Árbók Hins íslenzka fornleifafélags - 06.01.1986, Blaðsíða 12

170
ÁRBÓK FORNLEIFAFÉLAGSINS
brunaviðvörun með sjálfvirkum boðum, en eftir er að setja vatnsvið-
vörunarkerfi, sem stefnt er að. — Listasafnið kostaði lagningu brunavið-
vörunarkerfis á efri hæð, sem það hefur til umráða.
Aðstaða safnbúðar batnaði mjög er gerð var verzlun þar sem aðal-
skrifstofa var áður, og skilaði breytingin góðurn árangri. Hjörleifur
Stefánsson hannaði innréttingar safnbúðar.
Breytingar voru næsta litlar í sýningarsölum, enda stefnt að því að
geyma stórbreytingar þar til farið verður í umskipan gervalls sýningar-
húsnæðisins. Þó voru settar upp þær leifar, sem til eru af Dómkirkju-
orgelinu gamla frá 1840 og sagði frá í skýrslu síðasta árs, svo og af
harmoníinu úr Dómkirkjunni frá 1894, sem þeir Forsætisbræður, Ketill
og Ólafur Sigurjónssynir, settu saman, en þó er aðeins til af því ytra
byrðið, en allt verkið vantar. Samt hlýtur það að teljast allmerkur
gripur.
Vegna fyrirhugaðra breytinga á húsrými safnsins þegar Listasafnið
flytur, sem búizt er við að verði um mitt ár 1987, voru ráðnir tveir arki-
tektar til að sjá um þann þátt, Hjörleifur Stefánsson og Baldur Baldurs-
son, sem sérlærður er í hönnun safna, en ljóst er, að fyrst verður að gera
ytra byrði hússins og hitakerfi vel í stand áður en hægt verður að hefjast
handa um uppsetningu. En nefndir safnmanna eru farnar að hugsa fyrir
innri gerð og sýningum í framtíðinni.
Þrjár heimsóknir erlendra stórmenna voru á árinu, stórhertogahjónin
af Lúxemborg komu í safnið 11. júní, er þau voru í opinberri heimsókn
hér á landi. Margrét Danadrottning kom í safnið 7. júlí, er hún dvaldist
hér í einkaheimsókn og frú Raisa Gorbacheva, eiginkona Gorbachevs
aðalritara sovézka kommúnistaflokksins, kom í safnið 11. október í
sambandi við leiðtogafundinn, sem þá var haldinn hér, og færði safninu
að gjöf sýnishorn sovézkra minjagripa. — Fjölmennt föruneyti fylgdi
þessum gestum.
Safnauki
133 færslur voru í aðfangabók safnsins á árinu og eins og ævinlega
áður eru oft margir hlutir í sömu færslu, og á það ekki sízt við um
myndir. Segir þessi fjöldi því engan veginn alla söguna um safnaukann.
- Helztu gripir, sem safninu bárust voru þessir:
Ursmíðarennibekkur og ýmis verkfæri til úrsmíðafn eigu Jóhannesar
Sveinssonar úrsmiðs á Eyrarbakka og Seyðisfirði, gef. Haraldur Hreins-
son. — Ýmis fatnaðnr úr eigu Ingibjargar Snorradóttur frá Laxfossi, gef.
erfingjar hennar. — Sex teskeiðar íslenzkar gamlar og fleiri hlutir, gef.
Rósa B. Blöndals og sr. Ingólfur Ástmarsson, Selfossi. — Manntafl,