Morgunblaðið - 08.04.1998, Blaðsíða 12

12 MIÐVIKUDAGUR 8. APRÍL 1998
FRETTIR
MORGUNBLAÐIÐ
Morgunblaðið/Rax
TALSMENN MH-inga á blaðamannafundi í gær. Frá vinstri: Björn
Grétar Stefánsson, Finnur Þór Birgisson, þjálfari keppnisliðs MH, og
Hjálmar Blöndal, forseti Nemendafélags MH.
Dómari Gettu betur ber af sér allar sakir
Utvarpsráð
svarar MH í dag
HJÁLMAR Blöndal, forseti Nem-
endafélags Menntaskólans við
Hamrahlíð, og Finnur Þór Birgisson,
þjálfari keppnisliðs MH í Gettu bet-
ur, spurningakeppni framhaldsskól-
anna, kynntu á blaðamannafundi í
gær athugasemdir þær sem MH-ing-
ar gera við framkvæmd keppninnar
og dómgæslu í úrslitum hennar en
nemendafélagið hefur formlega farið
þess á leit við útvarpsráð að MH
verði dæmdur sigur í keppninni og
til vara að úrslitaviðureigmn verði
endurtekin.
Dómarinn hallaði réttu máli
MH-ingar telja að dómari keppn-
innar, Gunnsteinn Olafsson, hafí
hallað réttu máli þegar hann dæmdi
MR sigur í keppninni og segja að ef
mið sé tekið af frammistöðu kepp-
enda hefði lið MH átt að sigra. Aftur
og aftur hafi Gunnsteinn gefíð liði
MH rangt fyrir rétt svör og liði MR
rétt fyrir röng svör.
í bréfi MH-inga til útvarpsráðs
eru rakin dæmi af dómum sem MH-
ingar telja ranga. Þar er sérstaklega
getið annairar bjölluspurningar um
aðila eða stofnanir sem hefðu haldið
um meginþræði þinghalds á þjóð-
veldisöld, fímmtu bjölluspumingar
sem snerist um hljómsveitina Kol-
rössu krókríðandi, tólftu bjöllu-
spurningar um íslenskan tvísöng og
þriðju vísbendingaspurningar um ís-
mann þann sem nú hefur verið eign-
aður Itölum.
í bréfinu er vísað til 15. gr. út-
varpslaga þar sem mælt sé fyrir um
að Ríkisútvarpið skuli gæta fyllstu
óhlutdrægni í frásögn, túlkun og
dagskrárgerð. „Útvarpsráði ber
skylda til að gæta þess að starfs-
menn stofnunarinnar virði þessa
reglu. Dómgæslan í úrslitum spurn-
ingakeppninnar „Gettu betur“ var á
engan hátt óhlutdræg. í úrskurðum
dómarans um vafaatriði keppninnar
var augljóslega dreginn taumur ann-
ars liðsins,“ segir m.a. í bréfinu.
Útvarpsráð svarar í dag
Bréf nemendafélags MH var lagt
fram á fundi útvarpsráðs í gærmorg-
un. Ráðið ákvað að biðja um greinar-
gerð frá dómara keppninnar og fól
formanni þess, Gunnlaugi Sævari
Gunnlaugssyni, og framkvæmda-
stjóra Sjónvarpsins, Bjarna Guð-
mundssyni, að afgreiða málið. Gunn-
laugur Sævar segir að þessi háttur
hafí verið hafður á vegna þess að út-
varpsáð hittist ekki aftur fyrr en að
hálfum mánuði liðnum og segist
hann vonast til þess að þeir Bjami
nái að afgreiða málið í dag.
Gunnsteinn Olafsson sagði í sam-
tali við Morgunblaðið síðdegis í gær
að hann hefði þegar skilað af sér
greinargerð þar sem allar stað-
reyndir málsins væru birtar. Hann
sagðist gera þar hreint fyrir sínum
dyrum og bera til baka allar ásakan-
h' MH-inga. Að öðru leyti vildi Gunn-
steinn ekki tjá sig efnislega um mál-
ið.
