Morgunblaðið - 22.10.1998, Síða 31

MORGUNBLAÐIÐ
FIMMTUDAGUR 22. OKTÓBER 1998 31
Ummæli fyrrverandi fréttafulltrúa Bandaríkjaforseta um framferði forsetans vekja athygli
ERLENT
McCurry segir „heimsku
\egt“ framferði Clint-
ons afar „gremjulegt“
Boston, St. Paul. Reuters, Daily Telegraph.
MIKE McCuiry, fyrrverandi
fréttafulltrúi Hvíta hússins, varði í
fyrrakvöld ummæli sín, þess efnis
að Bill Clinton Bandaríkjaforseti
væri „afar hæfileikaríkur leiðtogi"
en að „heimskulegt framferði hans í
einkalífinu væri mjög gremjulegt“,
sem hann lét falla í umræðum að
lokinni framsögu er hann hélt í
Pittsburgh á mánudag.
Sagði hann við blaðamenn í
Boston á þriðjudag að vart gæti það
talist óeðlilegt að hann lýsti von-
brigðum sínum þegar maður, sem
hann hefði haft takmarkalausa trú
á, hagaði sér eins og Clinton gerði í
Lewinsky-málinu. Hefur McCurry
ekki áður fjallað svo frjálslega um
tíð sína í Hvíta húsinu.
Ummæli sem höfð voru eftir Col-
in Powell, fyrrverandi leiðtoga
bandaríska heraflans, á þriðjudag
vekja einnig athygli en hann sagði
að Clinton hefði „orðið sjálfum sér
og embætti sínu til skammar". Joe
Lockhart, arftaki McCurrys í emb-
ætti, vildi aðspurður ekki gera of
mikið úr ummælum Powells.
„Ég er frjáls“!
McCurry, lét fyrir skömmu af
embætti blaðafulltrúa Hvíta hússins
eftir þriggja ára störf og er nú á
fyrirlestraför um Bandaríkin eftir
að hafa eytt umtalsverðum tíma síð-
asta árið í að verja framferði Clint-
ons Bandaríkjaforseta í kvennamál-
um. Aðspurður hvernig tilfínning
það væri að hafa sagt skilið við
Hvíta húsið hoppaði McCurry af
kæti, baðaði út öngum og hrópaði
„loksins er ég frjáls“!
McCun-y segist muna eftir því að
hafa séð Monicu Lewinsky á ráfi.um
Hvíta húsið en að hann hefði enga
hugmynd haft um að hún ætti vin-
gott við forsetann. Segist McCurry
jafnframt hafa forðast að ræða
beint við Clinton um Lewinsky-mál-
ið eftir að það kom upp. Óttast
McCurry að Lewinsky-málið hafi
sett varanlegan blett á forsetatíð
Clintons og að nafn forsetans yrði
um alla framtíð tengt kynlífs-
hneykslinu í Hvíta húsinu.
Ekki er talið líklegt að Clinton sé
ýkja ánægður með ummæli blaða-
fulltrúa síns fyri-verandi en The
New York Times greindi frá því í
gær að leiðtogar bandaríska hersins
hefðu nú varað alla undirmenn sína
í hernum við því að láta falla gagn-
rýnisorð um forseta Bandaríkjanna,
og gætu hermenn átt refsingu í
vændum hlíti þeir ekki viðvörun-
inni.
Paula Jones reynir að fá
mál sitt tekið upp að nýju
Paula Jones fór í fyrradag fram á
það við áfrýjunardómstól að mál
hennar gegn Clinton yrði tekið upp
að nýju, en Jones hefur sakað Clint-
on um kynferðislega áreitni.
Hlýddu dómarar á vitnisburð og er
úrskurðar nú beðið.
Minni líkur virðast nú á því að
lögfræðingar þeirra Clintons og Jo-
nes nái samningum í málinu eftir að
Clinton hafnaði boði lögfræðinga
Jones um að málið yrði látið niður
falla léti forsetinn af hendi gi'eiðslu
upp á 2 milljónir Bandaríkjadala,
tæplega 140 milljóinir ísl. króna.
Vilja réttarhöld yfir
Pinochet í Bretlandi
London, Madrid. Reuters.
BRESKIR þingmenn hvöttu ríkis-
stjórnina til þess í gær að tryggja,
að Augusto Pinochet hershöfðingi
og íyrrverandi einræðisherra í Chile
yrði dreginn fyrir lög og dóm hvað
sem liði væntanlegri framsalskröfu
Spánverja. Líklegt er, að ýmis sam-
tök og einstaklingar höfði sérstakt
mál á hendur Pinochet en í Chile
hefur handtaka hans valdið miklum
skjálfta í stjórnmálum landsins.
Pinochet var handtekinn fyrir síð-
ustu helgi í London þar sem hann
hafði gengist undir uppskurð á baki
en Tony Blair, forsætisráðheira
Bretlands, leggur á það áherslu, að
það hafi ekki verið gert að undirlagi
ríkisstjómarinnar, heldur vegna
kröfu spænskra dómara. Mannrétt-
indanefnd breska þingsins, sem er
skipuð 150 mönnum úr öllum flokk-
um, vill hins vegar, að réttað verði
yfir Pinochet hvemig sem fer með
spænsku framsalskröfuna.
