Árbók Hins íslenzka fornleifafélags - 06.01.1986, Blaðsíða 19
SKÝRSLA UM PJÓÐM1NJASAFNIÐ 1986
177
Enn hélt áfram samvinna heilbrigðisráðuneytisins og deildarinnar um
upplýsingasöfnun á dvalarheimilum og unnu að þessu sjö rnanns í
nálega 12 mánuði alls á ýinsum dvalarheimilum á landinu.
Hallgerður var í undirbúningsnefnd 24. þings norrænna þjóðfræðinga
sem haldið var í Reykjavík 10.—16. ágúst. Voru þátttakendur um 60 alls
frá öllum Norðurlöndunum og voru flutt þar mörg erindi, farið í skoð-
unarferðir og í dagsferð austur að Gullfossi og Geysi að fundi loknum.
Fomleifadeild. - Meginrannsóknir fornleifadeildar voru í Þingnesi, þar
sem Guðmundur Ólafsson deildarstjóri stóð fyrir rannsókn 3.-31. júlí.
Kom þar í ljós í neðstu mannvistarlögum rúst, sem virtist vera af bæjar-
húsum fyrir tíð þingstaðarins, líklegast frá 9. öld og eldri en landnáms-
lagið svonefnda.
Þá var Guðmundur í Skálholti 18. júní-2. júlí og rannsakaði þar
stétt, þar sem traðirnar hafa sennilegast verið. — Má segja, að með þeim
könnunarrannsóknum, sem gerðar hafa verið síðustu árin, sé nú búið að
afmarka útlínur hins forna Skálholtsstaðar með allmikilli nákvæmni.
Skálholtsstaður kostaði þessa rannsókn.
Þá kannaði Guðmundur ýmsa aðra staði, þar sem framkvæmdir gáfu
tilefni til, svo sem við hin gömlu bæjarstæði Kópavogs og Digraness í
Kópavogi og kostaði Kópavogsbær þær rannsóknir. Þá fylgdist hann
með grunngreftri í Grjótagötu 7 í Reykjavík og að Hofsstöðum í
Garðabæ, þar sem sáust menjar um forna byggð, eins og áður hafa
komið í ljós.
Haldið var áfram rannsóknum að Stóru-Borg, níunda sumarið í röð,
undir stjórn Mjallar Snæsdóttur, en að auki vann hún að úrvinnslu
gagna þaðan í Þjóðminjasafninu meginhluta ársins fyrir styrk úr Vís-
indasjóði.
Þjóðminjavörður og Guðmundur Ólafsson fóru könnunarferð að
Hraunþúfuklaustri og Ingimundarhóli í Víðidal 25. og 26. júní og síðan
fór þjóðminjavörður seinna um sumarið ásamt fleirum að Hraunþúfu-
klaustri og dvaldist þrjá daga við rannsóknir. Virðist ljóst, að þarna sé
íbúðarskáli, frekar lítill, frá fyrstu tíð byggðar í landinu, en ekki var
hann rannsakaður nema að hluta til. - Á Ingimundarhóli var gerð smá-
rannsókn og virðist um forna rúst að ræða, en ekki varð komizt fyrir
um nákvæman aldur hennar né gerð.
Margrét Hermannsdóttir fornlcifafræðingur og Bjarni Einarsson safn-
stjóri hófu rannsóknir á Gásum í Eyjafirði fyrir fé úr Þjóðhátíðarsjóði
og Vísindasjóði, en ekki komst rannsóknin nema lítillega af stað.
Vilhjálmur Vilhjálmsson fornleifafræðingur hélt áfram rannsókn á