Fréttablaðið - 05.10.2001, Blaðsíða 12

FRÉTTABLAÐIÐ
5. október 2001 FÖSTUDACUR
Japönsk
viðskiptaráðstefna!
Japönsk viðskiptaráðstefna verður haldin á
Hótel Loftleiðum, föstudaginn 5. október, og hefstkl. 14.00.
Hér gefst kjörið tækifæri fyrir þá aðila, sem stunda eða
hyggja á viðskipti við Japan, til að efla hagnýta þekkingu sína
og fá svör við mikilvægum spumingum.
Ráðstefnan er samstarfsverkefni Utanríkisráðuneytisins,
Viðskiptaþjónustu utanríkisráðuneytisins,
Sendiráðs Japans og JETRO (Japanska útflutningsráðsins).
DAGSKRÁ
Stjómarmyndun í Póllandi:
Miller kominn
með umboð
Ólöglegar veiðar:
400 þúsund
í dómssátt
sjávarútvecur Skipstjóri togarans
Þorsteins EA gekkst í gær undir
dómssátt eftir að hafa verið stað-
inn að ólöglegum veiðum á Hala-
miðum út af Vestfjörðum í gær-
morgun. Ekki var búið að gefa út
veiðileyfi fyrir þær veiðar sem
togarinn var á og var honum því
vísað til hafnar á ísafirði þar sem
málið var rannsakað, ákæra gefin
út og réttað í málinu. Skipstjórinn
gekkst undir að greiða 400.000
krónur í viðurlög fyrir brotið og
hélt togarinn aftur út til veiða að
því loknu. ■
varsjá. ap Aleksander Kwasniewski,
forseti Póllands, fól í gær Leszek
Miller að mynda ríkisstjórn. Flokk-
ur Millers, Lýðræðislega vinstri-
bandalagið, vann stórsigur í þing-
kosningunum í Póllandi þann 23.
september. Flokkurinn fékk 41% at-
kvæða, sem er þrisvar sinnum
meira en nokkur annar flokkur
hlaut úr kosningunum.
Lýðræðislega vinstribandalagið
skortir 15 þingsæti upp á að hafa
meirihluta á þingi, en á í viðræðum
við Bændaflokkinn um stjórnar-
samstarf. Óvíst er hvort flokkarnir
tveir myndi samsteypustjórn, því
samstarf þeirra á árunum 1993-97
gekk brösuglega, ekki síst vegna
ágreinings um Evrópusambandið.
Hvort af samstarfi verður ætti þó
að skýrast á morgun, laugardag.
Kwasniewski hefur kallað sam-
an þing þann 19. október næst-
komandi. Samkvæmt stjórnarskrá
landsins hefur Miller 14 daga
frest frá því þingið kemur saman
til þess að kynna ráðherralista
sinn. ■
14:00 Halldór Ásgrímsson, utanríkisráðherra, setur ráðstefnuna
14:10 Masao Kawai, sendiherra Japans á Islandi, flytur erindi
14:20 Koji Kuwahara, yfirráðgjafi JETRO (Japanska útflutningsráðsins)
flytur erindi og svarar fyrirspumum
15:00 Kaffihlé
15:15 Auðun Georg Ólafsson, markaðsstjórí Marelsfyrir Asíu, fjallar
um reynsluna af viðskiptum við Japani og svarar fyrirspumum
15:30 Kazuhiko Shimoyama, yfirmaður hjá Þróunarhanka Japans í
London, flytur erindi og svarar fyrirspumum
16:00 Yutaka Kawahara, yfirmaður JETRO skrifstofunnar í Osló
flytur erindi og svarar fyrirspumum
16:15-17:00 Einkaviðtöl. Sérfrœðingarnir svara sértœkum spurningum
og veita faglega ráðgjöf
Óskir um þátttöku og einkaviðtöl tilkynnist vinsamlega til
Amdísar Amardóttur hjá VUR í síma 560 9930
fyrir kl. 16.00 fimmtudaginn 4. okt.
Vinsamlega athugið að fjöldi þátttakenda er takmarkaður.
VUR
www.vur.is
Skattstofn margra fyrir-
tækja mun hækka
Áhrif afnáms verðbólgureikningsskila. Skuldug fyrirtæki fá lakari
reikningslega rekstrarafkomu. Bitnar illa á sjávarútvegsfyrirtækjum.
skattamál Árni Harðarson, yfirmað-
ur skatta- og lögfræðideildar
Deloitte & Touche, segir að fyrir-
tæki sem eru mjög skuldug fái lak-
ari rekstrarafkomu en ella við af-
nám verðbólgureikningsskilanna.
„Það má segja að um sé að ræða
þrjú meginákvæði í skattalögun-
um,“ segir Árni. „Fyrst ber að nefna
ákvæði um að tekjur eða gjöld,
...... vegna verðbreyt-
inga, séu færð, eftir
þvi hvort skuldir
eða eignir eru já-
kvæðar eða nei-
kvæðar.“ Með
þessu sé átt við að
fyrirtæki, sem eru
mjög skuldug fái
yfirleitt tekju-
færslu. Ef ákvæðið
verðbólgureikn-
ingsskil er afnumið,
Fyrirtæki sem
eru sterk
eignalega hafa
verið með frá-
drátt vegna
verðbreytinga-
færslunnar.
Þau fá því
betri rekstrar-
afkomu.
—
þá leiðir það til verri rekstraraf-
komu.“ Fyrirtæki sem eru sterk
eignalega hafa verið með frádrátt
vegna verðbreytingafærslunnar.