Spænska stjórnin ekki í veginum
Búist er við, að í næstu viku muni
fjölskipuð nefnd spænskra dómara
skera úr um hvort dómarinn
Baltasar Garzon hafi lagalega heim-
ild til að draga Pinochet fyrir rétt
en sumir efast um það og segja, að
Spænsk dómara-
nefnd sker úr
um réttmæti
framsalskröfu í
næstu viku
lögsaga hans nái ekki til glæpa, sem
framdir séu utanlands. Garzon vitn-
ar aftur á móti til spænskra laga,
sem heimila lögsókn vegna „glæpa
gegn mannkyni" hvar sem þeir eru
framdir.
Þótt spænska ríkisstjórnin sé
andvíg handtöku Pinochets ætlar
hún að styðja kröfu um framsal
verði niðurstaðan sú en það mun
skýrast í næstu viku eins og fyrr
segir.
Handtaka Pinochets hefur ekki
aðeins valdið pólitískri spennu í
Chile og á Spáni, heldur einnig í
Bretlandi. 31 þingmaður Verka-
mannaflokksins og frjálslyndra
demókrata hefur lagt fram ályktun
þar sem handtöku Pinoehets er
fagnað en 11 þingmenn íhaldsflokks-
ins og Sambandssinna á Norður-ír-
landi hafa lagt fram breytingartil-
Sækja Tale-
banar Bin Laden
til saka?
Washington. Reuters.
TALEBANAR, sem ráða ríkjum í
meginhluta Afganistans, eru, að
sögn sendifulltrúa þeirra í Banda-
ríkjunum, reiðubúnir til að leiða
Osama Bin Laden, sem grunaður er
um hryðjuverk, fyrir rétt í
Afganistan geti fulltrúar Banda-
ríkjastjómar lagt fram haldgóðar
sannanir fyrir aðild hans að hryðju-
verkum.
Bandaríkin hafa krafist þess af
stjórnvöldum í Afganistan að þau
framselji Bin Laden þannig að hægt
verði að sækja hann til saka fyrir
aðild að sprengjutilræðunum í
Kenýa og Tanzaníu í sumar. Sagði
Abdul Hakeem Mujahid hins vegar
í samtali við The Washington Post
að margir í Afganistan álitu Bin La-
den hetju fyrir frækilega fram-
göngu hans í stríðinu við Sovétríkin
á níunda áratugnum og að aukin-
heldur væru ekki í gildi samningar
milli Talebana og stjórnvalda ann-
arra landa um framsal.
Sagði Mujahid að fæstir Afgana
lögu við ályktunina þar sem breska
ríkisstjómin er hvött til að verða við
óskum stjómvalda í Chile og leyfa
Pinochet að snúa heim. Alyktanir af
þessu tagi eru raunar aldrei ræddar
á þingi og em í eðli sínu aðeins yfir-
lýsing um hug þingmanna.
Fellur stjórnin?
Hægriflokkarnir tveir í Chile
hafa lagt ágreiningsmál sín á hill-
una og sameinast í stuðningi við
ki’öfu hers og stjórnar um að Pin-
ochet verði látinn laus en leiðtogar
vinstriflokkanna hafa hvatt stjórn-
ina til að hafa engin afskipti af mál-
inu. Er mikil undiralda í chilískum
stjórnmálum vegna þessa máls ug
hugsanlegt, að það verði ríkisstjórn-
inni, samstjórn mið- og vinstri-
flokka, að falli.
f : / 1
ff .— '■ J
_________________ "
Reuters
STUÐNINGSMENN Pinochets mótmæltu handtöku hans úti fyrir
sendiráði Spánar í Santiago í Chile í fyrradag. Meðal þeirra var þessi
unga kona, sem sýndi hug sinn til herhöfðingjans með því að kyssa
mynd af honum.
tryðu því að Bin Laden hefði staðið
að baki hryðjuverkunum í Kenýa
og Tanzaníu en að Talebanar væru
samt sem áður alls ekki ánægðir
með veru Bins Ladens í Afganistan
og að hann væri í öruggri gæslu
þeirra. Gætu Bandaríkjamenn
sannað aðild hans að umræddum
hryðjuverkum myndu Talebanar
að sjálfsögðu leiða Bin Laden um-
svifalaust fyrir dómstóla í
Afganistan.
Fulltrúar Bandaríkjastjórnar
gerðu í gær lítið úr sáttatóninum
sem lesa má úr orðum Mujahids og
sögðust vilja að Talebanar létu
verkin tala. „Talebanar finna fyrir
þeim alþjóðlega þrýstingi sem fylgir
því að halda hlífiskildi yfir hryðju-
verkamanni. I viðleitni til að friða
Vesturveldin vilja þeir láta líta svo
út sem þeir séu sveigjanlegir. En
yfirstjórn Talebana er í reynd mikill
bandamaður Bins Ladens,“ sagði
ónefndur heimildarmaður The Was-
hington Post.
*$G£‘ 1 \ . :.
Reyknesingar
Við opnum kosningaskrifstofu fyrir Kristján Pálsson
alþingismann á morgun, föstudag, " kl. 17 í Hamraborg 5, Kópavogi.
m* ■ Súkkulaði og kleinur Allir velkomnir
> / 1 • | j ^ ' JT tf |j í jí I m gjt'v í|| PŒmMBbM j|.*j 1 1 [ | 1; iy.. ( VJ JM 1 I * | [ J Skrifstofurnar í Hamraborg 5, Kópavogi, og Hafnargötu 37a, Reykjanesbæ, verða opnar dag- lega frá kl. 17-21 virka daga og kl. 11-13 um helgar.
1 ' jjj’OiJsj urJ jjíjJí
| . í. ' ■ f. .1. , Kosningasímar: 4217202 og 5643492
Heimasíða: www.kristjan.is
[ ■ ; Stuðningsmenn