Morgunblaðið - 25.07.1998, Blaðsíða 17

MORGUNBLAÐIÐ
LAUGARDAGUR 25. JÚLÍ 1998 1 7
ERLENT
Öngþveiti á mið-
hluta Manhattan
Rannsókn í Bretlandi á meðferð alvarlegra brunasára
Hefðbundin meðferð
sögð vera varasöm?
London. The Daily Telegraph, Reuters.
HEFÐBUNDIN meðferð alvar-
legra brunasára á fullorðnum og
börnum kann að hafa valdið dauða
mörg þúsund sjúklinga í Bretlandi,
að því er segir í nýrri skýrslu.
Læknar, sem rannsakað hafa notk-
un á albúmín-prótíni, vilja að hætt
verði að meðhöndla sjúklinga með
því, nema þá sem taki þátt í vel skil-
greinum rannsóknarverkefnum.
Þrjátíu tilraunir leiddu í ljós að
hættan á að sjúklingur sem með-
höndlaður var með lyfinu létist, var
sex prósentum meiri en ef hann var
ekki meðhöndlaður með því. Niður-
stöður rannsóknarinnar eru birtar í
British Medical Joumal, og nefnd
um öryggi læknismeðferða í Bret-
landi hefur kallað til hóp sérfræð-
inga til að kanna niðurstöðurnar í
smáatriðum, að sögn breska heil-
brigðisráðuneytisins. Notkun
albúmíns verði þó ekki hætt.
Um 100 þúsund sjúklingar eru
meðhöndlaðir með albúmíni árlega í
Bretlandi og hefur það verið notað
þar í yfir 50 ár. Það er einnig notað
hér á landi, eins og viðast hvar í
heiminum. Albúmín er gefið í æð
gegn alvarlegu prótíntapi af völdum
slysa og bruna. Samkvæmt rann-
sókn bresku læknanna getur það þó
valdið því að vatn safnist fyrir í vefj-
um, og ef slíkt gerist í lungum sé
sjúklingum hætt við köfriun.
Það var dr Ian Roberts, yfirmað-
ur bamaheilsugæslu við Bamaspít-
alann í London (Institute of Child
Health), sem veitti rannsókninni
forstöðu. Roberts er einnig meðlim-
ur í Cochrane-hópnum, alþjóðlegu
samstarfi lækna um mat á hefð-
bundnum og nýjum meðferðum.
„Ég myndi ekki vilja láta með-
höndla mig með albúmíni," sagði
Roberts. „Þetta er hefðbundin með-
ferð og niðurstöðurnar komu okkur
veralega á óvart.“
Roberts sagðist telja skynsam-
legt að í ljósi rannsóknanna yrði
notkun albúmíns endurskoðuð. Þó
bæri að túlka niðurstöður rann-
sóknanna með varúð vegna þess að
þær hefðu verið gerðar á tiltölulega
litlum hópi illa haldinna sjúklinga,
alls 1.419 talsins, og af þeim hefðu
aðeins fáir látist.
ALGERT öngþveiti hefur verið í
umferðinni á miðju Manhattan í
New York í kjölfar slyss á bygg-
ingarstað þar fyrr í vikunni. Er
fjölda gatna lokað, m.a. hluta
Broadway, svo Times Square.
Svæðið sem lokað er, er í kring-
um 42. stræti, á milli 5. og 8.
breiðgötu, en milljónir ferða-
mamia leggja leið sína þangað á
ári hverju. Ekki er ljóst hvenær
umferð á Manhattan kemst í eðli-
legt horf að nýju.
Á þriðjudag lést kona er lyfta,
byggingapallar og -kranar við há-
hýsi, sem í byggingu við 42. stræti
hrundu. Kraninn féll á hús við 44.
stræti og komast um 600 manns
ekki heim til sín þar sem ekki er
talið óhætt að hleypa fólki inn á
svæðið. Samkvæmt frétt The New
York Times fær fólk ekki að ná í
helstu nauðsynjar, en dæmi er um
að íbúarnir komist hvorki til að
sinna gæludýrm né ná í nauðsyn-
leg lyf. Þá er sagt frá manni sem
fór út að skokka skömmu áður en
slysið varð og stendur hann nú
uppi á íþróttagallanum og getur
ekki orðið sér úti um fé þar sem
hann er skilríkjalaus.
Umferð hefur verið takmörkuð
á stóru svæði að hluta til frá 40.
og að 48. stræti, og hefur það
skapað öngþveiti á götum í kring,
að sögn Halldóru Ingþórsdóttur,
sem starfar í borginni, skammt
frá byggingastaðnum. Segir hún
ástandið í borginni með ólíkind-
um, þar sem mannmergðin á þeim
götum sem ganga megi um, sé
engu lík. Þá komi ástandið niður
á ferðamönnum, þar sem verslan-
ir og leikús á Broadway séu lok-
uð, svo og þekktasta torg borgar-
innar, Times Square.
Vopnaeftirlit Sameinuðu þjóðanna
Irakar neita að
afhenda gögn
New York. Reuters.
I BRÝNU sló á milli vopnaeftir-
litsmanna Sameinuðu þjóðanna
(SÞ) og stjórnvalda í írak er hinir
fyrrnefndu sökuðu íraka um að
láta ekki nauðsynleg gögn af
hendi.
Að sögn Richards Butler, sem
fer fyrir eftirlitsmönnum SÞ, komu
írakar 18. júlí sl. í veg fyrir að eft-
irlitsnefndin fengi í hendur skjal
sem geymir upplýsingar um stað-
setningu hergagna sem notuð voru
í stríðinu gegn íran 1980-1988 og
geta hugsanlega geymt efna- eða
sýklavopn.
