Morgunblaðið - 26.03.1997, Side 4

4 MIÐVIKUDAGUR 26. MARZ 1997
FRETTIR
MORGUNBLAÐIÐ
Alumax hefur enn áhuga á
að byggja álver á íslandi
Hætt við fjárfest-
ingar í Venezúela
ALUMAX, einn stærsti álframleið-
andi í Bandaríkjunum, hefur enn
áhuga á að byggja álver á íslandi
eftir því sem fram kemur í umfjöll-
un dagblaðsins Financial Times I
gær. í blaðinu kemur fram að Alu-
max hafi hætt við öll áform um
fjárfestingar í áliðnaði í Venezúela.
Breytingar
hjá Alumax
Tilefni greinar Financial Times
eru breytingar í æðstu stjórn Alu-
max, en nýlega lét George Stoe,
einn af framkvæmdastjórum fyrir-
tækisins, af störfum eftir 27 ára
starf. Pjallað er um þær breytingar
sem Allen Born, forstjóri Alumax,
hefur staðið fyrir á síðustu árum
og framtíðaruppbyggingu fyrir-
tækisins.
Fram kemur í greininni að Alu-
max hafi sýnt áhuga á að fjárfesta
í áliðnaði í Venezúela, en stjórn-
völd þar í landi hafa ákveðið að
einkavæða iðnaðinn. Alumax hafi
hins vegar lagt öll áform um fjár-
festingar í Venezuela á hilluna þeg-
ar ljóst varð að stjórnvöld myndu
ekki veita fjárfestum neina trygg-
ingu fyrir orkukostnaði í framtíð-
inni. Fyrirtækið sé hins vegar enn
að skoða byggingu á nýju álveri á
íslandi í samvinnu við fleiri aðila.
Alumax er eitt þriggja fyrir-
tækja I svokölluðum Atlantsálhóp
sem hafa verið í viðræðum við
Landsvirkjun og íslensk stjórnvöld
um byggingu álvers á Keilisnesi.
Viðræður var frestað fyrir nokkr-
um árum þegar álverð á heims-
markaði lækkaði mikið. Aðilar hafa
hins vegar ræðst við öðrum hveiju
síðan og síðast snemma á þessu ári.
Morgunblaðið/Sigurður Sigmundsson
FYRSTU starfsmenn ístaks komnir á virkjunarsvæðið. Hafsteinn Gunnarsson og Steindór Ólason
mæla fyrir stöðvarhúsinu.
Dómur vegna vangoldinna árgjalda í Lögmannafélaginu
Fyrstu starfsmenn ístaks
komnir á virkjunarsvæðið
Vildi ekki borga fyrir
„félagsmálapakka“
HÉRAÐSDÓMUR Reykjavíkur
hefur gert lögmanni að greiða
skuld við Lögmannaíélags íslands
vegna félagsgjalda fyrir árin 1993,
1994 og 1995. Lögmaðurinn sagði
að lögmenn ættu skylduaðild að
félaginu og lýsti sig fúsan að
greiða árgjöld vegna stjómsýslu-
starfsemi félagsins en kvaðst
hafna fjárkröfum félagsins varð-
andi „félagsmálapakka" þess, svo
sem rekstur sumarhúsa, brids-
klúbb, taflklúbb og jólatrés-
skemmtanir.
Árgjald félagsmanna í Lög-
mannafélaginu er 22 þúsund krón-
ur. Lögmaðurinn var skylduaðili
að félaginu frá 1962 og benti hann
m.a. á í málflutningi sínum að þar
sem um skylduaðild væri að ræða
væri ekki hægt að svipta hann
kosningarétti í félaginu þrátt fyrir
vangoldið árgjald. Þá væri hann
ósáttur við mikla starfsemi félags-
ins sem kæmi ekki beinum hags-
munum lögmanna við. Það væri
m.a. hlutverk félagsins að gæta
þess að lögmenn fengju þokkalega
þóknun fyrir störf sín. Dæmdur
málskostnaður fýrir flutt mál hefði
farið hríðlækkandi og margt benti
til að stjóm Lögmannafélagsins
væri meira og minna að eyðileggja
lögmannastéttina.
Orgel og fótbolti við fanga
Þá sagði lögmaðurinn meðal
annars að ef einhveijir menn í
Lögmannafélaginu vildu reka sum-
arhús, ganga í lögmannasamtök
erlendis, kaupa orgel, spila fótbolta
við fanga á Litla-Hrauni o.s.frv.
ættu þeir að borga það af fúsum
og fijálsum vilja úr eigin vasa, en
ekki með málsókn á grundvelli
skylduaðildar.
Dómarinn, Valtýr Sigurðsson,
sagði ljóst að skylduaðild legði þær
skyldur á stjórn félagsins að krefja
þá félagsmenn sem þess óski ekki
um önnur aðildargjöld en þau sem
þurfí til að sinna hinu lögboðna
hlutverki þess. Á það mætti fall-
ast, þegar ársskýrslur félagsins
væru skoðaðar, að vafí kynni að
leika á því að mörg þeirra verk-
efna, sem talin væru þar upp, féllu
að einhveiju leyti eða öllu þar und-
ir.
