Morgunblaðið - 01.06.1997, Side 40

40 SUNNUDAGUR 1. JÚNÍ 1997
MORGUNBLAÐIÐ
TIL BLAÐSINS
Kringlan 1103 Reykjavík • Sími 5691100 • Símbréf 569 1329
Dýraglens
Tommi og Jenni
1
Ljóska
Ferdinand
Reykj aví kur flug-
völlur á næstu öld
Frá Valdimar Kristinssyni:
SKÖMMU eftir hernám Breta á
íslandi vorið 1940 tóku þeir til við
flugvallargerð í Reykjavík. Fyrir
stríð voru til skipulagsdrög er
gerðu ráð fyrir flugvelli í Vatn-
smýrinni og þar var þegar kominn
grasvöllur fyrir smávélar. íslend-
ingar munu hafa bent Bretum á
þennan stað og hugsað gott til
glóðarinnar að fá bærilegan flug-
völl fyrir lítið. En ekki óraði heima-
menn fyrir því hvað úr þessu
myndi verða og reyndar ekki Bret-
ana heldur.
Fljótlega breiddi flugvöllurinn
úr sér þegar stríðið hélt áfram og
flugvélar stækkuðu. Mörg hús við
Hörpugötu í Skeijafirði voru flutt
upp í Laugarnes þegar A/V-braut-
in teygðist út að sjó, enda var
skipulagið meira og minna unnið
eftir hendinni því líf lá við eins og
á stóð.
íslendingar hafa nú rekið þenn-
an flugvöll í hálfa öld áfallalítið,
þótt stundum hafi munað litlu að
illa færi. Reykjavíkurflugvöllur
hefur verið umdeildur frá upphafi
og margir harmað að honum skyldi
ekki hafa verið valinn rýmri stað-
ur, þar sem íbúðarbyggð þrengdi
ekki að á alla vegu. Þetta hefur
átt sinn þátt í því að flugvallar-
svæðið hefur verið vanrækt og er
hið óhijálegasta og margar bygg-
ingar þar úr sér gengnar. Eftir
því sem árin hafa liðið og höfuð-
borgin verið snyrt og fegruð hefur
fluvallarsvæðið orðið eins og svöð-
usár nálægt kjarna byggðarinnar.
Margir hafa því viljað flugvöll-
inn burt og rennt hýru auga til
svæðisins til annarra nota. Bent
hefur verið á að Keflavíkurflug-
völlur gæti sem best tekið við
umferðinni á Reykjavíkurflugvelli
og að með tvöföldun Reykjanes-
brautar yrði það góður kostur. En
þá finnst mörgu landsbyggðarfólki
of langt í bæinn þegar það þarf
að sinna erindum í höfuðstaðnum.
Ennfremur yrði líklega erfitt að
stunda kennslu- og sportflug á
smávélum frá alþjóðlegum flug-
velli, en hringsól þessara véla yfir
íbúðarhverfum í Reykjvík og ná-
grenni þykir mörgum ekki forsvar-
anlegt heldur.
Nú er sagt að ástand Reykjavík-
urflugvallar sé orðið slíkt að ekki
verði við unað lengur og að brýna
nauðsyn beri til að endurleggja
brautimar. Mun því ætlunin að
festa flugvöllinn í sessi um 20 ára
skeið. Eftir reynslu síðustu 50 ára
að dæma mundi þetta tákna að
flugvöllurinn verður þarna
óbreyttur a.m.k. fram á miðja
næstu öld og líklega öldina alla.
Hér er því væntanlega verið að
taka ákvörðun til langrar framtíð-
ar.
Full ástæða er því til að staldra
við áður en bráðabirgðaskipulag
Bretanna er fest enn frekar í sessi.
Fyrst er að spyija hvernig eigi að
nota flugvöllinn í framtíðinni. Er
ekki sjálfsagt að miða hann ein-
göngu við innanlandsflug? Eru
ekki allar líkur á að því verði þjón-
að af minni flugvélum en undanf-
arin ár? Búast má við að Fokker-
vélarnar verði hér ekki lengi enn,
enda munu þær hafa verið fengn-
ar til landsins á leigukjörum og
verksmiðjurnar í Hollandi um það
bil að fara á höfuðið.
Minni vélar af nýjustu gerð
gera ekki kröfur til langra flug-
brauta. Það kemur sér vel því
stytta þarf N/S-brautina umtals-
vert vegna breyttrar legu Hring-
brautar á næstu árum, og ekki
mundu íbúar á utanverðu Kárs-
nesi harma þó brautin yrði einnig
stytt á átt til þeirra. Hina brautina
mætti lengja nokkuð út í Skeija-
fjörð og þá með það fyrir augum
að hún gæti tekið við meginhluta
umferðarinnar, þar sem brautar-
lengdin leyfði þá lendingar á meiri
hraða en ella og vindáttin skipti
þá ekki eins miklu máli. Þriðja
brautin, með stefnu á Miklatorg,
hefur þegar verið stytt verulega
og ætti að leggjast af með öllu.
Vissulega mundu jarðgöng und-
ir framlenginguna vegna byggðar-
innar í Skeijafirði kosta mikið, en
hjá þeirri framkvæmd verður ekki
komist ef verið er að festa flugvöll-
inn til langframa. Enda má það
ekki verða nema verulega dragi
úr flugi yfír Miðbæinn og Alþingjs-
húsið í Reykjavík, sem nú er að-
eins í eins kílómetra fjarlægð frá
brautarenda.
Verði þetta niðurstaðan þarf
flugstöðvarbygging að fylgja með
í framkvæmdaröðinni. Sagt er að
hún fari best norðan Nauthólsvík-
ur, en einnig er talað um að sam-
eina flugstöð og umferðarmiðstöð
í eina byggingu. Hvernig sem því
yrði fyrir komið, er fráleitt að
ætla að skera af áætlaða tengingu
flugvallarsvæðisins við Kringlu-
mýrarbraut sunnan Fossvogs-
kirkjugarðs í nafni náttúruvernd-
ar. I því samhengi hefði flugvöllur-
inn aldrei átt að vera þar sem
hann er og ekki veitir af að létta
á umferð um Bústaðaveg og gat-
namót Kringlumýrarbrautar og
Miklubrautar.
Auk þess mun Hlíðarfótur (gat-
an sunnan og vestan Öskjuhlíðar)
halda þeirri hugmynd vakandi, að
í framtíðinni yrði borað djúpt und-
ir Kópavogsbyggðinni og tengingu
náð við Breiðholtsbraut. Greið leið
að miðbænum og flugvellinum yrði
þá ekki einkamál „Vestur- og
Austurbæinga", heldur einnig
þeirra sem búa austan Elliðaáa
og sunnan Fossvogs.
VALDIMAR KRISTINSSON,
Reynimel 65, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.