því ánægðir um þessar
mundir en sömu sögxi er ekki að
segja af skíðaáhugamönnum sem
lítið sem ekkert hafa getað stundað
íþrótt sína í haust og það sem af
er þessu ári.
Birgir Karlsson, formaður móta-
nefndar Golfklúbbsins Glámu, sagði
í samtali við blaðið að tíðarfarið
undanfarið hefði verið mjög sér-
stakt og að menn myndu ekki eftir
að hafa getað spilað golf áður um
áramót.
„Við spiluðum 28. desember, ég
og þrír ísfirðingar, síðan fórum við
aftur á gamlársdag og þá var sér-
staklega gott að spila. Menn hér
muna ekki eftir öðru eins tíðarfari
og það má eiginlega segja það um
landið í heild. Ég held að þetta mót
okkar sé það fyrsta sem haldið er
hér á landi á þessu ári og við mun-
um reyna að spila eins lengi og
færi gefst. Við vonumst til að geta
spilað langt fram á skíðatímabilið,"
sagði Birgir í samtali við blaðið.
Golf í Suður Bár fyrr en
nokurn grunaði
Þegar kylfíngar í golfklúbbnum
Vestarr í Grundarfirði pökkuðu
kylfum sínum niður í september í
haust óraði engan fyrir því hve stutt
væri í næsta mót. Engum kom til
hugar að næsta mót yrði haldið í
byijun janúar á auðri jörð í blíð-
skaparveðri og sjö stiga hita.
Þetta var nú samt raunin því
þann 4. janúar 1997 var fyrsta
golfmót ársins haldið á velli klúbbs-
ins í Suður Bár. Mótið var fjölsótt,
15 keppendur mættu til leiks og
sigurvegarar voru Bengt Russel í
karlaflokki, Helga Soffíu Gunn-
arsdóttir í kvennaflokki og Eym-
ar Eyjólfsson í unglingaflokki.
Morgunblaðið/Eyjólfur M. Guðmundsson
Þrettándinn
í Vogum
Vogum - Fjöldi fólks tók þátt í
þrettándagleðinni í Vogum í blíð-
skaparveðri. Hófst hún með blys-
för frá samkomuhúsinu Glað-
heimum. Gengið var sem leið Iá
eftir Vogagerði og að álfabrennu
á Stóru-Vogatúni. Fremst fóru
álfakóngur og álfadrottning og á
eftir komu alls kyns furðuverur.
Við álfabrennuna var sungið
við undirleik harmoníku og stigu
sumir dans. Björgunarsveitin
Skyggnir sá um glæsilega flug-
eldasýningu sem lýsti upp himin-
inn og sprengignýrinn margfald-
aðist með bergmáli. Að lokinni
flugeldasýningu var safnast sam-
an í Glaðheimum þar sem jólin
voru dönsuð út. Þar voru valdir
athyglisverðustu búningar
kvöldsins og verðlaunað fyrir þá.
Flest félög í hreppnum standa
að þrettándagleðinni og skipta
með sér verkum, þannig sér til
dæmis björgunarsveitin um flug-
eldasýninguna, kirkjukórinn um
sönginn og Lionsmenn um brenn-
una.
96024
Intemetnámskeið
Tölvu- og verkfræöiþjónustan
Tölvuraðgjöf • námskeíð • útgáfa
Qrensásvegi 16 • ® 568 80 90