Butler segir upplýsingamar
nauðsynlegar til þess að staðreyna
hvort vopnin séu enn í írak.
Gripið var til þess ráðs að inn-
sigla skjalið þar til Butler fer til
fundar við Tareq Aziz, aðstoðarfor-
sætisráðherra íraks, 2. ágúst næst-
komandi.
Skjalið fannst við rannsókn í höf-
uðstöðvum Flughers íraks en
vopnaeftirlitsnefnd SÞ hefur getað
sinnt störfum sínum með eðlilegum
hætti frá því í febrúar að Kofi Ann-
an, framkvæmdastjóri SÞ, samdi
um aðgang að mikilvægum hernað-
aramnnvirkjum við Saddam
Hussein, forseta íraks.
Nýr utanríkismálatalsmaður ESB
Bildt talinn lík-
legur í embættið
CARL Bildt er talinn eiga góða
möguleika á að taka fyrstur við hinu
nýja embætti utanríkismálatals-
manns Evrópusambandsins (ESB),
sem ákveðið var að stofna með gild-
istöku Amsterdam-sáttmálans svo-
kallaða um næstu áramót. Frá þessu
greindi sænska blaðið Finans Tidn-
ingen í gær.
Á leiðtogafundinum í Amsterdam í
júní í fyrra var ákveðið, sem liður í
því að efla sameiginlegu utanrílds- og
öryggismálastefnuna, að koma á fót
embætti sérstaks talsmanns sam-
bandsins í utanríkismálum. Embættið
á að heyra undir ráðherraráðið og
virka sem eins konar framgerð ESB-
utanríkisráðuneytis. Innan þess á að
starfa sérhæfður hópur, sem hefur
það hlutverk að fylgjast náið með
gangi alþjóðamála, ekki sízt á jaðar-
svæðum Evrópu, í því skyni að geta
gefið út tímanlega viðvörun um að-
steðjandi vandamál sem ESB-ríkin
þurfa að bregðast við. Þannig á hinn
nýi „herra SUÖS“ að hjálpa til við að
tryggja að viðbrögð ESB við atburð-
um á borð við þá sem leiddu til borg-
arastríðsins í gömlu Júgóslavíu verði
samræmdari og áhrifameiri.
Gonzalez og Kohl nefndir
sem keppinautar Bildts
Samkvæmt heimildamönnum Fin-
ans Tidningen innan Evrópuþings-
ins, sem sagðir era hafa góða innsýn
í úrvalsferlið á þeim sem til greina
koma í embættið, á Bildt í höggi við
tvo aðra þekkta evrópska stjórn-
málamenn, Felipe Gonzalez, fyrrver-
andi forsætisráðherra Spánar, og
Helmut Kohl, sem vaxandi líkur
þykja orðnar á að missi kanzlarastól-
inn í Þýzkalandi í hendur Gerhards
Schröders eftir kosningarnar í lok
september nk.
„Orðstír Bildts innan ESB er
mjög góður. Ég myndi treysta mér
til að veðja góðri summu á að hann
yrði fyrir valinu, ef hann sjálfur kær-
ir sig um,“ sagði Per Gahrton, einn
sænsku fulltrúanna á Evrópuþing-
inu.
Vangaveltur um að Bildt muni aft-
ur yfírgefa Svíþjóð ef jafnaðarmenn
hrósa sigri í komandi þingkosning-
um era ekki nýjar af nálinni. Ef
marka má skoðanakannanir stendur
flokkui- Bildts, hægriflokkurinn,
nokkuð vel að vígi eins og er, en óvíst
hvort hann geti myndað ríkisstjórn.
Margir trúa því að þá hyggi Bildt á
að halda áfram frama á alþjóðavett-
vangi, en hann var um hríð æðsti er-
indreki ESB í Bosníu og Júgóslavíu.
Reuters
Flóð í Bangladesh
MIKIL flóð eru í Bangladesh
eins og oft vill verða í monsún-
rigningunum og ná þau að
þessu sinni til meira en 60%
landsins. Hefur herinn verið
kvaddur til hjálpar en meira en
90 manns hafa farist og um 10
milljónir manna þjást af skorti á
drykkjarhæfu vatni og matvæl-
um. Myndin er frá einu úthverf-
anna í Dhaka, höfuðborg lands-
ins.
Clinton var
einn með
Lewinsky
HAFT er eftir ónefndum, banda-
rískum embættismanni, að einn
leyniþjónustumannanna, sem óháði
saksóknarinn Kenneth Starr hefur
kallað til yfirheyrslu, hafi skýrt frá
því, að hann og aðstoðarmaður Bill
Clintons, forseta Bandaríkjanna,
hafi séð Clinton og Monicu Lewin-
sky ein í herbergi rétt við skrifstofu
forsetans. Þau hafi þó ekki aðhafst
neitt ósiðlegt.
Vegna þessa framburðar kallaði
Starr fyrir réttinn í fyrradag
Harold Ickes en hann var starfs-
mannastjóri Clintons á umræddum
tíma. Er einnig búist við, að fleiri
aðstoðarmanna Clintons verði kall-
aðir fyrir en Starr vill komast að því
hvort Clinton hafi svarið rangan eið
er hann neitaði að hafa haft kyn-
ferðislegt samband við Lewinsky.
BLIKKSMIÐJA GYLFA ehf.
Bíldshöfða 18 ♦ 112 Reykjavík ♦ Sími 5674222
Gott verð
20%
afsláttur
10 ára ábyrgð.
Öll blikk- og járnsmíði
Þakkantar - þaktúður -
þakstál - loftræstingar.
Hágæða sænskt þakrennukerfi
úr plastisol húðuðu stáli.
Til í svörtu, hvítu,
rauðu og brúnu.
Mjög áferðarfallegt og
auðvelt í uppsetningu.