Engin mótmæli
Dómarinn sagði að félagið hefði
verið verið rekið I samræmi við
samþykktir þess og aðalfundar ár
hvert og ekki komið fram mót-
mæli gegn einstaka þáttum starf-
seminnar. Það væri fyrst í greinar-
gerð lögmannsins sem hann mót-
mælti greiðslu aðildargjalda af
þeim sökum að starfsemin væri
orðin of víðtæk. Þar féllist hann
þó einnig á skyldu til greiðslu fé-
lagsgjalda vegna stjórnsýsluþáttar
félagsins. Hann viðurkenndi því
aðild sína að hluta starfseminnar
og greiðsluskyldu vegna hennar
án þess þó að gera kröfu um lækk-
un árgjalds. Því bæri að hafna
kröfu hans um sýknu. Varakrafa
hans um að skuldajafnað yrði í
málinu með eignarhluta hans í fé-
lagsmálaeignum félagsins væri
vanreifuð og henni yrði því vísað
frá dómi.
Sýknudómur
staðfestur
HÆSTIRÉTTUR hefur staðfest
sýknudóm Héraðsdóms Reykjavíkur
yfír Landspítalanum í máli konu sem
slasaðist við það að reyna að stijúka
af móttökudeild áfengis- og vímu-
efnasjúklinga við geðdeild spítalans
árið 1989. Konan krafðist 12,7 millj-
óna króna skaðabóta vegna þess að
ekki hafi verið nægilega vel gengið
frá glugga á herbergi hennar og því
hafi henni tekist að komast út, en
við_ það slasaðist hún.
í dómnum segir að ekki séu efni
til að hnekkja því mati lækna að
konan hafi ekki verið í þörf fyrir
stöðuga gæslu. Járn í glugga á her-
bergi hennar hafí að vísu verið brot-
ið, þannig að hægt var að opna hann
um 16 sm í stað 7-8 sm, en ekki
hafí verið hægt að ætlast til að
starfsfólk gerði ráð fýrir því að hún
færi út um þetta þrönga gluggaop.
Hún hafi gert það af ásettu ráði.
Morgunblaðið/Jón Svavarsson
Harður árekstur á Sæbraut
HARÐUR árekstur varð við gatnamót Sæbrautar og Holtavegar um
klukkan 14.30 í gær, þegar vörubifreið og Land Rover-jeppi rákust
saman. Vörubifreiðin skall ennfremur á Ijósastaur og braut hann
niður við óhappið. Ökumaður og farþegi úr jeppanum voru fluttir
á slysadeild, en meiðsli þeirra eru talin vera minniháttar. Samkvæmt
upplýsingum frá lögreglunni í Reykjavík eru tildrög slyssins ekki
að fullu Ijós. Eins og sjá má á myndinni er jeppinn mikið skemmdur.
Mælt fyrir stöðvarhúsi
STARFSMENN ístaks hf. eru
að hefja undirbúning að greftri
fyrir stöðvarhúsi Sultartanga-
virkjunar. Fyrstu tveir starfs-
mennirnir komu á staðinn fyrir
helgi og vinna við sjálft verkið
á að hefjast strax eftir páska.
„Við komum beint úr Hval-
fjarðargöngunum. Það er miklu
hlýrra þar,“ sagði Steindór Óla-
son verkstjóri þegar blaðamað-
ur hitti hann og Hafstein Gunn-
arsson mælingamann þar sem
þeir voru að mæla fyrir stöðvar-
húsinu í kulda og skafrenningi.
Þeir eru fyrstu starfsmenn ís-
taks á svæðinu og voru komnir
þangað með eina ýtu auk mæli-
tækjanna.
Hafa 110 dagatil
að ljúka verkinu
Fram að páskum verður
unnið við að koma tækjum á
bygfpngarstað og selja upp
vinnubúðir. „Við höfum ekki
nema 110 daga til að klára
verkið og það þýðir ekki annað
en að drífa sig í það,“ sögðu
Hafsteinn og Steindór. Loftur
Árnason, yfirverkfræðingur
þjá ístaki, segir að 30-40
manns vinni verkið. Vonast
hann til að vinna við gröftinn
hefjist strax eftir páska, ef
verkföll setji ekki strik í
reikninginn.
Sultartangastöð verður í gili
sunnan undir Sandafelli,
nokkru fyrir ofan Búrfellsstöð.
Vatnið úr Sultartangalóni
verður leitt til stöðvarhússins
í 3,4 km löngum jarðgöngum
í gegn um Sandafell og frá
húsinu fellur það um 7 km
langan skurð sem grafinn
verður meðfram farvegi
Þjórsár niður að ísakoti fyrir
ofan Búrfellsstöð.
Framkvæmdir við skurð, göng
og byggingu stöðvarhúss hafa
verið boðnar út og verða
tilboðin opnuð í næsta mánuði.
í virkjuninni verða tvær 60
MWvélar og er fyrirhugað að
hefja framleiðslu haustið 1999.