Morgunblaðið - 22.08.2000, Page 60

jJO ÞRIÐJUDAGUR 22. ÁGÚST 2000
MORGUNBLAÐIÐ
Grettir
Ljóska
Ferdinand
SMARTALECK REMARK5 PO
NOT BECOME YOU, MARCIE..
Mig langar aö taka af þér,
herra, í fískihúíunni þinni..
Við nefnum hana “Mesti
veiðimaður heims án stöðuvatns”
Háðsglósur hæfa þér ekki vel
Magga..
BREF
TIL BLAÐSINS
Kringlunni 1 103 Reykjavík • Sínii 569 1100 • Símbréf 569 1329
Eg átti einu sinni
fímm börn á lífi...
Anna Ringsted, sem erþátttakandi
íSTANZ-hópnum - baráttuhóp
gegn umferðarslysum, skrifar:
EG átti einu sinni fimm börn á lífi, en
á einu andartaki, einn fagran morgun
í maí fyrir fjórum árum fækkaði í
hópnum mínum um einn, vegna þess
að tæplega 18 ára sonur minn fór
ekki eftir settum reglum, hann notaði
ekki belti, kannski ók hann of hratt,
kannski var hann að hækka í græjun-
um sínum, hann var ósofinn, en hann
var á leiðinni HEIM, átti bara ófarna
nokkra metra, en þá...
Ég ætla ekki að tíunda alla þá reiði,
allan þann sársauka, öll þau tár, allar
þær andvökunætur, allar þær martr-
aðir, allan þann ótta, allt tilgan-
gsleysið, alla þá uppgjöf og margt
margt fleira sem tilfinningaskalinn
býður manni uppá, en ég ætla að
leyfa þér, lesandi kær, að nota ím-
yndunaraflið!
Ekki þarf að hafa mörg orð um öll
þau skelfilegu umferðarslys sem á
okkur hafa dunið undanfarna daga,
en ég bara spyr í reiði minni, hvað er
eiginlega að gerast? Hvað eigum við
að horfa upp á mörg ungmenni láta
lífið í umferðinni eða örkumlast? Eig-
um við að segja svona 20-30 á ári og
friða okkur svo, með því að segja, að
þetta sé nú bara náttúrulögmál?!
Ég vil það ekki. Ég vil, nei, ég
krefst þess að eitthvað sé gert. Ég
horfi á dómsmálaráðherrann afhjúpa
bílflak og ég spyr: Hvaða hugmynda-
fræði er hér á bak við? Heldur hefði
ég viljað sjá ungt fólk framkvæma
þessa athöfn, því með allri virðingu
fyrir dómsmálaráðherra þá efast ég
um að hann (ráðherrann) nái eyrum
og augum þeirra sem virkilega þurfa
á því að halda, þ.e. ungt fólk. Hér
vantar góða og öfluga jafningja-
fræðslu!
Ég hef áður nefnt það í hugrenn-
ingum mínum að ég vilji sjá hækkað-
an ökuleyfisaldur, lágmark 18 ára, ég
hef líka átt mér þann draum að öku-
menn séu hiklaust sviptir öku-
skírteini á staðnum af minnsta tilefni,
ég hefi einnig nefnt það að hér vanti
sárlega staði undir æfingarakstur og
mér er lífsins ómögulegt að skilja af
hverju ekkert gerist í þeim efnum,
nema að svo litlu leyti að það tekur
þvi ekki að nefna það. Erum við orðin
svona fátæk á landssvæði eða er
kannski ekki til fjámagn? En það
samræmis ekki því sem ég heyri frá
þeim herrum við Austurvöll, þar er
sagt; aldrei árað betur, nægir pen-
ingar, bullandi góðæri!
En það sorglegasta við þetta góð-
æri og þetta ríkidæmi er að það nær
ekki út á vegina okkar, því þetta eru
jú vegimir mínir og ykkar og pening-
amir mínir og ykkar.
Ég krefst þess að mínir umbjóð-
endur, mínir alþingismenn, forgangs-
raði peningunum mínum þannig að
ég og aðrir sem um íslenska vegi fara
séum ekki í stöðugum ótta vegna
ökumanna sem keyra á ógnarhraða,
sem taka framúr hvar sem er og hve-
nær sem er, sem keyra fullir o.s.frv.
Ég vil frekar strangari löggæslu
en t.d. flutning einhverrar stofnunar
milli bæjarfélaga, mér er alveg sama
hver kaupir Valhöll en mér er ekki
sama hvað verður um börnin mín og
barnaböm.
Ég vil miklu frekar fleiri lögreglu-
menn í mína sveit og aðrar en t.d.
lægra búvöruverð og ég vil að fólk
taki ofan fyrir lögreglunni í Húna-
vatnssýslum og hætti að hafa í flimt-
ingum þeirra gerðir, því þær hafa án
efa bjargað mörgum mannslífum.
Það er margsannað að þar sem góð
löggæsla er þar ganga hlutimir oft-
ast nær vel.
Enn og aftur mínir ágætu þing-
menn, leggið nú niður allt karp um
góða ræðu forseta okkar og sýnið að
ykkur er ekki sama um mig og aðra
þá sem um íslenska vegi fara og látið í
ykkur heyra, þið hljótið að hafa ein-
hverja skoðun á þessum málum, ver-
ið grimmir svo heimur heyri, það er
mín einasta ósk.
Til ykkar ungu ökumenn, látið
ykkur annt um vini ykkar og fjöl-
skyldu og látið í ykkur heyra, mót-
mælið dauðsföllum og örkumli í um-
ferðinni, ekki taka þátt í dauðans
hraða.
ANNA RINGSTED,
Eyj afj arðarsveit.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.
9?c’ðeÉ&\*Ll Brúðhjón
Allur borðbiinaður Glæsileg gjdfavara - Brúðhjdnalistar
VERSLUNIN
Limgavegi 52, s. 562 4244.