MR-ingar hafa ekki áhyggjur
MR-ingar áttu einnig fulltrúa á
blaðamannafundinum í gær. Þar var
m.a. þjálfari keppnisliðs MR-inga,
Kjartan Björgvinsson. Hann sagði
eftir fundinn m.a. að MR-ingar hefðu
vitað af honum og viljað vera á
staðnum til að koma sínum sjónar-
miðum á framfæri. Að honum lokn-
um væri augljóst að þeir þyrftu ekki
að hafa áhyggjur af neinu. Hægt
væri að hrekja allar þær athuga-
semdir sem MH-ingar gerðu við
dómgæsluna og þeir hefðu ekki gert
athugasemdir við framkvæmd, enda
væru þeir þar á hálum ís þar sem
þeir hefðu í einu tilfelli verið of fljótir
á sér á bjölluna.
Forvarnavefur opnaður á vefnum
Ahersla á lífl egt
og iákvætt viðmót
ÞORSTEINN Pálsson segir frá næstu skrefum stjórnvalda í baráttunni
gegn fíkniefnum.
VERKEFNISSTJÓRN íslands án
eiturlyfja hefur komið upp forvarn-
arvef á slóðinni www.islandaneitur-
ljrfja.is á netinu. Á forvarnarvefnum
verður á aðgengilegan hátt miðlað
upplýsingum um vímuefnavarnir til
ungs fólks og foreldra þess. Ketill
Magnússon, ritstjóri forvarnarvefj-
arins, segir að við uppsetningu vefj-
arins hafí verið lögð áhersla á líflegt
og jákvætt viðmót.
Á blaðamannafundi í tilefni af
opnun forvarnarvefjarins á netinu
minnti Þorsteinn Pálsson dóms-
málaráðherra á að ríkisstjórnin
hefði samþykkt sérstaka stefnu í
áfengis-, tóbaks- og vímuefnavörn-
um fyrir liðlega ári. Nú væri verið
að kynna á Alþingi tvær skýrslur
um hvað hefði verið gert í mála-
flokknum á árinu 1997. Annars veg-
ar væri um að ræða skýrslu sam-
starfsnefndar ráðuneyta vegna
framkvæmdar stefnu ríkisstjórnar-
innar í fíkniefna-, áfengis- og tó-
baksvörnum. Hins vegar væri um
að ræða skýrslu frá verkefnisstjórn
áætlunarinnar Island án eiturlyfja
og væri þar gerð grein fyrir starfi
verkefnisstjómarinnar á árinu 1997.
Að auki væri þar að finna drög að
framkvæmdaáætlun ársins 1998.
Þorsteinn sagði að báðar skýrsl-
urnar bæru með sér að á vegum rík-
isstjórnarinnar hefði ötullega verið
unnið að fíkniefna-, áfengis- og tó-
baksvörnum á árinu 1997. Sú vinna
hefði verið í samræmi við áður-
nefnda stefnumörkun ríkisstjórnar-
innar frá því í árslok 1996. Mörgu af
því sem ákveðið hefði verið að vinna
að hefði þegar verið hrint í fram-
kvæmd. Ánnað gengi hægar.
Hjá honum kom fram að á grund-
velli fyrirliggjandi upplýsinga hefði
ríkisstjórnin samþykkt frekari að-
gerðir á þessu sviði. Fyrst er að
telja að ríkisstjórnin hefur ákveðið
að verja 2 milljónum króna til rann-
sókna á sviði áfengis-, tóbaks- og
vímuefnavarna af ráðstöfunarfé
sínu á árinu. Annað er að yfirmenn
tollamála, lögreglumála og fulltrúi
utanríkisráðherra myndi vinnuhóp
til að skoða til hvaða aðgerða þurfí
að grípa til að loka fyrir ólöglegan
innflutning fíkniefna. Að lokum er
stefnt að því að áfengis- og vímu-
efnaráð taki til starfa 1. janúar árið
1999.