Þau fá því betri rekstrarafkomu.
„Við höfum tekið þetta saman. Sam-
kvæmt því sýnist okkur að það
verði eingöngu bankarnir sem fái
betri rekstrarafkomu við afnám
verðbólgureikningsskila," segir
Árni. „Sjávarútvegsfyrirtækin
koma mjög illa út, vegna þess að
þau hafa verið með tekjufærslu
vegna leiðréttingarinnar. Sú tekju-
færsla fellur nú út og gerir þeim
SJÁVARÚTVEGSFYRIRTÆKI
Munu koma illa út vegna afnám verðbólgureikningsskila. Rekstrarafkoma banka verður
betri.
ÁRNIHARÐAR-
SON
Skattstofn
hækkar hjá þeim
sem hafa fengið
tekjufærslu vegna
verðbreytinga.
ókleift að færa
verðbreytingará-
hrifin til tekna. Það
leiðir til þess að af-
koma þeirra verður
verri.“ Að sögn
Árna getur afnám
verðbólgureikn-
ingsskila einnig
leitt til þess að
skattstofn fyrir-
tækja hækki, því
stofnverð er ekki
uppreiknað. Sam-
hliða því verður
fyrning eigna
reiknuð af lægri
fjárhæð, þar sem að verð eigna er
ekki uppreiknað. „Margir telja að
hækka eigi fyriningarhlutfallið,
sem mótvægi við þetta, því lægri
fyrning þýðir raunverulega hærri
skattstofn," segir Árni. I-Iann segir
að öruggt sé að hjá mörgum fyrir-
tækjum muni skattstofninn hækka
vegna afnáms verðbólgureiknings-
skilanna, þótt skattaprósentan
lækki. Skattstofninn muni aðallega
hækka hjá þeim fyrirtækjum sem
hafa fengið tekjufærslu vegna verð-
breytinganna og hjá þeim fyrir-
tækjum sem eru með miklar eignir
sem þau hafa verið að fyrna.
arndis@frettabladid.is
Risabíó leyft í Spönginni
960 sæta kvikmyndahús Sambíóanna í Grafarvogi samþykkt í skipulags-
°g byggingarnefnd. Ibúar óttast ónæði af kvikmyndahúsinu.
skipulacsmál Nýtt 960 sæta kvik-
myndahús sem Sambíóin hyggjast
reisa í Spönginni í Grafarvogi hefur
verið samþykkt í skipulags- og
byggingarnefnd Reykjavíkur.
í byggingunni sem hýsa á nýja
kvikmyndahúsið er einnig gert ráð
fyrir veitingasölu og bankaútibúi og
hugsanlegt er að þar verði einnig
geisladiskaverslun. Möguleiki er á
að tveir veitingastaðir verði í hús-
inu, jafnvel með bílalúgu sam-
kvæmt hugmyndum hönnuðar húss-
ins, Teiknistofu Halldórs Guð-
mundssonar.
Sjálft húsið verður 3850 fermetr-
ar og þrjár hæðir. Kvikmyndasalir
verða fjórir með alls um 960 sætum
eins og áður segir.
Mótmæli vegna kvikmyndahúss-
ins bárust í einu bréfi frá 54 íbúum
í nágrenninu. Þeir töldu augljóst að
gert væri ráð fyrir allt of fáum bíla-
stæðum við húsið, en samkvæmt til-
lögu eiga þau að vera 170 talsins.
Það töldu íbúarnir alltof lítið fyrir
byggingu sem hýsir alla þá starf-
semi sem að framan er getið og ótt-
uðust að viðskiptainir fyrirtækj-
anna í húsinu muni leggja bílum sín-
um í bílastæðum íbúanna. Þeir
BÍÓLÓÐIN í SPÖNGINNI
l'búar við Dísarborg óttast að bílljós kvik-
myndahúsagesta muni lýsa upp svefnher-
bergisglugga þeirra fram yfir miðnætti.
bentu á að kvikmyndahúsið gæti
samnýtt bílastæði með nálægri
verslunarmiðstöð og hefur verið
tekið tillit til þeirrar ábendingar.
Þá óttuðust nágrannarnir að
börnum þeirra myndi stafa hætta af
stóraukinni umferð um svæðið og
annað ónæði af kvikmyndahúsinu:
„Hvergi annars staðar hér í borg
getum við fundið dæmi þess að inn-
keyrsla inn á 170 bíla bílastæði þar
sem gera má ráð fyrir umferð fram
yfir miðnætti sé staðsett örfáa
metra frá svefnherbergisgluggum.
Augljóst er að slík skipulagsmistök
myndu valda íbúum í Dísaborgum
og Álfaborgum miklu ónæði, bæði
vegna hávaða þegar kvikmyndahús-
ið tæmist og ekki síður vegna þess
að ökuljós hverrar einustu bifreiðar
sem út af þessu bílastæði ekur
munu lýsa beint inn um gluggana á
jarðhæð hússins að Dísaborgum 4,“
sögðu íbúarnir. Komið hefur verið
til móts við íbúana að því leyti að
innkeyrslan hefur verið færð til og
gönguleiðum yfir aðliggjandi um-
ferðargötu, Móagötu, hefur verið
fækkað í öryggisskyni. Hins vegar
er ekki sagt hægt að færa kvik-
myndahúsið austar og fjær byggð-
inni, eins og íbúarnir óskuðu, því
þar er frátekin lóð fyrir kirkju.
Málið nú verið sent til afgreiðslu
í borgarráði.
gar@frettabladid.is