Vegna áætlunarinnar Island án
eiturlyfja hefur verið ákveðið að
beina þeim tilmælum til forvamar-
sjóðs að árlegt framlag ríkisins úr
forvarnarsjóði til áætlunarinnar
hækki í 4,5 milljónir kr. enda hækki
framlag Reykjavíkurborgar sam-
svarandi. Að Samband íslenskra
sveitarfélaga gerist aðili að áætlun-
inni ísland án eiturlyfja og tilnefni
fulltrúa í verkefnisstjórn áætlunar-
innar. Verkefnisstjórninni er ætlað
að hafa reglulegt samráð við þá að-
ila sem starfa að vímuvörnum. Að
síðustu er gert ráð fyrir að öll verk-
efni sem forvamarsjóðurinn styrki
verði tengd áætluninni Island án
eiturlyfja.
Hjörtu gegna
mikilvægu hlutverki
Dögg Pálsdóttir, formaður sam-
starfsnefndar ráðuneytanna, vakti
sérstaka athygli á könnun Þórólfs
Þórlindssonar prófessors og sam-
starfsmanna hans á vímuefnaneyslu
unglinga árið 1997. Könnunin hefði
sýnt fram á að tóbaksnotkun og eit-
urlyfjaneysla hefði færst í vöxt á
meðal unglinga. Niðurstöðurnar
kölluðu á samanburðarrannsóknir
enda þyrfti að fylgjast með þróun-
inni og afla vitneskju um til hvers
konar aðgerða væri vænlegast að
grípa. Dögg sagði að samanburðar-
könnun færi fram síðar í þessum
mánuði. Ekki væri víst að jákvæður
árangur skilaði sér strax. Hún sagði
eðlilegt að fylgst yrði með þróuninni
með árlegum könnunum.
Snjólaug Stefánsdóttir, verkefnis-
stjóri Islands án eiturlyfja, kynnti
forvamarvefinn. Vefurinn verður í
sífelldri mótun enda verður áhersla
lögð á að laga upplýsingarnar að
þörfum notenda og aðstæðum í
samfélaginu á hverjum tíma. Á
vefnum verða ýmsar staðreyndir
um skaðsemi eiturlyfja og tenging-
ar við innlendar og erlendar upplýs-
ingalindir.
Ketill Magnússon, ritstjóri for-
varnarvefjarins, segir að við upp-
setningu vefjarins hafí verið lögð
áhersla á líflegt og jákvætt viðmót.
„Hugmyndin að útlitinu er komin
frá auglýsingastofunni Hinu opin-
bera. Markmiðið er að skapa líflegt
og jákvætt viðmót. Hringir í gmnn-
inum eru áberandi og hjörtu gegna
mikilvægu hlutverki. Svipað útlit
hefur verið notað í annað efni og
fengið afar góðar viðtökur," sagði
Ketill og lagði áherslu á að jafn-
framt væri reynt að hafa efnið eins
aðgengilegt og hugsast gæti.
Að lokum kom fram að verkefnis-
stjórn Islands án eiturlyfja hefði
tekið upp samstarf við unglinga-
blaðið Smell um að miðla upplýsing-
um til unglinga um fíkniefnavarnir.
Hjá Elínu Jóhannsdóttur ritstjóra
kom fram að fræðsluefni um skað-
semi eiturlyfja yrði birt í blaðinu en
þar er jafnframt efni sem höfðar til
unglinga, t.d. um íþróttir, tónlist
o.fl.

ERU ÞEIR AÐ FÁ’ANN?
Mikill fiskur
í Þorleifslæk
GÓÐ veiði hefur verið í Þorleifslæk,
sem er neðri hluti þess vatnsfalls
sem þekkt er sem Varmá í Hvera-
gerði. Mest hefur veiðst af sjóbirt-
ingi, en lítið enn sem komið er af
bleikju sem oft er mikið af er líður
meira á vorið. Ingólfur Kolbeins-
son, verslunarstjóri í Vesturröst,
sagði sem dæmi um veiðiskapinn í
Þorleifslæk að á sunnudaginn hefðu
veiðst milli 25 og 30 fískar á fimm
stangir, langmest 2 til 5 punda birt-
ingar.
„Þetta veiddist allt á flugu, bleik-
ir Nobblerer númer 8 og kúluhaus-
ar á önglum númer 10 gáfu best,“
sagði Ingólfur. Hann sagði að
fyrstu dagana hefði verið mokveiði,
en síðan hefði dregið nokkuð úr
veiði. Samt hefði allan tímann gefíð
vel. Stærsti 'fiskurinn úr Þorleifs-
læk var skráður 6 pund.
Líf í Hróarslæk
Veiði er einnig hafin í Hróarslæk,
sem er skammt fyrir austan Hellu
og rennur í Ytri-Rangá. Þar hefur
að sögn Ingólfs verið nokkur veiði.
„Mig vantar reyndar nokkuð upp-
lýsingar úr Hróarslæk, en hef þó
heyrt að menn hafa verið að fá
nokkra físka, bæði sjóbirting og
BÚIÐ að landa björtum 4 pundara úr Ármótahyl í Geirlandsá.
bleikju. Birtingurinn þarna er
vænn, en bleikjan eitthvað smærri.
Þá hef ég heyrt að menn séu
byrjaðir að renna í Brúará og
Laugarvatn. Þeir sem ég hef talað
við hafa ekki viljað gefa mikið út á
veiðina en ég þekki þá og veit að
þeir hafa verið að fá ‘ann. I Laugar-
vatni eru menn að fá væna bleikju
beint undan þorpinu þar sem heita
vatnið heldur opnu,“ sagði Ingólfur.
Meira af Soginu
Það hafa komið skot i bleikju-
veiðinni á svæði Árna Baldurssonar
í Soginu, en hann hefur Þrastar-
lundarsvæðið innan sinna vébanda.
Þar er sama væna bleikjan og ofar,
mest 2-3 pund og stöku fiskur
stærri.
Þá er kominn nýr valkostur í
Soginu. Að sögn Stefáns Á. Magn-
ússonar, stjói-narmanns hjá SVFR,
hafa stangaveiðifélögin í Reykjavík
og á Selfossi sameinast um að bjóða
upp á bleikjuveiði frá 15. apríl til
loka maí á Alviðrusvæðinu. Veiði-
hús laxveiðimannanna fylgir með í
pakkanum. Má nú heita að veiddur
sé silungur í Soginu öllu að Syðri
Brú undanskilinni enda er þar eng-
in bleikja.
--------------
Slys í
Bláfjöllum
rannsakað
VINNNUEFTIRLIT ríkisins hefur
tekið til rannsóknar slys manns sem
lenti undir snjótroðara og meiddist
við vinnu sína í Bláfjöllum í
fyrrakvöld.
Hann varð á milli beltis og brettis
og er talið að troðarinn hafi hrokkið
í gang. Samkvæmt upplýsingum frá
Sjúkrahúsi Reykjavíkur heilsast
manninum furðu vel, hann hafi
sloppið betur en á horfðist.
-----♦-♦-♦----
Vitni vantar
LÖGREGLAN í Reykjavík lýsir
eftir sjónarvottum að banaslysi sem
varð á mótum Háaleitisbrautar,
Safamýrar og Ármúla klukkan
13.30 á miðvikudag.
Ekið var á fótgangandi konu sem
lést skömmu síðar. Allir þeir, sem
upplýsingar kynnu að hafa um
slysið, eru beðnir um að hafa
samband við lögreglu.